至尊重慶雞煲 (創興廣場)

Open Now

Now Closed

相約朋友想食下雞煲，在商場下收到宣傳單，見優惠中去食，入場坐低叫了小辣雞煲，雖然比較辣，味道還可以，雞肉可惜太肥了，好多肥膏，食完之後，落湯打邊爐，叫了肥牛，豚肉同雞肉，肉質不算太好，脂肪比較多，其他丸及內臟都叫可以接受，唯一好味的是蔬菜類同飲品都叫多選擇。食完有本地雪糕甜品。本次體驗不太好

嚟到呢間至尊雞煲 價錢唔算貴性價比一般黎到就首先揀雞煲嘅辣度🌶由小至大辣嘅程度可以揀（入咗起計兩小時）坐低之後去咗調料嘅地方有蔥、辣椒、蒜蓉、豉油、XO醬等等，調料方面都算多（但係雞煲醬個調味本身都好濃味，所以基本上到到後期根本都唔需要點呢啲調味料，啲配料基本上都入味）雞煲一嚟到就好香，佢仲配埋一個火鍋嘅湯底喺隔離，事關本人覺得成個雞煲偏鹹所以即刻加咗啲湯底🤡配料方面有肥牛、滑雞件、豬肉片、鯇魚片、豬紅、牛柏葉、響鈴等等丸類有龍蝦丸、芝士腸、芝士丸，認真d選擇並唔多）配菜嗌咗啲娃娃菜、生菜、芽菜 叫正正常常啦雪糕方面反而有較多選擇，有唔同口味嘅雪糕：芒果、桃味、雲呢拿、朱古力、仲有抹茶味嘅雪米糍嘢飲選擇都多，普通汽水呀，茶類嘅都有。總結呢間雞煲 中中等等，選擇雖然唔夠其他多，但都夠食嘅👀

至尊重慶雞煲放題入冬⛄️開始有啲涼意，呢個係食雞煲邊爐嘅節奏喇！好耐冇出旺角食呢啲邊爐放題，今次就上去呢間CP值幾高嘅餐廳試下！雞煲可選辣度🌶近排太熱氣，所以叫咗bb辣就算😂雞煲嘅辣係川辣個種，係後勁帶點麻個種辣。雞件入味，份量適中，味道正常任食邊爐🫕配料有各款肉類，丸類，蔬菜🥬比較驚喜有花膠，豬皮，魷魚🦑，牛栢葉。呢幾款可以加埋落雞煲炒！🔥令到雞煲更加美味！食完雞煲就可以自己加湯打邊爐🍲配料係電子落單，個日都冇漏單，點單後大概10分鐘就送到。任飲Asahi Somersby 🍻呢間真係酒鬼必到😹有得任飲Asahi Somersby蘋果酒🍻兩款啤酒都放係出面，可以自己添飲。除咗呢兩款仲有嘉士伯，jolly sandy😂同埋各款紙包罐裝飲品自助吧除咗醬料之外，仲有幾款涼拌前菜，不過小編太飽就冇試喇最後仲有任食雪糕🍦有雀巢杯裝，coco berry，雪條等總括而言，小編認為150蚊左右可以食兩個鐘真係好抵😂假如你對食物質素冇好高嘅要求而且又中意飲下啤酒🍻想同朋友👫🏻👭平平地揾個地方落腳，呢到係個好選擇

