爭鮮迴轉壽司 (坪石邨停車場)

Open Now

Now Closed

今日心血來潮，走咗去試咗間平民化嘅壽司店 - 都算係個不錯嘅選擇喺市面上。一踏入嚟，啲壽司盤子嘩啦啦咁轉，我點咗份三文魚腩，厚切得嚟帶點油脂，入口即溶🍣，真係幾正！跟住又試咗個炙燒牛肉壽司，牛肉軟滑，鮮味十足，炙燒嘅香氣瀰漫開黎，一啖咬落去就覺得滿足咗！👍見到壽司帶有個「Happy」字樣嘅印花，趣緻兼有心思，真係諗得周到。啲迴轉壽司店唔少時食材都正不過，可係呢度嘅食材新鮮，質素仲好過期望。食返個海膽軍艦，海膽滑嫩，新鮮咁簡單放上白飯，唔講大話完美演繹咩叫做「鮮味爆炸」。最後，一定要提嘅係，成件事食得開心之餘仲好有人情味 - 店員彬彬有禮，唔會逼你攞盤子，自己揀得開心就得。總括來講，這次試食，畀我嘅感覺係：簡簡單單，卻又有驚喜🎉，下次附近經過，絕對值得再黎朝聖！

價錢平 款式多總有一間係附近 - 爭鮮壽司今次黎到呢間迴轉壽司🍣食咗十幾碟 都唔駛90蚊🧡真係性價比高咁水準一定不及大型或貴價壽司店但以價錢同檔次黎講 我同朋友係好滿意😚😚😚最正係鰻魚壽司忍唔住食咗2碟😌

我係呢間爭鮮附近嘅居民。唔知係咪因為疫情，5月到依家都冇花之戀同姜，其他壽司有冇缺貨我就唔知啦！一開始都係入去食先知冇貨，之後就醒咗，入去前會問一問職員有冇花之戀同姜。各位如果有咩特別想食嘅嘢，最好問問職員先

我啲同事成日話爭鮮好抵食，尤其係差唔多糧尾嘅時間，個個都話去買爭鮮。我今日下午好趕時間，連lunch都無時間慢慢享受， 於是經過爭鮮就入去行吓佢地嘅外賣部，壽司套餐都有好多選擇，因為我乜嘢剌身都想試吓，所以見到呢一盒$60有12件就即刻買。一盒壽司裏面有齊北寄貝、帶子、熟蝦、三文魚、魷魚、墨魚、帆立貝等等。壽司味道不過不失，米飯都叫做鬆軟，刺身總算新鮮，壽司豉油同秋葵都唔錯，平平地食，真係完全冇怨言。

15：55 20/9/2020入咗時個侍應俾埋個杯＋碟你自己搵位坐，好嘢❗咁點解我要俾加一服務費？！？！俾我自己呀❓排我後面嗰位枱都係自己攞住個杯＋碟入座ga，其實服務好點真係咁難❓❗❓❗

雖然「坪石邨」樓下，近着「彩虹道」的前停車場位置被改建，變成了一列的商舖。雖然「坪石邨」商舖還未算是「領展」商場，但是還能夠吸引若干數目的新食肆，和新店舖進駐「坪石邨」。例如台灣連鎖迴轉壽司餐廳「爭鮮迴轉壽司」，就在「坪石邨」停車場剛剛被改建變成商舖之後，就已經宣告在「坪石邨」建立分店，成為「彩虹」和「牛池灣」區裡面的日本壽司餐廳。「爭鮮迴轉壽司」跟其他大型連鎖日本迴轉壽司餐廳的最大分別，就是「爭鮮迴轉壽司」一般壽司的售價十分便宜，每碟售價只賣港幣八元，只有少許甜品價錢相對比較昂貴一點點而已。當然，既然「爭鮮迴轉壽司」把大部分壽司的定價，都造到看似非常便宜的價錢，例如我在裡面食了四碟，總價錢連加一服務費，都要需要港幣三十五元而已。由於「坪石邨」區裡面的食店，沒有單一食店能夠製作提供及滿足到我，想在一餐晚飯裡面，食勻食品裡面的「牛腩」、「雞肉」、「白飯」，還有「手調飲品」四種晚餐必備重要元素的需求。所以我被迫在「坪石邨」跟「彩虹站」裡面，分別光顧四間不同的食店，在東拉西扯，不斷湊合的情況之下，總算成功買齊四類食品、飲品，完成我的晚餐。例如「坪石邨」分店裡面的「爭鮮迴轉壽司」，「爭鮮迴轉壽

坪石這分店是有些椅位置靠近柱躉，因而稍有些私人空間，如果人數是3位的話，當然最不利拿食物又坐不舒適是弧位。店員流轉快亦是這些速食的特式，所以繼續別要求優質客服。始終係比元氣價錢易接受，又比名將的地獄壽司似樣，造就爭鮮一直客似雲來。其三文魚的來歷一度引起恐慌，但比較下，大陸某些五星級酒店的真空三文魚更似虹樽，反而爭鮮的三文魚吃後沒肚痛敏感，其三文魚🍣壽司還是橙白分明的；三文魚籽從前是每碟2件伴小塊青瓜，現在萎縮至一件，籽亦不多，味道沒變；墨魚仔前菜，份量只五六隻，醬汁比起螺肉薄些也清些；油甘魚壽司也成一碟一件厚切的，比三文魚魚味更濃；赤貝一向是最愛，比起有些小壽司店，算是鮮豔大片了。蟹柳壽司脹卜卜的，身旁小孩猛叫要拿，見他是吃得津津有味。平日晚上七時、星期六日晚上6時後開始現人龍，自己抓緊時間。

