鮨政 (Closed)

是masa 不是masa 久仰大名的一家店不過在下誤會了因為用名字搜尋地點還差點去錯了地方幸好最後也能準時到達店舖位於士丹利街接近街尾的地方地方是不難找但方向白痴的我還是找了一下在店外走過了一次也沒為意到沒想到的是還有寿司的放題能選擇的寿司手卷種類多逹30餘款另外還有刺身小食和烏冬不過這次跟朋友點的是單點因為放題裡沒有在下想吃的於是先點了些小食蕯摩炸辛子明太子球 吉烈炸池魚枝豆先來磨磨牙 送送酒 聚聚舊在下最喜歡的可說是明太子球了一口一顆很方便香脆味濃送酒一流帶著微咸微辛更帶出開胃感吃完後我們分兩轉點了些寿司帆立貝 池魚 赤身 墨魚 魷魚 甜蝦等等我們大概每人吃了10多件沒有突別亮點勝在夠新鮮朋友更說這裡的午巿很值得一試大大份量的雜錦魚生飯聽起來卻有點想哭朋友在放閃啊在下自己一個吃不了情侶餐呢😒不過看起來的確很吸引大概可以想想下次把誰捉來陪在下一起吃好了

兩星期前喺YouTube搵到呢間最近大熱嘅壽司放題，$499就可以任食高質壽司，$659仲可以任食埋海膽、拖羅同三文魚子，先生即刻拎起電話預約，週末嘅booking最快都要兩個星期先有位。我哋揀咗$659嘅壽司放題，一入座侍應就為我哋送上每人一份八件嘅壽司，聽聞某啲仲係冇得再叫，第一輪呢八件壽司質素唔錯，特別係拖羅，夠哂肥美，而且飯比較細件唔會好頂肚，但海膽就令人失望，非常普通。食完頭一盤預設嘅壽司之後我哋當然係馬上叫哂啲最貴嘅壽司，每一次只可以每人order十件壽司，所以我哋揀咗海膽、三文魚子、炙燒帆立貝、帆立貝同拖羅各四件。帆立貝雖然唔使加錢都叫到，但質素唔錯，新鮮之餘仲非常肥美，個人就比較喜歡帆立貝多過炙燒帆立貝，燒過嘅帆立貝表面有少少熟咗，口感同味道都冇咁好。第二輪再叫嘅海膽比一開始送嚟嘅更令人失望，冇海膽鮮味之餘仲有少少帶苦，質素同八蚊件嗰間迴轉壽司係差唔多⋯⋯為咗海膽加錢upgrade嘅我非常失望⋯⋯再送上嘅拖羅都係中規中矩，某啲嘅肉質亦比較鬆散同薄。先生唔憤氣再叫多一轉海膽，質素仲每況愈下⋯⋯唯一值得一讚嘅係三文魚子同帆立貝嘅質素係一直保持到，值得encore。三文魚腩稍

話說朋友book既餐廳 話好難book.加上位置在中環，我滿心期待咁食呢餐總共有2個價錢簡既，一係400幾，一係600幾。600幾先有turo食，難得食一次，咁梗係比貴少少。咁一開始既前菜係唔錯嘅，令我覺得唔怪之得咁多人食啦（當晚都滿座咁上下）。由於turo係我大愛，咁我就梗係係咁叫佢同海膽啦。一開始上既還好，但對比前菜既turo已有分別，無咁好食；海膽都過得去既。到後來，叫得次數愈多，質素愈唔掂，仲衰過向donki買…..差不多五件海膽有3件d海膽係有黑色既。turo就變哂有紅點既（但無影相）食到最後，極度失望！覺得呢個價錢連donki，壽司朗既質素都不如，如果比呢個價錢食呢間，我勸大家比1200蚊豪食其他平價壽司店算…..但店員太態度不錯和有善的。

原來唔記得寫呢間嘅食評，一年前夏天嚟過食午市放題，質素唔錯2021-06-21當日係星期六，中午放題每位$400左右，限時兩個鐘，呢個價錢係可以任食海膽壽司。餐廳面積唔大，大約有八張枱，二手握壽司嚟講上菜速度都算快。價錢值唔值得，就見仁見智啦。令我印象最深刻嘅係，海膽用咗唔同嘅品種，因為每次都有唔同嘅味道。第一轉，比較甜，第二轉味道比較薄但係鮮味d。睇圖就知海膽壽司嘅紫菜係脆嘅，唔似放咗好耐林pat pat 其他魚類刺身壽司，都相當唔錯

