芋圓圓 (Moved) New Location

同另一半食完阿純山東餃子店散步消食，經過芋圓圓就決定散完步無咁飽就黎食店內貼上食物圖片同提示每人最低消費係20蚊港紙另一半同自己都覺得芋圓食凍既話會唔啱自己口味，所以我地就分别叫左熱既鮮奶椰汁桃膠同熱既桂花雪梨鮮奶椰汁桃膠入面仲有桂圓、蓮子同紅棗，加埋桃膠係女士美顏恩物，女士必叫黎試桂花雪梨雖然無桂花係面，不過聞落同食落都有桂花味 入面仲有雪耳同紅棗 桂花雪梨偏清甜，如果怕甜既人可以一試我同另一半都覺得芋圓圓既芋圓好食 我鐘意紫薯味多d，我另一半就鐘意蕃薯味

今晚係深水埗食完個番茄烏冬，打算行下消化下，行到嚟太子，突然間醒起住係附近朋友曾經叫我嚟試下呢間芋圓糖水店（因為佢知我鐘意食芋圓，而且我係台灣同埋香港都食過好多間）。呢間係專食芋圓既糖水舖，芋圓配上好多款糖水，因第一次嚟，我揀左佢有相睇既「熱黑糖桂圓」$28（仲有好多款糖水寫晒出嚟）。算幾好既，唔太甜，各花入各眼啦，有人鐘意軟糯D，有人鐘意煙韌D，呢間芋圓係煙韌實淨果隻。好細好細間舖，只有8個位，叫左比完錢坐低前後都不斷有人買外賣。有機會再嚟食第二隻糖水配芋圓（其實有好多款糖水選擇）

芋圓紫米露($28)本來只係IG人氣網店，而家係太子開埋實體啦！主打自家製手作芋圓，標榜一滴水都唔會加，只用芋頭或番薯原本水分，慕求原汁原味。芋圓共有五種口味，除左傳統紫薯、芋頭、蕃薯，仲有比較少見既抹茶、芝麻味，非常特別。芋圓口感煙煙韌韌，味道的確幾濃郁 ，但係連埋紫米露一齊食就會搶左芋圓啲味(｡ ́︿ ̀｡)不過店舖較小 只有八個座位 如果一大班人就會比較難等位 所以好多人都會選擇買外賣 亦可以選擇購買生芋圓自己煮

這間店一直很旺場。今天晚飯後經過，終於起心肝買一碗外賣，回家試試。淨糖水$20 ，加芋圓的$28。一心想試芋圓的我，當然選後者。糖水有椰汁西米露、紫米露等，最後叫了咋喳配芋圓。芋圓有咬口，芋頭那一款芋圓味道不強。橙色和紫色的有淡淡的蕃薯🍠味，不錯！而且每款有三、四粒，成碗足足有十一、二粒，啱哂喜歡QQ芋圓的人！糖水不會太甜，咋喳的料很足，豆再煲淋多點點就更好！甜品可外賣或堂食，也有生芋圓外賣，有興趣回家煮的免卻買料自製的煩惱。見店員忙過不停，地上放了一大袋蕃薯，足證自家手作，怪不得晚晚也有客人排隊了。下次會再試試其他款式( ̀⌄ ́)

呢排一直好想食芋圓所以特登去咗太子😚佢地嘅芋圓標榜冇用糯米粉但唔知點解喺我食過嘅芋圓入面 佢係最煙韌嘅！而且一碗有十幾粒 有芋頭、黃心蕃薯、紫薯三隻味糖水就正常發揮啦冇咩特別28蚊一碗嚟講算不錯了❤️

飯後老公呢個新牌仔又話想練下車，問我有乜嘢地方想去，我就諗不如出來食下糖水啦！都已經係晚上10點多，即上來OpenRice search 下附近仲有冇糖水店未收啦！見到芋圓圓十一點先收喎，終於有我鍾意食嘅丸子，一於gogogo😋我哋第一次嚟食，糖水都有好幾種選擇，全部都會有芋圓，如果唔想要就落單嗰陣時講聲。最後叫咗桂花雪梨及鮮奶椰汁桃膠。糖水唔算太甜，咁先唔會搶咗芋圓味。大家睇吓啲圖就知道非常足料，啲桃膠多到呢😆。店家寫明自家手工製作嘅芋圓、黃薯圓及紫薯圓不含糯米粉，依然大粒煙韌，好有咬口，而且圓子唔會好似有啲店咁淡而無味，會食到原材料嘅味道，老公都話比同區某人氣店出色，確係真材實料呢。店舖堂食座位比較少，附近街坊多外賣取走，當晚10點半左右仍然有不少人來到外賣呢！P.S. 店家亦提供生芋圓，可以買返屋企自己整啊！

