甜家

Open Now

Now Closed

栗子糊 $30我一向鐘意栗子，一到秋天，就想食炒栗子。一上枱散發着濃厚栗子的香氣，熱辣辣好適合秋冬食，澱粉質較高，令糖水質感變得濃稠，煮得好綿，入口細膩幼滑，甜度適中，如果添栗子粒，口感更豐富，栗子喜愛者必試，每人枱都點一碗，就知好食冇揀錯。金玉滿堂$38楊枝金露加了芒果雪糕，芒果汁底香濃，好自然，有奶香，甜而不膩，芒果量多但味道微酸，柚子新鮮飽滿多汁，不會過酸，亦冇苦味，大粒西米飽滿爽滑，芒果汁底香濃，好自然，有奶香，甜而不膩。

在步行回家的途中,有緣見到另一間有文宣的小店,原來又是一間甜品店。不過這間甜品店中西合壁,環境寬敞,更傾向傳統的中式糖水鋪。作為孝子,當然就是買一碗糖水孝敬娘親。售賣中式糖水的小店好多,但有栗子蓉的卻不多,因此我就選了栗子蓉。栗子蓉   31元(1元是外賣盒)   3.5/5分拿回家後依然微熱,證明本身是熱到噴火。我覺得喜歡吃栗子的朋友一定會很喜歡,因為有點似將栗子變成糊的感覺,但又不會太甜。我想堂食會好一些,因為始終中式糖水店用玻璃碗盛放才有風味吧?西環實在有太多黃店甜品,呢間更有文宣及中西甜品,歡迎各位支持!

食完晚飯好飽，行吓路先返去， 唔搭車， 消化吓~ 行吓行吓， 見到呢間甜家， 真係好， 又可以食 之前已經想食， 一直冇機會。。。。而家機會嚟喇~ 飛雲呢間鋪仔細細， 都好好service, 好有禮貌，又乾淨， 一路都有人入嚟買外賣， 真係識貨 我一望餐牌， 就見到榴槤系列， 唔駛諗， 即叫話說我本來book咗機票去檳城食榴槤， 但係呢個害人不淺嘅武漢肺炎， 搞到我冇得去旅行， 冇得食榴槤， 罪大惡極！！！！ 所以我一見到榴槤就會叫， 當係慰藉吓我嘅心靈啦。。。坐低一陣， 個榴槤珠珠就送上門， 見到都開心， 好大舊榴槤肉呀~ 呢個榴槤珠珠有榴槤肉，榴槤汁，西米，黑珍珠，水晶珠，雲尼拿沙冰， 好多配料， 好豐富~ 真係好好味下次要再食

去食完pizza行到過西環想食糖水，本來想去嗰間老字號， 但係朋友又話而家唔多好食，出大街望下發現咗呢間 糖水舖， 幾好吖唔使check都知道係好鍾意香港嘅~ 入去係一位後生姐姐做招呼，望下餐牌~ 有樣嘢叫"是但啦 whatever"﹐ 我係一個好有冒險精神嘅人決定就佢，朋友就保險少少要咗個栗子露， 最先上嘅朋友個栗子露，望落嘅成色都唔錯； 我個是但啦都唔多是但，因為都等有少少時間先上，造型非常之出色， 底係益力多沙冰再配椰果+芒果爆珠，仲有應該係oreo雪糕m 味道好夾，椰果個啲冇用糖水浸到好甜， 所以食完都唔會好膩；試過朋友嗰個栗子露~雖然一啖咁大把，但係食到非常之真材實料，栗子味好香濃， 唔會太甜，搞到我都想打包一碗走~埋單嘅時候問過姐姐究竟個是但啦係咪隨機，佢話係仲要睇下係邊個做， BTW唯一美中不足就係姐姐可能做得太攰，面口有啲黑…

呢間甜品鋪無富麗堂皇嘅門面，但佢甜品嘅水準一定唔會令你失望！因為近屋企！我一星期都幫襯四、五次！食極都唔厭！尤其佢個【宇治金時】，簡直係無得頂！老闆娘又好 nice 好有人情味，呢啲小店小本經營，大家一定要多多支持，大家都係「黃」種人嘛

