Video
Introduction
西貢食海鮮的熱門地方之一，撚手小菜當然是豉椒炒蜆，其他小菜也值得一試。
continue reading
Opening Hours
Mon - Sun
11:00 - 15:00
18:00 - 23:00
Above information is for reference only. Please check details with the restaurant.
Signature Dishes
Review (31)
趕得切在店員落場時入去午餐. 點了西冷牛扒, 黑椒汁配薯菜 和 石班, 黑椒汁跟炒飯.羅宋湯好足料, 好多菜同牛肉. 味道略淡, 加了胡椒粉就好好多牛扒肉質不錯. 黑椒汁很夠味, 夠辣. 伴碟的著菜都很好味. 石班頗滑. 炒飯香口.餐飲要了凍檸茶少甜. 都幾大杯.店員雖然趕住下午關門休息, 但服務仍是好的. 沒有趕客走.
continue reading
剛剛食完(等如冇食), 現在一肚氣!!我地叫左一個西冷扒鐵板&一個芝士海鮮焗飯等左45分鐘先黎左個扒, 個質素都算可以但另外既海鮮焗飯, 等左OVER一個鐘都未黎, 吹左兩次, 都話就黎就黎, 敷衍了事望下周圍, 差不多枱枱都係度等緊!!!!跟本個廚房做唔切!!到我男朋友食完個扒, 個焗飯終於都到, 但係就D汁嚴重地多過飯,冇焗過好似BB糊仔咁!!!!水LAM LAM,海鮮多到睇唔到, 食左兩啖都頂唔順, 停左手~~叫左個WAITRESS過黎投訴, 佢話個廚房做到踢哂腳, 下次啦,下次會好D, 跟住走左~~草草了事就算數!!!說真茶餐廳D質素及服務上都好過這裡, 而且價錢不算便宜, ~~如果大家想有個好難忘既經歷都不妨可以試下!!!! : ~~以後一定一定唔會再去!!!!!!!!!!!!!!!!!!!!!!!!~~
continue reading
前陣子某飲食雜誌大讚此餐廳，什麼屹立三十多年的靚扒餐廳，原來又係文人多大話至真，餐廳本身略為陳舊，枱布又污積斑斑，一坐下已令人唔舒服，而餐牌內可供選擇的菜式唔多，多以扒類或海鮮為主，價錢由一百幾十元至幾百元一個Maincourse不等，我和太太加女兒，選了兩個套餐：西冷牛扒(七成熟、蒜茸汁、薯菜及走鐵板用碟上)、白汁燒雞燴長通粉和Sideorder一個洋葱湯，餐湯為羅宋湯和忌廉湯。 餐湯一端上枱，未飲就先失望，湯碗係用膠碗，一點貴氣也欠奉之餘，最搞笑仲要係鴛鴦陸柒肆，枱枱客的湯碗都不同，有的黑色窄口，有的灰色闊口，仲衰過茶餐廳，羅宋湯湯碼甚多但就淡而無味，忌廉湯就反而不過不失，最令人氣憤難平的莫過於洋葱湯，又係用膠碗盛載，肯定唔慌係用焗爐焗出來，內裡係幾係洋葱絲加塊多士浮面，淡啡色像一碗洗碗水，完全唔係洋葱湯的味兒。七成熟的西冷扒已煎得介乎全熟，靱得像一舊掟落地都會反彈的擦紙膠，所謂薯菜也只不過係那低價兼難登大雅之堂的大霧山三色雜豆，則面的幾條扭纹著條已算係上品，至於白汁燒雞燴長通粉就略重黑胡椒味，相比起蓞擦紙膠牛扒已還可接受，不能要求多了，成晚最好吃的就莫過於係跟湯的三塊多士。埋單三百幾元，中上級餐廳的價錢，連茶餐廳也不如，真係食唔飽谷氣都谷飽。