同女朋友喺太子食完晚飯，但唔夠飽，所以就打算去食糖水，本身有諗過去康瑞，但行嘅話都至少20分鐘，所以就即刻上網搵下附近有咩糖水。點知搵到呢間之前喺facebook介紹過嘅「芋圓圓」，款式唔多，因為主打芋圓。好老實講，食過咁多芋圓，我覺得呢間真係無得頂，因為夠煙韌同埋超有味！紫米露配芋圓好正，不過就好滯！女朋友就叫咗桂花芋圓，食落就清啲，無咁飽！唯一要彈嘅地方就係無乜座位，而且比較污糟，食完就要即走。

今次叫左紫米露黎試，紫米露係幾好味嘅，裡邊嘅西米都好好食，成碗糖水唔會好甜。。芋圓無佢地講到咁多粒，不過粒粒都好大，開頭食幾粒個時覺得好味，但後黎愈食愈唔對路。。。。。。。。。。因為佢地嘅芋圓偏硬，而不是煙韌，要用好多牙力先可以成功咬爛，食一碗細細碗嘅糖水都食到又攰又飽。。要做到煙韌真係比較難嘅。本來食食下諗住買盒番屋企煮架，但食到最後真係不了。。有個地方賣台灣出嘅芋圓地瓜圓紫薯圓好味好多，佢地係做到煙韌而不硬。。依間芋圓圓如果將芋圓們切細少少都仲有得諗加油

聽講呢間食芋圓嘅糖水舖由網上鋪起家，慕名而來，試咗佢個熱桂花雪梨芋圓，我仲加咗$4加桃膠。三種芋圓之中，最出色就係紫薯味，因為真係好濃嘅紫薯味，係我食過咁多芋圓紫薯味最香濃嘅一間！另外兩隻味道都唔差，食得出係手工貨～雪梨肉都多，幾比貨～比較失望嘅係，加咗$4嘅桃膠，分量唔算多，同埋比較碎。不過桂花味搭夠，都會有下次～ 順帶一提，呢間鋪頭係先俾錢，再入座，外賣客比較多，因為堂食嘅位唔多，所以建議大家外賣比較好

香港地的食肆真是越來越奇怪了，明明早兩個月左右，路過這一間新開的甜品店，只見到門口有小小的螢幕，在播放宣傳短片，宣傳自己的甜品，但是沒有什麼人，亦都沒有去吃。一天晚餐的時候，朋友已經非常之雀躍地談及這一間店舖，於是晚餐之後，就直接走了兩步過來排隊看看這間甜品店。發現附近不少少艾，又或是男女都會一同來這間店舖，有些買外賣，亦都有不少人等位內進。因為旁邊的店舖已經關了閘，於是，老闆娘亦都為我們在人家店外開多張摺枱，於是就可以快快坐下，當然，是因為有其他食客，吃完，仍然霸著位子不離開，在談天說地，我想，如果這是海記甜品店，或是比較大型的甜品店，那就合理。畢竟人家小店經營，😒看見人家有這麼多食客在門外排隊，正常人類，也最好快快離開，讓小店多做生意吧。結果，我看到這碗糖水，是正方形，然後細細碗，看來以為份量相當之少。但是用匙羹盛起上來，就發現原來內容都不少。我點了一個熱的西米露，雖然當時天氣比較回暖，應該都有20多度，但是我還是點了熱的因為畢竟熱的西米露，味道會比凍的更加好，最少，甜度不會因為冷凍了而降低。西米露亦都看起來相當足料，內裏的西米粒粒不少，晶瑩剔透，不會太過細粒，還算有輕微咬口，難得

