至尊重慶雞煲 (堅拿道西) (Closed)

至尊重慶雞煲真係細細個就聽過呢個名，價錢好似冇變過咁滯，$158 只係一字頭就可以任飲，任食廿幾款野食，仲可以食兩個鐘仲有啲乜嘢可以要求？一入到去店員就帶我哋坐低，未開始食雞煲之前就梗係要行一個圈睇吓有啲乜嘢可以攞啦～門口位置就有好幾樣小食可以食：有魚蛋啦茶葉蛋豬血涼拌青瓜等等 之後隔離就係調味料區，佢嘅醬料選擇比我想像中多好多有沙嗲醬秘製雞雞醬，濃味人最愛！！ 之後返返黎，店員就問我哋雞煲要咩辣度，因為我哋唔係太食得落所以我哋就揀咗BB辣～～過咗一陣雞煲就上黎啦～嘩真係好香，好濃味之人最愛！雞件好有肉唔會好多碎骨 食晒啲雞之後， 跟住就落湯開始任食喇～～ 肉類有肥牛雞豬等等海鮮就有青口，脆鯇魚、蝦 、水魷八爪魚仔花膠等等 當中大推青口！食多幾轉就輕易回本呀丸類都有好多選擇，我哋主力食蟹子丸囉同埋芝士丸！另外佢仲有年糕！年糕超索味，嘩意外地好想狂encore!菇蔬菜冰豆腐粟米係每次打邊必備蔬菜～～～ 最後飲品選擇都好多，除咗各類汽水仲有多款啤酒，真係好啱男士去食另外仲有每人可以攞一杯雪糕架～

位於鵝頸橋附近樓上餐廳嘅雞煲，好多人食，除咗個雞煲其他都係任食，好抵。不過啲食物質素就麻麻地，果然平野無好野，除左啲肉感覺唔新鮮，放左好耐咁，同啲豬紅又有少少臭，其他都係一般，期望唔好太高。野飲都算幾多款式，都係任飲。

銅鑼灣多數嘅食物都比較偏貴，想飽肚、好食、價錢又抵嘅話，今次比我發現到一間，就係喺銅鑼灣時代廣場對面嘅依間至尊重慶雞煲，印象中以前都食過一次，今次再試下，估唔到都有意外嘅驚喜，真係超級抵食又好食，性價比勁高🤩👍🏻依度嘅地理位置都幾方便，行完時代廣場，過對面鵝頸橋就到，加上呢度嘅職員服務態度都唔錯😚最重要嘅係嘢食好抵食，一個價錢就有齊晒嘢飲、熟食、火鍋配料、甜品雪糕，全部都係任食㗎！首先一嚟到嘅係雞煲份量真係超多，兩個人食，就咁食雞煲已經好飽，而且雞煲肉質鮮嫩，仲落咗大阪醬等等嘅調味料，味道豐富😛我最推介嘅係依度嘅雪花肥牛👅依度嘅牛肉味道好濃郁，好有牛味，而且肉質好鮮嫩，咁嘅價錢食到咁高質嘅食物，真係幾抵㗎😋另外依度嘅海鮮都好正！特別係魷魚🦑魷魚超級彈牙，我連續叫咗三碟😆

夏天來了，除了需要冰涼飲品，仲要濃味辣嘢刺激胃口。今日去咗至尊重慶雞煲 ，兩個人有半隻雞，雞煲用上正宗重慶秘方炮製，麻辣醬汁均勻地沾滿每一件雞，相當惹味。食完唔夠仲可以加錢再食。食完雞煲可以加湯打邊爐，火鍋配料好多款，分肉類、海鮮類、丸類、蔬菜等等。肥牛叫咗幾次質素都okay，吸埋個湯底味正。水魷好彈牙；墨魚細細隻都新鮮；魚腐同炸枝竹都好味；芝士丸都有拉絲效果；鵝腸淥一淥就食得；任叫之餘，加單速度都好快，仲唔會漏單。飲品都係任飲，汽水、啤酒等等。最特別係甜品，因為有麻辣味雪糕，麻辣味係慢慢滲出來，不過又唔會太辣，而且同雪糕好夾，真係完全估唔到！環境都算寬敞，以平日一個人$158任食兩小時來講，真係抵食。

