爭鮮外帶壽司 (荃灣千色匯II)

Open Now

Now Closed

有次到屯門深井掃管笏極遠的地方玩耍，心知那應該都沒有什麼餐廳，連外賣都可能要等很久🤔如果去這麼久，倒不如在等候的時間先買點外賣。又到了這間爭鮮買幾件壽司，早上時間已接近12時，因此人流極少。買了一些軍艦，有些三文魚以及火炙三文魚，不知是否因為提早少許拿出來，因此感覺上質感沒有那麼乾因為之前在大埔那間刺身丼飯，這次可能提早拿出來，因此米飯質地沒有那麼乾。即使軍艦的紫菜有點兒軟了，但中間的餡料夠多，因此味道還可以的

疫情嚴重我哋打消咗出外食嘢嘅念頭， 於是就買咗啲壽司返屋企開餐， 壽司種類繁多， 有三文魚 、蟹柳、鰻魚、八爪魚、 螺片 ，一大盒三文魚魚生都只係20蚊咋 ，好抵食只係兩蚊一件。 而味道方面尚算可以， 三文魚鮮甜可口，同喺餐廳食不相伯仲， 可為係疫市之下嘅一種新體驗!

平時平平地都好喜歡食爭鮮既丼飯，例如三文魚加三文魚籽嗰嗰丼飯，好好食。但因為好多文章都話三文魚如果運送得唔好，好易生蟲，就少食好多。之後就發現左爭鮮既鯖魚飯，我好喜歡呢個飯，好似只係30幾蚊，佢係全熟嘅。一開始見佢個樣，怕佢有好多好細既魚骨好似鰻魚咁。但佢係少少骨都無，佢個汁仲要好好撈飯，非常推薦大家諗唔到爭鮮食咩好時揀佢試吓，會愛上鯖魚><

今日路過有d餓餓地，又無時間坐低食lunch，就平平地食個手卷喇，$9黎講，都算係唔錯，我買左軟殼蟹飯卷，因紫菜同飯係分隔包裝，所以包飯後仲係好脆口，另外軟殼蟹有蟹香，仲配埋沙律醬，味道唔錯，又係月頭未出糧時既恩物

廢話唔多講，直接寫食評🙈海鮮餐盒 ($60)嗱，有個句講個句，油甘魚我食得多，顏色嘅瘀黑嘅，就真係第一次，咩味？唔洗問啦，係唔係？帶子食到冰水味，好似未解凍就拎黎用咁，魚子又有腥味，想俾多少少分都俾唔落手！成個餐盒除左個花之戀正常d之外 (因為沙律醬嘅味道cover曬所有野)，其他都不予置評law.....價錢又唔算平，平時Justco夜晚特價個d都好過佢啦🙈仲要標榜自己嘅材料係日本嚟，真心咩？禁止可以話佢哋處理食材手法係差到一個點！

其實依間野初時係做得幾好，不過去到後來服務態度差咗而且選擇好似少過以前............雖然三文魚同吞拿魚都好多件，但係我已經唔敢食咁多三文魚同埋吞拿魚，我主要都係食其他款式嘅壽司，其實我想建議整多啲熱食壽司，除咗鰻魚同埋玉子都可以有更多嘅選擇............呢度嘅服務態度真係需要改善，同埋職員做事效率比較低，例如唔記得比豉油同埋芥末...........飯比較凍， 希望可以改善.........

之前多間刺身驗到有事，天氣又唔好，一定少咗人食壽司，唔係佢邊會指定幾間外帶舖連做三日特價，真係開舖梗簡單咩？價錢吸引必有勇者，但似乎宣傳唔夠？假期出哂街唔買外賣？定真係怕怕？點幾去到都唔洗排隊，款仲好齊，難得兩蚊件，要咩質素？就係過吓囗癮，會唔會有人驚死叮熱食呢？

爭鮮嘅外帶店在每天臨關店的45分鐘前會推出大平賣，大部分貨品會照價最低8折出售，因此各位大大可以再ot後享受平價壽司但要注意每間外帶店的關閉時間都不一樣，否則錯過了時間就要等待下一晚特價時段了。

前日(5-8-2017 Sat)自己落荃灣整o野,之後諗吓食咩好,天時暑熱,買啲甜品返屋企俾爸爸食都好,記得老公話天氣咁熱,食壽司咪好囉,係喎,順便買埋俾爸爸食,記得呢o度有間爭鮮,唔使行去大窩口o既AEON,就o黎呢o度買,由於只有我同爸爸,所以唔買咁多,揀o左$48.00o既精緻花之戀,同$30.00o既什錦壽司盛,俾錢時,店員推銷$15.00三個o既芒果布甸,咁o岩o既?想買楊支甘露o個類o野俾爸爸食,就順便買埋啦,咁就$93.00.返到屋企,爸爸唔o係o度,自己出o左去食o野,咁我一人只食什錦壽司盛, 精緻花之戀就雪住佢,等夜晚同埋老公三人一齊食啦.打開什錦壽司盛,由左至由,上至下咁食,基本上,刺身o既厚度正常唔會太薄,口感唔算好爽但未至於霉;壽司飯o既醋唔多而且都散散地.但值得一提o既係,右下方o既吞拿魚同希靈魚,吞拿魚顏色唔係靚,但佢o既魚味竟然係最特出,一食就食到.而希靈魚o既鹹度o岩o岩好,唔錯.而精緻花之戀呢,因為老公未食晏,所以佢返到o黎就食,我叫佢留一件三文魚子海膽俾爸爸,其餘5件佢就食晒.由雪櫃拎出o黎睇,嘩!海膽顏色深o左,只係雪o左3個鐘,咁恐怖?我黐食少少

