Sweet Monster (Closed)

相隔年多，由旺角朗豪坊首店發展到觀塘、尖沙咀、太古及屯門 記憶中以爆谷雪糕為主的Sweet Monster迎合冬季，攜來一點新鮮感 雖然是遲來的冬天，但是也不能小覤冷意，食雪糕的同時有一系列特色熱飲暖暖身 Sweet Monster為I.T引入的韓國品牌，要找到它就要留意I.T旗下店舖的位置 新港中心店外除了明顯的海報貼紙，還有角色立板，有興趣的話也可是影相位 冬甩非新鮮商品，但這次推出的口味就是新面世的，並配上各款造型，可愛加分 綠茶紅豆怪獸冬甩配雪糕 $39的橙色外表加上頭頂的一抹綠讓人想起柑桔 小水泡冬甩中心盛起紅豆蓉，甜中帶稠，配合比較乾身的綠茶冬甩 加上外層脆口Coating，整體甜度較高，再配雪糕且看有多愛甜吧 椰子怪獸冬甩 $22以保險的菠蘿椰子配搭現身，少許酸甜帶來清新 不只帶有椰子味道，當中也有椰絲添香，同時增添嚼感 冬甩雖然還是偏乾且紥實，但有椰絲添潤，甜度亦適中，順香不少 紫薯奶泡 椰子蝶豆花奶泡 $29（12oz） $33（16oz）以迷人紫藍色調登場 兩種大小，冷熱同價，奶泡系列熱飲更附一塊曲奇餅伴飲 紫薯味自然，當沒有太甜的調味時更突出，伴奶後膩感

一向覺得Sweet Monster 既雪糕牛奶味香濃，又唔算貴，性價比幾高。今次就試下Tiramisu味先~😋雪糕依舊好香牛奶味，面頭有好多可可粉，可以中和返比較甜既牛奶雪糕~ 入面仲有咖啡醬，cream cheese醬同手指餅碎。咖啡醬都幾香，不過偏甜，如果唔好太甜既人搵人share會好d~ 個甜筒都幾脆！個人建議配甜筒，可以中和甜味~總結:雖然入面d涵少左d，不過以$29黎講我覺得已經幾好🙈 如果入面可以多d手指餅應該會更加好食🤔

怪獸冬甩🍩($22)-試左Sweet Monster新推出既怪獸冬甩，一共六款味，有藍莓、紅莓、椰子、檸檬、綠茶、曲奇，味道不過不失勝在個樣得意，但唔好抱住食冬甩既樣去食佢，因為食落個口感好紮實，似係蛋糕仔多啲，食一件都幾飽肚😂。

呢個冬甩有別於一般冬甩，佢系用左蛋糕黎做嫁，所以亦都比較健康🍩每款冬甩都有吾同味嘅朱古力做coating😊外脆內軟，都幾有口感嫁！藍莓怪獸冬甩💙以雲尼拿味冬甩配藍莓果醬，唔會太過甜曲奇怪獸冬甩用咗72%濃度朱古力做coating🍫朱古力味濃郁，再配埋內面嘅曲奇餡料，味道匹配檸檬怪獸冬甩🍋檸檬口味嘅冬甩配車厘子果醬，感覺較為清新，酸酸地都幾開胃🙂抹茶紅豆怪獸冬甩💚帶有淡淡抹茶味，配紅豆蓉食，再有一層橙味嘅朱古力😉配搭特別椰子怪獸冬甩☺️椰味好足，仲有椰絲~有口感小紅莓怪獸冬甩❤️樣夠萌之外，紅莓味酸酸地，都吾錯😝抹茶奶泡配左朱古力爆谷🍵飲嘅時候有淡淡嘅抹茶香，奶泡嘅奶味都幾重，而且打得夠幼滑☺️加埋面頭嘅朱古力爆谷，味道都吾錯！口感層次都幾豐富椰子蝶豆花奶泡就係女孩子最鍾意嘅Tiffany blue色💙唔好以為係加左色素呀！佢哋嘅飲品標榜100%無人造色素嘅，所以tiffany blue嘅顏色系蝶豆花加椰奶而成😊飲起上嚟椰子味都幾濃郁，加埋上面嘅焦糖爆谷一齊飲帶有甜味，又吾會過甜