想喺旺角食雞煲、打邊爐仍然有平靚正選擇～～今次黎到至尊重慶雞煲，聽聞性價比好高😍😍餐廳環境乾淨企理，食物選擇好多～～收費都只係$168/位(唔收加一)，就可以任飲任食2小時，都真係幾吸引🤩🤩-🥘2小時任飲任食雞煲火鍋放題 $168/位✨落單後店員會喺廚房拎一煲雞煲出黎煮～～份量大概半隻雞左右，望落都唔少！配料有辣椒、紫洋蔥、芫茜等😋😋秘製醬汁令到每一件雞肉都好惹味！雞肉肉質滑溜，唔錯👍🏻👍🏻食到咁上下就自己加湯打邊爐～～任食款式好多，有各種肉類、丸類、蔬菜、粉麵～～特別推薦款式有👇🏻👇🏻🐮美國肥牛：切得比較薄，脂肪少肉味濃，食多幾片都唔膩🐷豬頸肉：鮮嫩彈牙，索哂湯汁好好味🥠炸魚皮：好新鮮，咬落仲係嗦嗦聲🍄秀珍菇：洗得好乾淨，大大片好有口感最特別係有自家製水餃🥟，包括有洋蔥牛肉餃同韭菜豬肉餃～～私心推薦洋蔥牛肉餃，皮薄餡多！而且洋蔥碎香甜爽口，牛肉碎都醃得入味🤤🤤食飽就可以去雪糕櫃拎雪糕～～都好多選擇，基本上一定會搵到自己鍾意既口味😋😋一大班朋友黎食就啱哂🙆🏻‍♀️🙆🏻‍♀️

至尊重慶雞煲 (創興廣場) (旺角)。本身有其他分店，但見到好似剩低旺角分店。晚市收費係每位成人$168 任食兩小時，最後半小時會last order。午市優惠時段先每位$138 任食1.5小時。大約7:30已經八九成滿，建議早啲去就唔駛等位 。。一開始會先上咗雞煲先，雞煲可以揀辣度，我哋今日就叫咗小辣。我哋兩個人只係得半隻雞，雞煲裏面仲有啲洋蔥同芹菜。一開始食唔係好辣，但係越食就越辣🔥，但係好食嘅。啲雞煮咗陣都仲幾滑，而且有好多雞腿肉😋食得好滿足。食完雞煲之後就加湯打邊爐，打邊爐食物要時scan QR code落單。每款食物我哋都叫咗啲，肉類有牛豬雞羊，菜類有油麥菜、生菜、娃娃菜同白菜仔。基本嘅肉丸同腸仔都有，仲有豬紅、牛柏葉、鵝腸呢啲小食。牛肉同羊肉味道正常，因本身雞煲醬汁比較濃郁，冇額外點調味料都夠味。食咗個雞煲都有啲飽，叫咗第一輪嘢食之後都冇再叫其他 。除咗嘢食之外佢哋有幾多唔同款式嘅罐裝、支裝飲品同啤酒。有茶有果汁。甜品方面就有懷舊雪條、雪米糍同雪糕杯等等。可以任食雪米糍都幾爽。。📍旺角彌敦道593-601號創興廣場16樓

今次嚟到旺角呢間至尊重慶火鍋， 佢個雞煲真係好正宗， 將底配料都係重慶嘅正宗味道， 夠曬惹味又麻又香， 鍾意食辣嘅朋友就真係要嚟試下啦， 食完雞煲仲可以用埋個湯底去打邊爐， 一個醬料兩用真係好掂。雞煲上到嚟配料都幾多， 雞醃得都幾均勻， 每件雞都知滿曬辣汁， 醃得好入味， 洋蔥芫茜啲配料都昇華咗個雞煲， 而家嘅份量都幾足， 同埋件件都啖啖肉唔會淨係啲雞頭雞頸。到牛肉方面， 牛肥得嚟，肥膏分佈都幾均勻， 而且切得都算幾厚， 食落就好有口感， 仲有佢夠曬大件， 一啖食落去好有滿足感。配料方面， 都算幾多元化， 而且樣樣都好新鮮， 本人就最鍾意佢個響鈴， 因為夠曬脆同埋乾身。 魚皮都一樣， 唔會通曬風咁。

呢間雞㷛雖然啲火煱料唔算勁出色，不過勝在CP值夠高（$168/位），佢嘅雞㷛係好食嘅😋😋，夠香又夠惹味，d雞都好滑🤤🤤，最差係肥牛，紙咁薄仲好鞋😒😒其他火煱料就正正常常，但咁嘅價錢，淨係食個雞㷛都抵啦😅😅，而且有得任飲最開心，竟然有Asahi & Applecider生啤，仲有嘉士伯同JollySandy，其他正常無酒精嘅都有好多選擇，食完仲有雪糕做甜品😋😋所以呢個價位，絕對係月光族可以飲飽食醉嘅最好選擇🤣🤣