由中學畢業到出黎社會做野，食過既雞煲唔少，貴過到好多既都食過唔少，但最啱我口味既都係依間🦦已經一段時間無黎過，原來依家會有咁多醒胃菜供應😂甚至連依啲街頭小食都有！果然係啱返餐廳走平民路線呀。味道雖算不上係出色，但都不過不失，勝在有得揀又一個價錢包晒，仲想點🤤遁例都要自己去調返碗超級濃味既醬🙈雞煲終於上啦！ ！咁多年黎既味道都無點樣變過，一樣勁惹味，雞肉又入晒味，洋蔥更係煮得好淋，應該真係要煲佢至少幾個鐘先可以去到依個程度。叫野食點少得叫肥牛呢！我地兩個人都叫左5碟慢慢食🤣 已經抵返晒！最後飲品方面既選擇都好多，最重要有低糖coca cola嘛✨

至尊重慶雞煲 (堅拿道西) (銅鑼灣).🔹$158雞煲全包宴🔹.銅鑼灣想食雞煲原來係鵝頸橋附近有，任食同埋價錢唔貴喎😂 出面本身就有啲小食，我見到有茶葉蛋食左隻😛$158雞煲都算好入味，雞煲小辣，雞件啲肉都滑，另外跟佢個guideline會話加入牛柏葉同埋花膠食，店員每次都唔會落太多水廢事無味，果然佢個花膠好厚，仲幾彈牙，牛柏葉都好爽口另外配料上因為本身食雞煲已經好多肉，所以我哋完全冇望過亦都冇諗過要再叫肉，反而叫咗脆腩魚，娃娃菜，豬潤，粟米，芝士丸貢丸等，全部食材都係適當嘅份量唔會一次過來太多，然後我哋encore左牛柏葉同埋花膠呢啲爽口又入味嘅配料！飲品方便，啤酒有男朋友最鍾意飲嘅醇滑嘉士伯，汽水呢啲就唔少得啦，仲有支裝水等等，都算幾多選擇—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️.📌 至尊重慶雞煲 (堅拿道西) (銅鑼灣)銅鑼灣堅拿道西10號冠景樓2樓B舖（鵝頸橋底）

今日收工同朋友約咗食飯 所以就喺附近搵咗間放題嚟食。喺OpenRice search完之後，發現呢間雞煲嘅分店都執左好多（好慘🥺） 因為以前中學食覺得好好食😋所以今日都黎幫襯吓🥰 成人平日每位158（加一），然後每位+ $10就可以任食雞😚 我覺得放題黎講價錢算平🤔佢除咗雞煲，打邊爐同埋嘢飲之外，佢仲有少少小食。可以比你自己出黎整黎食 如果你到太肚餓都有少少小食墊住底先🥰飲品方面種類正常 唔會太多但足夠 另外仲有雪糕，但因為我哋兩個已經食到太飽所以就冇食到雪糕🤣雞煲都仍然係個隻味 唔會太辣（我哋叫咗小辣）有小小甜味 係甜辣味 所以入口都易啲😍 雞煲超香濃 而且啲雞都好嫩滑仲要一上枱就食得架啦😚 所以我地都忍唔住encore左🥰