Sweet Monster 是一間賣相吸引的爆谷雪糕店。今天和媽媽由午至晚，四周圍逛，最後我到機埸飛往巴黎。不知是否心情興奮，胃囗較平時更好，連吃八餐正餐。而Sweet monster為是日第四餐，下午茶吃冬甩。怪獸冬甩$22新岀品怪獸冬甩，賣相吸引，呃like度極高共有 6 款不同口味的冬甩: 包括藍莓，綠茶，曲奇，檸檬，椰子，小紅莓每件冬甩配上不同公仔，不同表情，不同顏色，不同配料，實屬有心思哦。朱古力，綠茶，紅莓冬甩 小紅莓怪獸冬甩味道有驚喜哦，上層有小紅莓醬，外層有紅莓朱古力，內裡為紅莓果肉冬甩，莓中莓阿椰子，檸檬，藍莓冬甩 藍莓怪獸冬甩全個深藍色造形，可算是最吸引我呈上時雪至凍冰冰，令朱古力保持脆身。冬甩是較硬身的厚實形冬甩，不怕吃到空氣冬甩啦。

開完工又未到食飯時間，於是就去買雪糕食，點知竟然買一送一！之前覺得$27細細杯勁唔抵，宜家買一送一就岩晒！例牌叫咗我最鍾意食嘅Tiramisu味同最新果款辣朱古力脆皮！辣朱古力脆皮有甜筒碎，朱古力醬同辣椒粉，食落去首先食有朱古力味同牛奶味，辣味最後先滲先嚟，幾得意~不過最好食仍然係Tiramisu味！一個人食兩杯，好滿足啊😋

今曰同友人同行一試這韓國品牌的雪糕，買一送一，好抵食。花生碎粒雪糕：牛奶雪糕底加上花生粒粒同花生醬，花生醬幾香甜，而牛奶雪糕冰粒吾多，吾會水汪汪，但奶味唔強烈。而朱古力曲奇味：好像oreo粒粒，很脆很香口，配上牛奶雪糕感覺比較豐富。如果同花生碎粒味道比較，這個比較濃味。總結：雪糕比較普通，配料口味獨特，一試無妨。

晚飯過後，走到尖沙咀四處閒逛。見到Sweet Monster開了這麼久還未試過，便與朋友二人分享一客雪糕。餐牌上的選擇不少，有沙冰有特飲。雪糕亦有分有爆谷或沒有爆谷，甚至單點爆谷一盒拿走亦可以，任君選擇。點了綠茶曲奇雪糕，份量不多。但綠茶曲奇跟雪糕很相襯。綠茶味道不算太濃又不太甜。雪糕很香亦有少少奶味，雪糕與綠茶非常合拍，根本沒有反駁空間。看來不試爆谷也是件好事！

近排天氣實在厭悶到爆，出完太陽，又豪雨一場，轉頭再放晴，啲天氣真喺玩晒嘢。加上，都唔知依家算初夏定盛夏，總之就悶熱啦，飲食嘅消暑之法就喺食吓雪糕，飲杯凍飲喇 ！食完晏，就一於搵啲凍嘢解吓悶熱。嚟自韓國嘅Sweet Monster較為人熟悉嘅喺佢啲爆谷雪糕，原本喺打算嘆番杯，不過，原來有其他甜點更啱心水，所以就無試爆谷雪糕。門口放咗隻藍怪獸紙板歡迎你，所以，非常易認，再者，門面色彩繽紛，十分搶眼 。店舖其實唔大，因為主要都喺外賣為主，不過，方便客人享用某類甜點，有兩張高身枱可作為立食之用。基本嚟講，以類別計，店內嘅食品主要分為雪糕系列、爆谷系列、爆谷雪糕系列、提拉米酥蛋糕系列、提拉米酥蛋糕拼雪糕系列、迷你冬甩拼雪糕系列（新產品）及飲品，樣樣都有三幾款口味。 提拉米酥雪糕（甜筒）$29 除甜筒外，所有雪糕都可以揀中杯裝（$27）或大杯裝（$39），當然，甜筒有個脆筒食，較得人歡心，所以，老婆就揀咗提拉米酥雪糕甜筒。面層嘅軟雪糕標示以75%首爾牛奶製作，入口確喺特別香濃，口感幼滑細緻。既然以提拉米酥為名，當然要有提拉米酥嘅元素，所以裡面有浸咗特濃咖啡嘅手指餅及意大利軟芝士，仲要雪糕

行行下街在一個應該沒有餐廳的地方發現食物的蹤影，這個選址實在太好了，加上價錢相宜，不得不試一下！一試有驚喜！牛奶味超濃，喜歡濃濃牛奶味的朋友相信你會喜歡～ 另外我個人很喜歡雪糕有一些nuts，這個雪糕有曲奇脆脆，啱哂口味；綠茶醬也不是很甜的那種，有茶味！朋友試了冬甩配雪糕，冬甩的口感有點像蛋糕，如果這家店在公司附近就好，我絕對會選擇這個做午餐，超幸福之感！打包之選：比起美式爆谷，我比較喜歡這家店的，不會吃兩口就吃膩，不過就只有焦爆芝士可以混合配搭。再配一杯韓式柚子茶，繼續之後的行程～ 

