爭鮮外帶壽司 (富華中心商場)

Open Now

Now Closed

我一直都好鍾意食爭鮮嘅蟹棒壽司😽因為我比較細食，所以一盒其實都可以做lunch夠飽❤️不過今次發現筷子竟然要加一蚊😅我就覺得麻麻地 因為買得爭鮮外賣都一定要筷子😂😂😂咁都要加一蚊😅😂

來自台灣的美味。經過爭鮮，見到有新產品放喺收銀機隔離。原來係義美糙米奶，$5/包，$24/6包，我就買咗兩包，一盒原味一盒低糖試吓。上網搵吓有關糙米奶資訊：糙米漿含有維生素B群及鋅營養素，可維持正常新陳代謝，讓皮膚健康。我今朝就試飲咗原味，入口是濃厚嘅米味，而且都幾飽肚，做早餐一流！

以前去壽司店，我主要是買壽司為主，現在發現這壽司店賣的甜品都食得過，價錢不貴，分量少少地，符合少吃多滋味原則。奶茶/奧利奧大福，一盒5個，賣16元，平均3.2一個。大福就像糯米糍，都是用糯米造皮，用不同味道材料混合粉包做出不同食味。今次我買這盒有兩種口味，奶茶大福有焦糖奶茶的淡淡的茶香，奧利奧大福有Oreo餅乾的獨有餅乾味，兩款都是用糯米造的皮，口感軟綿綿，大福內藏超軟滑的稀奶油，皮面散布椰蓉，整個大福是又香又滑。提拉米蘇/紅絲絨，一盒三件，像餅店普通西餅的形狀，兩件餅面鋪滿朱古力粉，另一件就鋪滿紅色的像士多啤梨的果醬粒子。提拉米蘇有咖啡味，餅身軟綿綿的卻又帶點濕，口感軟滑不太甜。紅絲絨餅身有芝士味，口感軟硬適中。總的來說，兩款甜品味道不差，買壽司時順便買一份回家作飯後甜品也不錯。

隔咗個月，爭鮮再推粒裝壽司兩蚊件，指定店舖有少許變動，亦唔玩連續幾日，七月期間逢星期一，一個禮拜一次，梗就唔厭啦！上次有報導影響，大部分回應都話唔會食，又真係間間都唔洗排隊。雖然又前新店開幕已做過依個優惠，但多間同時做，已經事隔一個月，講真天氣真係比當時更惡劣，但人類是善忘的，又開始排隊了！款式充足，職員身經百戰，俾錢條龍再長都只係排咗幾分鐘就攪掂，有新野出仲可以一路排，一路照攞。質素同之前一樣，依個價相同日後亦唔會有改善，都係過句，身體健康先好食！明知有啲唔舒服，生冷野都暫時唔好食，最多未等下禮拜。今個月迴轉都有做優惠，指定分店係平日星期一至四，買九減一，但火力差太遠了！今個夏日零售寒冬，優惠就是要給力。

位於荃灣嘅尼間爭鮮外帶壽司🍣經常都好多人幫襯，原因只有一個，就係又平又好味佢d壽司米軟硬適中，醋嘅分量亦剛好，而且價錢仲好親民，抵佢好生意嘅！多款壽司選擇，有件裝，盒裝，另外有魚生飯，小食，手卷，仲有飲料同甜品，包羅萬有而我今日嘅選擇係蟹柳魚鬆脆卷同烤雞飯糰🍙兩款手卷嘅紫菜同飯係分開嘅，確保紫菜可以保持脆身，食嘅時候先自己包上，非常簡單容易本人特別推薦大家試下蟹柳魚鬆脆卷，飯卷比較幼身，配上蟹柳嘅咸同魚鬆嘅甜，再加上沙律醬，一啖咬落去味道好有層次而烤雞手卷就比較粗身嘅，裹面有沾滿燒汁嘅烤雞同清爽嘅青瓜，口味清新兩個手卷食飽飽都只係21蚊，經濟實惠

佔盡地利優勢，一出地鐵站，人流眾多，勝在方便，趕時間上班族的一個好選擇，往往大排長龍店舖細細，亦算多選擇，壽司、刺身、丼飯，飲品應有盡有，明碼標價，今天正正因爲趕時間，自己亦決定幫襯下外賣店員用熟練的手法高速完成付款及包裝程序，整個過程可以話無任何溝通，說真的亦沒有溝通的必要我選擇了六件帶子壽司🍣，承惠32元，配上醤油和 wasabi各兩包，分量是按比例配給的作為快食實在是方便之極，但味道不能有太大期望，中規中矩吧飯團的質感比較鬆散，慶幸的是味道還可以，始終一分錢一分貨！

下午經過見有啲肚餓就買左盒花之戀食下當係下午茶，平時有有時都會上去食下佢個回轉壽司，因為真係幾抵，8蚊兩件，雖然質素係一般，但以咁嘅價錢，又想過下引食壽司，都可以接受，個花之戀都係平時水準，正正常常，三文魚幾好。

爭鮮精緻戀$48有三款花之戀，普通個隻就冇咩特別，我好鍾情佢既沙律醬！甜甜既一啲都唔酸。蝦呢就唔會好新嫁啦不過不失！但個海膽真係有啲臭。。不過呢個價錢算唔差。但個人下次會買淨普通花之戀。三文魚鮮蝦盛$36三文魚不嬲都唔差！ 只能說爭鮮真係好抵食，味道又唔太差！