銅鑼灣放工即興約食飯， 想輕輕鬆鬆唔太拘謹， 一於食雞煲， 揀了至尊重慶雞煲放題～ 非常抵食埋單分分鐘平過啲中高檔冰室～入到門口已經聞到好香嘅雞煲醬味～～一於來個小辣雞煲! 秘製雞煲醬嘅味道真係冇得頂， 味道濃郁也帶點麻辣，亦有沙嗲嘅香甜味， 愈食愈想食，一件接一件吃不停囗。😋😍二人半隻雞每人都有五，六件， 新做會員仲可以免費添加雞件， 啱曬雞煲控嘅朋友！凍櫃放滿各款汽水，仲有啤酒任飲， 今晚試了冬瓜茶 ＆ tonic water。餐廳仲提供餐前小食， 前菜。醃白蘿蔔片和手拍青瓜， 酸酸地夠爽脆，中和番濃尾味嘅雞煲。 其他熱食還有豬紅同魚蛋。手機下單， 方便快捷。美國肥牛🥢唔算好肥食得過呀～黑豚豬腩片🥢 五花腩肉質有彈性。午餐肉🥢厚切的， 也是火鍋不能缺。難得有豬潤 ，配雞煲都係錯。海鮮方面，有熟嘅蝦， 比較驚喜因為肉質都很鮮甜。花膠一般，淥了一段時間都比較韌。水魷魚唔錯， 放進雞煲嘅湯有點似沙爹魷魚好惹味。脆骨腩比較多骨。魚皮餃， 魚片頭味道正常。墨魚丸質感有點奇怪。炸魚皮放湯後都係有啲韌～🥗🥒 蔬菜方面， 今晚的白菜仔，油麥菜也夠嫩而且洗得乾淨。麵食方面， 點了日式烏冬。 不過味道

今日同朋友去完SOGO行街之後就去斜交個月堅拿道橋底的雞煲入口比較難抓因為是樓上舖對面是牛大人，一開始上的雞煲麻辣味很重加上洋蔥非常之嘢味，然後我們就可以掃描在訂單上的qr code,開始點餐其實東西也比我想像中多因為價錢實在不貴。最好吃的要算是他的脆脘魚骨了，呅落去很爽甜，如果將響鈴放入雞煲會吸左他中雞煲的味道又是一絕，另外他的午餐肉及丸類也很不錯，有時候數字有得飲生啤這個價錢真的物超所值，值得再去！！！！

不到重慶也能吃到重慶辣雞煲！！好吃又便宜！！如今疫情反反覆覆，一波又一波。如何可以不用返大陸享受14+7天的隔離！並且又可以吃到正宗的重慶辣雞煲呢？來得早不如來得巧~今日約朋友去銅鑼灣sogo,一時興起想吃雞煲。無意中打開手機搜索一番。发現不遠處位於銅鑼灣堅拿道西10號冠景樓2樓B鋪頭有一家名為<<至尊重慶雞煲>>。地鐵站走過去不到5分鐘，2小時任吃任飲，最便宜僅118！！還不加服務費，已開通掃碼下單快速便捷。服務員服務周到，小店幹凈整潔。雞煲辣味可以自選：蔥香撲鼻，雞肉鮮美嫩滑。吃完雞煲還可以打邊爐。美國肥牛，肥而不膩、黑豚腩片，質嫩爽口、滑雞片，入口鮮嫩。還有各種牛丸、龍蝦丸、蟹子丸、牛百葉、水魷魚等，飲料種類繁多。可謂是性價比很高的雞煲了~下次有機會一定帶朋友再來光顧~

店員先上個雞煲俾你 然後可以自取前菜小吃 其他打邊爐嘅配料都係採用手機掃barcode落單 啱哂大懶人 唔洗出出入入 坐定定有得食 雞煲醬汁好香甜叫小辣 完全唔會辣得滯 醬汁夠濃郁 雞件都多肉而且滑 唔錯 然後跟返佢枱面嘅建議 加咗水魷魚 花膠落去頭先煮雞煲嘅醬裡面 滾一下 真係好鬼惹味雞煲之外 打邊爐各款配料質素都okay 點牛豬羊 肉紋靚色水睇落好新鮮 食落都鮮甜嘅 而且款款配料都好快上到嚟無漏單無俾小無俾多嘅情況出現 加上佢價格咁多年不變 咁抵 之後梗係會再去喇

