芋圓圓

Open Now

Now Closed

已訪小店兩次，分別點了紫米芋圓和芋圓糖不甩每嘗一次，都對其芋圓念念不忘由此可見，多好吃😍芋圓有咬口，吃得出芋頭顆粒不像其他店鋪，只是用粉團去搓重點，有五色可選，適合心大心細之人小店更可外帶自煮，不過，還是交由專業人士去煮好了

上個星期經朋友介紹認識到呢間主打芋圓嘅餐廳😋連個名都用芋圓改~仲要係黃店💛所以今次已經係第二次食😋🍴紫米露($28+$4桃膠)每碗糖水本來都已經配左芋圓~所以如果唔鍾意嘅記得自己走左佢~🤪紫米露濃得黎唔會過甜配埋芋圓剛好~❤️加左桃膠份量都幾多👍🏻🍴椰汁西米露($28)好香椰汁味~而且唔會死甜👍🏻🍴椰汁百合海底椰($30)呢個係上次試嘅~同西米露嘅味道差唔多~海底椰切成細粒咬落冇乜口感🤔介紹一下個芋圓~個人最重意食深紫色應該係紫薯味？🤔其實三隻色隻味都好出好煙韌😋❤️👍🏻

朋友介紹話有間芋圓糖水係太子幾好食，所以帶左我去。因為我地晚上7點入，唔洗排隊就入得。可惜甫入門口已經令我對呢間糖水鋪好失望。入到去未坐低，個伙記已經叫人出去比錢叫野食。雖然都知道唔係去五星級酒店食飯唔要求有啲咩服務，但係呢到既伙記對客既基本尊重都冇。我叫左個芋圓紫米露，大約5分鐘上左。坐左唔夠15分鐘，我份糖水仲未食完就已經比佢收左，芋圓仲算ok又唔係特別好食，但服務態度十分趕客，試過一次唔會再黎幫襯

在附近吃完飯，時間實在是早，所以我們找找附近有沒有甜品店，就發現了這間芋圓為主的店！甜品選擇不算多，但全部都有芋圓，加上價錢便宜，很值得一試。紫米露 $28 相當濃稠的紫米露甜度適中，裡面有很多口感彈牙微微芋香的芋圓，和咬下去比較實在的紫米一起吃，想當有飽肚感，還不錯。椰汁百合海底椰 $30整碗糖水太稀，海底椰部分相對弱，感覺像是白合放在椰汁中，如果可以有更多膠質會更加好，吃完都不覺得太滋潤，紫米露相對好吃好多。

同朋友食完烏冬，女仔就梗係想食埋糖水先散場架啦，我地黎到芋圓圓。見到要排隊，都排左幾個字先入得。呢間有最低消費，每人要叫一樣野。我地要仙草芋圓、鮮奶椰汁桃膠芋圓、桂花雪梨芋圓同糖不甩芋圓。每碗都包三色芋圓﹕芋圓、黃薯圓及紫薯圓。我要既係仙草芋圓，有薏米，紅豆沙，三色芋圓。我覺得好普通，芋圓都煙韌，不過味道唔出，冇芋頭味，黃薯圓既味比較食到番薯味，其它都唔太食到。鮮奶椰汁桃膠芋圓真係好椰汁，但太甜。桂花雪梨芋圓亦太甜，桂花味唔出。糖不甩芋圓幾特別，但覺得傳統個種糖不甩比較好食。呢到服務態度一般，好有趕客既感覺。

本人超級鍾意食芋圓，而呢一間嘅芋圓亦可能係喺香港食到個味最接近台灣味道嘅芋圓。佢嘅芋圓可以拼好多非台式糖水，例如︰馬蹄露、西米露、紫米露等，有趣有趣。雖然說是芋圓，其實入面有三款口味，分別係芋頭、番薯同埋紫薯，三種圓都好煙韌好味，Yummy

今日去麥花臣睇完個晏晝場，成機過黎食好出名既芋圓圓，又唔係行好遠！一於同朋友去食！黎到門口唔駛排隊，但入面都好多人，我地好快就入左去坐，原來要先買單，再送黎！同埋都有最底消費，每人一碗！我地叫左 兩碗 G 仙草，我可能對佢地既芋圓太高期望，又或者我真係食過好好食既...所以入口都真係有失望！成碗野唔凍唔熱...芋圓熱熱地，整到好怪咁...入面紅豆係好食既，但仙草唔得...仲衰過涼粉！一團野 😓 薏米都可以既，但都真係接受唔到...唔係凍又唔係熱既甜品！Sorry 😔同埋呢碗 E 紫米露，又係唔凍唔熱！隻佬話正常野...但加芋圓唔知點咁...只可以話唔岩我地 😤

Whether you are dining in or getting take away, you have to order and pay first at the counter. The texture of the taro balls is excellent, nice and chewy (or “Q”, as the Taiwanese say). The 桂花雪梨 sweet soup is also very nice but sadly the taro balls, which should be the highlight, don’t have any flavour. You can definitely find better ones elsewhere.

