大飯糖甜品小食屋 (Closed)

3-8-2017今日去左天水圍分店買咗個芒果山，發覺佢嗰啲綿綿冰好大陣果汁味，連女女都話應該用果汁整，我記得以前冇咁大果汁味好味D，我諗可能以前要吸客，所以用多D真果肉，而家用多左果汁！

以前響天水圍想搵間糖水店，查實都要走到幾遠，而家響天盛新開幕半年左右的新街市有間大飯糖甜品店，款式都幾多 今晚約齊屋企人齊晒腳，一於試間呢間甜品店的出品首先食呢個榴槤山(綿綿冰+榴槤球+水晶+小丸子)，咪睇佢白雪雪冇乜色彩，其實呢個榴槤味道的綿綿冰的榴槤味道幾香甜，如果加上爽口的水晶或者煙刃有咬口的小丸子一齊享用都幾特別，不過呢個榴槤球呢… 雖則看上去似雪糕，但同綿綿冰相比，我實在麻麻地歡喜它的味道  如果要說大飯糖的驚喜，絕對要數到這杯黑白天堂！它由上而下分別是3.6軟雪糕、可可脆片、紅豆粒(加椰汁?!)、小丸子、朱古力奶凍，3.6軟雪糕濃香牛奶味道當然不在話下啦，驚喜在於越往下吃，由冰凍軟滑、變為脆口、香濃、煙刃、濃香軟滑，口感層次豐富，呢個作品幾好！蓮子紅豆沙加多6蚊就可以加個涼粉，查實我都幾歡喜呢個紅豆沙，不太甜，有蓮子，配上涼粉一起食口感還不錯啊，新嘗試！跟住呢個補腦合桃糊(凍)，小弟覺得一般還可以啦，是有合桃味道的，略兼不夠濃香，”糖水”味較出相比之下，呢個生磨芝麻糊(凍)遠較合桃糊突出，濃香的黑芝麻味道在口腔回蕩著，香濃軟滑，雖不及熱食那麼濃香，也為大飯糖一個不錯的飯後

係天水圍新開立食街呢度呢間甜品舖，之前一直都已經好想試，今次同班friend一齊傾夜計，就買埋呢間甜品舖嘅糖水邊食邊傾。睇睇吓餐牌，就覺得呢間糖水舖非常特別除咗為甜品改嘅名特別之外材料都好特別例如黑馬王子,白雪公主,灰姑娘,芒果之城甜品名下面會講甜品有乜嘢，組合亦都非常特別其中見到芒果知識裏面有配料叫星星水晶黑珍珠都非常豐富好吸引，雜果香蕉船都名為鐵達尼號，幾有創意。鋪面仲有部電腦顯示今日有咩甜品推介。由於我哋好大班friend，所以由我發板就叫咗心太軟配榴槤球,榴槤紅豆粒奶涷,灰姑娘, 熱食叫埋 合桃糊 。好快甜品就整好,叫左心太軟,發現店鋪都好細心,會係盒仔開個透氣位,等心太軟拎走食唔會變質。而且個人認為呢間糖水舖嘅心太軟都唔錯，外層好脆，裡面既朱古力不會太甜。不得不讚嘅係榴槤球，用榴槤蓉再加cream整成，食落去好似榴槤味極濃嘅d24榴槤雪糕咁，個人認為非常值得encore，鍾意榴槤嘅人一定必食，尤其是係而家呢個季節裏面冇盛產嘅榴槤真係齒頰留香。而榴槤紅豆奶凍，粒粒紅豆都好大粒，奶凍非常滑，一啖紅豆加一啖奶凍撈埋一齊食就最正，紅豆嘅份量都算多，重點係佢都配左榴槤球。灰姑娘，曲奇雪

以前天水圍宵夜只有俊宏軒一帶，現在除了天瑞外，原來天盛這邊也有一條立食街，今晚加班夜了還未食晚飯，正常餐廳早就關門了，想起來這立食街睇睇。見成條街之中大飯糖最多人，附近店舖都好靜，又跟人試下呢間先。買左三個糖水，拎返屋企同家人分享，嗯，下次要記得自備膠盒來買，環保一點。而，原來說的立食區，其實以大飯糖黎講，連立的位置也沒有，一張高桌也沒有的，正常難以在門口立食，還好我家離這只20分鐘路程，而旁邊有些店，是有少量坐位的。鮮雜果香蕉船(鐵達尼號)$52: 生果有芒果、火龍果、西瓜、菠蘿，三大球雪糕有雲尼拿、香芋、曲奇、香蕉，果然很豐富，最開心雪糕無溶掉，溶得較慢，當中最好味是曲奇，很香濃且有oreo餅碎在中間增口感，生果中芒果特別香甜，熟成芒果來的，菠蘿亦甜無澀口，全部生果狀態都好好，有挑選過的，然後還有可可趣片，有小朋友食就更開心了。海帶綠豆沙$20: 煲到好濃好沙狀，而且海帶味勁濃，綠豆海帶都夠多，好足料。蛋白杏仁茶$35: 一打開已聞到好香的杏仁味，食落又香又濃，質感濃稠，撈一撈發現好大塊蛋白，好足料，補充蛋白質，女士最buy，甜度又岩岩好！

