壽司郎 (元朗廣場)

Open Now

Now Closed

去壽司郎，要有心理準備..等等等等…..三文魚壽司，三文魚好厚砌吞拿魚壽司三文魚子壽司好多三文魚子，配青瓜一口咬落去好有魚油，飯紫菜mix埋一齊食蝦三味，可以食到熟蝦同甜蝦壽司花之戀，依度既花之戀醬唔會太甜，再配厚砌三文魚包住蟹子炸蝦天婦羅烏冬，必食，隻蝦新鮮炸完再放落去，食落口仲好脆和牛刺身壽司，和牛入口即溶👍🏻朱古力雪芭綠茶雪芭比較好吃實在太過好味道食唔停呀不過等位就真係要耐心等候，每食左一次賣單後蓋印，儲夠一定數量可換公仔架

今日難得朝早放假，11:00就走去元朗廣場搵嘢食，最後揀咗最愛的～壽司郎☺️ 重點係未到午餐時間，一去到唔使等位，職員可以安排直接入座😆一如過往，壽司郎性價比超高，完全冇失準🤭🤭🤭 可能係朝早人數唔多嘅關係，出壽司比平時特別快。食咗一個鐘左右，兩個人唔使$300買單，😌😌😌😌臨走時候食得好飽，仲要可以有埋甜品🍮！！今期赤醋飯祭！推薦 炙燒櫻鯛壽司🍣（檸檬鹽味）⭐️⭐️⭐️⭐️⭐️食得開心滿足

壽司郎again🇯🇵 每次都當去左日本🤭每次去都要試期間限定同埋.. 蓋印換壽司郎仔😝我平時鍾意食拖羅同炙燒芝士三文魚🍣大拖羅同中拖羅都食過～ 真心鍾意食魚油脂豐富既刺身😋之前麻麻地炙燒，但炙燒芝士三文魚真係無得頂半熔嘅炙燒芝士令三文魚🍣壽司口感升哂級而且只係$12😂好抵今次食左新野～！炙燒櫻鯛（檸檬🍋鹽味）咩係🌸櫻鯛？根據網上資料，春季係真鯛的產卵期佢地會在產卵前蓄積許多營養肉質和味道都達到頂峰！再加上帶點🌸櫻花色的魚身因此春季的真鯛也被譽為「櫻鯛」～～ 唔怪得之肉質咁淋咁好味😍 大家快d襯春季去壽司郎試下💓💓仲有期間限定 - 忌廉蟹肉可樂餅😋係日本🇯🇵三大洋食之一蟹肉配以牛奶味忌廉餡料，外酥內嫩好熱辣辣好脆，我諗係即叫即炸又係必叫！但真係小心辣襯個咀😝

紅碟($12) + 銀碟($17) + 金碟($22) + 黑碟($27) +卡達拉娜($22) + 抹茶瑞士卷($22) + 抹茶蕨餅芭菲($32) 壽司郎2019年插旗香港開第1間，而家已經開到全港21間，報導話集團目標係開到50間💪🏻每個月有新品期間限定，價位與出品，表現合格有餘👌🏻同朋友喺元朗廣場分店食，壽司個人推薦赤蝦、大吞拿魚腩、帆立貝、蔥花吞拿魚軍艦、油甘魚；炸物推薦炸蝦同南瓜天婦羅；甜品推薦卡達拉娜、芭菲😋

係天水圍分店食過 但之前覺得普普通通 但今次特別英國嘅朋友返嚟就同佢試吓啦 今次叫嘅嘢食同上次完全唔一樣，但係反而出乎意外係好食好多！ 以下總括嚟講 平均好好食🤤特別係呢個牛舌壽司 唔會硬嘅 🥰仲係嫩 不過我睇呢個都係撞手神 因為見到迴旋帶上面嘅係好似焦黑啲 我呢個係好食嘅🤭蝦三味 最好食依然都係嗰隻大蝦最好食👍🏻第一次食 呢個壽司 本身都冇乜興趣，不過挑戰吓 唔鍾意食魚嘅我 都覺得唔會腥嘅 有啲似白飯魚味😂呢個魚食完有啲甜甜地嘅味 幾好食

