至尊重慶雞煲 (創興廣場)

Open Now

Now Closed

去呢幢大廈除咗要去$12店買嘢外，就係黎呢度搵食，今晚同友人就去16樓食鷄煲只需$168 (仲要免加一)，就可以任飲任食二小時，出去鋸個扒仔都係咁上下價錢，但呢度係任食任飲喎，唔怪之得不停翻枱卡位佔大多數，罐裝汽水/茶類自己出去雪櫃拎，仲有日本啤酒同Somersby都係任斟，正喎!先上鷄煲，二人份係半隻鷄份量 (每位加$10可以任食)，辣度要咗BB辣，當滾起時，已經聞到香味配料有香甜紫洋蔥，芫茜再多D就仲好，鷄件被濃香惹味鷄煲醬包圍住，少少辣剛好惹人胃口餐紙有教可加花膠/水魷/牛柏業/豬皮三種食材搭上惹味鷄煲醬，索咗醬汁味道，果然係好夾，不禁黎多ROUND (反正係任叫任食......哈哈)食到咁上下就可以加湯打邊爐，火鍋食材係掃二維碼自己落單，都幾方便又環保支竹/豬肚/豬紅/冰豆腐/牛柏業/水魷好似大雜燴咁，唔同口感嘅食材共冶一煲打邊爐又點少得牛肉，呢度提供美國肥牛，加$48可以有半磅美國安格斯肥牛灼兩灼一轉色就食得，肉味幾出又唔韌，絶對收貨菇類/芋絲/豬潤/魚皮餃/牛丸都有叫，炸魚皮就空口食又得，浸湯3秒食又得..............得咗!見到有我最愛嘅紅薯粉，友人就要烏冬，多

放大假前同朋友去慶祝一下，就去咗呢間係旺角都開咗好多年嘅至尊雞煲！能夠屹立喺旺角咁多年一定有佢嘅原因，一個價錢可以食勻雞煲同打邊爐真係好抵！今次雞煲要咗小辣，2 個人有半隻雞，啲雞煲醬真係好正，辣力後勁強，愈食愈辣~唔食得辣嘅可以揀bb辣！雞都夠嫩，其實一上煲煮多陣就食得，半隻真係岩岩好，因為留肚打邊爐！食完雞煲加啲湯就打得邊爐，就算加咗湯都好夠味火鍋料都幾多嘢揀，有肥牛、花膠、豬紅、羊肉、魚皮等，上菜都幾快！一落單幾分鐘就到肥牛幾薄身，但勝咗夠嫩，一碟3片，所以都 encore咗幾次！另一樣就薯粉真係雞煲邊爐必點，薯粉掛湯力超強，好入味！魚皮都值得一叫，夠香脆，點一點湯汁就食得！飲品方面，由韓式飲品到平時飲開嘅罐裝都有，鐘意飲啤酒嘅都唔好錯過，可以飲番夠本！

好耐冇食雞煲，難得今晚可以兩人世界去食下雞煲，好享受。之前食過一次至尊雞煲，都不錯，辣度我喜歡叫小辣😁餐廳坐位舒適，餐廳自取區提供一些小食，涼拌木耳，青瓜，飲品，雪糕，醬料等，其他用app 下單，都幾方便。肥牛肉薄切一放落過過食得，好味，魚腩 食落好啖啖肉，蔬菜好新鮮，仲有佢手工包餃除，食食到飽飽當然黎到甜品時間，雪糕類別有幾款選擇，最岩食完辣野解辣。整體來講任飲任食 $168 再加$10 任食雞煲，都抵食，岩哂一大班朋友食下野傾下計。

