水剌間

Open Now

Now Closed

九龍城區自從有了地鐵方便得多，今晚約了三五知己共聚，試吓九龍城區內韓國菜館，正宗韓國師傅嘅手勢。燒牛肉套餐雪花牛，特大牛肋骨，調味牛肋骨肉有專人幫忙燒烤，坐定定就有得食，啱晒懶人的我。三款之中最喜歡調咗味嘅牛肋骨肉，肉質鬆軟，惹味十足。特大牛肋骨也不錯啊！軟腍口感，停不了口。建議先嚐原汁原味，再配生菜，油浸蒜片，醬汁，又另一番風味。醬油蟹品嚐過不少醬油蟹，呢間最深得我滿意。醬油味道不會過鹹，蟹肉蟹膏非常鮮美，完全沒有腥味。石鍋伴飯每次食韓國菜必食之選。材料足，熱呼呼的，滋味無窮。

第四次到訪，一直食物質素和餐廳環境都是很不錯的，由第一次嘗試的二人午餐，食物水準高又抵，之後，大夥兒的午餐，試了很多菜式，及後二人晚餐，食物質素一直保持著！唯一之前的服務水準，有時很參差，有一些服務員的語氣比較惡及屈，很容易挑起不歡的氣氛。不過，今次到訪多了一位女服務員，不單語氣溫和，也很主動招呼客人，連那位看似很惡及屈的服務員，也改變了很多，真是非常好！希望小店不單保持食物水準，和服務的質素也一起進步！

經朋友介紹話呢間係必食既平民韓國菜仲話夜晚成日都好full 所以提醒大家要book位先呀!!(openrice要3人起訂 不過2人可以直接打電話去book位)店面係簡約韓風風格 仲好得意有幾張Tatami 4人枱不過佢係好傳統要雙腳交叉坐個款Tatami 我覺得咁坐唔太舒服 所以今次無揀Tatami位一坐低即刻上六款韓式小菜 薯仔同泡菜都好好食😋🔸炆牛肋骨相信炆左好長時間 一咬口肉質係超淋 (相信婆仔食都唔會有問題ᕦ(ò_ó)ᕤ上菜個時見細份以為唔抵 點知其實好厚肉😋(好可惜忘記左影相!!)🔸芝士雞蛋卷好足料又大份 啲芝士係可以拉芝的!!🔸海鮮蔥餅一睇就見到海鮮份量足夠 尤其搭配佢個汁好好食Encore指數(5星滿分)🌟🌟🌟🌟

早兩日同朋友行過就試下呢間鋪頭食，其實真心環境都幾好，好可惜我地點餐的時候，個服務員串到，問佢囉餐牌又唔俾，又表示係門口咪有餐牌囉，態度差到一個點，心諗，我夠竟係咪俾錢食飯，好呀。唯有死死氣地行去門口睇，好呀。本身都一肚火，但見到的野食上黎都唔差，就算呀。埋單個時，個服務員又係串串貢，我地即刻表示投訴，個服務員話自己係老闆，咁唔怪之得可以串番的客轉頭，呢間鋪唔建議再去，野食再好服務態度差，其實無必要俾錢令自己難受

九龍城高質嘅韓國菜👍🏻👍🏻我地2個人一入到餐廳就比安排坐4人位，坐得幾舒服😚一坐低店員就上左前菜，薯仔絲最好食🤤之後佢見我地食曬仲問我地洗唔洗refill，服務態度都唔錯，冇之前其他人話服務態度差嘅問題👍🏻今次叫左3個菜：血腸湯飯，海鮮蔥餅同埋辣炆牛肋骨芝士年糕😋因為好似冇好多餐廳有所以就叫左血腸湯飯，呢個湯好足料🤩佢係用牛骨湯做底再加豬唔同嘅部分，血腸，大蔥等等，個湯好濃郁🤤之後飲到一半推薦加佢d辣椒醬可以轉換下口味😋而佢個海鮮蔥餅都好足料同埋煎得好香口😝啖啖都係海鮮，配埋佢個醬汁更加係錦上添花🎊最後係佢個牛肋骨，成煲野好大煲，起碼有8舊，2個人真係食唔曬😅味道方面佢好入味，羅白同年糕都好琳好入味😝配埋佢d拉絲芝士打卡都係一流👍🏻但建議3-4個人share 😂最後埋單$510，飽到上心口🤫個人覺得都算抵，呢個價錢同普通韓國餐廳差唔多但就好食過大部分差唔多價錢嘅餐廳👍🏻價錢：8.5/10味道：8.5/10服務：8.5/10環境：8.5/10

