想甜嚐甜 (Closed)

行過見到仙人掌果雪糕，味道都幾特別所以就試吓佢😊$12食到乳酪雪糕，都幾平😝味道酸酸地，乳酪味都幾重！雪糕質地都幾冰感同幼滑~好消暑☀️仙果味道雖然吾算太濃，但味道吾會好假🙂雪糕筒夠脆身🤗值得一試

因為呢間餐廳好近屋企，啲廣告又賣得好行，睇相好似好吸引咁，所以就打算去試下。環境比較逼，坐得唔舒服。不過環境都係其次，menu好多嘢揀，不過價錢都幾貴，複雜少少嘅甜品都要四十幾五十蚊。呢個係朋友叫嘅，個名唔記得，但大約係荔枝西米露。佢話個西米露好淡，荔枝又好酸，同西米露好唔夾。我叫左榛子朱古力心太軟，心太軟唔熱，同埋陣榛子味好怪，唔係正宗榛子醬味。隔離果個係木瓜乳酪雪糕，陣味又係好奇怪，同心太軟唔夾。兩個甜品水準都好低，性價比低。尤其個心太軟，個size比其他甜品舖細一半，但仲要貴啲，又唔好食⋯真心失望同唔會有下次。

探朋友，是但搵一間甜間鋪，諗住食完就算，沒想到味道這麼奇怪。其實餐廳地方不太大，但甜品鋪，放咗好多張枱，坐得非常之辛苦。如果坐高台，隻腳都放得幾辛苦。擺設係唔錯，算幾靚。重點開始講，整個甜品沒有什麼味道，甜味沒有苦味沒有，涼粉應該是彈牙有口感，但這涼粉比雪糕嘅口感差不多，榴槤同樣沒味道，椰汁底好似開水咁，我亦分唔到究竟個甜品係熱定凍，未試過食一個咁無水準嘅甜品。

一直都覺得黃大仙冇乜好食，主要都好多連鎖店，又貴又冇乜特色，今次係我屋企附近新開既甜品店，係上網無意發現既，見到d甜品好靚，所以就約埋朋友黎試下，最近已經幫襯左兩次！雖然間舖好細得十幾個位，但出品都幾有驚喜，最鍾意呢個紫薯奶凍($34)，新鮮既紫薯粒配紫薯醬舖滿係滑嘟嘟既牛奶奶凍上面，perfect match🎉btw佢用個細鍋仔裝住好得意又靚😍另外另一樣好吸引既就係心太軟！因為有多種口味，例如金莎、抹茶、紫薯、榴連同焦糖香蕉......好多款都好想試，但最後都係揀左我最鍾意既抹茶，個擺盤賣相都好靚，流心效果亦好好，抹茶味就唔夠濃，比較特別係配乳酪雪糕，開頭以為會唔夾，不過食落又ok喎。個碟雖然靚，但好易會流晒d心太軟出黎，要留意下。

想甜嚐甜店面雖小，但每晚排隊到店內食甜品和外賣的人永遠都讓我忍不住停下來看看餐單。今日終於有機會，由於時間尚早（8點左右），店內還有位子。點了兩客心太軟 -宇治金時紅豆綠茶心太軟和黑朱古力心太軟 配 香芋茉莉花茶雪糕。兩個心太軟流心合格！綠茶是偏甜的味道，朱古力味苦味也很足夠，令我驚喜的是旁邊的雪糕。雪糕居然是有陣酸酸的味道，加上淡淡的花茶味，停不下口呢然後友人點了個花之水滴 -賣相也非常討好，中間的啫喱狀的東東是沒有味道的，但配上少許芒果， 玫瑰和荔枝汁，夏天吃這個十分適合

家住鋪頭的對面，所以係睇住佢裝修睇住佢開，但每次去街返家都唔經呢邊，所以今時今日先食。鋪頭細細原來都有幾張枱，店員很有效率又親切，好!黑朱古力心太軟配自家制香芋茉莉軟雪糕，一上碟已經好吸引，再來花之水滴-紫薯胚芽玄信球，靚到連男友都忍唔住“嘩”了出來，驚喜萬分!!!蘋果粒茶清新香甜，但我更喜歡蜜桃紅茶仲要冇加一添，絕對會再食!!!