約左個好耐無見嘅舊同事出黎吹水，近近地去左旺角至尊重慶雞煲，佢都有有好多年，算係雞煲始祖，呵呵。怕人多就食早場，五點就黎到唔使等位，佢$168/位，加多十蚊就可以任食雞煲，鍾意食雞煲真係值得加，呢度個雞煲好好味。天氣好熱勁好渴，唔講咁多拎飲品先，有一般汽水，韓國飲品，罐裝茶，啤酒等，總有一款啱口味。入座後雞煲好快就到，叫左小辣，一放低已聞到香味。個汁超正，小麻小辣唔嗆喉，雞件大大件入晒味，煲耐左都好嫩滑，同埋個煲無乜碎骨，加湯打邊爐都唔會黐住晒。食完雞就加湯打邊爐啦，每張枱有一壺湯，鍾意加幾多自便，由於佢個雞汁好濃味，個人覺得唔使再點醬料都已經好正。第一round叫嘅火鍋料，全部到齊無漏單。肉雖然薄切左啲，但食落都唔差，叫多幾個round補數。蔬菜類一樣按人頭上，唔會一下子就大大碟。有大豆芽正喎，佢同雞煲好夾，未加水前已經可以放落雞煲吸下汁。芋頭片好綿呀，年糕煙韌，同埋炸魚皮好脆，當小食咁都食兩兩碟，哈哈。食飽飽點少得甜品，雪糕，雪條，雪米滋都有㗎。個場幾濶落，抽風都幾好無食完一身雞煲味。餐廳用qr code落單，介面易用好方便。價錢～九點半後有優惠價。

好耐冇食雞煲 今日同朋友黎左至尊重慶雞煲門口一攞位 就畀你揀辛辣度我地要左少辣 醬料區同時有小食今日嘅小食係泡椒雞腳涼拌青瓜同埋木耳非常鍾意佢嘅青瓜爽脆入味 非常開胃雞煲雞肉非常之嫩滑 而且好入味食完雞煲之後就可以用佢嘅QR code開始點火鍋配料牛肉羊肉係薄片滾幾滾就食得海鮮有我鐘意嘅水魷同脆鯇魚食物類型都算多$168一位任飲任食兩個鐘真心好抵而且有任飲 罐裝啤酒 或者自己斟Asahi甜品有唔同牌子加口味雪糕雪條都有可以滿足唔同人嘅要求

雞煲打邊爐絕對係成班朋友聚餐嘅熱門選擇！今次我哋就約埋幾個朋友嚟到位於旺角嘅至尊重慶雞煲，餐廳價錢相當實惠，任飲任食兩小時仲要免加一，所以成日都full booking！我哋特登提早預約，終於嚟到食至尊重慶雞煲嘅大日子，究竟係未真係咁抵食呢？麻辣雞煲至尊重慶雞煲嘅雞煲同出面餐廳好唔同，因為雞煲係入座先即刻煮，所以要等大概5-8分鐘，呢段時間可以攞醬汁同飲品，攞完之後，雞煲都差唔多上枱喇！由於雞煲係入座先即刻煮，所以雞肉唔會煮得太老，肉質仍然保持嫩滑多汁。我哋叫咗中辣，一開始覺得無咩感覺，但越煮越辣，非常惹味。另外，聽店員講，餐廳選擇即日運港嘅冰鮮雞，所以夠晒新鮮，份量每2位半隻，如果想無限encore，每位只需要加$10就得。花膠、牛柏葉、魷魚食到咁上下，就可以order花膠、牛柏葉、魷魚、鵝腸、豬皮等索汁嘅食材，記住係加湯之前放入鍋，等佢哋索晒啲辣汁，辣得好過癮！打邊爐之後就可以加入湯底，開始打邊爐喇！餐廳嘅食材選擇超多，份量亦會根據人數份量安排，唔會太多食唔晒，而根據今次嘅落單體驗，就無出現漏單嘅情況。至於大家最關心嘅肥牛嚟自美國，脂肪雖少但肉味濃，食得多都唔怕膩；至於豚肉片就略嫌