個日去到九龍城本身就唔係諗住去食呢一間，但係原本想食嗰間就排晒長龍😮‍💨記得經過嘅時候經過水剌間，俾佢哋嘅榻榻米吸引咗，就決定食呢一間。呢度嘅坐位好鬆動，唔會將啲枱擺到好密。嘢食方面就試咗辣炆牛肋骨芝士年糕，佢嘅醬汁偏甜，但食落去同啲牛好夾，而且啲牛肉炆得好腍好入味😋本身想試雪花牛肉，但落單嘅時候老闆話嗰日剩返嘅牛🥩冇咁靚所以決定唔賣。好欣賞老闆呢份對出品嘅堅持👍🏻不過泡菜餅就有啲厚同埋唔脆，同埋餐廳嘅抽氣設備不足，所以食燒肉嘅時候會比較大油煙。

九龍城新晉韓國菜餐廳 內有3張塌塌米位置 這次去食Lunch有機會坐到晚上的話預先留座會更好⍢有3款韓式前菜提供 (不知道能不能Refill)海鮮豆腐湯 $55 一上餐時湯還是熱滾滾 非常暖胃辣度亦都剛好 海鮮份量也不少 配飯吃很快吃完拌飯 $55Bibimbap可以選擇牛肉或豬肉飯是微暖的 整體來說非常足料 份量也很多不過賣相就真的麻麻了 ⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐📍水剌間 九龍城南角道60號地舖#foodiegoodie_klncity

好想吃韓式粉絲平常吃的兩餸飯最近都沒做粉絲所以今天吃吃別家韓國餐廳常被在下記錯名字的一家之前也想試試看就點一份年糕炒粉絲回家吃嗜辣的在下當然是選了最辣的外賣自取意外的能準時下班所以..早了點到沒想到服務員直接走出來跟在下解說因為會跟單時間去烹調在下點的餐還未開始做所以我需要等等那刻感覺其實很好有幾何服務員願意走出來跟客人溝通通常也就叫你等這點在下大大的加分而且確是在下早了到啊最後也比自己預訂時間早了4分鐘拿到外賣開開心心拿著回家吃外賣分開得井井有條把它們混合後襯還熱熱的要快點吃炒年糕口感煙韌味道甜甜辣辣而炒粉絲重麻油香 非常惹味這次是外賣相信堂食會更出色期待有機會一試

今日約咗同事們一齊食晏揀咗佢哋推介的韓國餐廳同事book 咗枱，不過嚟到仲有大把位店內以淺色木系為主，仲有兩張特色的座位，環境舒適睇過餐牌後，我哋諗住揀份炸雞share 一齊食落單後，店員話訂咗枱每人最底消費要$150仲話電話有講，出面有人等位問返訂枱同事冇聽過咁，咁我哋叫每人一個餐第一次遇到餐廳咁，感覺不友善呢-前菜有香菇、泡菜、薯仔條，可以再refill半半炸雞 雞件比起一般韓式餐廳較細隻甜辣味食落鮮美香口，覺得辣味可以重啲原味食落香酥而肉質鮮嫩多汁，原味較好味芝士煎蛋卷哇賣相好吸引，而且好大件切完夾起仲有長長拉絲，芝士及蛋味濃郁，好滋味韓式拌飯蛋汁拌成個飯配埋辣醬味道有層次而美味底仲有香脆飯焦韓式拉麵配年糕邪惡之選，食落濃厚香辣而年糕軟糯韓式冷麵相對較清淡，配青瓜食落清爽，啱夏天食整體食物味道不錯，只係服務態度認真麻麻價錢中等，或者可能會有下次

網上預約了這間韓國餐廳，約咗8:00，7:50pm 到了見檯已準備，人齊入座，食物不錯，煎燒物香，會幫忙煎，其他韓式食物都不錯。但可能太忙，其中一位工作人員一邊要顧住幫我們燒肉，一邊不停要照顧電話booking，一邊又要去門口接待客人….以至我們想加配菜及飲品，回了一句：「等陣先，忙緊！」其實，我們都見到，但是覺得態度可以好少少呢….都是小事，但到了9:07時就催我們埋單，朋友仲食緊，就執檯…. 埋好單，正在收拾時，就心急來請我們離開，原因係門口客人己經到…. 真無語約8:00pm, 90分鐘進餐時間，就算我早到10分鐘並入座，但未夠鐘時催我們離開吧？眼見客人食緊未完都在收檯，就有點失分數了…..很可惜，食物真的不錯，但服務就有待改善

