米子寿司グルメ

Open Now

Now Closed

$50 2塊牛舌，鑲金？仲要凍嘅🙂$30得5粒碎三文魚手卷，食落去嚡嘅dklm🙂$35 一塊油甘魚手卷，睇個顏色就知唔新鮮，同上面一樣食落去嚡嘅🙂鯖魚味道正常，但係凍嘅🙂睇返佢2023年餐牌（冇人更新）牛舌本身係$45 2串，Kextx上面賣$50 1串。我都明Kextx食水係深，但餐廳都冇理由要深到咁樣樣吧🙂補充凍嘅嗰啲：食物喺26分鐘送到，但佢係暖都唔暖嗰種，店家對同kextx反映係正常份量同埋正常溫度喎🙂

第一次食到咁難食嘅鰻魚飯，首先個飯熱嘅（以為係爭鮮嗰種凍飯），然後舊鰻魚嘅肉係勁少，成層紙咁薄，然後差唔多成舊鰻魚都係皮，個皮仲要成舊橡膠咁完全咬唔爛。去個陣，都冇咩人。等佢送餐嚟，等咗成個鐘有多。話係日式壽司，但係連茶都冇得熱水。價格算平，但質素極差。雖然話有個雪櫃，但裏面嘅嘢飲完全唔凍，懷疑係落嚟裝飾。食佢根本扔錢落去，同爭鮮價格差唔多，但質素差到不得了。 性價比低，難食，送聲慢，唔建議💩💩

幾好食～cp值高米子火焰三文魚丼定食$65卡邦尼白汁漢堡扒撈烏冬$57（含沙律、湯、飲品）三文魚刺身$16三文魚幾新鮮，紋路分明，靚～整體好抵食！！唔明點解次次經過咁少人🫨支持小店！！

當日計埋我得3枱客，加上本身店舖都大，所以都坐得舒服。老實講，店家同我都無怨無仇，當日店家態度都叫友善，所以我唔係要惡意攻擊佢。首先係味道非常之普通，當日嗌左個壽司加烏冬套餐再加一份細壽司卷，壽司同爭鮮差唔多質素，烏冬更加普通到自己係屋企都煮到嘅程度，食唔到味道上有咩特別。第二係價錢，3樣咁普通嘅嘢加埋竟然係要$89，我要先講我唔係食唔起，我平時午餐晚餐都分別花費$80-90，但我比得起個錢唔等於要接受到食埋啲咁嘅嘢。第三係份量，壽司好細舊，好似壽司郎迷你飯咁細舊，3樣菜好似好多咁，但其實加埋都唔夠一份$72蚊加雞胸嘅大快活雞胸飯咁飽肚。總結係睇唔到呢間餐廳有咩優點，味道價錢份量加埋一齊完全說服唔到人去幫襯。外賣可能會係一條血路，但嚟緊有爭鮮開張，真係唔知呢間點樣同爭鮮鬥。真係自求多福啦。btw佢個營運模式都幾搞笑，整個QR code叫人落單，然後又要人出去cashier比錢，真係錦繡多味魚。

【蒜香燒汁牛脷定食 - $64】返工速食😅又用一個好奇嘅心態進入嘅餐廳，間間餐廳都好多人嘅情況下呢度冇人，但因為趕時間都只能即食，唔料居然有驚喜！呢份蒜香燒汁牛脷定食，牛脷好嫩又煎得香口，加埋蒜香燒汁同洋蔥，令整個飯都好好味！返嚟睇唔少食評都話佢哋嘅壽司好難食，我未試過，但我估其他熟食都有機會唔錯！總括嚟講，呢餐真係帶俾我惊喜嘅體驗，食嘢嘅感覺好滿足呢。環境方面，餐廳冇咩人氣，感覺好寧靜，喺繁忙嘅城市中真係難得享受。我相信我會再嚟呢間餐廳，再俾佢更多機會。

之前嚟過呢度食火鍋，都唔錯，仲有魚生送。今日係叫外賣，見到餐牌有全日定食，好多都係五十幾六十蚊。叫咗個三文魚炒飯定食，仲有送沙律，麵豉湯，同埋一包紙包飲品，飲品揀左柑桔檸檬，都只係收$50。外賣等左十幾分鐘就有，麵豉湯唔會太鹹，幾好飲，沙律麻醬夠多都幾好。三文魚炒飯入面有三文魚，蔥，蛋同兩片薑，味道唔錯。 估唔到都幾大碗，我胃口唔算大，一個人居然食唔曬。呢個價錢黎講，真係好抵食，仲要午市晚市同價。下次再黎試下其他。

見間舖頭比較闊落，所以坐低咗。套餐比一般舖頭嘅價錢平少少。不過佢上菜全部都用紙碗碟，所有嘢都係用完即棄，極唔環保。叫了壽司套餐，65蚊都有成10件壽司，不過壽司質素比一般水平低，啲飯係凍同硬，魚生感覺上好唔新鮮，食食下仲發現有一隻識郁嘅小昆蟲喺碟壽司度。雖然隻嘢好細，不過咁死咗之後，剩返嘅壽司都食唔落。嘢飲只得紙包飲品，連一杯熱茶都冇。唯一一樣嘢好，係坐得算舒服嘅，因為好少人。食完後得兩個字喺腦海度，後悔。食完後心情變得更差。

放lunch時間到啦⋯⋯見呢間位於港灣豪庭商場入面既日本餐廳無咩人，又坐得舒服就入黎啦！食物總類有好多1-15款定食，全日供應今次就揀左8號泡菜豚肉燒定食$60收銀處落單，然後自己揀紙包飲品紙包飲品款式都有好多👍🏻跟住揾位坐低，等5分鐘左右侍應就會送餐過黎😊定食套餐包沙律🥗同麵豉湯食完真係好飽好飽呀！呢個泡菜飯辣辣地，好開胃配上珍珠米搞到食晒成碗飯😌😌總括黎講，我會再黎幫襯呀😊😊有機會都要試下晚餐

