魚壽司の刺身專門店

Open Now

Now Closed

呢度好似幾平😎，所以試吓先。今次叫咗個比目魚扒飯，加3蚊有杯綠茶。杯綠茶夠哂熱，不過茶唔夠香，味又偏淡，唔似日本綠茶。飯要等較為長嘅時間。好意外，實物竟然比相好睇。沙律加上麻醬，好好味。配上兩片黃瓜，有少少辣，好特別，同麻醬好夾，好正😋。38蚊一個飯嚟講，份魚扒🐟都算叫做大啦！肉質比一般較為實身，不夠嫩滑，不過都算可以。魚皮做得又香又脆，加上魚嘅脂油，食得好滋味😍。魚骨好少，啖啖肉。而汁嘅濃淡適中，唔錯唔錯。飯係日本米，不過應該係就成本，唔係用高質素嘅米。碗飯睇落去細細碗，食落都覺得幾多，夠哂飽。枱頭有厠紙，都幾周到。餐廳好細間，得5張高凳。我好少坐高凳，坐到腳都痹😂。

$58連飲品，碗面係滿滿嘅餸/刺身咁既價錢，有爆丼X嘅質素，抵食，好食今次叫左慢燒和牛飯，個汁味道很濃，偏甜，對於我喜歡食濃味就覺得好正除了有近十塊燒牛肉外，頂上有隻蛋黃，蛋白配合個汁搞飯非常味美而且牛肉燒到外熟內嫩，中間是粉紅色睇賣相已物超所值吃落更是覺得一定要找機會試埋其他款式可惜的是杯飲料的確平平無奇，我已經怕危險揀最普通的凍檸茶，但茶很淡，檸檬無乜味，不過免費送已算不錯總括而言，這店我仍然是大力推薦

反工食晏 其實已經下午茶時間 好肚餓又唔知食咩 但天氣都熱 想食下Sushi 即刻search下呢頭有冇 比我搵到呢間 就去去試下 由彌敦道街過去唔算近又唔算遠 佢有外賣都有堂食 款式都算唔錯 重點又唔系貴 買完食又好味 我推介啊！！

自己一人晚上唔知食咩好，其實經過呢間餐廳好多次，但唔係咁敢試。因之前食過類似裝横的日本餐廳中過伏。在店内看了又看，忽然有個熟客話認得老闆是金太郎的親戚，信心即刻大左。因當年我也是金太郎的常客。於是試下三文魚魚籽飯。試後十分驚喜，三文魚ok新鮮，混了麻油醬汁，食之前十分擔心個蛋黃，卻十分鮮味。三文魚籽較細粒，但鮮味ok。整體十分超值，只是坐位有限，一人食堂或外賣十分合適。老闆服務細心。值得推介的小店。

$38蒲燒鰻魚丼包餐飲 作為鰻魚控 見到呢個價錢 一定要試下啦！都有半條鏝魚架 而且師傅仲會砌得個丼好靚仔 配上生薑片 又幾好味啵😂🤘🏻仲有杯飲品送.見到d壽司盒都好平好新鮮 😂🤘🏻👻留意💡此店做外賣多 店舖只提供少量座位供客人堂食 ....魚壽司の刺身專門店 (佐敦)佐敦上海街112號地下

呢個飯真係不得了，三文魚份量多，鮮味足，魚籽亦都係唔錯，仲要竟然有隻蛋！48仲連杯台飲，(我個人就飲左熱茶)個人意見: 可以繼續支持！！BTW，上址仲有8張凳比人坐住食，睇場啊姐都幾好禮貌，仲有捧餐服務👍🏻👍🏻👍🏻