今日嚟到元朗壽司郎食lunch~呢一間壽司郎位於元朗廣場3樓（喺豐年路輕鐵站落車行大概3分鐘就到）🤪呢日係公眾假期下午都唔洗等好耐就入到座🤣幾好～～而家新年都有好多期間限定嘅食物～例如有黃金脆薯都只係$12，香脆可口🤪仲有隱藏嘅食法，加埋雪糕一齊食真係好正😖😢🥲😢🥲之後仲叫左貝三味$17@3件一碟三味，超爽口～仲好好食🤩🤩好新鮮！值得一提嘅係而家新年～仲有新年壽司郎sticker送～～好可愛呀

第一次喺元朗食壽司郎點了差唔多四十幾碟嘢食，因為天氣凍所以都點了很多炙燒壽司，點知是比正常壽司仲要冰凍，但睇起來感覺賣相都唔錯得好靚明顯有燒過的，一放入口凍不得了 ；正常燒一下出嚟都應該是帶點暖 ，未試過係凍冰冰 ,我哋全台人都食到非常失望 ，因為我哋平時都去開唔同分店食，都個個大贊的！第一次過來元朗每食一碟都超級失望！好希望佢哋可以改善因為咁樣真係趕客🥹

好似好耐無食過壽司郎喇🍣見朋友話想食壽司 路過見到唔多人等緊就排隊等一陣啦～之前係網上見到話壽司郎無左蝦三味 不知令我幾傷心😢明明蝦三味就係壽司郎必點 cp值最高既餐點！點知入到去見到仲有得叫蝦三味我同朋友都勁興奮 即刻叫番兩碟食下先！果然蝦三味無令我失望 蝦肉依舊彈牙 又大大隻 都只係$17真係好抵😭三文魚油花相間都唔會話太肥太瘦 北寄貝同帶子都keep到水準 🉐🉐🉐今次食完唔知又會隔幾耐再食喇～下次再搵你阿蝦三味😋😋

11月2日一出【全国うまいもん市】Promotion就嚟試壽司郎其中一個X打其他對手嘅就係食物種類，不時有限定，不過有時唔係樣樣都好食青森產熟帆立貝 $12: 幾好，對得住個價錢，冇嗰種急凍味，有啲海水鮮味限定油甘魚 $17: 好食，比常規Menu油甘魚天身好食，肉質有彈性，有魚油香味鹽漬沙甸魚 $12:鍾意食腥味嘅就點啦，伏長崎魷魚鬚天婦羅 $17: 粉厚，魷魚新鮮嘅，但好韌，不推薦日本產醬漬鯖魚海苔包 $12: 唔係好食到有咩特別北海道產海櫻鱒 $17: 麻麻，普通三文魚仲好食三陸炙燒喜知次 $27: 好食嘅，喜知次話晒都係貴魚，有油香，新鮮，但$27我食中拖好過加埋常規Menu赤蝦，帶子，巴斯克整體經驗都好嘅

見壽司郎開店，想去試好耐啦！終於有時間可以去嘗試啦！價格，食物品質都唔差。但我覺得太少款式了，不知道之前有沒有，但我食個日竟然沒有刺身，有些傷心。不過整體還不錯。

スシロー📍 元朗青山公路249-251號元朗廣場3樓341-348號舖第二次嚟元朗店，因為10月推出咗好多款秋季新品，所以一見到就叫朋友陪我試下！今次揀咗幾款比較特別嘅菜式同大家分享下，唔知會唔會令你哋都想試下呢？ 💰$12生七味醬漬長鰭吞拿魚 🐟魚類嚟講其實我真係麻麻哋吞拿魚，但俾佢幅宣傳照吸引到，又想試吓呢個生七味醬漬長鰭吞拿魚啵！一啖食落去，點講好呢，七味醬嘅味唔會太攻鼻，但亦冇咩存在感，吞拿魚嘅魚質尚算OK，起碼唔會霉，但食唔到佢有啲咩特別，有無吞拿魚愛好者可以分享吓食後感？哈哈！ 💰$12北海道產沙甸魚天婦羅 🎣我一向都好鍾意食沙甸魚，特別係葡國油浸罐頭沙甸魚，我一直認為日式嘅煮法唔太討好，因為好易食到啲骨同腥味道比較重。但見呢款沙甸魚天婦羅平時比較少見，又係今個秋季嘅期間限定新品，我哋都試咗一碟。真係好彩有叫咋，天婦羅炸得好香脆，裏面嘅沙甸魚一啲都唔腥魚質仲好有咬口，我同朋友都異口同聲讚好，仲想叫多碟嚟食添，不過再想落單嘅時候已經截咗單，唯有睇吓供應期間仲有無機會食到啦。我真係大推呢款沙甸魚天婦羅，一嚟價錢好平，二嚟可以食到壽司郎都好出名嘅天婦羅炸物，真係唔錯！ 💰$27究

