Video
Opening Hours
Mon - Sun
17:30 - 00:30
Above information is for reference only. Please check details with the restaurant.
因為有張$100coupon係手，又就黎到期所以決定再去會一會「一壽司料理」今次用餐時間為5：30-7：30（因為coupon寫明要7：30前結賑方可使用）先登一下點餐紙比大家了解下有咩食先首先一坐低侍應會奉上一盤刺生（當然會因應入坐人數而增加刺生數量同款式）刺生都幾大片，以放題黎講都算新鮮手羽七味唐揚（炸雞翼）好香脆，是即炸熱辣辣的，不過帶少許辣（建議小朋友可以食另一款不辣的-手羽先（雞翼）鹽燒）,章魚燒入面的口感好似薯蓉咁，個人不太喜歡點了兩個茶碗蒸(黑松露同雲丹(海膽))口感很滑，有蟹柳、雞肉在內，適合小朋友食關東牛肉豆腐鍋，同我個人想像有D出入，我以為好似火鍋咁有D菜、芋絲咁，原來係牛肉、粉絲同豆腐，味道較濃芝麻八爪魚、味付螺肉，同平時出街食的一樣，不過較多醬汁依附著，如果少D會好D天婦羅海老(蝦)，很脆口，蝦身也很爽口蒜香牛柳粒，圖片中顯示比較生，而本人喜歡較熟的(若果大家同我一樣，建議大家可以係個鍋邊辣下佢，因為個鍋邊好熱下，咁樣會熟D)味道很香濃，而且都很腍身。壽司/手卷的size比較細小，岩晒鐘意食壽司，但卻不喜愛舊飯既朋友，而且細件冇咁易飽牛油炒雜菌，味道一般豬骨湯叉燒拉麵，比我想像中大碗，因為佢既食物普遍都係細細份，湯底還可，但叉燒帶有豬蘇味yogurt有四種味(原味、雲呢拿、荔枝同密瓜)，而且還有十多款topping可以揀，出面閒閒地食一般都$3x-4x,所以這款甜品都可以幫大家回下本飲品有齊大路牌子既汽水、雀巢雪梨茶檸檬茶、啤酒同熱茶
continue reading
2013年最後一日想食放題。。book jor 6 點枱， 5點45分就到左啦， 以為要等到6點先可以入去， 原來到左就可以入， 都係入坐開始計兩個鐘既。其實之前都黎食過， 但係男朋友冇食過， 同佢黎try下。其他都okay 既， 有自助yogurt bar , 一入坐又好貼身咁已經有一盤刺身唔order 到， 可以食住等。坐左兩個鐘， 野食好快就到， 咁黎食放題， 我梗係為左吸引omega 3 la， 但刺身好厚，但係三文魚同ｔｕｎａ魚唔係好新鮮，味道 好“聲” 而且有＂跟＂, 食到唔想食第三盤。
continue reading
第一篇食評，就給個好評吧跟老公8點多才到銅鑼灣找餐廳本來打算去大排長龍的「滿屋」吃放題不過「滿屋」實在太滿位了我們就改去了由老公同事介紹的「Sushi One」餐廳佈置還不錯點餐後，不到十分鐘就到齊了沒漏單，不錯！其實我們點了沒有這麼少，這已是第二碟（盆）了。三文魚蠻新鮮，只是我不喜歡把刺身放在冰塊上。甜蝦、北極貝與魷魚特別新鮮，值得一試。最愛吃這裏的串燒，雖然比不上街頭小店。但不會燒焦不會太咸！剛好的味道！牛柳粒是我老公點的他說很不錯！這類型小炒，如炒雜菇、炒雜菜、xx黑豚肉•••（我忘名字了）還算一般。這是少得有點可憐的小食-- 螺肉雖然少份量，但老公說味道還不錯最後吃的是乳酪雪糕。跟外面乳酪店賣的味道一樣。非常驚喜這是乳酪，不是普通雪糕。還配備了一些Toping 供客人自選！非常好！其實我們兩夫婦很能吃！吃了很多很不錯的都沒有寫因為顧著吃。。。哈哈最後要總結，這是一家晚餐飯聚的好餐廳！完朱太
continue reading
舊同學gathering, 搞手揀左係旺區兼人氣几盛既“一壽司“開餐。 “一壽司“位於銅鑼灣二期地庫, 相當就腳易搵。 平日行經門口, 好多人排隊等位ga! 搞手有備而戰, 预早book定位, 我地一到歩先至可以即時入座, 仲係安排坐舒服既卡位添!! 餐廳既天花裝哂射燈, 顯得零舍幽暗浪漫。坐低無耐, 侍應生已送上一大盤靚靚刺身。 由於限時兩個鐘, 要同時間竸赛, 唔知上菜龜定兔, 都係咩都唔好做, click嘢食先…一大叠食物order form, 真係花多眼亂架，一於漁翁撒網式啦！老實講，盤靚靚刺身麻麻地，甜蝦肉毫無彈性，唔紮實！帶子肉完全無鮮味。其他刺身如三文魚、吞拿魚、墨魚等都只屬合格。唯一鮮甜既只有蟹捧刺身囉……剩食刺身既話，唔多店！幸好呢度上菜快，味道最好就係熱辣辣既串燒，好香脆既炸蠔、炸蝦、炸魚。羊扒，味道唔錯。燒牛舌好硬，咬唔開！其他窩物、烏冬麵、炒飯、沙律都還可以。最正係汽水、雪糕、乳酪任飲任食！
continue reading
本身諗住去食一蘭不過友人又唔想排咁就去左後面街既一壽司料理一壽司就食得多喇, 佢既放題又真係未試過, 咁就一於去試下啦入到去reception哥哥仔問我地吧枱坐唔坐, 我地問如果唔坐要等幾耐, 佢就好無禮貌咁話: 半個鐘至九個字啦唉, 又唔想等咁耐, 3個人無所謂啦, 吧枱就吧枱啦被安排坐左係壽司師父前面, 咁當自己去左日本食壽司lor一坐底職員就自動上左碟刺身, 有白玉豚食平時d放題店真係少有D野食都上得幾快同職員會主動行埋黎收單, 而且坐得都舒服, 因為試過去其他放題店D位迫到行都行唔到…但其實都有好多吉枱唔明點解唔調我地坐番普通枱食物同其他放題店既種類差唔多, 但竟然有海膽手卷!同行友人食左6個 lol另外炒飯意外地好食, 因為佢用石頭窩上, 熱辣辣之餘仲有飯焦, 非常香口!不過個拉麵同蒸蛋就好唔得喇, 拉麵好似上海麵, 蒸蛋好似屋企整既瘦肉蒸蛋…飲品同茶都係要自己出去拎既但最正既係平時放題店既甜品通常都係杯裝雪糕/雪米糍, 呢到除左有自助軟雪糕外, 仲有Froyo!!! 再加下有好多唔同Toppings 任加, 真係正呀!!!雖然食左好多野但我都食左3杯星期一至四 $198 未加一咁都ok既, 埋單仲送左$100 discount coupon, 不過要係7:30pm 埋單前先用得, 有機會再來罷
continue reading