放題啲飯勁大勁實，食左好少就飽左。冇機會享受其他款式….服務態度良好，點左杯乳酸梳打，侍應話師傅手重落甜左，我未飲時都主動講返同俾返罐迷你梳打汽水我溝返淡，都算係幾均真。不過兩個人食完埋單$1500好似冇咩其他款試到，覺得性價比好低

晚市食佢哋嘅90分鐘放題。食貴啲嗰個。有海膽，吞拿魚同埋三文魚子壽司無限食。埋單計埋+1 ，每人$725. 首先入面嘅環境真係非常之狹窄。成間舖頭只係可以坐到幾台客，有三個侍應同埋兩個壽司師傅。入到去,係有少少嚇親嘅。冇諗過咁細。不過都唔緊要啦，最緊要嘢食好味姐。一坐低，佢哋就會比一盤set我哋。食完之後就可以寫紙仔要自己想再追加嘅嘢。第一個set來得好快。跟住我哋就寫紙仔啦。寫完紙仔等咗半個鐘都冇任何壽司上到俾我哋。但係眼見其他比我哋遲入座更加係遲交紙仔嘅客人已經紛紛上左好幾次壽司。有一台起碼上咗50件壽司以上，但都未輪到我哋。已經又肚餓又冇耐性嘅我哋，開始炆憎。同侍應反映咗幾次，都係遲遲未有壽司。$725一位，限時90分鐘，有30分鐘係冇嘢食嘅。唔嬲嗰個先至奇啦。其中一個比較有經驗嘅侍應話原來有個侍應係新來嘅。可能佢唔識得入紙仔，所以我哋之前點嘅壽司根本就冇入到電腦，壽司師傅當然就冇整到任何一件壽司俾我哋啦。但我哋吹咗幾次佢哋先至發現到呢個問題。但係有經驗嘅嗰個侍應都非常之有耐性同有禮貌，幫我哋快快入紙仔，同埋安排我哋嘅壽司做先。雖然頭嗰大半個，一肚氣，但後尾都係食得飽嘅。之後一直

鮨政特選天婦羅配豪華海鮮丼定食 HK$178定食有沙律 茶碗蒸 味噌湯 丼飯 同天婦羅丼飯上面超多配料 三文魚吞拿魚蟹籽魚籽等等 好colourful啱曬我呢啲成日心大心細唔知食咩好嘅人呢個丼飯就可以一次過滿足你好多願望~但飯身偏乾 如果有多啲醋味會更加好~天婦羅好脆口 唔會話好快就已經腍咗而且蕃薯嗰個好好食 但天婦羅蝦就有啲失望 可能蝦身偏幼 口感唔太彈牙茶碗蒸真係要特別提一提 因為真係啲蛋好滑溜一路食一路話點解佢啲蛋可以咁滑嘅 配料都好足夠 超讚!呢個價錢可以食到咁多野食好吸引 而且食完呢個定食真係超飽! 特上壽司拼盤 HK$158壽司拼盤有9 件壽司吞拿魚、油甘魚、三文魚、帆立貝、魷魚、活煮蝦、海膽、香蔥吞拿魚腩、卷物壽司飯就冇丼飯嘅情況出現 唔會覺得好乾身而且壽司飯嘅醋味好足特別要講係帆立貝壽司帆立貝超大粒 仲要好鮮甜 好食~海膽都冇咩腥味 好新鮮~吞拿魚三文魚都好好食~ 壽司拼盤同定食一樣都有有沙律 茶碗蒸 味噌湯咁多野食好滿足呀!

