爭鮮迴轉壽司 (粉嶺中心)

Open Now

Now Closed

好耐冇食過爭鮮壽司，今日同屋企人嚟到吃晚餐，壽司水平一如以往地好食，飯嘅口感唔會太淋亦唔會太硬。壽司用用料都好豐盛，每一啖都係好足料仲有我最愛嘅鰻魚飯同帶子壽司鮑魚亦都好夠味又大隻

呢啲壽司我相信唔多洗點講, 一陣樓下有相俾你睇但今次都想讚下啲職員姐姐1130 打電話去,叫外賣自取阿姐同我落好晒order 後我話"我而家黎攞"阿姐即話 " 唔洗咁快, 我地12點先開呀, 你慢慢"即係話佢1130 就聽我電話接外賣好開心, 12點鐘落到去呢個阿姐已經幫我點緊數, reconfirm 啲柯打岩唔岩, 俾完錢就走得, 超快!真係好少見到職員咁上心, 同埋咁有禮貌所以要寫一寫讚下叫左幾件三文魚腩,  你睇幾咁肥美, 一入口就食到魚油個隻香味海膽壽司都係唔錯, 紫菜會另外俾有個盒裝起, 唔洗怕返到屋企淋晒呢幾款都係我最喜歡點, 芝士飛魚子, 加埋WASABI 落去撈兩下一齊食仲好食!希望大家有見到職員做我好, 有禮貌都會多D讚許佢地, 佢地做野好辛苦!!!

服務態度不知所謂，點左野就咁放番輸送帶度叫你攞，又會轉去另一客人果邊先，人哋都有機會攞，又唔同你講出左喺輸送帶，叫左、好彩你就會食到。輸送帶度有可樂，但全部已行到凍晒，叫佢攞罐凍啲，又係放係輸送帶上面，又係要去搶。以後唔會再食

同朋友諗緊去邊度食嘢見到附近有間壽司舖 就入咗去試下仿鮑魚壽司 口感煙韌 都幾好食跟住試下 火燒三文魚 魚腩 壽司 熱辣辣 真係好好食再試下呢個 螺肉壽司 新鮮有味道再嚟可以試下D酸薑 都好鬼好食

爭鮮一碟壽司都係$8，雖然質素唔可以話好好。但係咁嘅價錢來講都叫可以擺得落肚啦。呢個係餐牌，如果喺迴轉壽司帶上邊無想食既食物都可以向侍應落單。呢度個茶包係自助式，鍾意飲濃啲嘅朋友可以用兩個茶包。我自己就好鍾意爭鮮嘅茶，鍾意用嚟搬埋壽司一齊食。哩一種普通壽司一疊有兩件，質素比起外賣嗰一種好。我尤其鍾意食呢個蟹棒壽司，除壽司之外仲有好多唔同嘅小食。而呢一種黑色碟嘅係比較貴價既食材，好似呢一個三文魚腩咁，每碟就只係得一舊啦。不過呢一個三文魚腩真係幾唔錯，同出邊普通日本餐廳食嘅都有得比！👍想平平哋食返幾款鍾意食嘅壽司可以黎試吓🤤

作為一個粉嶺人，由於附近無乜好西食，所以都成日會去食爭鮮🍱，$8一碟壽司都真係幾平架。前幾日診🧑🏻老媽子母親節放假，就去左一趟爭鮮開大餐。平時嘅星期日都幾多人，唔知係唔係因為母親節，人流反而無咁多🧐🧐🍣黑碟三文魚腩壽司係我最愛，十分肥美，有時仲都幾厚下🤭咬落啖啖油香，完全唔覺係$8嘅貨色！👍🏻另外呢隻唔知叫咩名嘅蟹籽壽司，我都幾鐘意，咸咸香香，蟹籽又有口感，食落都幾飽肚😋😋😋😋