continue reading
呢篇係我第一篇食評，唔寫真係不吐不快！事先無諗過會寫所以無影相．中秋夜同家人一行五大一細去西貢食飯，睇過Openrice揀左呢間．Walk-in 8:30pm左右到．呢間真係彈多過讚1. 有set dinner menu又晤比我地睇，問到先俾得一份五個人share！2. order左三個set dinner鐵板餐，一鐵板肉眼七成(本來想要西冷)，鐵板牛柳，鐵板雜扒，兩個散叫焗芝士海鮮意粉．3. set dinner餐湯兩忌廉一羅宋．味道ok但忌廉湯唔夠熱．4. 鐵板餐跟薯菜，加意粉俾多$15，加白飯free．三個餐要白飯．5. 鐵板肉眼好"鞋"，無牛味6. 鐵板牛柳ok，肉質幾"淋".唯一讚嘅main course7. 鐵板雜扒ok．8. 焗芝士海鮮意粉．等左好耐先黎仲要係落錯單．個waiter俾左焗芝士海鮮飯．要求換．等多半個鐘(差不多成10pm)．家人嘅鐵板餐都差不多食完先黎．食落無芝士味，d汁似忌廉湯．唔掂！叫埋餐飲+甜品拿拿淋走人，以後都唔會再幫櫬！
continue reading
剛過完一週的假期,腳步未有停下來,因為在英時工作的老闆回來一星期,時間未能配合,下機之後一早便走到了西貢一趟.老闆是西貢的地頭蟲,由她帶領著我們來到這間她們口中的老店.他們說這是他們20多年前拍拖的好去處.蘇珊娜有兩間,正正在對面,老闆娘說對面的那家是他們以往去的,但裡面的人都搬過來這一邊,所以要吃點原味,我們就選了這裏.這裏有假日午餐,價錢跟一般舊式西餐廳無異,只雖$55便有湯+主菜+飲品,很划算.牛油多士.茶餐廳式的牛油多,說不上很香脆,但牛油及時滲進麵包內,叫我吃不停口.周打湯據說味道上佳,當然不會錯過(跟餐另加$5).周打魚湯裏的魚肉多得如吃魚粥般,又厚又多.周打蜆湯材料亦很豐富,草菇之大從來沒有見過.至於味道則淡了一點,而且很稀.我不酷白湯,要了一客羅宋湯.羅宋湯的酸甜味剛好,材料以蘿荀居多,但亦犯下同一樣的閉病,太稀了,是將貨就價的原因吧?主菜點了蘑菇汁西冷牛扒配白飯.從醬汁到主菜以至配菜全程D.I.Y.彈性很大.西冷牛扒沒有事先問及要多熟,出來的效果有點似6成,肉質軟綿嫩滑,肉汁不多但蘑菇汁的惹味能夠將之蓋過,也算不錯.配菜還有很中式的蝦米津白,真的要在舊式的西餐廳才能看到黑椒汁雞扒意粉.黑椒汁算不上很辣,缺了一分惹味.雞扒肉很稔,意粉上淋了鮮蕃茄和茄醬,味道好之餘也很入味.地頭蟲點了他們眼中有名的洋蔥汁炸豬扒配炒飯,午餐餐牌是沒有的,但店中老闆表示可以做到.炸豬扒很地道,皮不算厚,肉很嫩滑而且留有肉汁,是真的做得很不錯.洋蔥汁另上以防弄稔炸豬扒.炒飯做得很中式,火腿粒,蝦粒等等的配料,如果熱吃會更好.凍奶茶做得不比茶餐廳遜色.茶味香濃,跟奶互不搶味,值得推介.餐廳燈光陰暗,情調其實很好但在午餐時分來說卻又有點太過.而且要拍照很難,只得靠枱頭的小燈光.在一間舊式西餐廳來說,味道也算是不錯,而且價錢很低,絕對是抵食夾大件.在西貢區來說也是值得一試的食肆吧.
continue reading