芋圓圓

Open Now

Now Closed

在太子食完晚飯，周圍散步同順便搵下有咩糖水店食，咁啱見到呢間甜品店。店內差不多坐滿，好彩一入到去就有人走，所以唔洗排隊。一入到去睇好就出去比錢叫左先，之後等店員送上。我就叫左椰汁西米露同焦糖白酒千層蛋糕。椰汁西米露入面有三色芋圓，芋圓十分煙韌，同時很香，可以食出芋頭、蕃薯、紫薯味道，係出面糖水店食多數都唔會食到有芋頭、蕃薯、紫薯味道。同其他甜品店唔同，佢哋嘅西米露入面會有芋頭，令到個椰汁西米露更加好食同味道更豐富，唔會只有椰汁味。個千層蛋糕都好出色，外型好靚，食落有好香嘅焦糖味，同時不會太甜。蛋糕層數可能無出面咁多，會有比3多cream，適合好似我咁中意食cream嘅人。

所有糖水都有三色芋圓全人手自家制😍非常彈牙而且味道香濃😌大家要預d時間排隊真係好多人去食🤣-紫米露 $28配上黑糯米唔會太甜唔錯😋加埋三色芋圓非常有口感👍仙草 $32有薏米紅豆加埋芋圓真係好有台灣風味😋糖水全部都係自家制唔會過甜味道岩岩好

聽朋友講話呢間d芋圓好好食佢仲話係香港最好食嘅喎仲好過鮮芋仙講到咁吸引仲要係黃店添本身都係芋圓嘅fans今晚食完飯就特登過嚟太子試一試佢對面果碗係有雪耳我果碗就有桃膠近年都好興桃膠呢樣嘢話係平價燕窩兩碗基本上味道都唔大分別嘅個底都係椰汁加奶d主角芋圓真係好食嘅真係有芋頭、蕃薯、紫薯味逐樣都食得岀個味唔似坊間好多糖水舖d芋圓得個煙韌 但係無味不過整體其他配料就無乜特別同埋最重要係唔多夠凍呢種天氣 真係好需要個甜品夠凍咁先消暑㗎嘛

食甜品永遠都係有第二個胃😅晚飯完，一定要再搵個甜品食先至滿足，黎左太子食芋圓！鋪仔細細，晚上9點已經要係門外排隊，好彩甜品食完就下一台，等左3-4台就到我地。依到既芋圓係自家鮮製既，仲要標榜唔用糯米粉，芋圓控既朋友仔仲可以買番盒在家煮，附有教學，好easy 🥳芋圓分左3隻餡料：紫薯、蕃薯、芋頭，當你慢慢品嘗既時候，真係會㗳得出唔同既味道架！夏日炎炎，點左兩款凍食：紫米露($28)：紫米露足料，滿滿的，而且唔算太甜，芋圓係好煙韌同有𡁻口，彈牙，口感非常豐富仙草($32)：糖水唔甜，除左有仙草，仲有有紅豆薏米，加埋三色芋圓，成碗野既顏色好豐富。仙草凍好滑身，有少少草藥香，記得加埋花奶食先至最完美👍

睇完戲時間還早，所以我哋就即刻上網睇吓有啲乜嘢糖水好食。行行吓我哋就可以在太子附近。因為朋友鍾意食中式糖水，我地就搵左一間好高人氣嘅糖水舖——芋圓圓。睇返資料，佢哋之前做網上賣芋圓生意，但係做出嚟嘅品質太好啦所以呢佢哋就直情開實體舖。由細舖頭搬到而家嘅大舖頭。今晚4個人，所以叫咗4款不同嘅試下！都幾有驚喜。分別係，仙草芋圓 、紫米露、椰汁西米露 ，同埋 腐竹蓮子薏米芋圓 。佢地嘅仙草芋圓用仙草，紅豆、薏米及芋圓做配料，再花奶，口感豐富好味。而我哋係店內所叫的數款中式糖水入面，每款都加入十粒幾手工制作芋圓，喜歡芋圓的我直頭大叫”正呀”。而佢哋其中一個最大嘅特色就係另外可以再加桃膠，邊吃邊養顏，一次滿足幾個願望

