甜公館

Open Now

Now Closed

《大角咀甜品新店之旅》近年大角咀開咗好多唔同風格嘅食肆、香港人飯後食甜品似乎形成咗一個習慣、小弟上個月就喺大角咀試咗這間甜品小店：甜公館🥥椰皇燉牛乳食起嚟好香滑、淡淡椰子味同埋奶味混合埋一體、感覺真係好清爽、食完牛乳、仲可以食椰皇裏面嘅肉、正😋🍮焦糖燉蛋燉蛋表面上嘅脆皮甜度適中、脆卜卜🤩燉蛋正常發揮、蛋味十分濃、食落去好軟滑🧇芒果窩夫熱辣辣嘅窩夫配上芒果雪糕及芒果粒、口感真係好豐富, 仲有忌廉嘅加持, 成份嘅雖然邪惡但係真係好好味好滿足😋🍮焦糖雪糕批食落去同焦糖燉蛋差不多、只是燈蛋變咗雪糕、都係有冰火嘅感覺🔸仙草芋圓成碗野用料非常豐富🤩有三色芋圓有紅豆有仙草有小丸子、正常發揮、最緊要夠凍

今日放假去朋友屋企玩，行過去途中見到新開左一間甜品舖「甜公館」。呢間鋪前身同樣都係糖水舖，收工平時都有幫襯開，味道份量同價錢都合理。可能因為抵受唔住租金壓力，焗住要搬遷，咁今日落去買外賣嗰陣，自取左兩碗糖水試下，分別係紫薯牛乳芋圓同埋楊枝甘露小丸子。紫薯牛乳芋圓（圖1），份量細到不堪，外賣無比匙羹，淡而無味，盛惠39蚊。楊枝甘露小丸子（圖2），味道同樣偏淡，份量都係偏細，整體比紫薯牛乳芋圓好少少，盛惠$46。整體來講極度唔推薦雖間甜品店，CP值極低，冇下次！

估唔到最近大角咀呢頭多咗咁多好嘢食！上次經過見到呢間新開嘅港式甜品店 就入咗去試吓☺️嗌咗個紫薯牛乳仙草芋圓 $40勁足料 除咗有三色芋圓之外 仲有啲紫薯粒粒、紅豆、珍珠同埋仙草 口感超級豐富！

呢一間係大角咀新開嘅甜品店🍮性價比真係好高！上次就嗌左一個芒果窩夫🥭🧇賣相真係好靚 佢係一格裝住芒果粒 一格裝住忌廉 真係好有心思❤️窩夫外脆內軟 而且蛋香十足 配埋一球雪糕 好滿足🍦

/ /齊齊養生系列🫶🏻大角咀呢頭真係好多嘢食🤩🤩食完飯梗係食番個糖水啦！️ 腐竹薏米燉桃膠真係超養生！呢個食落比較稀啱晒食到好飽嘅時候，又可以清一清！食落好fresh，仲有粒粒彈牙桃膠楊枝甘露小丸子🍡楊枝甘露芋圓🍧呢個比較濃郁，我自己個人比較鍾意❤️仲好煙韌，小丸子同芋圓超彈牙！原個椰皇燉牛乳🐮呢個係熱辣辣💛都幾滑📍 甜公館 (大角咀)大角咀埃華街89-105號大同新邨大衛樓地下105B號舖 #大角咀美食 #香港美食 #甜品控 #椰皇 #小丸子控 #旺角美食

大角咀埃華街真係一條食街，成條街都好多餐廳，最近又一間新甜品店進駐，食完正餐又可以多一個食甜品嘅選擇😋🌝焦糖雪糕批 $36面頭有一片脆脆嘅焦糖，燒得岩岩好好香焦糖味，夾埋下面啲好有奶香味嘅雪糕一齊食，有冰火交融嘅感覺😋真係好正🌖芒果椰皇 $60上面啲芒果好香甜，下面啲燉牛乳幾滑，帶淡淡椰香，食食吓聽店員同隔離枱介紹佢哋個原個椰皇熱燉牛乳，話咁先食得出佢原本真材實料個味🫣唯有下次試🤥🌖香蕉窩夫配朱古力雪糕 $49雪糕有幾隻味揀：雲呢拿、朱古力、曲奇、抺茶等等，$49有兩塊窩夫都真係幾抵食，其實睇返佢哋全部甜品啲價錢都幾抵食👍🏻窩夫外形排得幾靚，佢係偏向淋身嗰種窩夫，如果脆身啲會正啲，但佢都係即叫即整，暖暖地夾埋凍冰冰嘅雪糕一齊食都唔錯

