鮨千寿 (屯門市廣場1期) (Closed)

今次係第二次嚟呢間餐廳，今次特意帶媽媽來品嚐，和媽媽一起吃飯，通常選擇貴精不貴多的餐廳，皆因二人食量都很少。我們選擇了軟殼蟹沙律為前菜，青瓜芝士鰻魚卷及泡菜豬肉石頭鍋飯為主菜。先上青瓜芝士鰻魚卷，鰻魚燒得超級香，配上入口即溶的芝士，這種感覺超級滿足！連一向嘴刁的媽媽也讚不絕口！第二道菜是泡菜豬肉石頭鍋飯，米顆粒分明，每一啖都有泡菜，雖然份量不太多，但味道很不錯。食到最後，驚喜的是石頭鍋飯的餘溫形成飯焦，飯焦超好吃😋軟殼蟹沙律雖然最遲才遞上，但軟殼蟹炸得不錯，唯媽媽認為不夠醬汁，我覺得還好！

友人介紹日本高質料理, 適逢爸爸生日一家人去親嘗。特上刺身拼盤(8款) $308海膽魷魚卷, 油甘魚,池魚,吞拿魚, 三文魚腩,帶子,蝦 等, 刺身既新鮮又肥美! 尤其海膽魷魚卷很特別, 海膽又鮮味魷魚卷又煙韌又唔漏, 店員會講解配什麼醬料, eg. 抽子醋。。壽司拼盤(10款) $248左口魚,辣吞拿魚,油甘魚,三文魚,鯛魚,甜蝦,帶子,玉子,三文魚籽,蟹肉+籽。鮮甜刺身配煙韌壽司飯絕配!冷梅子麵梅子香味+ 又爽又彈身麵 味道很不錯， 醬汁可以自由調配, 可加埋蘿蔔蓉, 蔥粒, wasibi 提味。本人覺得高質日本料理的不二之選。

呢次係最鮮既，甚至好過出去食既omakase。係每一件都高質；因為我食過衰過佢既omakase。再食諗有同樣質素，差左。真係撞手神，但係當然會好過同區所有食呢啲野既鋪咁囉。佢嘅天婦羅汁好甜好傑好奇怪😑好味既，厚肉算高質，食左唔會嬲。Lunch好抵，係配烏冬同埋天婦羅既餐。竟然係配呢五件壽司，唔係平既肉。厚身新鮮。真係好過連鎖，不過午市咁樣散買叫好貴，鬼叫自己要維持體重計住計住卡路里。唔彈牙，但好過煮常溫既烏冬俾你。服務當然係咁既價錢咁既表現。但係佢嘅既價錢係貴價壽司舖，對比起板長爭鮮已經好好個啲。呢間普通食下壽司刺身唔想搭車，會第一個選佢😂

炸廣島蠔新鮮，蠔味重，愛蠔者必食野菌炒蘆筍每餐都食啲蔬菜是必須的! 牛肉烏冬湯底夠味， 但略嫌牛肉韌左少少 係比較普通的一道菜。石鍋鰻魚飯鰻魚夠厚身， 仲有好多蛋絲， 醬汁唔會過甜。我哋預先book咗位， 一去到已經見到餐廳安排好曬bb椅同bb餐具，夠貼心

看到餐牌，第一眼被它吸引的就是海膽丼😍消費價格不算便宜，但性價比不算太高🤨如果已刺身飯來選，不會做回頭客，但其他食物有機會下次可以再試。.如圖可示，飯量過多，不算細心。應該調整一下分量會更加出色。而家理想中海膽應鋪滿表面🤐.開頭幾口幾有驚喜，但愈食愈唔對路😖開始鮮味的感覺變為油膩感倍增，第一次有呢種感覺🤫（也有可能因為自身問題）其實海膽質素也不太差，只可惜分量掌握得不夠好😌而且有機會混合了不新鮮的海膽？.服務幾好，斟茶很頻密👍🏻只不過安排座門可以再細緻啲🪑