我20:15入去坐，仲要出去叫埋野食同食野，20:30就叫我走。其實我食得快啲就代表我可以快啲走？我台仲有野食，我停左口睇手機覆個訊息，店員唔問我係唔係食完，就話「我地出面仲有人等緊」叫我走，我一出去係好多人呀，但唔係人一食完就叫我走，我其實都係得返幾啖係個碗到，食埋都不為過。對面台客聽到佢咁講，以為我係個到坐左半個鐘㖭呀。如果真係要客人快啲走，15分鐘一台客，咁我建議係繁忙時段講句「用餐時間30分鐘」，咁會令人好過啲，唔洗咁難受，再唔係淨做外賣生意喇，唔好比人覺得趕客走。

芋圓有咬口，糖水不太甜。由細舖，跟隨到大鋪，看着他規模越來越大，我是芋圓的粉絲，也感到很開心！但是由於人氣急升，越來越多人，服務態度越來越差！才坐進去15分鐘，眼前的甜品還沒有吃完，店員已經趕着要收碗，還說一句：「唔該食快啲！」我看一看門口，排隊的人大概有四五人。平時的糖水店，外面有更多人排隊，店員也不會叫客人食快啲。我係客人，有俾錢，又不是霸佔位置不肯走，仲要未食完，為什麼可以用這樣的態度服務人？難道真的是人氣急升了，錢才是最重要？以前的小店氣氛到哪裏去了？失望極了！

我好鍾意食芋圓，不過喺香港食黎食去都搵唔到一間好似台灣嗰啲咁好食嘅。之前有人話深水埗有一間好好食，即刻狗衝去試，失望而回，喺食太子呢一間舖頭嘅芋圓之前，只有長洲有一間係我覺得好味，但係食過呢間之後，呢間嘅芋圓成為咗我心目中嘅Number 1。呢間舖頭都係長期排隊，所以我通常食晚飯之前去食，咁就唔洗排隊。呢間嘅芋圓煙韌得黎，最緊要就係喺芋圓嘅入面都有味，唔會淡而無味，食落只係成舊粉。不過都有一樣野要彈，就係我食嗰碗仙草芋圓入面嘅紅頭唔夠綿，似乎d紅豆嘅品質麻麻。

芋圓圓呢間大家都超熟悉架啦😂 一如既往的足料！❤️ 所有糖水入面都有大量芋圓同地瓜圓 而佢地的質感拿捏得好好 煙韌得來小小硬身 所以好有咬口😚 仲要食到好大芋頭同地瓜的味 證明個粉糰比例做得👍🏻 其次我叫左椰十紫米露 佢入面都一樣好多料 再加上只有凍的關係 所以比較杰😂 食完會有飽𩜲感!! 吾系太甜 所以都ok! 但因為芋圓所以一定會返來😋

見到fb有介紹，就去試下，但同出面食既芋圓冇分別，都咁係，十分普通，而且要食得好快，一食完就會比人收碗，想坐得耐d都唔得，店員又係咁走黎走去，感覺唔係咁好，應該冇下次

去完台灣之後一直都好掛住芋圓既味道，咁啱朋友講起話佢有一間食左N年都覺得好好食嘅芋圓推介，食完晚飯之後就特登去咗太子試。太子街道上好多鋪頭都好早收檔或者已經人影單薄，唯獨是係去到同樣位於地舖嘅芋圓圓門口，依然係燈火通明，已經有十幾20個人喺門口排隊。一邊排隊一邊睇Menu每一樣經典嘅甜品組合都會配上佢哋自家製嘅芋圓，第一次試嘅我真係揀唔落手好想之後食晒每一個組合。排咗10分鐘左右就已經有位，最後我揀咗一個養生美顏嘅桃膠椰汁鮮奶芋圓。塗膠係細細粒咁切碎再加非常之多粒足料嘅芋圓，仲有其他滋補嘅紅栆蓮子，淡淡的椰汁奶香，食完非常滿足飽肚感亦爆表。朋友揀嘅百合椰子芋圓亦都係非常足料～最後仲比$58買咗30 G芋圓返屋企煮～繼續回味～

這間芋圓小店很多人都專登去食, 這次試完後果真好味, 唔怪得當天3pm才開門但門口已經係排緊隊等入店.這店的特色是每一粒的芋圓都是人手製作的, 而且每一款的糖水內亦有芋圓. ($32)🤤 ~ 仙草香, 質感似果凍. 三色芋圓分別有芋圓, 地瓜圓及紫薯圓, 全部都好煙韌好有口感. ($28)🤤 ~ 如果平時喜歡食糖不甩湯丸的你就一定要試這款. 暖暖的芋圓更有口感. ❤店舖 : 💙太子柏樹街1號