夏日炎炎，緊係整番杯雪糕喇  軟滑的雪糕混入了Mascarpone cheese，除了上有可可粉，內裏還有餅碎及咖啡漿，令整體味道有如Tiramisu化身，配脆筒口感更豐富！真係好有驚喜！Tiramisu $27

夏日炎炎，看到雪條雪糕等消暑品，雙腳會自動地走去店鋪前，雙眼就會自自然然望向menu, 30幾度高溫，今晚我與朋友shopping 後就去到sweet monster補充體力兼降溫.選擇也頗啊, 而且唔算貴. 爆谷櫃, 這裏真是爆谷迷的天地啊~ 迷你冬甩併雪糕，不算很特別，只是雪糕加上士多啤梨醬，雪糕是香滑的，但冬甩不夠脆，而且有點韌..爆谷雪糕，焦糖芝士味爆谷平均分佈在軟雪糕上，沒有留白空間，莫非是人手逐粒放上去？ 份量很大，對於少吃冷品的女生來說，3人分享就剛剛好～焦糖與芝士可謂兩款口味極不同的，焦糖的少甜、芝士的微咸，各有愛好者. 我就較喜歡焦糖，與雪糕較夾吧～Tiramisu 雪糕幾有驚喜，點這款主要是看到'解剖圖'，軟雪糕內有意大利芝士、特濃咖啡、手指餅乾, 最特別是用75%首爾牛奶，軟滑雪糕之上撒上valrhona朱古力 粉，咖啡味不太濃，但幾喜歡個設計, 脆筒的咭紙防止軟雪糕流下沾污雙手，威化筒是預期的脆.熱情果香橙冰茶，絕對不會甜漏漏, 反而是幾清，是夏日消暑不錯的飲品！熱情果及香橙味幾balanced, 一邊吃爆谷一邊飲，十分配～另外, 亦帶走一盒濟州蜜柑味爆谷與家人

最近天氣很是悶熱, 既想喝杯飲品, 又想食雪糕, 經過商場見到sweet monster, 早已放在願望清單很久, 今日就一個人來浪漫一下吧。TIRAMISU雪糕$29其實我是被這雪糕所吸引, 早前曾在首爾弘大吃過人氣排隊店的TIRAMISU雪糕, 很是掛念, 令人回味的。TIRAMISU用上雪糕架固定, 賣相很優雅, 若同時處理幾種食物, 也比較方便, 不用佔據你一隻手拿著。雪糕用上75%首爾牛奶, 首爾牛奶和香港的不一樣, 是特別香濃的, 做成雪糕很幼滑細緻, 底下藏著咖啡浸過的手指餅乾, 增加口感, 牛奶基底的雪糕加了特濃芝士和意大利軟芝士, 便成了TIRAMISU風味雪糕, 味道接近首爾吃到的美味。P.S. 朱古力粉的份量蠻多的, 吃的時候別同時用口吸氣, 會嗆喉的。西柚特飲 $32西柚可去水腫, 又有高維他命C胡蘿蔔素, 是抗氧化佳品, 所以女生特別喜歡。這杯西柚特飲味道很天然, 又不會很甜, 還有一大片西柚果肉, 夠原汁原味, 感覺很健康。我要的是走冰, 因為不想喝太冷的飲品, 走了冰還可以喝到更多的果汁, 好像有賺到, 大大杯喝了很久呢, 呵。焦糖爆谷 $29來到swee

今日同好姊妹tst shopping，經過sweet monster，雪糕癮起，懶理剛剛試了件s碼裙穿不下，食左先講門口有推介，當然要試下 tiramisu cone tiramisu cone $29面頭灑滿香濃朱古力粉，牛奶味軟雪糕又香又滑，中間仲藏有咖啡手指餅，成件事味道好夾啊，價得一讚個cone非常脆好姊妹揀左迷你冬甩拼雪糕(焦糖) $39冬甩仔係焗既，蛋糕質感，外脆內軟，暖暖的，比起炸冬甩罪惡感即刻無哂一人一份雪糕唔夠喉..叫多份原味tiramisu $59好軟滑，入面手指餅浸左好香既咖啡酒，唔錯啊，但係都幾甜呀~ADE西柚特飲 $32味道酸酸的，仲有半片真西柚，唔會好甜，解喝之選臨尾買盒爆谷反去真係唔少得 $29我揀左最愛既焦糖拼芝士，中意焦糖既香甜脆卜卜同埋芝士既咸香，兩樣咸甜放一齊出奇地好味

To kill the boredom of the day, something exquisite could be the cure.A delicate ice cream in vanilla flavour, combining with chocolate and cheese flavour of pop corn definitely would wake you up. The ice cream with smoothly texture makes a great combination the crushness of the pop corn. Surely Recommending