🍡 甜公館性價比極高甜品大角咀一間新開的甜品店以性價比極高見稱，趁著假日相約家人一同前往吃甜品。🥭🍓 芒果窩夫配士多啤梨雪糕 $55(雪糕口味可自選 : 雲尼拿、朱古力、曲奇、芒果、綠茶、士多啤梨、榴槤、芝麻)窩夫即點即製，需時約15分鐘。一客有兩件格仔餅，每一格都填滿芒果粒和忌廉，加上少許糖漿，色彩繽紛，十分吸睛。格仔餅外脆內軟，香脆熱辣，蛋香味濃，簡單而美味。🍌 香蕉焦糖燉蛋 $42燉蛋賣相美觀，面層鋪滿香蕉片，薄薄的焦糖在香蕉上顯得焦甜香脆。燉蛋滑溜細緻，充滿蛋香，口感豐腴，讓人充滿驚喜。🥭 楊枝甘露芋圓 $36 (凍)冰凍的楊枝甘露酸酸甜甜，夏季來一碗正適合不過，配上口感煙靭的三色芋圓，香甜可口，既美味又飽肚，吃後相當滿足。🔸小總結：小店出品甜品極具誠意，店員態度慇勤，會再回訪。👅味道：4.7/5💰CP值：4.8/5🕴🏻服務：5/5🔰餐廳環境：5/5🍽 餐廳：甜公館🌐地址：大角咀埃華街89-105號大同新邨大衛樓地下105B號舖🐮 #cowing吃在大角咀#foodie #hkfoodie #hongkongfoodie #852food #852foodie #foodst

大角咀呢個隱世之地真係內藏唔少好西🤤呢間糖水舖感覺幾多人幫襯 入到去終於明點解佢咁得民心 起碼我地成9半先入座佢都無截單趕收工🥴再者 佢啲甜品款式種類頗多 除咗中西式糖水 芋圓、椰皇、窩火、綿綿冰呢啲系列都好多口味揀😆睇到眼花繚亂 15 16呀 仲要新裝修起啲碗碟、牆身都時尚得好啱打卡kekee 坐底食落都舒服啲！。。。🦔👉焦糖雪糕批 $36周圍見到好多貼堂見到呢款幾靚咁😆真係有驚喜！首先脆脆嘅焦糖面真係燒得好誘人 大力破開後內裡少有地係雪糕層 同佢嗰樣真係好唔夾 慢慢食都唔怕因為雪糕有夠硬都幾冰🤣重點係整個好似蛋撻嘅concept 咬落外層仲有牛油皮香🥰整個口感好特別不彷叫黎試試👍。。。🦔👉士多啤梨窩夫 $55兩份waffle再加球雪糕 兩個人share食剛剛好！要等15分鐘先有貨因為真係新鮮焗起 但食落同平時嘅質感有啲唔同🤔非常colorful之每格一係唧落有cream 一係就有士多啤梨粒 on top再灑啲朱古力彩虹碎再淋醬 感覺小朋友睇見會幾開心🤪再自選咗球綠茶味雪糕 成個加啲茶味同顏色撞擊就balance番yeahhh。。。🦔👉冰糖桃膠蛋白 $40叫咗熱黎食感覺更滋補🤭ove

