Video
Read full review
2022-08-28
2729 views
兩星期前喺YouTube搵到呢間最近大熱嘅壽司放題，$499就可以任食高質壽司，$659仲可以任食埋海膽、拖羅同三文魚子，先生即刻拎起電話預約，週末嘅booking最快都要兩個星期先有位。我哋揀咗$659嘅壽司放題，一入座侍應就為我哋送上每人一份八件嘅壽司，聽聞某啲仲係冇得再叫，第一輪呢八件壽司質素唔錯，特別係拖羅，夠哂肥美，而且飯比較細件唔會好頂肚，但海膽就令人失望，非常普通。食完頭一盤預設嘅壽司之後我哋當然係馬上叫哂啲最貴嘅壽司，每一次只可以每人order十件壽司，所以我哋揀咗海膽、三文魚子、炙燒帆立貝、帆立貝同拖羅各四件。帆立貝雖然唔使加錢都叫到，但質素唔錯，新鮮之餘仲非常肥美，個人就比較喜歡帆立貝多過炙燒帆立貝，燒過嘅帆立貝表面有少少熟咗，口感同味道都冇咁好。第二輪再叫嘅海膽比一開始送嚟嘅更令人失望，冇海膽鮮味之餘仲有少少帶苦，質素同八蚊件嗰間迴轉壽司係差唔多⋯⋯為咗海膽加錢upgrade嘅我非常失望⋯⋯再送上嘅拖羅都係中規中矩，某啲嘅肉質亦比較鬆散同薄。先生唔憤氣再叫多一轉海膽，質素仲每況愈下⋯⋯唯一值得一讚嘅係三文魚子同帆立貝嘅質素係一直保持到，值得encore。三文魚腩稍
兩星期前喺YouTube搵到呢間最近大熱嘅壽司放題，$499就可以任食高質壽司，$659仲可以任食埋海膽、拖羅同三文魚子，先生即刻拎起電話預約，週末嘅booking最快都要兩個星期先有位。
我哋揀咗$659嘅壽司放題，一入座侍應就為我哋送上每人一份八件嘅壽司，聽聞某啲仲係冇得再叫，第一輪呢八件壽司質素唔錯，特別係拖羅，夠哂肥美，而且飯比較細件唔會好頂肚，但海膽就令人失望，非常普通。
食完頭一盤預設嘅壽司之後我哋當然係馬上叫哂啲最貴嘅壽司，每一次只可以每人order十件壽司，所以我哋揀咗海膽、三文魚子、炙燒帆立貝、帆立貝同拖羅各四件。帆立貝雖然唔使加錢都叫到，但質素唔錯，新鮮之餘仲非常肥美，個人就比較喜歡帆立貝多過炙燒帆立貝，燒過嘅帆立貝表面有少少熟咗，口感同味道都冇咁好。
第二輪再叫嘅海膽比一開始送嚟嘅更令人失望，冇海膽鮮味之餘仲有少少帶苦，質素同八蚊件嗰間迴轉壽司係差唔多⋯⋯為咗海膽加錢upgrade嘅我非常失望⋯⋯
再送上嘅拖羅都係中規中矩，某啲嘅肉質亦比較鬆散同薄。
先生唔憤氣再叫多一轉海膽，質素仲每況愈下⋯⋯唯一值得一讚嘅係三文魚子同帆立貝嘅質素係一直保持到，值得encore。
三文魚腩稍薄，但新鮮冇筋；蟹籽同三文魚子一樣係卜卜脆，同樣推介；蟹肉壽司就中規中矩。
除咗壽司之外亦有少量刺身可以選擇，三文魚略為瘦咗少少，甜蝦刺身大大隻，肉質鮮甜，值得推薦。
炸蠔尺寸中等，即叫即炸，入口外皮酥脆，內裡鮮嫩，而且一啲都唔腥，唔錯。
清酒煮蜆一客四件，酒香清新，蜆肉新鮮而且冇沙，食多幾件都唔怕滯。
枝豆新鮮，但面頭灑嘅鹽略嫌重手咗少少，有丁點兒偏鹹。
甜品方面選擇較少，只有抹茶蕨餅同芝士蛋糕，但勝在細細件唔頂肚，而且抹茶蕨餅有驚喜，口感煙韌，茶味香濃。整體嚟講餐廳食物質素可以，但性價比唔高，而且某啲食材質素麻麻，冇網上講嘅咁吸引，令人有少許失望，如果先試完頭盤嗰八件壽司再選擇要唔要upgrade，我相信我哋唔會upgrade，如果唔係特別鍾意食拖羅同三文魚子嘅朋友仔，建議食$599放題就夠。
Post