很耐都無同朋友一起食過重慶鷄煲la！係我地中學的回憶，記得以前班會活動成日都係會去食重慶鷄煲。估唔到再去餐廳都有不少改變，而且已經係掃描QR Code 電子落單。方便又環保。鷄煲依舊可以選擇辣度，雖然得兩個人食，但鷄煲的份量依然好足！點看都多個半隻鷄咁。鷄肉大大舊啖啖都係肉，鷄肉唔會太鞋，加上惹味的洋葱和鷄煲醬味道香濃。食完鷄煲仲可以加湯打邊爐，打邊爐的配料選擇都幾多，牛雞豬，海鮮，肉丸，菜和餃子等等樣樣都有！！出面仲有D小食自助bar，有青瓜木耳等等。飲料都係外面自取任飲。最後7點錢埋單價錢都次每人17X左右，幾抵食。

今日森仔去左銅鑼灣行街食飯。久違沒見的中學同學，大家決定食返之前已經有既至尊重慶雞煲😜😜e間雞煲，真係有反d歷史，開左應該有10年😂😂今次去懷緬一下之前既味道，同埋青春既感覺！158元2小時仼食仼飲餐廳🍴位於銅鑼灣，近時代廣場和街市附近。由地鐵行過去都不用五分鐘，方便便利！而環境則如一般放題火鍋店，座位有點擠。可是，位和位之間亦有1.5米距離，安全100分！至於食物方面，種類真係很多，分了：肉類，海鮮🦞，蔬菜🥬丸類和麵類。各有特色之餘，種類多多的😊🤭而雞煲會係首先直上，可以比你自由選擇辣度。今次朋友唔多食得辣，所以叫左bb辣。雞煲味道幾惹味濃郁，雞件亦都幾新鮮，味道一流👍🏻👍🏻👍🏻兩者配合後，森仔食到停唔到口。其後，加入上湯就可以直接火鍋🍲。如一開頭咁講，食物種類繁多🤣🤣我叫左好多試一試，如:美國肥牛，黑豚豬肉，豬肚，青口，花膠，凍豆腐，蟹籽丸，芝士丸等等。當中，森仔最愛嘅係青口和豬潤。因為此兩種食材除了不是間間火鍋店有提供外，同時兩者也非常新鮮。青口鮮甜爽口，吸了湯底味更加一流。而豬潤不但洗得乾淨，沒有腥臭味，同時爽口非常，正！整體而言，餐廳🍴性價比極高，大件兼抵食，而食材亦新鮮，不

員工服務態度差 尤其係那個身形比較豐滿的男侍應 呼喝食客 無視顧客飲品吸食品種類少 食品質素極差 全部餸放喺同一碟上地方狹窄 污糟 員工冇戴口罩雞煲完全沒有味道總括而言 唔使再幫襯呢間野

至尊重慶雞煲 好抵食嘅雞煲火鍋我哋兩個人去食，所以得半隻雞，如果再加嘅話就要另外加錢。有大中小BB辣揀，因為唔係好食得辣就揀咗小辣。外面有小食酸青瓜，酸蘿蔔同雞腳，覺得酸蘿蔔同青瓜幾開胃。外面有得自己拎罐裝飲品，都有少量茶汽水可樂。雞幾滑，份量都唔少，而且個醬汁好惹味！食完之後就可以加湯打邊爐。 其他食材可以scan QR code落單, 有唔同肉類，海鮮，丸，菜，配料同粉面。選擇上都幾多。肥牛以呢個價錢來講質素都唔錯。上菜速度幾快，性價比來講都幾高！六點左右到，嗰陣時仲未係好多人，但差唔多走嗰陣，成個場都滿晒。📍至尊重慶雞煲 (堅拿道西) (銅鑼灣)銅鑼灣堅拿道西10號冠景樓2樓B舖（鵝頸橋底）