甜家

Open Now

Now Closed

晚餐唔係食得好飽，口痕想食糖水。西營盤的糖水店其實唔係好多，記得德輔道西近正街新開咗間糖水店一於去試一試！糖水店叫甜家，門面較低調。睇返openrice先知原來佢喺水街搬過嚟的。德輔道西夜晚人流比較少，我地9點左右不用等位可以直入。糖水款式比想像中多，中西式都有！點左2碗腐竹薏米糖水，其中一碗加蛋白。2碗加埋$66，抵食！糖水的蛋白和薏米都好多，非常足料！味道不會太甜，啱啱好！見隔離枱的芒果甜品望落唔錯，而且價錢亦公道，下次要再黎試吓！