香港人一年四季都喜歡打邊爐🥘，近期天氣漸漸轉涼， 就更是瘋狂打邊爐的好時機🤩。 到至尊重慶雞煲食晚飯， 位於旺角彌敦道593-601號創興廣場16樓。 第一次來這裏打邊爐， 環境闊落舒適，雞煲火鍋放題$168 任飲任食兩小時。 先點一個小辣雞煲😋， 雞肉嫩滑又非常入味， 微辣就剛剛適合我✌🏻。 食完雞煲之後就放入花膠、水土魷和牛柏葉，三款都吸入雞煲的味道， 非常惹味我推介水土魷👍🏻！ 另外火鍋配料都有很多款式， 肥牛、羊肉片和豚肉， 三款我就比較喜歡羊肉片， 嫩滑好味。 丸類推介墨魚丸， 有粒粒墨魚口感彈牙。 最後到烏冬和油麥菜， 烏冬掛湯，辣辣地好開胃。 自助區有熟食、飲品 ( 啤酒任飲) 、醬料、雪糕和雪條， 喜歡吃玄米茶雪糕🍦， 不太甜茶味香濃。 親民雞煲火鍋， 平靚正之選🤩✌🏻。    

假日出街食飯，有個大食朋友就一定唔會諗到去打邊爐或者食放題，呢排發掘左一間重慶雞煲，性價比超高，仲可以做埋會員儲分～賣相超級吸引，有大辣、中辣、小辣同BB辣，怕辣嘅朋友可以照叫BB啦，食到咁上下拎走啲辣椒就可以啦！味道超入味，店舖推介可以放花膠、水魷魚、牛柏葉，之後再加湯打邊爐，呢個食法唔錯！加埋豬皮食超級入味好好食！肥牛、羊肉賣相都好好！佢會睇人數配給，但來食物夠快，唔好浪費就好！甜品也不錯～又有啤酒飲！冷氣夠凍，間隔也不錯，讚

天氣轉冷，吃火鍋雞煲最好不過，喺旺角好多選擇，今晚就去左至尊火鍋雞煲專門店！任飲任食雞煲、火鍋、放縱一下。旺角站直上，交通方便，佈置簡潔，地方闊落。大堂中間是肉類、海鮮、蔬菜、熟食、麵食、飲品、甜品等等我們點了一個小辣雞煲，雞肉嫩滑味道夠香，雞件可以無限加，第二次點了大辣，辣到噴火，好過癮！如果唔食辣可點其他湯底。飲品都有10幾款水餃都係新鮮手包。韭菜豬紅夠滑食物質素亦不錯，人均消費$200左右，很不錯吧！

旺角既創興廣場16/F 至尊雞煲，簡直是我多年之前讀書和同學朋友出黎食野聚會既地方，出名平靚正夠抵食！好耐無去了，回去懷免一番。價錢非常實惠沒有多加條款，名碼實價~時代既變遷，而家已經用手機掃 QR code落單，任飲任食岩哂我地呢 d大胃皇！先叫雞煲，仍然有以前既風味，香辣惹味！醬汁好得，雞件嫩滑又多肉，吸哂醬汁味，好得。肥牛片呢個價錢任食已經幾好，雖然薄薄，但勝在都有肉香！再叫丸類，魷魚等火鍋配料，都幾正都新鮮。食到飽飽仲有特別雪糕味道，幾新奇！平靚正性價比之選！

呢日黎到旺角食雞煲, 揀左食呢間至尊重慶雞煲, 呢間雞煲都真係食左十年都有, 但近年愈開愈多新式雞煲就少左過黎, 但佢水準同性價比仍然係咁高~ 呢個價錢已經有包左酒任飲, 當然仲有唔同既汽水同茶, 雞煲可以揀大/中/小辣,我就驚個雞煲愈煲愈辣, 所以都係食小辣就夠haha! 雞煲兩個人既份量都真係唔少, 食得我地勁過引, D 汁超惹味, 愈煲愈正! 食到咁上下我地就加湯開始打邊爐, 仲記得以前呢度都係用紙仔tick 要咩配料, 而家就變哂QR CODE 落單, 真係快捷又方便,又唔駛掂到枝筆~ 配料都有好多大路既選擇, 另外除左QR CODE落單叫野食,佢係出面水吧既位置都有一D 前菜同埋水餃可以拎! 呢個價錢食到咁多樣野, 食物質素又高, 真係令人非常之滿意!