大飯糖-又去左天盛街市覓食，今次食左甜品，作為一間外賣甜品店，質素都唔錯喎！-黑白天堂 ($44)3.6牛乳雪糕🍦食落奶香重，好有驚喜，配上紅豆蓉、彈牙小丸子、可可脆片同埋朱古力奶凍，四者既配搭都十分之夾👍🏻。小丸子煮得岩岩好，夠彈牙，令成個甜品都好有口感。-魔鬼三兄弟 ($52)朱古力奶凍加一球朱古力雪糕配上主角心太軟同少許可可脆片，大致上既配搭同黑白天堂相似，但口感就十分唔同。心太軟焗得不錯，一切開裏面既朱古力就好似熔岩咁流晒出黎☺。不過奶凍略嫌質地太實，雪糕就不過不失啦😉。-

一行二人黎到天水圍，口㾗痕，想食甜品又黎呢間大飯糖啦！之前試過分店元朗就有得堂食，好好味呀，記憶好深心太軟配榴槤球心太軟好香牛油味又有好濃郁既朱古力味，熱騰騰，吉村佢，濃郁嘅朱古力隨即而流，真係好流心。配上榴槤球，呢個榴槤球仲有果肉嫁，絕配榴槤山呢個甜點十分巨型，好大碗，一個人真係食吾曬。綿綿冰分量十足，入口即溶化，配上口感軟滑既小丸子，仲有冰凍Q彈涼粉中和反個甜味，再加上榴槤球，正!榴槤奶原來榴槤溝奶，味道係可以甘香，味道濃郁、香甜、榴槤控絕對不能錯過。蛋白杏仁茶杏仁茶配上蛋白，口感豐富有層次，甜度適中好滋潤，熱騰騰，是冬天不能錯過的甜品。

除左天耀宵夜 點都要行一行天盛商場個度一帶都好多小食店岩岩收工即刻買甜品試下先其實餐牌都好多選擇不過淨係可以拎走!叫左芒果西米露仲有芒果小丸子芒果小丸子小丸子很有口感 最鍾意食!  份量都好大碗 岩晒拎返屋企成家人食芒果新鮮得黎唔會太酸 甜甜地 而且好大舊 加埋啲芒果汁一齊食  無得輸芒果西米露西米好多 之前食過啲西米仲好鬼硬 尼間真係做到粒粒'分明' 哈哈 我比較鍾意軟D既而且芒果都又大舊又多! 好少見 咁足料新鮮既芒果加埋仲凍緊既西米露 絕配~~大家下次行過可以試下~

有朋友搬左去天水圍，捱左咁多年終於有自己的物業！真的恭喜！我們和幾位中學同事一齊上去house warming，9點幾左右大家話餓，我同太太就一齊落去睇下有無糖水。天盛街市好多野食，愈夜愈有機，五光十色，好彩搵到間糖水。香蕉紅豆粒西米露，香蕉我看到是新鮮切的，這項要加分！紅豆可能雪過了，比較硬，整碗糖水都夠甜，本身已經有椰汁，小弟第一次食香蕉的西米露，香蕉的香味都滲入，這個搭配意想不到那麼夾。鮮雜果涼粉，要讚就是的確是用新鮮生果，涼粉唔苦，晶瑩剔透，椰汁都好多，夠甜，一打開碗時見到全部都是黃色水果，原來還有西瓜在底部。太太order了紅黑，是紅豆沙加芝麻糊，一打開蓋，好香的芝麻味，這個由於是熱食，所以紅豆好淋，每粒都起沙，軟綿綿的，芝麻好香濃，食起來好滑，芝麻對身體好，多吃無妨！西瓜汁絕對無溝水，真係食到新鮮西瓜味，有打到爛的西瓜蓉！建議大家先飲西瓜汁再食其他食物，可以飲到西瓜的鮮味，不會被其他食物的濃味而搶去了！

朋友家在天水圍，這天到她家玩，到了下午茶時間，我們決定下樓吃糖水。😋我不熟悉天水圍一帶，不知道有甚麼好吃的，朋友說附近的天盛街市有條立食街，聽上去很吸引。🤤既然是立食，即是以外賣為主吧，這條立食街是室內的，其實是街市中的一條巷。🏢我們見到一間叫「大飯糖」的糖水舖，有不少人在那裡買甜品，看上去不錯。🤓他們的營業時間是下午3時半到凌晨12時半，照顧了人們的下午茶和宵夜，非常貼心，辛苦店員了。😣店面用各款甜品作裝飾，左手邊則有餐單。如果人太多不能擠過去看，櫃檯上也放了印刷精美的餐單，上面還附有熱門糖水的照片。😝可供選擇的甜品主要分為6項：精選甜品、冰極之選、消暑飲品、港式甜品、西式甜品、中式甜品。😛我們最後選了3款甜品🍰和2杯飲料🥛：1. 魔鬼三兄弟光是聽名字就覺得這甜品很邪惡😈，結果發現它真是不把人吃肥不罷休。$52就有心太軟、朱古力奶凍和朱古力雪糕，這三兄弟真是令人又愛又恨。🤔我們最先吃心太軟，因為知道心太軟需要趁熱吃。第一口咬下去覺得很軟，糖霜份量剛好，不會太甜。唯一美中不足是流心太濃，如果可以稀一點會更好，因為我們覺得心太軟的精髓在於流心，當看到朱古力醬流出來，會覺得很有滿足感。🙈朱