来了三次每次都叫不同的定食或锅 食材新鲜 卖相也不错 制作也很用心多用纸质餐具碗碟 比较环保店面不大 但是座位间距很宽 卫生也不错重点是真的很便宜！还有，店里会一直播坂井泉水 吃饭的时候听起来怀旧又舒心 让人想起最好的年纪

今次主要唔係想講食物，如果平時諗唔到食咩，又突然想平平地食下日本野，呢間都算性價比高。我主要想表揚呢間野既職員，話說我同男朋友晚餐食完個涮涮鍋準備離開既時候，我男朋友突然流鼻血，仲流到成個口罩都係，個陣有個男職員（高高地、戴眼鏡）幫緊我地執枱，佢見到此情此景就行開左……冇幾耐，佢行返過黎，手上拎住個白色口罩，原來係去左拎一個新口罩比我男朋友替換。個刻真係覺得好窩心，好感動！好人有好報，謝謝你😊

昨晚是第二次光顧。第一次吃套餐牛柳粒飯，不錯，又近居住的。所以再試。昨晚嘗試套餐三文魚炒飯，因為喜歡三文魚，和炒飯。落單才炒的，所以等了一會兒，沒所謂。來到我桌時是熱烘烘的。所以很期待！怎料，吃下吃下，發現飯很『濕』，原來，油很多！油多的程度，是，可以倒出來的油，放入一個紙杯，竟然是大概一厘米高！油倒出來了，飯仍然是油膩膩的！雖然我很餓，仍然不能完成！本來打算離開前向餐廳的工作人員投訴，最後決定在這裡⋯

如果同一大班人搞party或者去野餐，黎米子壽司買外賣食就最好不過，因為佢啲壽司嘅質素幾好。壽司刺身平均人頭消費大約$50左右，以件數來計由$3一件開始，平均數大約$5一件左右。今次公司開party叫左大量壽司刺身，三文魚比較出色肥美得來又有魚味👍海膽唔錯甜而冇怪味唔苦👍，花之戀好食唔會散(修修)，帶子大件夠厚身口感好好，吞拿魚一般但係就唔會太乾身，最重要係手握壽司同機器壓壽司真係無得比，真係估唔到幾蚊件壽司都會有意外驚喜，比市面上一般嘅機器製壽司完全唔同，呢個嘅壽司飯係手握嘅，口感完全唔同一般超級市場或者元氣、爭先果啲壽司飯😪呢度價錢亦相當便宜，好多款亦都係平均$3至$5一件，平時出面店舖都係手握壽司質素一般消費比呢度貴幾倍🙈真心推介大家試吓👍溫馨提示：好似我呢次叫咗咁多壽司要等成20分鐘，但係店舖員工叫我下次可以用佢哋QR code預先提早落單以免等候時間總括嚟講，抵食得嚟，真係有驚喜！

想不到門面不怎麼的小店，海鮮的質素竟然也不錯，價錢也非常公道。有前菜炸餃子(未影相已經食左😅太肚餓啦😝)炸餃子味道可以，另外有點咸的麵豉湯。雜錦魚生過得去，起碼不會太乾身，鮮甜味也能保持。三文魚肥美魚味比較濃厚也是值得一讚👍其他魚生水平一般不太差也不太特別，以這個價錢($58)食材能有這種水準也算是中上水平👍另外冷麵方面未有太大特別只是一般水準，冷麵底部的青瓜絲太多令整體感觀水準下降(有點食草感覺🙈)另外跟餐還有一包道地紙包飲品總括來講食物品質中上水平，價錢有驚喜，可以多d支持！

呢間日本餐廳lunch定食套餐唔錯，咁岩今日去大角咀搵朋友，搭VAN仔去到港灣豪庭商場落車早到左就食埋個lunch先上去朋友度，入咗商場見到有間日本野，但佢哋做個模式類似快餐店形式，模式感覺幾新鮮，就入去試吓食個lunch set，lunch set食物款式都幾多選擇(有8個set)，最後決定叫左個午餐set 日式叉燒丼定食($50)附前菜(炸餃子兩隻)、麵豉湯、主食及紙包飲品一包(我就補錢轉左罐裝汽水)麵豉湯味道可接受👌前菜炸餃子幾香口👍主食方面有4塊厚身大叉燒，另外有半隻流心蛋，份量可以夠兩個比較細食嘅女士食、叉燒幾軟身，味道幾好！❤️冇諗過$50呢個價錢食物內容可以咁豐富，呢個價錢比到呢個質素有絕對驚喜！唯一缺點：堂食侍應唔會有太多服務（眼見㕔面收銀主要一個人工作）但係明白嘅！羊毛出在羊身上，要服務就唔係呢個價錢、所以如果要服務嘅話就唔係太適合。呢個模式幾新穎，本人幾鍾意呢種快餐文化可以用平民價錢去食日式野😋

睇其他差評，d人都未食過就話差，真係覺得一d邏輯都冇而且不負責任。我就岩岩試左午市鰻魚飯定食，隻鰻魚分量足，長過我隻手掌咁，味道唔差。其他壽司就未試，下次再試。雖然係似快餐，冇普通食日本野果d餐具，但算方便，商家慳d成本都冇所謂。地方唔逼，算寬敞，環境睇落都乾淨。服務員都有送餐到張檯。間鋪頭係屋企樓下，街坊落嚟食都幾方便。