🥢 要喺香港搵一間淨係食壽司嘅放題餐廳已經好難，要搵一間質素又高又好食簡直係難上加難，中環就有一間做壽司放題做得好出色壽司水準媲美高級日本餐廳嘅人細小店，今日一定要好好宣傳下佢，佢個名叫做「鮨政」👍🏻 店員超級友善同埋服務態度超級好，尤其嗰個日本侍應每次走過黎都好好笑容，你真係會忍唔住想同佢講一句日文嘅Arigatou 謝謝！💡 記得打電話去問清楚放題時間+book位⏳ 每一件壽司都係師傅職場用心製造額出嚟嘅，所以呢上菜呢都係要等一段時間，但係見到佢哋嘅水準你就會覺得等吓都係值得 ✨ 壽司放題 $599一位💡 2 個價位，如果係任食拖羅海膽就要食$599組合💡 落單紙可以揀要唔要wasabi👍🏻放題前每人都會有一份拼盤，用實力震撼一下啊！全部壽司都好有質素，舊壽司飯都好好味😄唔會硬放題兩個大重點🍣✨ 拖羅：好新鮮，肉眼睇都見到油光，超級肥美，油脂好豐富！入口即溶，爆曬啲濃郁嘅魚味👍🏻👍🏻👍🏻👍🏻✨ 海膽：份量好足料，好甜！我起碼食左10舊佢仲有熟食，炸物，麵，甜品可以選擇，特別提提就芝士蛋糕好好食😋

整體壽司的質素有80分，款式吾多其他的食物也不過不失，但$599任食壽司有點貴，基本上食完由佢提供的頭盤壽司已經有5成飽，之後叫了一個回合已經飽晒，想試吓其他款已經頂唔順簡直係粒粒皆辛苦🤦🏻‍♀️

鮨政（中環）今日試咗一個午市套餐Deluxe海鮮丼（$258)呢個套餐有麵豉湯同茶碗蒸附上茶碗蒸算幾滑而且好友香菇嘅味道至於海鮮丼材料都好豐富有赤身、油甘魚、三文魚腩、海膽、三文魚子、帆立貝和牡丹蝦個人認為赤身一般唔算特別新鮮而且冇特別調味海膽亦唔夠鮮甜油甘魚就不過不失至於三文魚腩就好肥美牡丹蝦亦都好新鮮蝦肉勁大隻而且爽口彈牙😋😋帆立貝都夠鮮甜三文魚子都脆卜卜不過整體來講都唔算太特別而且價錢稍貴

好朋友生日，當然要搵間好食既餐廳同佢慶祝。知道佢想食呢間餐廳，排晒唔同日期既waiting list可能疫情嚴重左，有客人取消訂枱，我前前後後改左4次booking 時間，但接電話的哥哥都非常好禮貌黎到當然要食最貴價既$599放題，包括拖羅，海膽，三文魚子都任食, 絕對超值。侍應姐姐哥哥都非常有禮貌，先奉上熱茶， 再問我地壽司要唔要放wasabi係入面，之後會先上8件精選壽司： 大拖羅，中拖羅，鰻魚， 三文魚，海膽軍艦，三文魚子軍艦，深海池魚，醋鯖魚。全部都非常新鮮， 壽司飯唔會大大嚿，分量適中，刺身剛剛好包住整個飯，機器永遠取代唔到手握壽司的質感， 醋飯的酸甜度剛好，軟硬溫度全部很合適 食完已經立刻再encore 第二轉睇相應該都完全睇得出刺身有光澤，想像到質素有幾好食到呢度已經飽左9成但記得留肚食埋個芝士蛋糕做一個美滿總結總括黎講，一定會再幫襯，坐得舒服，服務態度好，食物有質素

“座落於中環不起眼的內街中簡約沉穩的木造門面和裝潢高水準而不花俏的日本菜式服務誠懇有禮而且價錢相宜欲嚐本格日本滋味可以到訪“◇𝐷𝑒𝑙𝑢𝑥𝑒 海鮮丼◇ $248用料大方上乘，海鮮皆鮮甜可口😚牡丹蝦、吞拿魚、海膽、帶子等蓋滿飯面每一口都是能讓味蕾起舞的饗宴💘.◇特上壽司拼盤◇ $158每款都很出色，特別是魚生類，鮮甜肥美👍🏻個人覺得海膽最為驚艷，口感細膩.◇特選天婦羅配豪華海鮮丼定食◇ $178一次滿足兩個願望的豪華定食😆天婦羅外皮厚薄適中，海鮮丼份量十足用料不俗，完食真的超滿足🥰.◇鰻魚飯定食◇ $158沒有過於驚艷，但實屬高水準之丼飯米飯和蛋絲吸滿了鰻魚的醬汁，惹味非常☺️.✨每個套餐配有沙律、味增湯及茶碗蒸。𝑃.𝑠. 其實最值得一試的是它超人氣的90分鐘壽司放題，見到網上對它的評價都很高。只不過我們當天沒有太餓，就留待下次再試吧～ʕ•ᴥ•ʔ （提提大家善用預約服務哦）.⭐ 推薦程度:8/10 ⭐✧ 味道:8.5/10✧ 環境: 8.5/10✧ 服務:8/10✧ 性價比: 8/10.︎︎︎【 鮨政 (中環) 】📍地址：中環威靈頓街97號威利大廈LG樓A及A1號舖☟︎ 分店︎ ︎☟︎❑ 鮨政 (上環)