話說今天家中沒有煮飯，通常我不自己出下吃，老媽就會提議到爭鮮買壽司吃。作為一個頗愛日本的典型香港人，吃轉3元1件的爭鮮壽司不單經濟實惠，還可一解思念日本之苦。 3元1件你也別希望會有多好吃，但質素倒真的保持著一定水平，而且不時會有一些新款式。比如今次就有醬燒牛肉壽司，這款要5元多1件，不過真的挺好吃的。每次吃爭鮮最高興就是可以狂吃三文魚壽司，價錢這麼便宜，我可以吃十多件！今次的新發現是原來小黃瓜壽司這麼好吃，實在令我始料不及，看來我也踏入了人生另一個階級吧！ 數十元可以吃壽司吃到飽，應該沒有很多地方能做到吧？

一開盒～好大陣蟹棒味飄揚，但份量好少，一個人當正餐既前菜沙律配正餐都是不錯的選擇，味道都幾好，唔會好多沙拉醬，且不會冰冰冷冷，沙律菜非新鮮，蟹棒肉爽口，果然係新鮮的「爭鮮」

天氣又熱返，放工便買平平地的壽司回家慢慢歎～有一排唔就腳無買爭鮮，個包裝膠袋由單字變左好可愛的Sushi圖案，設計上花了心思。我買了綜合花之戀，花之戀的沙津醬是甜甜的，不是平時的酸味，幾特別，再沾上甜醬油，令Sushi更鮮甜！ 另買了綜合什錦，三文魚Sushi挑白線比較粗身的，便會嚐到三文魚的肥美；白線分佈平均的，肉質便會滑，入口即化 ；肉色為鮮橘色的，便會更鮮味！ 其中龍蝦沙津Sushi，沙津醬混合了Wasabi，平時唔食得Wasabi的我也接受到，好味！飯軟硬度適中，不會雪得太硬。價錢大眾化，又好味又飽肚，抵食！

買左外賣既刺身拼盤返屋企食，但真係超級失望，唔知係咪係冷凍櫃既燈既關係覺得d顏色幾靚應該幾新鮮，返去打開，d色澤有d暗！三文魚無鮮味，唔太新鮮，魷魚直情係腥到食唔落，唔知係咪放係附近連北寄貝都有少少腥腥地！希靈魚希點硬，吞拿魚就不過不失！但整盤既感覺好唔新鮮，唔知會唔會隔夜定點，但真係超級無敵唔新鮮！

每次放工都會經過爭鮮壽司外賣店，會順便入去望下有冇新發現，新出品。今晚我就發現了這個"精緻花之戀"，於是買回家慢慢品嘗。這個"精緻花之戀"有六件花之戀，左邊係魚子加海膽，魚子精凝通透，海膽非常鮮味。中間果款係上面有隻擺放得好有美感的鮮蝦，原來咬開後，鮮蝦下面有帶子，非常鮮甜。而右邊就是傳統的花之戀，沙律醬加蟹籽，甜甜地幾好味。所有花之戀壽司都是一舊飯團外面舖上兩件大塊和厚身的三文魚，只是飯團上面鋪上不同的食材，令花之戀亦有百變的形象。今晚我就是食這盒精緻花之戀再自己烚少少菜作為我的晩餐。

今日路经過荃灣這間爭鮮外帶壽司, 决定買幾件今晚當宵夜食2件海膽花枝軍艦，2件黃金花枝軍艦，2件多春魚籽軍艦，八爪魚壽司，希靈魚壽司。希靈魚壽司 - 醋漬鯡魚配金黃色的柳葉魚卵，爽脆，鮮味，有少少酸甜的味。八爪魚壽司 - 雪白的八爪魚有嚼勁，配芥末醬更會提高鮮甜。多春魚籽軍艦 - 紅色的多春魚卵很多，在口腔內喀玆喀玆的感覺很過癮，有口感。黃金花枝軍艦 - 新鮮的花枝粒加上金黃色的柳葉魚卵，既有喀玆喀玆的過癮感覺，又可咀嚼花枝粒的鮮甜，爽滑的口感。海膽花枝軍艦 - 新鮮的花枝粒配香濃的海膽汁，又令味蕾有另一種驚喜。花枝粒很鮮甜爽滑，海膽汁很濃味，食完仲有海膽味留在口腔內，很鮮味。至於壽司飯軟硬適中，冇飯香。軍艦上的紫菜已經林左，可能不是即刻食的原固。八件壽司做宵夜，不會過飽，恰到好處。

今晚一個人食飯，唔想出街食，決定買壽司回家吃。🍣🍣😋海膽帶子餐盒($38) - 一盒6件，梅花間竹分開兩款壽司。賣相唔錯。海膽顏色望落去新鮮，大件，食落口有鮮味，入口即溶。帶子鮮甜爽口，如果大隻就好啦！紫菜林身唔爽脆。飯粒大小軟硬適中。芝麻八爪魚($12) - 一盒約有6件，大小不一，八爪魚爽身，醬汁偏甜和過多，冇咩芝麻，雪凍食一流。蒜味螺肉($12) - 螺肉爽身，冇蒜香味，醬汁過多。樹莓慕絲蛋糕 ($6) - 一見到就比佢既外型顏色吸引住--紫色心型蛋糕好靚呀～不多不少的白色椰絲鋪係面，另外白色朱古力做餅底連小小邊襯托，好浪漫的感覺。味道酸酸甜甜軟綿綿，第一啖食落酸酸甜甜有開胃感覺，用叉拮落去，因為係慕絲啊，所以軟綿綿，不過左啲，結實少少可能好啲，白朱古力唔太甜，我接受到。