大角咀甜品🍮甜公館⋆⸜𖤣𖥧𖥣｡𖥧𖤣𖥧𖥣大角咀都有多好嘢食 不過我哋都好少去🤣原來係好近旺角嫁😂見到有間新開嘅港式甜品店😍好似幾多選擇 就去咗試下🤩🧇士多啤梨窩夫配雪糕(可以自選雪糕口味)我哋就揀咗曲奇🫣即叫即整 窩夫有成兩大嚿✌🏻質地係偏鬆軟 唔係脆身嗰隻☺️每一個格仔都佈備cream同士多啤梨🍓士多啤梨仲要唔酸㗎😚🥥原個椰皇燉牛乳嗰日天氣有啲凍 我哋就嗌咗個熱嘅😚食落燉奶滑 奶味都重！唔夠喉 最後仲可以刮埋啲椰子肉食添🤭食完成個人都暖笠笠🥰🐮紫薯牛乳仙草芋圓有紫薯粒.珍珠.紅豆等等嘅配料 好足料😍芋圓同珍珠都好煙韌 好好咬口😆仙草凍冰冰就岩哂夏天食 口感又滑溜溜🤪而糖水係偏紅豆味重 唔會太甜😋

Steamed Egg White with milk in Coconut Shell 🥥原個椰皇燉牛乳🥛 $50原個椰皇燉牛乳側邊有粒星星係廚師推介產品⭐️，如果熱嘅話要等15分鐘，今次揀咗可以即叫即上嘅凍食，本來以為當燉牛奶會冇咁滑口，但係食落依然滑脫脫，北海道牛奶嘅味道特別濃郁🇯🇵，食完燉牛奶之後仲可以刮埋椰青肉食添🌴Purple sweet potato 🍠 and red bean sago with rice balls 紅豆紫薯西米露加湯圓 🍧 $51呢款紅豆紫薯西米露入面有大量煮到好淋嘅嘅紅豆，而紫薯切到嘅size 啱啱好一啖一細舊，亦都整得好粉👍🏻，加埋三粒大大粒嘅芝麻湯圓好夾呢種中式糖水呀Steamed milk pudding with peach gum and mochi 鮮奶桃膠燉蛋白加小丸子 🍡 $47桃膠係最近受好多人喜愛嘅熱賣健康甜品之一，充滿骨膠原嘅桃膠同椰汁燉鮮奶一齊食好match 😍，細細粒嘅小丸子就同珍珠一樣口感煙銀彈牙！

嗰晚同朋友食完飯，行過見到呢間甜品店新開，門口放滿花牌。入面燈光光猛，都幾多人食㗎。原個椰皇燉牛乳 (HK$50)．牛乳入口軟滑，我好驚喜個椰子味好濃郁，好清甜！真係好耐冇食過咁好味啦😋焦糖燉蛋(HK$42)．上面嘅焦糖燒得薄薄的一層，敲打落去好清脆呀．下面層燉蛋，我好驚喜個蛋香非常，奶滑口感芒果窩夫配芒果雪糕 (HK$55)．平凡嘅窩夫被甜品師以梅花間竹咁鋪滿鮮甜芒果肉和鮮忌廉，整得好靚呀．窩夫即叫即製，需要等15分鐘左右啦，熱辣辣，外脆內軟，配埋雪糕一齊食，一熱一凍，口感好正😋焦糖雪糕批 (HK$36)．呢款喺甜品師自創㗎！．上面嘅焦糖燒得啱啱好，薄薄一層，脆口，有焦糖香．中間就係冰凍奶滑的雲呢拿雪糕．底層是餅皮撻皮，配合得好好仙草芋圓 (HK$36)．呢碗甜品，以這個價錢真係好豐富，有爽滑嘅仙草、煙韌嘅三色芋圓、小丸子和珍珠、甜蜜紅豆餐牌，2面滿晒，有差唔多100款中西式甜品可揀，有選擇困難症嘅人真係會楝好耐，因為樣樣都想食😋

今日嚟到大角咀食返個糖水先🤗而家天氣時冷時熱，所以凍或熱嘅甜品都相當合宜👍呢間糖水舖唔單止有傳統嘅甜品，亦有很多新式既甜品🍨所以鍾意食甜品嘅朋友，都一定搵到啱你嘅口味😋1️⃣仙草芋圓🥣材料同份量十足👍有紅豆，小丸子，珍珠，仙草同芋圓，全部都軟熟又有咬口，煙煙韌韌既芋圓更不在話下，而且唔會有死甜既糖水,加埋滑嘟嘟既仙草，完全食唔停口😋😋😋2️⃣香蕉窩夫配雪糕🍌🧇窩夫外脆內軟，而且香蕉片🍌同忌廉，都佈滿每一個小格，加上濃濃既朱古力醬🍫每一啖都非常滿足咁入到口入面😋仲有一球自選雪糕🍦簡直係天作之合🙌🙌🙌🙌3️⃣原個椰皇燉牛乳🥥🥛椰皇🥥燉牛乳🥛十分滑溜，散發出濃濃奶香和椰香味💋而今次小編選擇咗熱食，熱食感覺味道更昇華至另一層次🫦最後我將椰皇肉🥥都食得乾乾淨淨😆椰皇比平常既椰子肉更甜且軟滑👍👍總結：個人評價 4.8/5星地址：香港大角咀埃華街105B地鋪