最近香港經濟唔好，想食日本嘢又要慳住個荷包。所以要食好西就要揀啲唔傷荷包又滿足倒心靈嘅餐廳。爭鮮迴轉壽司的確又抵食又好食。每個月都起碼幫襯兩次。而家做緊promo，有機會得到迷你丼磁石，好想要好可愛！每檯只有40分鐘用膳時間。枝豆-我覺得無乜味普通七味三文魚腩-好好味～ 一出場大家都搶帶子壽司-都幾鮮甜麻辣扇貝裙邊-好好味，食咗兩碟玉子燒-唔好味... 好凍，好甜三文魚壽司-不過不失。烤三文魚腩壽司-正！每次必食。蒜味螺肉-唔錯。油甘魚壽司-大愛！肥美不油膩。40分鐘時間其實唔算太短，之但係每次嚟都有同一問題，就係遇唔倒我想食嘅款式...我諗因為太多食客，司傅每個時段都專注製作某啲款式。我好想食9月新推出嘅三文魚腩迷你丼；仲有三文魚腩壽司、海膽壽司、花之戀壽司、劍魚腩壽司... 今日完全無出現過雖然係有不足，唔完美，有待改善，不過親民價食到不錯嘅迴轉壽司，我依舊會再幫襯。

食物質素還好。三文魚腩還不錯。以8元一碟壽司價錢來說還算便宜。但可惜員工93 83十分十分沒有禮貌，態度惡劣。詢問問題時顯得不太願意回答。點餐時等候時間太長，該店的客人不算很多，但上菜速度很慢，比起其他較旺的分店還要慢。不會再次光顧彩虹這間分店。但仍然會光顧其他較好的分店。

記憶中，已經好多年無食過迴轉壽司，而家就算去壽司店都會選擇坐側邊嘅座位，唔會選擇坐響迴轉吧檯。因為總覺得單點嘅壽司係即刻做，比較新鮮。前兩日睇返二十幾年前嘅舊電影，見倒男女主角食迴轉壽司🍣 其實望住啲壽司轉呀轉，都算係童年回憶，小時候直至初中，香港都非常流行食迴轉壽司。間中媽咪都會帶我同埋同學仔去食lunch突然好想去回味下爭鮮嘅外帶壽司出名抵食，蕃薯妹有時經過地鐵站都會買，至於佢地嘅迴轉壽司店，反而係完全無試過，原因可能係因為，一直覺得如果以佢地外帶壽司店嘅質素但係要坐入去餐廳食，不值得。不過$8一碟嘅價錢又真係好吸引，我決定去試一試記憶中以前攞完壽司之後，個膠蓋唔知放去邊好，有時食客會順手Cup上去第二碟壽司個蓋上面🤦🏻‍♀️呢度有樣嘢好好，就係有個專門回收蓋嘅架分佈響輸送帶比較整齊有規律～入座時店員會俾張紙仔你，清楚寫住交檯時間，每位食客只有40分鐘時間～ 雖然時間短咗少少，不過咁樣又確保排隊嘅食客唔使等太耐，都可以接受。三文魚腩壽司 $8比起普通三文魚壽司肥美～烤三文魚壽司 $8薄切三文魚腩，燒完好正～ 劍魚腩壽司 $8入口即溶炙燒帶子塔 $16 反而呢個無乜驚喜，飯亦握得唔實，

之前6蚊碟優惠個陣嚟食 食左十幾碟都唔使100蚊👍連刺身都一樣價錢 仲要份量都唔少 性價比已經贏左其他日本餐廳幾條街🤤👍最鍾意有款燒過有油嘅三文魚 好香口食完好滿足👍

香港地搵食艱難人盡皆知（everybody knows you know? Ah ha ah ha)，點解連搵食個位都難上加難，我唔知。所以lunch hour 去搵一間sell 三個字「平、靚、正」嘅爭鮮去算吧啦！一般對快餐都唔係有好多期望，以爲食完就直到馬桶⋯點知，無喎。一碟一碟嘅壽司，看似比超級市場的新鮮。而且每碟我叫嘅都係$8， 食夠8 碟 剛剛好夠飽，100 元都唔使！可是我平心而言，爭鮮舖頭同外賣，我會挑舖頭，因為quality 好一個level!

今日黎到彩虹發現有爭鮮回轉壽司，我地哩d平民當然要試下啦，對上一次食已經係5年前，當年的爭鮮日日都排長龍，要等半個鐘或以上。今日都要排隊但只係排左10分鐘就入到。以前的三文魚湯，依家没有了，只有一包包好像杯票的即沖面屎湯，有點失望。環境衛生還算不錯，但還有改善空間。到食物方面，飯團唔夠實，而且有d冰凍所以食落口影響品嚐味道。曼魚壽司還算接受到，三文魚壽司也不錯。但多數都係冰凍的口感，可能雪得太耐了，需要改善。希望下次都可以吸引我黎食。

Sushi Express provides a moderately cheap but decent quality of sushi. I went to this place at around 7 pm and there was a queue of around 10~15 people. I expected to wait for maybe over 20 minutes. Surprisingly I could go inside only after 10 minutes, which I think is a very short waiting time.But one thing you need to remember is that Sushi Express has a time limit of 40 minutes. So you are better off having sushi quite quickly... :-) While you might feel it is too short for having a meal, thi

今次買左綜合魚生壽司，每款壽司都係不同的魚生，呢盒貴少少，d魚生比平時散裝既大塊同厚身，叫做有驚喜，不過始終都係平價魚生，所以味道都係不過不失，冇咩好特別～但都叫對得住個價錢啦！