每次星期六唔洗番工，想同女朋友落街食下好西，又唔想食太貴，爭鮮一定係我地既首選！雖然平，但如果你識揀黎食，一樣可以好滿足咁離開。本身係三文魚控既我，自問對三文魚腩既要求都幾高，估唔到呢碟$8既三文魚腩可以令我咁surprise ！我比80分！

性價比高既迴轉壽司特別推介三文魚腩一件$8！大大件，又肥，絕對抵食！黑色碟既$8一件仲有海膽，三文魚籽等等仲有有火炙三文魚腩，有啲沙律醬係面，唔錯仲有一個黑色碟既燒玊子都雖然已經方耐左，唔暖，但味道唔錯

由於睇到廣告宣傳「爭鮮回轉壽司」9週年做都係每碟$8，但食滿9碟就會免費一碟，之後如此類推嘅優惠，所以我們今晚就去他們喺粉嶺中心店食晚飯！一坐低之後，我們見到喺迴轉帶分別有兩種顏色黃色同黑色嘅碟，黃色碟係兩件一碟，而黑色碟就係一件一碟！其實他們壽司嘅款式選擇都算幾多，但我們比較鍾意食嘅都係吞拿魚、赤貝、帆立貝、劍魚腩同油甘魚呢幾款，所以無乜特別影太多張相，當中嘅劍魚腩同油甘魚雖然係每碟祇得一件，但就切得相當大件厚身，食落口感非常豐富，而且味道係超鮮味甘香！赤貝係眾多貝類之中，我們最鍾意嘅，因味道係極之鮮甜爽脆，而且係每碟兩件，感覺真係好抵食呀！

第一次去吃，限時40分鐘；三個人吃了30碟，$8一碟壽司的價錢確是非常貼地。吃一頓午餐的價錢，就可以享受迴轉壽司。至於壽司🍣質素，這個價錢就不能過分要求，都是一個不錯的體驗，至少較一個在citysuper買的salad來得平，至少視覺享受足夠了。

間中都會黎呢度過下魚生癮，因為真係平靚正！難怪長期門口都咁多人等位。今次特別介紹以下幾款：三文魚腩壽司🍣真係不得了，超級肥美，厚厚的一層油脂，食落去係入口即溶。火炙三文魚壽司火炙後的三文魚又是另一種美味，肥美的油脂經火炙後更香口，但由於只是輕輕一燒，仍保留著柔嫩口感。麻辣帶子裙邊每次必點item。麻辣味道十分過癮，同帶子裙邊好夾，另外配有綠色的菜，香辣爽脆。

i love this place. this location is big and you will most likely get a seat at most times. at 8 dollars per plate any thinking involved, you just grab what you like and eat away. great place to solve a sushi craving. strongly recommend the squid sushi.

坐足40分鐘，叫左5次話無三文魚刺身，3個不同侍應都係話，佢地叫左師傳出多d，唔可以攞比我地，等下啦!白痴既人都知，師傅出碟在頭段，我坐尾段，人地都攞晒啦，簡單d講，下次繁忙時間，又坐左尾段，你食到就睇你運氣了

堅係平靚正的迴轉壽司, 款式多, 好足料, 夠新鮮,對壽司迷嘅我嚟講，任食也不會貴.，最愛迴轉壽司，呢間平常經過只有外賣的店舖，買回家食也不夠喉，現在我才知有實體店，價錢又平，梗係要試吓，好食

住咁近一直都唔得閒食爭鮮，食左一試難忘。原本以為爭鮮迥轉同外賣一樣咁差點知又有驚喜喎。我最愛都係火燒三文魚、飛魚子、三文魚子⋯⋯不過令我更有驚喜既係小碟，有象拔蚌、麻辣裙邊、辣味螺肉、枝豆⋯⋯超正！同女友人食左超過8碟，瘋狂食！不過建議唔好食海膽，好腥！除左呢樣其他都比想像中好，一人都唔洗100飽到嘔算係門啦，可以一試！