今晚一個人食飯，所以又係食爭鮮。一個人買番屋企食既最好選擇！仲有埋甜品買，其實我買開咁多年，都無買過佢d甜品嫁因為睇落係一d都唔吸引...不過今日又口淡淡，突然想食甜野所以今日除左買壽司之外，仲買左一盒藍莓芝士凍餅試下。壽司唔洗講啦！都係同其他分店差不多咁上下，今日d三文魚有d樣衰不過至在平！講番件cake啦$16蚊有2件其實真係好抵，仲平過美心果d西餅！個樣係醜左小小，不過我一食落去就改觀了！果然唔好以貌取人食落又幾好味！啖啖都充滿藍莓味，餅底脆，個糕身都好有芝士味！完全估唔到咁好味，睇黎我一直都錯過曬，下次會再買

爭鮮一向以價廉物美見稱，好耐都無去過爭鮮買壽司，所以前幾日就去幫襯過。今次就買左腐皮，好有煙韌感覺，甜甜地，飯糰D米唔硬無生米，有水準;另三文魚都幾厚切，油脂多相當肥美。總括兩款都唔錯，大家不妨一試

尋日(8-8-2015 Sat)晏晝男友放工後買o野食,大熱天時最好食凍o野,佢就o係o度買o左同樣係$38.00o既海鮮大丼飯同三鮮丼飯,同$10.00o既大巨蛋.我o地先食兩個飯,海鮮大丼飯有六種海鮮,而三鮮丼飯就係有三種蝦,加蟹子,中華沙律同蛋絲.我o地撈埋o黎食,魚生方面,我有食吞拿魚,只有男友食,佢話有筋,而三種蝦呢,鮮味一般,蛋絲連蛋味都冇乜.其他刺身亦不過不失,唔係最好又唔係最差.而飯o既醋都落得o岩o岩好,唔錯o既.至於大巨蛋,我o地當tea食,大巨蛋係咩o黎?packing冇寫係乜,亦冇寫成份,呢個係咪觸犯o左法例?而男友其實o係買o既時候問職員其實係咩o黎?係咪糥米糍o個種?個職員都含糊咁答係o個類.男友問係咩饀?佢答黑糖囉,雲呢拿囉.=.=”我o地食喇,男友咬開,睇到裡面係兩層,黑糖味道好出,而所謂o既雲呢拿我食唔到雲呢拿味,都唔合咩味,而口感又似mousse又似棉花糖,外皮都煙煙韌韌.而另一件,原來係一樣,只係佢o地整到黑白兩邊做面而已.抵食係1.5分

爭鮮的壽司向來以價錢取勝，味道不過不失，不能叫上好吃，也不像明將那麼難入口，但我絕對要推薦一下他們的芝士蛋糕。爭鮮不是經常有售芝士蛋糕，我每次經過都會去碰一碰運氣，即使有售也未必有你想吃的味道，我個人較喜歡blueberry和new york cheese cake。今次買到的是芒果味，雖然一盒兩件只是售不用$20，但味道仍不錯，蛋糕質地實正挺身，不是「林池池」的像mousse又不像mousse的質地。芝士味充足，當然不能要求如starbucks的芝士蛋糕般濃郁，但用來「頂芝士蛋糕癮」或當作宵夜絕對足夠，不會太膩。網上有人說爭鮮賣的芝士蛋糕和大埔梁九記的一樣，如果是真的也不錯，起碼不用千里迢迢走入大埔，也不用一買便要買一整個20多件。

好耐無食過壽司，於是經過外賣爭鮮就入去買壽司食。買左個鯖魚丼飯、青瓜卷物同埋一堆花之戀壽司。個飯其實ok，30蚊有幾塊鯖魚，而且D飯都ok多，仲有d海草食下，味道唔差，份量亦足夠，30蚊算係合理既價錢。至於D青瓜卷物同埋D花之戀壽司，勝在夠平，青瓜卷物就本身都無乜特別，D飯無散開，以呢個價錢係講都算好好，個花之戀壽司都係一樣，三文魚都唔錯，都有D魚味。總括黎講，價錢夠平，雖然D野食就唔算特別好吃，不過間中食一次平價都幾好。

今日婆婆嚟接我同妹妹放學，我哋好開心，婆婆仲話同我哋食午餐，我同妹妹都想食壽司，但又唔想同人迫，所以我哋選擇買外賣 我哋去咗呢間爭鮮，好抵食，只係3元一件，我哋買咗最愛嘅三文魚壽司，芥辣八爪魚壽司，蛋壽司，蝦壽司，最後我哋買咗60件，都係180元，抵食 當然最好味係至愛嘅三文魚，好新鮮而芥辣八爪魚好夠芥辣，我食到標晒眼水，好過癮呀而其他嘅壽司都好好味，全部都算新鮮抵食