最近到了太子一間西餐廳吃晚飯，太子始終沒有什麼好逛，口饞的我實在又想吃甜品了。說到甜品，又要苦惱吃什麼甜品才好呢？常吃大眾化的港式甜品如西米露、豆腐花等等，卻好像很久都沒有吃芋圓。「芋圓圓」在近年來說可算是在芋圓界「彈起了」，即是很有名的意思，因為之前這間店在Instagram是網上的小店，實體店只開了一小段時間而已。看見在op也沒有太多的人貼文，但看到了有些人推介，很久之前已經想試。小店標籤自己為自家手工芋圓店，實在難得，很多甜品店都有售賣芋圓，但不是專門賣芋圓的，更很少是手工製的，畢竟需要時間和人力。我到的時間大概是晚上八時多，人龍已經絡繹不絕，雖然如我剛才所說，雖然op沒有很多人貼文，但認識這間小店的人其實都頗多。有的人可能是堂食，但小店原來有提供冷藏的芋圓，即是可以讓客人買走到自己家煮的那種，有些客人想買走到家裡自己煮的話，也未嘗不可。所謂的小店，環境還實是小得很，座位連10個也不知道有沒有，進出的時候都有一定的困難，職員(也許是老闆娘?)也跟我們說道：「地方淺窄，多多包涵呀。」如果真的是好吃，環境窄一點還是可以接受的。小店明顯以芋圓為賣點，有不同類型的中式甜品如糖不甩、西米露

喺太子附近食完飯之後好想食碗甜品，所以就search附近有咩甜品推介。見到呢間就喺附近3分鐘路程，就即管去嘗試一下。😬😬店舖較細，只有兩個人在店面。本來想要熱嘅甜品但佢話需時30分鐘，所以就叫咗碗凍嘅紫米露芋圓。紫米露幾香，入面有芋頭粒，不錯。芋圓方面分別有黃薯，芋頭，紫薯，但可能因為凍食嘅關係芋圓有啲硬。建議熱食可能會比較好。🤔🤔

同班朋友食完個份量唔夠滿足既晚餐，所以決定要食番個飽肚D既甜品作結，結果朋友介紹兩間糖水舖，最後我揀左呢間位於太子既「芋圓圓」，顧名思義要食之前係香港風靡一時既台式芋圓甜品。其實而家好多糖水舖都有賣芋圓產品，但要突圍而出真係唔易。當中好多都話自己既芋圓係自家製造、天然、無額外添加物，所以「芋圓圓」都唔例外，都以此作招徠方式，至於熟真定熟假無從得知🤔，但睇人龍就知「芋圓圓」好吸客!!😮 即使堂食座位少、製造時間較耐、人龍長，但都不減食客!!!😲小店每款糖水都配有三色芋圓，但只素價$28，另加$2更有兩款從未見過既口味芋圓，相比起其他同類餐廳，價格非常親民!!我一向都係咋喳愛好者，所以二話不說就揀左佢😁。雖然咋喳中無我中意既麥米，取而代之用紫米，但今次個糖水底只屬配角，所以要求唔高😅。至於身為主角既芋圓，非常有驚喜!! 第一驚：三色芋圓各有4粒，份量足；第二驚：每款芋圓都可以明確地食出其味道，說明用料足；第三驚：外加既$2綠茶芋圓同黑芝麻芋圓唔馬虎，前者更帶有少許既茶澀味😋；第四驚：芋圓煙韌有咬口，唔會太硬、太Q或太軟。我地一行8人，8點半左右黎到，等左近半個鐘先齊位(其實兩三個人已經有位

今次黎到由IG網店變實體店既芋圓圓🤤糖水又多個好地方芋圓糖不甩$28/芋圓喳咋$30😋😋本身每款糖水都會跟三色芋圓😍分別係黃薯🍠芋頭😋同紫薯😈食落好有口感，而且味道明顯比起出面既突出👍加多$2就會多左綠茶同芝麻🤣每樣兩粒✊🏻建議大家要加！芝麻食落真係幾重芝麻味，食得出真材實料😘不過提提大家，暖食既芋圓會好食d架🤔凍食反而有D硬呢

同朋友食完飯佢地話想食芋圓所以係openrice搵左呢間芋圓圓星期日八點幾已經要等一陣位店舖比較細 都坐得算迫坐低左要再去排隊落單佢出貨都算慢所以前後都等左大半個鐘先有得食～上面兩碗係朋友叫嘅～係黑糖桂圓紅棗芋圓同埋桂花雪梨芋圓朋友本身想加綠茶同芝麻味 可惜已經賣晒佢地話芋圓啲味好出唔係淨係一團粉 而且口感都唔錯而我就食紫米露芋圓可能紫米露比較甜所以其實我唔係好食到芋圓有啲咩味😂不過後尾淨係食粒芋圓 就食到啲味喇真係幾好味～朋友覺得啲紫米露整得太甜我自己就覺得可以接受同埋28蚊碗算係好抵食！一碗都有好多粒食完朋友仲散買左啲芋圓返屋企煮呢！食食下都愈黎愈多人叫外賣不過係啲位唔太好坐叫外賣會開心啲😝有下次！