焦糖香蕉流心配雪糕🍌 ($39）甜品既擺盤好靚，好有心思，未食已經好開心。香蕉心太軟個味好真，而且一切落去，好似熔漿咁爆出黎🌋😍，旁邊既係香橙🍊同蔓越莓花乳酪雪糕，食落酸酸甜甜，配合偏甜既心太軟，又幾夾喎。楓糖紫薯夾心格餅🍠 ($20）叫左個紫薯餡既窩夫，一上枱既時候，咦，咁簡約既😂。切開中間係紫薯蓉，紫薯夠甜，加上楓糖既甜度同特殊既香味，三兩下食曬！

食完晚飯就要早點去新開的甜品店, 最近開始多人了, 所以我們9:00pm左右就去, 都要排隊等一陣.店子比較細, 大約有4張枱, 坐到15-20人. 但主打多款心太軟, 味道也比較少見.而且還有窩夫, 夾餅, 奶凍, 燉蛋, 中式糖水......等等, 很多選擇.白色牆物, 掛上多種小型植物, 好green 好清新, 很迎合甜品店, 店主也很花心思.榴槤椰汁涼粉 ($34):友人叫中式糖水, 榴槤肉一大件, 味道很香甜, 而且很夾椰汁. 除了有傳統的涼粉, 還有透明的涼粉.透明涼粉質感似水玄餅, 滑溜軟彈.又 ($46) :玫瑰荔枝心太軟是個少見的口味, 流心效果好好, 切開慢慢流出玫瑰荔枝醬, 加上莓的味道很夾很濃郁. 酸酸甜甜, 又有玫瑰花香. 蛋糕鬆軟濕潤, 細細件很精緻, 食完唔會膩.旁邊的雪糕是乳酪雪糕, 味道微酸很開胃. 而且裝飾特別, 倒轉的迷你雪糕脆筒.友人之前都食過2-3次, 今次佢才發現有印花卡, 下次再來可以儲啦.總括, 新店比較多人, 10點之後等待時間比較長, 但心太軟值得一試. 其實甜品外賣帶走也很方便.

我嫂嫂係一個甜品怪魔, 嗜甜程度可以自己K.O.幾個甜品依然淡淡定。最近佢又興高采烈同我講黃大仙開了一間靚靚甜品店。又話自己已經食到快要儲滿印仔可以免費換心太軟。見到佢開心既程度, 令我都好想黎呢到嚐一嚐甜呢。門外貼著雜誌報導的店鋪好細小, 坐位大約有十個, 而且多是面牆或對街景, 比較適合人數少少的甜品聚會。店內裝修風格簡約, 白色牆身掛上一些小植物、掛畫、小提琴及單車, 潔淨簡約的裝修, 像一隻螢火蟲重新照亮黃大仙的這條舊街。玫瑰荔枝莓心。配雪糕 $46倒轉雪糕既外型好過癮, 再加上心太軟, 係令女仔毫無招架能力既甜品。不過一直以為雪糕係正常甜筒份量, 但原來係超迷你裝, 有點兒失望。心太軟係清新士多啤梨味, 流心程度尚可, 不過蛋糕外皮不夠乾脆。吃時伴以玫瑰荔枝果醬, 果醬玫瑰味濃郁, 同心太軟一齊食好有火花。乳酪雪糕甜酸適中, 可以中和心太軟甜膩感, 比一般雪糕更夾。榴槤椰汁。配黑透涼粉 $34榴槤癮發作, 點了這個榴槤椰汁, 可以選配, 我就挑選了有黑白兩色的黑透涼粉。榴槤蓉香滑甜美, 但椰汁味道稀薄, 仲會見到一點點椰漿粉末未被調勻。黑透涼粉口感同味道都與龜苓膏極度相似,