同朋友講起好耐無食過雞煲，今晚就去仼食一下，至尊好多人推薦，價錢又抵，食到捧住漲卜卜嘅肚走，因為你地食完去行街，所以食早場6點鐘，上到去未算多人，地方大，去到7點幾就坐無虛席啦。呢到係2個鐘仼飲任食嘅，飲品選擇都幾多。我地2個人叫左半隻雞，份量都唔少，叫左小辣，醬料好香，雞肉啖啖肉，都幾嫩滑。食哂雞之後我地就可以加湯去打邊爐啦，一定要叫鵝腸，我encore 左好多次，吸哂d汁，食落好爽口，牛肉同羊肉肉味濃郁，魚皮脆卜卜。

至尊雞煲係我讀緊中學個時就食開，因為平價同埋任食，加上佢既雞煲味道都好出色隔離好多年無食，今次約埋班朋友去食，雞煲既味道依然好好，好香濃，雞件亦嫩滑只係覺得食完雞煲後打邊爐既食材無乜選擇，款式唔多，寧願食多d雞比較抵d

與朋友來到久違的雞煲地方，再次到訪，勾起很多的學生回憶。平日光顧但幸好朋友早已訂位，不然即時取飛需等一至一個半小時。餐廳為16樓全樓，採用半開放設計煙霧也沒有四散，九成座位為卡位，二、四及六人卡位也有提供，而且隔板數目甚多，坐得舒適又放心。雖則疫情期間等候區不似以前光顧有人頭湧湧的情況，但晚市仍接近滿座，喧鬧聲中特別熱鬧。座位闊落，有位置就座同時有足夠空間擺放自攜物品，枱面也有足夠位置擺放接踵而來一碟碟的食材，有提供鐵篩、公筷及口罩袋，衛生設備淨潔企理做足，更窩心提供大樽清湯湯底先行添加，十分方便！餐廳設有小食區，提供了三款小食包括泡椒雞腳、涼伴雲耳及麻辣拍青瓜。而自助醬料調配則在小食旁，提供基本調味料如豉油、辣椒、蔥花及蒜蓉餐廳另一端擺放了多個飲品雪櫃，涵蓋多達20款飲品！可說是歷來光顧多間任食餐廳中飲品款式最多的一間，但我還是忠於無糖茶飲雞件大小適中分明，能分清不同部位並不是過碎雞塊，雞肉尚算嫩滑，略嫌雞鮮味不足。秘製醬汁味道仍然保持著其獨特惹味，小辣屬輕微不察覺之辣帶小甜，醬汁杰度較高能掛在每件雞肉上，而且入味十分，令每口肉也嚐到秘製醬汁的滋味吃過雞件後便自行加清湯湯底，整餐邊爐

有次男友突然剔起條筋話想食至尊雞煲，話好耐無食過。其實呢間雞煲我很多年前經常和三五知己黎幫襯，那時任食辣雞煲的餐廳還不算多，隨著之後任食選擇變多和食量減少，都好少再去呢類形餐廳。適逢大家平日請假，就早少少六點上去。選擇果然正確，因為7點左右就很滿了。我們被安排坐在餐廳中間靠窗的卡位，相當闊落，用電磁爐；另外有些在中央位置的，比較窄，則用舊式Gas爐。要坐得舒服真係要早少少黎霸位~襯雞煲未到前，先攞飲品、醬料。飲品方面，有四個雪櫃放滿了各式罐裝飲品，單是罐裝啤酒也有四款。另一邊還有Somersby同Asahi生啤可以自己斟。如果要熱飲，餐廳最前的吧枱位置也有熱水和少量茶包供應。而醬料也放在吧枱這邊，有最基本的蔥、蒜、辣椒、辣蓉和辣椒籽。旁邊仲有三款小食，拍青瓜、涼伴雲耳和泡椒雞腳。以我食得少少辣的人來說，三款的辣度也令人滿意(但男友覺得好辣!)。如果雞腳再淋一點就更好!主角雞煲登場，叫咗BB辣，不過已經覺得夠辣夠惹味，辣中還帶點甜味。雞件大大舊，啖啖肉。每張枱上已經有壺湯，食完雞煲不用等待應加湯就可以轉打邊爐。大勢所催，火鍋料都用QRCode點了。基本的肉類、丸類、菜類都齊全，海鮮都有青