夏天都可以打邊爐，最緊要擁有一部冷氣，就算天氣有幾熱都好只需要滿足對於暴飲暴食嘅慾望，咁就已經係一大滿足講雞煲相信老字號應該就係呢一間至尊重慶雞煲，睇一睇價錢亦都係絕對合理之選，不加思索之下當然要捧場一下。環境方面就五臟藏雖小麻雀俱全，涼快嘅環境加上四正嘅佈置，起碼唔會出現狹窄嘅情況。講返主角雞煲先，香濃嘅氣味再加上新鮮嘅芫荽咁就已經係一煲幾原始又正宗嘅味道，唔食得辣嘅話要小辣到冇咩所謂，食得辣嘅話當然要由中辣開始稍微挑戰一下。🍴味道方面呢當然就係熟悉嘅老味道，唯一一定要做嘅步驟就係嗌一六堆知足咁就成為咗有茶餐廳特色嘅枝竹雞煲，朔晒的汁嘅支竹絕對係過癮嘅感覺!!亦可以加水魷魚或者魚蛋呢一啲容易上味嘅嘢食。食完雞煲之後就係時候加湯打個邊爐，牛肉豬肉呢一啲主角不在話下啦每一塊都切到薄一薄，點一點自製嘅醬料尤其是雞醬，鮮味未又即刻提升，食得多自然就要飲得多，呢一度幾有啤酒又有汽水同場仲有鮮榨生啤，滿足晒打邊爐必有元素！去到林尾當然要食下甜品啦，作為食辣嘅店舖連雪糕都有神神秘秘絕對罕見嘅麻辣味雪糕，味道幾奇怪又正常，真係唔知點形容辦一場嚟到絕對係要試吓

早幾年就開始潮流興食雞煲，而先祖就係非至尊重慶雞煲莫屬啦！夜晚好多人食，座位寬闊，油煙又唔多，推介！！飲品嘅種類有好多除咗有汽水普通飲品仲有啤酒任飲我哋就叫左$168/每位，任飲任食，仲要係免加一，超抵！個雞煲係客人點餐之後先至煮，所以啲雞唔會煮得太耐而鞋口～加埋特製嘅雞煲辣醬就令到雞件更加惹味啦！我哋叫咗中辣😆😆一開始食覺得啱啱好之後越食越辣❤️好正呀 如果唔係好食得辣嘅朋友仔要注意啦食完啲雞之後就到打邊爐嘅環節～食淨左嘅雞煲將加水作為麻辣湯底，都好夠味㗎😋依家餐廳就好方便、好環保啦，全部都係用手機嘅QR code落單，大概五至10分鐘就會上齊菜啦～個人最鍾意就係食花膠，雖然每次都係一至兩塊咁上，但係個口感再加埋辣湯底簡直就係無敵😍

至尊重慶雞煲 我細細個就聽過呢個名 百幾蚊免加一有雞煲同任食邊爐真係幾抵食首先哩個雞煲 兩個人有半隻雞份量 揀左小辣 我地唔算食得好辣所以覺得岩岩好 雞煲醬汁非常惹味 第一輪d雞非常大件 大大啖肉 肉質幾嫩滑juicy🥰如果唔夠食仲可以每人加$10任食雞 我地加左一輪 叫左中辣覺得幾有料到 個底多左好多辣椒碎😳 但第二輪d雞好似冇咁滑 同埋斬唔斷 可能因為多左食客廚房比較忙(?🥲佢亦都推薦將豬皮 魷魚 花膠 枝竹等等倒埋落醬汁一齊煮 索曬汁好惹味好邪惡😈任食配料方面 牛肉軟熟唔多肥膏 質素ok出面夾既人手包韮菜餃幾足料飽滿其他都係d大路野冇乜特別去到7點幾 開始多左好多一班班年輕人 幾乎坐滿曬 覺得自己老了