大角咀新開咗間糖水舖~ 見佢d相幾吸引所以入咗去試😚😚Menu選擇好多類型而且鋪面簡約有條理去親糖水舖都心思思想食芝麻糊🖤🖤呢度嘅芝麻糊唔會太甜膩，好有芝麻香味芝麻磨得唔會太幼滑～ 略略食到黑芝麻粒粒嘅感覺金玉滿堂配朱古力雪糕唔係好夾😂鬼叫我又想食楊枝甘露又想食朱古力雪糕咩🥲好多糖水舖楊枝甘露都係西米多過其他配料🤣但係呢度就有好多芒果同柚肉🥰啲芒果仲要係好甜㗎😍係榴槤嘅季節呀❤️呢粒榴槤波波真係食到我鬼死咁開心🥳因為係食緊一嚿唔使吐核嘅榴槤肉🥰超香超綿超甜店員話呢度嘅法式焦糖燉蛋好好味😋 如果大家去到諗唔到食咩都可以試吓

本來想食芋圓一，原來已經頂手了😢唔緊要啦一場嚟到，呢間都有芋圓，就喺度食。可能到左糖水時間，都坐滿了人，而且不時聽到沽清，似乎幾好生意。小店形式經營，店員都算係有禮熱情😁🥣紫薯牛乳芋圓$36無比較無傷害真係講得啱。唔係唔好食，但同舊舖比就……芋圓有口感嘅，但唔夠煙靭。紫薯味道亦較淡。珍珠太腍，完全無口感。紅豆味偏淡，如果不嗜甜者，呢個會幾啱口味!牛乳- 都係偏淡，唔夠濃稠，如果係用3.6牛乳果類純度較高嘅牛乳嚟做，相信會更好味。只試一碗，絕不能作準，或者其他甜品真的會做得不錯，只係個人為食芋圓而嚟，又加上珠玉在前，難免有點失望。

-//位於大角咀新開嘅甜品舖頭🍨值得支持😜仲估唔到餐牌勁多選擇😍總有一個啱你心水小店有沙冰系列、椰皇系列、西米露系列等📍芒果窩夫配雪糕 🧇 $55首先份量超足 有兩大舊😝啲芒果仲要好甜係即叫即整·需時約15分鐘，做到外脆內軟熱辣辣嘅窩夫 配埋冰凍雪糕，簡直絕配啊👍🏻雪糕有9款味可以揀，真係選擇困難症啊😂跟住我哋係叫芒果窩夫，另外仲有4個料揀包括：士多啤梨、香蕉、紫薯、紅豆配料🫘📍鮮奶桃膠·燉蛋白（凍）$40嗱！貪靚嘅女士就唔好錯過 呢個中式甜品喇桃膠 係滋陰養顏嘅甜品😏同埋好似都幾健康多數啲人就會揀熱食嘅，我就試下凍食先😎但凍食都食到好香濃嘅牛奶味🥛蛋白又幾滑　📍紫薯牛乳·仙草芋圓（凍）$40到呢個超級足料嘅 仙草芋圓😳份量絕對唔少餡料就有仙草、芋圓、紫薯、紅豆、珍珠 ⚫️個人覺得有台灣風味🤣係咪我太耐冇去旅行個芋圓都幾煙韌🥰仙草凍爽滑，口感都唔錯#大角咀美食 #餐廳推介不設加一服務費✖️抵食程度：🌝🌝🌝🌝🌚📍甜公館 (大角咀)大角咀埃華街89-105號大同新邨大衛樓地下105B號舖