約左朋友去旺角睇相機，順便食埋晚飯先走。朋友帶左我去至尊重慶雞煲餐廳食雞煲配火鍋。環境方面夠晒大，飲品、雪糕櫃吾止一個。地方夠晒闊落，令人坐得幾舒服，可以慢慢食火鍋。雞煲：雞煲辣度由客人選擇，一滾就食得！雞煲中既雞件味道幾惹味，肉質吾鞋口。雖然吾算每舊啖啖肉，但大部分也有雞肉可食到，可以接受的。食完雞煲就倒入清湯準備食火鍋，普通既火鍋配料也有提供。肉類：豬、牛兩者焯後吾會太乾太鞋口，反而滲出肉汁。點埋醬油食，味道還好。鵝腸：必定要推介大家試下鵝腸！我地落左吾少次order呢 哈哈！鵝腸已經清洗得乾淨，只有一兩條痴住少少肥膏，大可放心食。焯後口感極爽口，吾算太大內臟味，又快熟，所以幾推薦比大家。芝士腸：咬開會有芝士爆出，小心食啊！鯇魚腩：同樣受我愛戴的仲有依款魚腩，焯後同樣地爽口、彈牙。鯇魚腩味道帶鮮味，仲有魚油滲出，吾會乾，幾好食！雪糕：餐廳提供多款雪糕比客人自取，雖然不是貴價雪糕，但可以任食不失為一個好選擇啊！

高CP值雞煲火鍋放題午市任食$98,晚市$138起(2小時)香港人出曬名鐘意食放題火鍋旺角呢間超人氣雞煲店,想試好耐了最終電子消費券到手,再約朋友食飯呢度可以用消費券埋單!!價錢又抵食朋友食過話夠曬重口味,一於過黎試下!先食雞煲再食火鍋,加湯打邊爐落單用手機掃QR碼落單,快靚正食住等等雞煲上菜可以去自助區拎定飲品先有可樂同各式茶水任飲,仲有啤酒同果酒!仲有即包水餃,冷盤小吃任食,選擇豐富豉油蒜辣蔥花自助調味,要幾辣都得拎完飲品同行一圈返埋位就見到上左雞煲本身已經熟左9成,用細火保溫慢慢食雞件連骨,肉多味重小辣都好辣佢入面有好多辣椒乾同碎,越煮越辣!!仲有好多洋蔥碎,食落香麻夠辣,好重口味食得七七八八就落單準備加湯食火鍋幾十款食材配料任選任食肥牛係用美國牛肉,脂肪少肉味濃,係切得太薄蔬菜種類都非常多,丸腸類選擇多,魚蛋粉左D丸類都唔差無雪味,GOOD,魚片頭超大件滑雞肉,牛肉片,響鈴,即包水餃,食材水準唔錯仲有麵底,唔夠飽食埋個日式烏冬,飽曬!甜品有雪糕杯,雪條,港式紅豆冰條食完辣,食紅豆冰最解辣!至尊重慶雞煲地址－彌敦道593-601號創興廣場16樓環境／設施－港式火鍋,分B,C區,唔

