甜公館

Open Now

Now Closed

下巴仔評分（5星為最高）環境：🌟🌟🌟🌟味道：🌟🌟🌟🌟🌟服務：🌟🌟🌟🌟🌟抵食：🌟🌟🌟🌟重點推介🤤👍 原個椰皇燉牛乳（熱）熱辣辣嘅原個椰皇🥥直接上檯 傳來陣陣嘅椰皇香味 入面係滑滑嘅燉牛乳 非常吸引😍😍食落口除左有牛乳嘅香味 仲有淡淡嘅椰香味滲出來 清新滋潤 記得要挖埋啲椰皇肉出黎食呀!👍 芒果窩夫配雪糕🧇（綠茶雪糕）最basic既格仔窩夫 上面梅花間竹鋪滿黃色嘅芒果同白色嘅忌廉 再配上綠茶雪糕 整個窩夫色彩非常搶鏡 適合打卡 食落口 脆身嘅窩夫 與芒果🥭忌廉🧈雪糕🍦混在一起 口感同道相互平衡 唔需中要花巧既材料 簡單呈現出窩夫最原始既味道👍 芒果糯米糍（大）🥭兩粒大大嘅芒果糯米糍已經差唔多覆蓋整隻碟芒果肉非常大塊 鮮甜多汁😋 芒果糯米糍可以選擇細（3粒一碟）同大（2粒一碟）注意事項⚠️- 甜品店入口位於角祥街🗺- 免加一收費 用餐環境寬敞 飯後好去處😋

好耐冇坐低慢慢嘆甜品🍮呢間甜品舖有多款甜品，而且價錢唔貴！睇睇餐牌好多樣都好想食，我哋揀咗三款一齊share😌呢度配雪糕嘅甜品都可以揀口味：曲奇、朱古力、士多啤梨、芒果、綠茶、榴槤、芝麻、雲呢拿。▶️香蕉窩夫🧇配雪糕🍦$49揀咗朱古力味雪糕🍦呢個窩夫非常抵食，有兩大件！窩夫每一格仔都有忌廉及香蕉，仲配埋雪糕。呢款窩夫係煙煙韌韌嘅窩夫，食落比起平時脆身嘅更有口感😋 ▶️金銀滿屋$46芒果西米露、小丸子🍡、雪糕芒果西米露酸酸甜甜，入邊有煙煙韌韌嘅丸子，雪糕揀咗士多啤梨味～▶️焦糖燉蛋$42焦糖燉蛋夠多焦糖，焦糖香脆，賣相靚～食落又唔會太甜，好味～而家開返晚市堂食，食完飯食個甜品真係Perfect！

早前去左朋友屋企玩switch， 玩到下晝悶悶地就決定落街搵下野食，朋友提議去佢附近新開既甜品舖試下，實測下好唔好食先👀◦ 法式焦糖燉蛋 ($42) 呢份燉蛋比我想像中大碗😍其實係等上菜個陣已經聞到陣陣既焦糖香味，冇既耐店員就送上呢碗焦糖燉蛋😙滿滿一層既焦糖，上面仲有一小粒士多啤梨做點綴都幾靚🥰燉蛋整得唔錯，口感厚身得黎又好滑，推薦🤩◦ 楊枝甘露 ($36)天氣咁熱飲番碗楊枝甘露真係透心涼😛呢碗楊枝甘露都幾大碗，食材包括芒果肉、西柚肉、西米同埋少少芒果醬，當中西米份量都幾多，啖啖西米口感都唔錯😋◦ 雪山榴槤飄香小丸子配雪糕 ($56)呢碗主要係一球雪糕、一球榴槤、同埋好多小丸子同西米；當中雪糕可以自己選擇，包括雲呢拿、曲奇、榴槤味等等，我地就揀左雲呢拿味☺️作為榴槤控既我二話不說揀左呢份😆榴槤真果肉真係食得我好開心，配埋小丸子同西米都幾夾，口感相當豐富！📍甜公館大角咀埃華街89-105號大同新邨大衛樓地下105B號舖