聽人講天盛街市開咗個立食區，呢日就約埋兩個friend一齊嚟睇吓因為本身都食咗啲嘢，行咗入嚟冇耐見到有間叫大飯糖嘅甜品店，就決定飯後甜品呢間糖水店鋪仔細細，係專做外賣嘅，不過Menu上面都有好多好多糖水可以俾你選擇我就叫咗個3.5軟雪糕紅豆冰味道比想像中更香濃，而且啲紅豆又淋又香甜，凍冰冰食，開心我另外兩個朋友就拎去出面慢慢食芒果之城（$38)，係芒果加星星。雪糕。黑珍珠。水昌等等溝埋嘅糖水我試食咗啖，唔同嘅材料Max埋一齊口感豐富，芒果味仍十分突出，好好食另一個friend叫咗蛋白杏仁茶加小丸子（$35+$6)好多蛋白好滑，加埋小丸子增加口感，杏仁味好香濃，好有養顏feel最後我哋就咁樣睇住星星食住糖水吹水，天水圍本身唔係太多就腳美味糖水店，呢個外賣小店真係唔錯，味道選擇都上乘，值得encore

住既附近已經無乜甜品鋪今次特登去到天耀試下新野!首先叫左心太軟加雪糕其實開頭好怕佢已經凍晒但返到屋企食個陣 仲有朱古力流出黎仲要好香好濃 外層又唔會太淋大家可以試下榴槤河粉個榴槤真係好香 岩晒鍾意食榴槤既我而且河粉好好咬好爽配埋椰汁 好消暑(熱的12月)木糠布匐包裝真係好靚 開頭以為會是但比個盒我地就算好的色 食落去口感好滑 甜度適中價錢合理 份量都足夠 !最後仲叫左乳牛有益力多沙冰同雲呢嗱雪糕唔會因為太多冰搶左益力多啲味 控制的岩岩好食落去都係甜甜地酸酸地一飲就停唔到啦 如果夏天飲 就更加清暑啦 

食飽飽晚飯～ 見到天盛有間新甜品店落去試下～ 買左一個熱合核露 & 一個熱紫米露買到番屋企都仲熱辣辣...點知一食個合核露....冇合核味、仲要有酸味好失望～ 之後再試埋老公個碗紫米露...味道很一般、唔算好食。

剛好去呢個街市買送，見到間糖水店，愛甜的我買左個紅豆沙和喳咋，雖然都不便宜，但真係幾好食紅豆沙煲到起哂沙，甜度亦剛剛好，好食.喳咋就普普通通，就是欠了香芋，但整體都不錯

樓下街市開了幾間深夜外賣餐廳，香港人有不少人好夜放工或返夜更工作，呢間糖水店開下午3:00,有日去完街行過街市，我又想吃甜品，就來了這間大飯糖,它的價錢偏貴，比起商場另一間糖水店仲貴Ｄ,今次買了椰汁紅豆冰(26元),26元一杯的確幾貴，椰汁紅豆冰味道就好一般,椰汁味好淡，我覺得好甜，26元一杯好唔抵,只是極其普通紅豆冰,服務都OK,這間開在街市内,我覺得有些小奇怪，應該只此一次味道椰汁紅豆,，椰汁味好淡，有些小過甜,紅豆算多啦 ，整體味道一般服務我覺得都OK,外賣店不能要求太多環境身處街市内. 地方都乾淨企理價錢26元,這裡普遍偏貴 ，附近冇甜品店 ,選擇好少

呢間甜品店開左一個月, 我平均一星期都會買兩次.第一次: 梗係試D穩陣野, 芝麻糊$24, 感覺都有D貴, 但原來都幾大碗, 一個人食唔晒, 兩個人就未必夠. 芝麻味香, 一定唔係開粉, 4粒星.第二次: 經過買左杯軟雪糕木糠布甸, 一路行一路食, 個軟雪糕好香奶味, 又唔會過甜, 好正, 5粒星, 木糠布甸正正常常, 3星半...... 平均4.25星第三次: ENCORE芝麻糊, 再叫一個芒雪奇冰, 芝麻糊都係咁好味, 個芒雪奇冰簡值係好味到爆晒燈, 雖然$54有D肉痛, 但其實夠晒兩個人食, 佢有軟雪糕, 星星, 半個芒果, 透明粒粒, 芒果刨冰, 樣樣野都新鮮好味, 點解D芒果可以咁甜架!!!! 爆星星!!!!第四, 五, 六...... 為左試晒餐牌上既野, 我每次都叫唔同野, 不過咁多款..... 真係有排試蛋白杏仁茶: 4.5星紅豆冰: 4星焦糖燉蛋:4星