無論傳統糖水或新式甜品均足料制作，尤其是豆腐花及糊類，完全能吃到原材料的豐富及傳統的美味。價錢合理，用心制作，此等食店已經少之又少，只有是地區小店才可堅持，希望各位多多幫趁，令小店可以繼為街方提供平、靚、正的甜品。

Was introduced to this place about two or three weeks ago. You can’t dine in or anything rn because of corona, but the dessert is goodPersonally I liked the double boiled milk with mango, but they have a lot of nice things. Definitely check it out, service is pretty fast

Fresh ingredients and awesome taste. The best dessert I had in Hong Kong. The owner is very very nice! We ordered mango rice roll, tofu pudding with almond tea and am mango king. All of three are very nice. Especially the almond tea. Super refreshing!

晚餐唔係食得好飽，口痕想食糖水。西營盤的糖水店其實唔係好多，記得德輔道西近正街新開咗間糖水店一於去試一試！糖水店叫甜家，門面較低調。睇返openrice先知原來佢喺水街搬過嚟的。德輔道西夜晚人流比較少，我地9點左右不用等位可以直入。糖水款式比想像中多，中西式都有！點左2碗腐竹薏米糖水，其中一碗加蛋白。2碗加埋$66，抵食！糖水的蛋白和薏米都好多，非常足料！味道不會太甜，啱啱好！見隔離枱的芒果甜品望落唔錯，而且價錢亦公道，下次要再黎試吓！

男朋友話想食甜品，就open rice seaech下西環有咩甜品，本身都吾知係新店，係見menu 價錢中肯就試下🙏🏽 第1次experience 吾錯, 店員都服務態度好～坐得舒服，又近地鐵出口，食物黎講楊枝甘露都多芒果加埋雪糕都吾貴，我食果個係雜果，士多啤梨西瓜哈密瓜都有幾粒食到～ 大家快d Try try 大家如果跟google map下吾好轉入橫街，因為佢係locate係大街果度，地鐵出口轉左直行就會見到

晚餐後打算行返西營盤站，見到呢間試業中既糖水店，望落幾乾淨光猛，又唔駛等位就入去試下見到個餐牌真係不得了，平時$40幾蚊既楊枝甘露，呢度加埋雪糕都只係$38，而且相當足料，有好多芒果，令到有濃郁既芒果味而雜果甘露豆腐花，望落以為咩都溝埋一齊，點知足料既雜果下，依然食得出豆腐花個豆味，可想而知如果一碗豆腐花都應該相當高質。而且店內封枱既方法都幾有創意，各位可以留意下。 同時店內都有好多香港人應該知道同埋了解既資訊文宣總結講就係，呢間糖水店，唔單止係黃店，性價比更加係相當高

前兩日經過見到甜家，心諗個名熟口熟面，今晚得閒就入內試試，原來係之前在水街經營的甜家，一樣是糖水鋪，但現在新鋪比舊鋪闊落很多。糖水點了木瓜雪耳、腐竹薏米，味道同以前一樣好味，老闆娘仲送咗啲芋圓俾我地試，煙煙韌韌，都不錯啊，其他員工都親切有禮。店鋪重新開張，希望多啲人幫襯，外賣有優惠啊 ：）

經過西營盤見到間新開既甜品店，空間闊落，入到去比一般甜品店空間大，連埋bar枱足足有20張枱。坐低之後打開menu，由中式到西式既甜品都有，選擇好多，最後叫左一份朱古力心太軟，賣相吸引😋。朱古力心太軟甜而不膩，朱古力味好重😍，岩哂鐘意食朱古力既我，鐘意食朱古力既人應該都會好鐘意😚。配上雪糕咁食，一熱一凍，非常過癮😆。另外，鋪頭知道疫情嚴重，門外張貼告示，表明非戴口罩者不得內進，外賣亦有九折優惠，值得一讚。