平時少啲經過大角咀埃華街呢邊，發現原來街道兩旁食店林立，係覓食好去處，依家下午天氣悶熱，特別想食甜甜地凍凍地嘅嘢，見到「甜公館」玻璃門面張貼咗好多甜品嘅宣傳海報，好似召喚緊我入去咁！「甜公館」個格局好光猛，空氣流通、好通風，見到放置咗部空氣清新機，其中一面牆係玻璃牆，空間感十足，四周嘅牆又貼滿晒唔同種類嘅甜品宣傳海報，唔使睇Menu都知道有乜嘢食！入邊有個工作嘅姨姨，食客一坐低，佢就會斟水送上，說話嘅聲音好似帶微笑咁，又問甜品好唔好食，好殷勤親切、又有禮貌！見到menu有好多系列：西式甜品、窩夫、綿綿冰、沙冰、中式甜品、芋圓、椰皇、西米露系列！選擇多多！見到幾個外賣都叫焦糖雪糕批，於是我都叫點咗！➺焦糖雪糕批$36第一次食雪糕做餡嘅批，外貌好似蛋撻，但味道並不普通，用匙羹敲兩敲，一下匹起焦糖片同芒果味雪糕送入口，唔係太甜嘅雪糕一下子溶化，剩返好脆、有少少厚度嘅焦糖片咀嚼，再匹起雪糖同餅底，餅底好重奶油味又酥化，不甜，中和返晒頭先焦糖片嘅甜味，成個批感覺好輕盈。而且上中下三層唔同質感嘅食材放埋一齊，層次分明，口感又幾得意。➺芒果窩夫配雪糕$55食完雪糕批，個胃仲有空間，所以點咗個窩夫，窩

🤎甜公館 (大角咀)🧸大角咀埃華街89-105號大同新邨大衛樓地下105B號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️如果大家有最開我嘅post就會知道我食嘢食得好甜！平時去茶餐廳飲好立克我都要落三匙羹糖🤣放心我已經睇咗醫生佢話我冇糖尿病😵‍💫不過呢個食得太甜嘅壞習慣真係要改下。至於幾時要作出改變就梗係等我食埋今餐先啦，今餐係食甜品😍自從第五波疫情開始我就冇咩再食過甜品了，通常都係當作宵夜，冇咗晚市我就再冇飯後甜品了。今日行過見到呢間餐廳好吸引所以就衝左入去🤪呢間甜品店Menu真係勁多嘢揀😍-士多啤梨窩夫配雪糕🍓 $55睇到個餐牌嘅時候真係嚇咗一下，我冇諗過咁大份嘅窩夫整得咁靚都只係$55 ，平時出邊食開都起碼要$80左右😱實在比佢便宜嘅價格驚艷到我！即叫即整，熱辣辣上枱。窩夫香噴外脆內院充滿蛋香😝士多啤梨甜而不酸，太正了🙌🏻-法式焦糖燉蛋🥚 $42口感Q彈柔嫩、外表薄脆，充滿蛋香😋啖啖都有陣陣嘅奶香，吃起上黎又香又甜😚-焦糖雪糕批🍦 $36見到佢個外貌好似一個蛋撻咁樣估唔到咁好食，未見到實物之前我以為純粹係個撻上面加個雪糕，點不知原來雪糕係做內餡🍨，入邊嘅雪糕係焦糖雪糕，唔會話好甜

今晚去咗大角咀DINNER，順便試咗附近一間新開既甜品舖。全新裝修，環境整潔又企理，座位之間唔會太迫，都坐得幾舒服。幾個FRIEND一齊SHARE咗三個甜品~香蕉焦糖燉蛋賣相好精緻，入口香甜滑溜，有好重既奶香，質感偏挺身，面頭既焦糖外殼夠焦脆，仲鋪滿哂香蕉片，好正。士多啤梨窩夫配朱古力雪糕窩夫烘得鬆脆，加上忌廉、士多啤梨，配合埋夠哂冰凍既朱古力雪糕同食，一冷一熱，而家天氣食真係透心涼。鮮奶桃膠蛋白桃膠煙煙韌韌好有口感，甜度剛好，蛋白又嫩滑，好好食。