是咁的，上網見好多人都推薦呢間餐廳既放題，咁見佢貴plan會多咗海膽，拖羅、同三文魚子任食😍 咁同男朋友又鍾意食日本野就去咗試❤️❤️ 價錢就貴少少 $599再加一原本其實我地book咗7/1 夜晚去食既，咁但係因為政府取消咗晚上既堂食所以餐廳就幫我地改咗期去今日食。咁好多原本book咗夜晚枱既客人，佢地都有再幫客人安排番。咁我覺得呢一點係做得幾好😳 如果唔係唔知等到幾時先食到🥲事關呢間嘢都講緊要早一個月book先食到🤣咁坐低之後店員都會講解番放題既叫法 例如每次每人最多可以叫10件壽司，兩個人就最多可以叫20件如此類推。咁一開始會有番一人一客10件既壽司，其中鰻魚同埋鯖魚都係無得再叫既。咁魚生都好新鮮好甜 特別係個海膽都好甜，無怪味❤️ 連男朋友平時唔鍾意食海膽都覺得好食🥰 相比之下三文魚就反而無咁出眾 咁食完第一round 佢比你既壽司之後呢，我地主要都係encore 海膽，三文魚子同拖羅。咁見到即使你order 拖羅都好啦，其實都會有部位上少少既分別。例如有幾舊會特別肥有幾舊冇咁肥咁樣，肥啲嗰幾舊係真係會有入口即溶嘅感覺，比較瘦嘅味道都好夠濃油脂都好豐富只係少咗入口即溶嘅感覺！男朋友

想吃高質壽司，見食評唔錯，提早一個月訂座，週末滿懷期待跟朋友共4人去，選擇90分鐘$599放題(跟$450放題的分別是拖羅/海膽/三文魚籽壽司可以任點)，大概點左2 round壽司、1 round 刺身、1 round炸物和1 round甜品(當日沒有芝士餅，只有抹茶蒛餅，唔太甜，煙韌好食)。第一盤壽司set實左8件不同款，幾好食。之後上的壽司，舊飯大得誇張，成口咬黎咬去都係飯，唔似一般日本米好食，浪費咗魚生食材新鮮，影響左壽司整體味道。海膽壽司味道普通，拖羅和其他壽司上的魚生味道可以。炸物試咗雞、魚、蠔、雜錦天婦羅(不能夠單點例如南瓜、蝦)，調味ok，食得出係即炸。蒸蛋和麵豉湯正常。本身都係量力而為去點食物，亦留意到menu 寫住浪費食物(包括壽司飯)要罰錢，每次要食完全部嘢先可以再點下一round。不過壽司飯完全搶晒上面塊魚生味道，只有三文魚籽壽司和軍艦類的飯量正常。4個人總共點左d咩食物見相片，相片睇到魚生係無問題，但真係俾舊飯嚇親。當日個半鐘見大概4-5台客，店小，坐得比較逼，冬天去着大褸好唔方便。因為怕腥唔係款款魚生都食，但見到食評好同埋之前做緊$399時有youtuber推

星期六下晝，2點半先得閒去醫肚，轉個彎見到鮨政，3點完lunch time 閂舖，但都肯畀我哋入去食埋先！雖則冇得放題，散叫都好開心！大部分丼飯，魚生飯都跟餐有埋湯，沙律同茶碗蒸！沙律菜新鮮爽脆，份量啱好，醬汁好fresh，好開胃！湯普普通通，勝在唔會過鹹！茶碗蒸一般，蛋唔夠滑，入面都唔多料！三文魚籽•蟹•海膽丼: 出色，唔記得問咩海膽，食落有甜味，唔腥，蟹新鮮唔過鹹！海膽三文魚籽丼: 三文魚籽多到食唔晒，本身已經夠鹹，唔洗再落豉油，咬落脆卜卜鹹香鹹香完全唔腥！總括嚟講，嘢食高質，cp value都頗高，夠鐘close 都唔趕客，服務高質，好值得一試！