同靚靚朋友撐枱腳打下咭先！！話說啲飯有啲散，但刺身份量質素都ok，價錢都算抵食，哈哈~我地食咗勁多飯同壽司🍣，飽到上心口。但朋友之後竟然仲有胃口食得落甜品，我就無食到啦。留返下次再試下啦！

以前一開始得幾間鋪...記得當時排左兩個半鐘..當時第一次食覺得好好食今次再食...佢性價比依然高，但係退步左都係真如果係蝦愛好者 + 拖羅愛好者我都幾建議你黎壽司郎因為呢2樣野係我覺得最抵食而且又好食既以佢既quality黎講絕對對得住佢既價錢!!而且佢既有紫菜既壽司紫菜都係冧既~題外話佢既甜品真係幾好食係被壽司耽誤左既甜品鋪~

スシロー📍 元朗青山公路249-251號元朗廣場3樓341-348號舖元朗最近都開咗スシロー，終於唔洗突登去屯市食啦。呢間分店喺晚市peak hour都係排50分鐘左右有得食，算比較快，但坐落點餐就發現佢供應嘅款式比較少，例如麵類會無海膽撈麵之類，整體選擇都無其他分店咁多，唔知係已經轉咗餐牌定點呢？食得スシロー都一定會叫好多款嘢食，所以今次只係揀咗幾款比較特別嘅菜式同大家分享下。 💰$17特盛天婦羅小柱軍艦 🐚呢款軍艦係スシロー期間限定嘅，因為人氣高企所以有得再販售。佢咁受歡迎係有原因嘅，飯上面放咗三粒天婦羅小柱，麵衣唔厚而且唔油膩，即使係凍咗仍然脆口，加埋畫龍點睛嘅鹹沙律醬，我一個人唔額外點醬料都可以食到十碟八碟，可相而知佢有幾正！ 💰$12珍寶魷魚天婦羅 🦑喺關店前約20分鐘，壽司帶上多咗好多碟壽司，應該係廚房清埋啲尾貨，我哋見到呢磡魷魚天婦羅咁長咁大條，就本住試伏嘅心態拎咗碟嚟食。嘩！食過咁多次スシロー都無叫過佢嚟食，可惜！原來佢咁好食！佢嘅脆漿好脆，魷魚淨係聞都好香，食落一啲都唔腥唔韌，仲要係紅色碟，性價比極高！ 💰$27 🍤介紹開天婦羅，當然唔少得。。天婦羅啦。佢入面有兩隻蝦

終於食咗第一次壽司郎星期日早上11:23去到唔算太多人等咗35分鐘就可以入座，如果唔使坐卡位仲可以快啲。不過都係坐卡位開心啲作為角落生物美食專家出嚟食嘢一定要帶埋角落生物，連龍龍都話好食🤪🤣清森懸產特大帆立貝🤤🤤🤤推薦超厚，啖啖肉😍😍蝦三味🤤🤤🤤推薦！一次過試晒三款，正😍松葉蟹軍艦 🤤🤤超正，好鮮，蟹膏又唔會太搶味，必食推薦👍🏻👍🏻👍🏻北海道產魷魚伴辣醬軍艦，魷魚都幾爽口辣辣地好過癮，必食推薦一定要試👍🏻👍🏻👍🏻期間限定㗎過咗就冇㗎喇！北寄貝，一碟兩件，抵食推薦😋😋😋芥末章魚軍艦，唔算太辣芥末味唔太濃北海道產海螺，味道都幾腥，爽脆，個人覺得麻麻地茶碗蒸係必食推薦！超級滑！配料足😍😍鯛魚湯蜆肉拉麵，拉麵硬度適中👍🏻個湯好飲，蜆都有幾粒配料都幾多唔錯，好多蔥花，個人認為都係必食推薦😍😍眼闊肚窄唔係食咗好多都係得10樣嘢🤣🤣計埋加一兩個人食左$200下次再嚟試埋其他嘢再推薦俾大家😄😄