朋友約我過嚟旺角食飯 收工一嚟到 一開始都唔多人 點知越食越多人 去到8點幾左右已經全場爆滿 加上有奧運睇嘅關係 大家一邊睇奧運 飲啤酒 食雞煲 成個場嘅氣氛都幾開心。🥢～～～坐低之後 店員先為我哋送上雞煲 食完之後就可以自行加湯打邊爐 火鍋料就可以用QR code自助落單 出面仲有自助區 有小食、雪糕同飲品可以自取🥢～～～眼闊肚又闊嘅我哋 一叫就叫左一堆嘢食 例如有青口 炸魚皮 墨魚仔 水魷 花膠 粟米 炸支竹 豬紅 鮮鵝腸 黃金魚籽球 蒜汁花枝丸 爽豬皮 響鈴 紅薯粉 午餐肉 炸魚皮 青瓜雲耳等等等等 因為太多真係不能盡錄 今日就揀幾樣我最鍾意嘅同大家介紹下😆～～～首先要講我心目中嘅top one第一位 咁就梗係佢啲雞啦 呢間老牌雞煲店 雞煲果然係做得幾惹味 佢哋有唔同嘅價錢 可以自己揀任食雞煲or not 係幾正 一啖雞煲一啖荔枝烏龍 感覺非常爽皮😚～～～另外就鍾意佢哋嘅青瓜雲兒 唔係好辣 但係又好爽脆 比我係屋企自己整嘅好食得多 一個人食咗差唔多兩三兜🤣～～～火鍋料方面 豬紅幾滑溜 墨魚仔鮮美 粟米好香甜 通菜亦都好食 色澤翠綠 清新爽口 而且因為通菜嘅構造關係 菜嘅中央管道

聽日先有消費券，今日黎食午市任食雞煲火鍋，簡直係糧尾之選！😄😄平日98/位，星期五六日和假期108/位，冇加一，超抵食啊！不過食90分鐘好趕~今日兩點左右到達，全日食一餐等於三餐，岩曬168飲食法的朋友~哈哈~😂雞煲好快上，二人份量鷄件都唔少~目測大約十件以上~90分鐘咁趕，緊係要把握時間用QR Code叫定火鍋食材啦~推介：炸魚皮（大塊，夠脆）芋頭條（好粉）雞煲（都幾入味）鵝腸（唔會太韌，不過熟咗非常縮水）牛百葉（爽脆入味）麻麻地：肥牛（部分ok，但有幾碟薄過紙）羊肉（太碎，薄到透光）衛生和服務：收碟速度一般，層層疊都係正常，但可唔可以唔好血淋淋的豬潤上面直接疊住其他嘢？！成個白色碗下面滿佈血跡點有胃口啊……廁所尚算乾淨，未至於不能去~

是日雞煲日。-一收工媽咪就話今日好想食雞煲，好想好想，因為下晝睇咗套劇，裡面嘅主人翁食個雞煲好似好正。作為二十四孝女，即刻打電話book位，好彩比我book到6:00，媽咪即刻興高采烈換好晒衫喺屋企等我收工。-🐣一兜雞煲加任食火鍋（每位價錢$168）：雞煲內嘅雞肉非常嫩滑，我地叫嘅BB辣，帶辣香而不嗆，不過同大部份嘅雞煲一樣，表面有一層辣油，食落去會比較油膩，建議加湯邊爐之前先自行撇一撇油，會令打邊爐嘅感覺清新得多。-火鍋料種類唔算好多，質素係呢個價錢黎講算Fair，不過由於個湯底好惹味，有種令人越食越上癮嘅感覺。🥢-心水之選有珍珠筍、生菜、大豆芽、白蘿蔔、通菜等等，清新嘅蔬菜可以令到成個雞煲嘅湯底變得更為清甜，同時辣汁嘅惹味又可以令到本身太過清淡嘅蔬菜變得更為引人入勝，係一個非常合拍嘅組合。🥬-除此之外，索汁Q彈嘅紅薯粉，軟糯韓國年糕、粉綿嘅芋頭片，低卡嘅魔芋絲，都係我一再encore之選。🥢-另外，鍾意辣味🌶️嘅朋友仔們，可能會同我一樣都鍾意佢嘅泡椒雞腳，少少甜，少少辣，再加少少鹹，一個人食5隻以上絕對冇難度，我鍾意佢嘅程度唔輸雞煲裏面啲雞ga😊。In overall 媽咪都表示滿意