今日同朋友係九龍城食lunch🤤經過見到呢間韓國菜既門面好似好正宗，見價錢唔貴就入去試下。星期五既下午1點幾，我地3個人岩岩好有位唔洗等，不過我地之後有幾枱客都要等，真好彩😌 雖然係最近門口既位，加上今日有啲涼，有人出入果時會有啲凍，不過都ok 既🤧有前菜但因為望落太好食我唔記得影相，分別係有薯仔絲，泡菜同埋菇，睇食評話可以無限refill 不過我地冇需要所以冇試refill, 大家試完不妨話聲我知☺️我叫左個拉麵炒年糕，啲麵好有咬口唔會好淋，雖然麵既份量有啲少，不過因為有年糕搭救所以都飽既，仲有幾片魚糕，不過如果啲魚糕厚返🤏🏼🤏🏼會好啲 😊 雖然個人覺得唔算好辣，不過唔食得辣既朋友就要留意啦～ 同埋中間隻蛋係全熟就有少少美中不足🥲水餃年糕湯，個湯有啲紫菜，就咁飲都好味👍🏼 水餃皮夠薄，好多餡而且隻數都唔少，我食左一隻，食到好似有啲粉絲同埋一般餃子既口感但我講唔出有咩材料😂 建議大家可以一試menu 上就咁寫住燒牛肉，我地問左店員，店員話係有飯🤣 個牛肉好淋好有牛味，唔會好嚡口，配埋白飯食好送飯🥰 總括泥講係會encore, 下次叫多幾個朋友一齊去試其他野🤤 今次3人lunch 埋單唔

之前喺九龍城食完飯🚶🏻‍♀️行行吓偶然發現…呢間有🧎‍♀️塌塌米的韓國餐廳🇰🇷🤩覺得好特別, 今日終於嚟到拜訪🥳餐廳裝修以木系🪵為主牆上有手繪的🌲樹木壁畫🔦室內燈光柔和整體感覺好溫暖, 好舒服☺️😌🥳座位闊落, 環境乾淨整潔塌塌米只有2️⃣張, 🫣想坐的朋友記得早啲到/ book位留座喔☎️～🆓韓式前菜 (可以refill~)涼拌土豆絲🥔｜泡菜｜蒜蓉菇🍄｜大豆芽｜醬煮黑豆⚫️｜蒜蓉菜🥬．大豆芽偏咸少少🙈．黑豆唔太甜, 但有啲硬😬🔸炆牛肋骨 $168 7.5/10必食item‼️牛肋骨炆得超焾😍,基本上骨同肉已經分離🤣肉質鬆軟, 好入味😽⚪️蘿蔔大大舊, 冇渣, 口感綿密🇰🇷韓式菜的共通點: 醬汁偏甜少少🤏所以配飯🍚食就一流了, jeng🥰🔸半半炸雞🐔 $208 7.5/10✔️揀咗醬油＋甜辣味 (＋$10)🍗外皮炸得十分香脆😆炸漿不厚, 放涼咗都仲脆口🫶🏻除左髀同翼外, 其他部位的肉質都偏瘦, 雞胸肉較多🙈感覺好似健康啲, 脂肪少啲🫣🤣🌟個人覺得 醬油 >甜辣🔸生米酒 $80 7.5/10🍗炸雞＋🍶酒＝♾️永恆的定律💓好中意用茶壺🫖裝米酒飲🇰🇷韓國feel即刻返哂嚟, 開心🥳

入座90分鐘用膳好正常，但有位唔比入因為另一人在地鐵站行緊嚟當唔齊人。解釋話唔怕入面有位，叫我讓了給另一班人，點知齊人唔夠10分鐘，又話要等多30分鐘安排太差，說不清楚

九龍城有大量泰菜同cafe，但講日韓野，就比較少出色鋪頭。呢間幫襯過幾次lunch，都算係區內唔錯嘅韓國菜。lunch只要50幾60蚊，仲有前菜。-豆腐湯飯辣度小辣，材料有豆腐、金菇、少量海鮮、肉碎、翠玉瓜。味道上唔算好重海鮮鮮味，勝在平均，熱辣辣嘅湯配白飯，令人滿足。餐廳裝潢都幾特別，少量位置係tatami個類，有興趣嘅可以book台時指定。有機會想試下炸雞質素掂唔掂，畢竟九龍城真係無乜呢類餐廳。

朋友介紹我黎呢間食lunch, 因為真係好平!  佢啲lunch全部都係50幾60蚊仲要有埋前菜!燒牛肉係朋友點，我試左一啖，其實都係正常韓國食到燒牛肉既味，即係嗰種有好香洋蔥味加埋韓式牛肉醬煮出黎既味，係好食既，都係正常味~我點左豆腐海鮮湯，個湯無好紅既顏色，反而係有啲透明但面有啲紅色既油，海鮮有蜆、青口同蝦仁，而且仲有好多蔬菜，佢唔會好辣，應該唔食太辣既人都食到。不過個泡菜幾好味，我覺得佢感覺係一間好家常韓國菜味道既餐廳，無好特別好食既野，但係就係有平常既親切感，加上呢個價錢我唔會有太大要求