早排坐巴士時，見到這裡開了一間裝潢不錯的甜品店，在fb又剛好見到了它的報導，被各種味的心太軟吸引了 ！就在男友家附近，當然要試！店鋪不大，約坐十人左右，會比較迫少少。門口黑板已告知玫瑰荔枝、金莎心太軟等已經賣完。雖然最想試的味都沒有了，但紫薯是近年熱門食物，都值得一試。心太軟拳頭左右大小，配上一個小雪糕，伴碟的配料錦上添花，整個甜品很美觀。心太軟蛋糕較薄，流心情況十分好！紫薯饀料甜道適中，不過兩粒紫薯肉就不夠甜。不過雪糕給了我一個大驚喜，因為是乳酪雪糕，味道不甜偏酸，我本身很喜歡乳酸飲品味，配甜品剛好！之後一定會再試多幾種味！希望下次有玫瑰味吧！在黃大仙慈雲山食店多的地區，希望這小店能加油，保持水準！

店裡位置不多 ,所以需要等候一會店內環境可能有點迫， 所以不太適宜一大班朋友坐下談心，餐牌上有很多很特別的創意甜品，食物外表也相當吸引，一定花了不少心機去設計。朱古力心太軟 雪糕是花果味的乳酪雪糕(寫著 每星期轉口味)雪糕是帶有淡淡的酸味， 有梅的味道， 但花的味道不是太重 ,是非常soft的雪糕質地心太軟 就令我有點失望， 外層厚，不是太鬆軟內面的朱古力 不是太熱。。 而且沒有流心的質感。。 味道一般， 感覺像放了很久。。(上的時間非常快) 點完 幾分鐘就拎左過黎這個是泡芙火焰雪山內面是由泡芙 金字塔的排成外層是由蛋白打成泡沫再加上火槍燒過上桌時 沒有火 (已燒好) 外表很吸睛，但內面泡芙雪得 很硬很硬很硬 (強調)整個味道都好一般

同朋友食完飯經過黃大仙覺得佢裝修好靚行入去等左陣位地方細細但唔算好貴賣相好靚既抹茶紅豆心太軟我覺得最match既係個yogurt 雪糕酸酸甜甜一d都唔漏朋友個紫薯心太軟都好好味呀會再返轉頭幫襯既小店

係新蒲崗道開左間細細間的甜品鋪, 行過見心太軟幾抵, 走左入去試試。本身酷愛榴槤的我, 黎到見到多種心太軟中,有個『榴心嚐甜』的榴槤心太軟馬上叫嚟試。心太軟嚟到嗰陣, 榴槤香味唔算勁, 但切開內裡的榴槤朱古力馬上湧出嚟。 配榴槤肉去食都真係幾爽。食開榴槤都知, 榴槤朱古力熱氣都預左, 又估唔到配嗰雪糕嚟食, 酸酸地又幾夾嗰心太軟, 味道岩岩好。食嗰陣見好多人叫嗰朱古力心太軟, 同埋軟雪糕外賣, 相信下次再嚟會試下

利申！榛子控！喝咖啡吃甜點蛋糕一定要榛子味，人人說金莎好肥我都一定要吃，還有Nutella加雪糕真的好美味。。。回正題，難得香港有不是朱古力而是榛子味的心太軟，我已經在三天內吃了兩次，好味到想食埋隻碟！平時喜歡吃點的時候點杯熱茶，因為滿口甜味又好像太過！但是這個乳酪雪糕是荔枝玫瑰味，清清地，還有一點點酸的檸檬醬點綴，口感很balanced吃起來不會太甜，又不會只有單一的味道，外脆內軟，太感動了～唯一缺點就是如果我每天來吃的話一定會好肥～幸好雪糕是新鮮乳酪打的，有益生菌又感覺沒那麼多糖，這個夏天我會吃一百次 望著流出來的流心，暖暖的，混在雪糕中，感覺好幸福，直頭可以拍片！

經朋友介紹黎食，鋪面唔算大但裝修唔錯，幾舒服。一睇價錢牌就覺得幾抵食，同朋友一行二人，叫左焦糖香蕉心太軟同埋榴槤窩夫，兩款都有雪糕配埋。先講個心太軟，建議呢個真係要小心食，朋友一切開真係熔岩咁爆出黎，名符其實。另外既係比較小有既榴槤窩夫，好香好好味，好有heart。下次再黎會想試下個紫薯系列，真係值得推介