我朋友想食呢間日本嘢，今次係第二次去呢間<鮨千壽>食嘢，由於第一次係新開張及比較忙嘅時間去食，服務質素差我可以體諒。但今次已經過咗lunch最繁忙嘅時段，已經有好多吉枱啦！仲要一入去就即刻同你講用餐時間得60分鐘，感覺已經唔舒服！又唔係有特別優惠定食，更唔係任食，點解仲要係60分鐘呢？坐低無耐就叫咗豪華三色飯(魚生飯)同壽司配天婦羅加蕎麥麵。首先嚟咗個蕎麥麵，以為個麵好熱，因為有煙飄出嚟，點知食落暖嘅？！麵係爽滑，可惜個湯唔夠熱。之後嚟咗個壽司🍣味道不過不失啦！接住嚟咗個豪華三色飯（魚生飯)。咦！發覺個飯錯咗，就叫人跟進啦！店員二話不說就話俾個餐牌俾我哋睇兼收走埋，奇奇怪怪！最後無拎個餐牌嚟，又唔交代。原來碗飯係隔離枱，唉！最少交代聲，等咗五分鐘左右，終於嚟咗我哋個豪華三色飯，海膽新鮮，但唔夠甜！整體個飯都不過不失啦！天婦羅終於嚟到啦！原本係一個餐，點解又分開三次上呢🤔正宗日本餐廳係唔容許分咁多次！天婦羅尚脆，又係唔夠熱。我總係好似有啲嘢未食，所以叫人遞本餐牌俾我睇睇，咦！係有沙律喎！我既刻問係咪有沙律，店員話係，即刻入廚房攞沙律同甜品！綜合以上情況，我對自己講，漏咗嘢

收工去咗屯門市廣場，發現呢間平時唔平的鮨千壽，依家做梗期間限定外賣優惠，幾款食物都幾抵食！我叫咗一個北海丼（$138），無收加一。入面幾款唔同刺身，包括三文魚、海膽、帶子、蟹肉同一個多肉的蟹鉗，全部刺身都幾新鮮，而且份量不少，第一次見現實份量比menu圖中的還要多😋-三文魚脂肪均勻，幾鮮甜。呢個價錢食到幾啖海膽真係值回票價，海膽都係偏鮮甜。仲有份量幾多的大大粒魚籽👍🏻每粒咬落爆開都有鹹甜交織嘅魚卵汁。而且仲有送麵豉湯，成個餐性價比高！

第一次黎，用左openrice book枱，唔洗等直入。不過店內得幾枱客，唔洗book都得。上菜速度快，員工成日會主動refill茶，而且有禮。食物質素好，都幾新鮮，可以一試～

區內出色日本餐廳👍🏻呢排一個禮拜最少食一次🤣前菜有麵豉湯沙律同埋小食，湯熱辣辣，沙律新鮮，👍🏻魚生飯丼😋九款嘅魚生，樣樣都非常新鮮😋😋😋蟹蟹丼，鮮甜好味。不過多人share食會好啲😋甜品😋😋

成日經過都想試下 不過始終價錢唔算親民今次就喺情人節試下佢啦座位唔算話好多 都尚算舒適嘅食物種類都幾多 好多都好吸引咁✨油甘魚薄切佐柚子醋 $108一碟有6片魚 魚同沙律菜都好新鮮配埋微酸嘅柚子醋好開胃好夾 好味✨特上壽司拼盤 $388咩都想食最好就係嗌拼盤㗎喇 咩都可以試下嘛😙魚生新鮮 壽司飯睇得出係手揑嘅質素的確幾唔錯 不過海膽係有啲失望嘅呢個價嚟講 係有啲小貴嘅✨ 味增軟牛脷 $88呢個睇落好似好乾 但入面原來好juicy好冧配埋個蜜糖芥末醬好好味✨火焰牛油番薯 $48店員會喺你面前點火 見住啲火燒融啲牛油不過食落有啲失望嘅 因為番薯唔算甜所以味道爭咁啲✨蟹味增多士 $68蟹肉味濃 配埋蟹籽蔥好香好味道不過個包略嫌太厚 顯得啲料唔係好夠總結嚟講 兩個人食咗大概$800呢個價位嚟講可以食得更好 質素同價錢筆者認為係有啲唔對等嘅但齋以味道嚟講係唔錯嘅

萳茜今日想舒發下感受，或者頭2段餐廳無關。請直接跳至第三段吧。呢幾日天氣凍左好多，因為武漢肺炎，口罩荒令巿民排幾個鐘先可以買到一盒，甚至空手而回。遇著萳茜仲係量地官，自己1個人，無咩事可以留係屋企，係口罩咁難買嘅時候，而又無必要性出門嘅我，當然慳得一個就一個。要買就留啲俾有需要嘅人。正值新年，各人都開工大吉，應該同左同事食個開年飯架啦，而萳茜都想對自己好啲，係鼠年食餐好少少嘅當做開年飯，所以揀左鮨千寿。其實之前都已經食過呢間架啦，水準唔錯，但係區內真係算貴嘅日式餐廳。其實萳茜好鍾意個環境，坐得舒服，而且服務又好啲。今日下午茶時間去，又少左啲內地人，商場係靜左。但餐廳都keep住有客入黎，算不錯啦。開個餐牌，有三樣我係好想試，一係海膽飯，可惜天氣凍，都係食熱嘢比較好。二係蟹粥，但由於萳茜當呢開年飯，所以食個飯，有一個好開始。最後我揀左個松葉蟹蓋海膽石頭鍋飯上枱啦…好開心，個鍋係熱辣辣架。而且成個蟹蓋都係蟹膏，滿滿的上面就放左啲松葉蟹肉蟹籽同海膽，賣相好好。第一啖食個海膽先，好creamy好新鮮。然後我就將所有蟹膏放哂入個飯度，最後撈混黎食。淨食蟹膏+飯係有啲咸。但將佢撈埋一齊食就唔會咁咸

晚餐同閏蜜食呢間日式料理，其實我地午餐都係尖沙咀食左日式料理，但講真，2間比較起嚟，我情願食呢間😂我哋下午茶都食得飽，所以晚餐叫得唔多。首先叫左2件左口魚裙邊壽司，一客海膽魷魚卷，2串雞軟骨，2串芝士年糕煙肉卷，再叫多一次2件左口魚，額外一客河豚魚干🙈😂呢款真係好食，所以再叫多一次😂之前係出面試過食海膽，完成腥到爆，但今次真係食到好嘢，好好食，值得一推！講真，呢款芝士年糕煙肉卷真係好膩😏一件起，一件止，完全滯到爆🙈雞軟骨就一般啦。。。河豚干，我一向叫佢雞泡魚干，今次真係老貓燒鬚，想食所以叫左一客，點知好咸，不停灌茶😂不值一食，或者配酒會好夾既！2個人平均食左$211，都唔錯，可以再返轉頭！

呢間壽司店開咗好耐都冇入去試過 ，琴晚得閒就同朋友入去試吓 ，喺外面睇過裝修已經好靚 好有日本風前菜一到 我同朋友都即刻哇左一聲 油甘魚帶子蝦黑松露沙律 好睇又好食 食落感覺好fresh 到壽司出場啦！甜蝦好大好新鮮 火炙左口魚燒到好滑入口即溶其他壽司都係喺中上水平

位於屯門市中心內較為貴少少的壽司店，下午時份仍有客人。店舖很舒適，還可看到師傅準備魚生。海膽及三文魚籽飯很新鮮，分量很大，海鮮鋪滿了整個飯的表面，一個人一定吃不完。三文魚籽很飽滿，咬下去在口中又爆的感覺。海膽是來自韓國的，質素也不錯。章紅魚薄切黑松露帶子幾種食材很夾，黑松露的味道很香很突出。雖然這道菜很好味，覺得有些微可惜的是，魚生、蝦、帶子都很新鮮，但黑松露的味道把鮮味遮蓋了。特尚壽司拼盤（12款）很新鮮，能更鮮甜就更好。三蟹卷天婦羅第一次見，值得一試。它用了紫菜包住蟹膏、蟹肉同蟹籽來炸！天婦羅炸粉很薄，裏面的蟹味很重。菠蘿及牛脷串燒燒物方面略為遜色。如菠蘿不夠甜，燒得比較乾。牛脷燒得比較硬一點。

行過好幾次，每次都見到有人在門口等位，今日囝想食日本嘢，所以就即管入去試試。睇一睇餐牌，食物都算高價，最後叫了：明太子蟹肉石鍋飯，石鍋飯唔算大，應該都分到兩碗飯，飯有好多蟹肉和明太子，新鮮嘅蟹肉食起來很美味，食到底餐有煲仔飯嘅飯焦海鰻壽司，肥美而又長長一條嘅海鰻，肉質軟軟軟殼蟹手卷，上來時還是暖暖的，一口咬落去，口感脆脆黑松露甜蝦卷，卷物上一埋蝦膠再配上黑松露，食落口感甜甜，香香螢光魷魚沖漬，就是我最唔喜歡的一道食物，食落好似濃濃的酒味但囝就十分喜歡，所以口味嘅嘢真係因人而異！整體食物質素真的不錯，性價比高，所以收這個價錢都是合理！