💛今次又再介紹另一間芋圓，係我最愛👍🏻 雖然賣相唔係好靚靚，但佢地三色芋圓係超級煙韌又夠味，鐘意口感既你地一定會鐘意😜 同埋好足料，一碗有好多粒好抵食👍🏻 而我每次黎都係食傳統既仙草紅豆薏米($32)，我覺得仲好食過台灣個d🙈 另外仲試咗蛋花馬蹄露($28)，唔會過甜好清新。每次黎到都一定大排長龍，除咗外賣之外，都可以買佢哋既生芋圓返屋企自己煮架🤩 煮3分鐘浮面就食得🥣，好方便。真心推介💯.📍 芋圓圓🎗️太子柏樹街1號地舖

以食芋圓嚟講,芋圓圓應該都算出名,出名在自家手工芋圓之外,仲出名一樣野...(後段再講)😅今日去朋友屋企食飯,見係附近,就買左兩兜外賣同朋友分享一下。。。🔘 芋圓椰汁西米露 | $28評分: 🌕🌕🌕🌗🌑評語: 主角係三色芋圓,咬落好煙韌,但芋圓味道較淡。西米露好重椰汁同芋頭味,西米路露入面有好多芋頭粒,食落口感好好。。。🔘芋圓仙草(薏米、紅豆) | $32評分: 🌕🌕🌕🌗🌑評語: 三色芋圓感覺上份量較少(利申因為幾個人share所以冇認真數過),但其他配料如紅豆同仙草有好多。仙草柔軟度中等,唔錯唔錯。。。🔻⛔️承上文提到,芋圓圓出名兩樣野,一係芋圓,二係...服務態度,只要上網搵一搵都有好多人提及過。當我去落單等外賣時,聽到有客人用餐點全名落order,店員覆單嘅時候用餐點編號(e.g. 客人:芋圓仙草, 店員:G),該客人又傻頭傻腦話係。其實成件事好簡單,客人責任較大。而餐點到枱後,客人好好聲氣問可唔可以轉返,店員應承話可以,咁都完全冇問題,店員提供優良服務。但之後問題就出現,店員前後4至5次走埋去俾說話該名客人聽(❗️整左就整左,咁樣會浪費晒d野,冇人會要❗️)。平心而論,芋圓圓食物質素

喺太子行行下街見到呢間舖，印象中佢係黃店，好多friend幫襯過，當時係平日6pm，見入面有好多空位，就試下佢啦！我叫左碗凍既椰汁西米露($28)，西米露就正正常常，西米幾大粒。芋圓又幾有驚喜喎！聽講佢係手工芋圓，所以口感較彈牙，軟硬度適中，唔會好似機器打出黎嗰啲芋圓咁難食。西米露入面仲有啲芋頭㖭，為整碗糖水既口感增加唔少層次！😆服務態度方面，可能因為唔係繁忙時段，侍應都幾有禮貌既，食完都唔會趕你走～

我係芋圓控，所以對芋圓好挑剔，之前係香港食過兩間幾好食既芋圓不過唔就腳；之前search到呢間芋圓圓好似幾正幾多好評咁就mark實，有日星期六就同朋友去試試；不過試完有點失望，可能期望越大失望越大啦，芋圓唔係唔好食，都算煙韌不過份量少，擺盤又一般般 ，食完冇咩滿足感

鋪面細細間但門口好多人等位同外賣 證明佢應該實力雄厚啦😆隻碗唔係好大但裝滿哂勁足料 芋圓同配料份量都啱啱好 我朋友仲俾左啲仙草同紅豆我撈西米露食(๑˃̵ᴗ˂̵)و三色芋圓好彈牙好煙韌 但略嫌啲啲唔夠味 成碗野唔會好甜 仲有啲細細粒芋頭 好正✨祝您在亂流下平安。🎐

呢間糖水鋪過往起碼要等半個鐘先可以入黎坐低食 因為真係好多人冒名而來今日係閒日所以唔需要等位就入得去坐 呢到好多糖水都係非常水之前有試過喳喳 紫米露 今次就試左芋頭椰汁西米露 ($28)哈哈!! 點影都影唔到最正既角度 西米露係好足料 有三色芋圓 芋頭 份量都唔少嫁芋圓較煙韌有咬口 甜度適中  夏日炎炎所以揀左凍黎食但我比較鍾意熱食多D店內有牆紙免費拎

其實我唔太食芋圓，不過我姨媽好鐘意。個日要等表弟收工食飯，我就帶姨媽去試下！時間仲早，去到就有位。睇menu發現係中式糖水配芋圓！好特別～出面大多都係配冰！所以我都唔太食芋圓～落單時三心兩意嘅我問下店員桂花雪梨同腐竹蛋邊個多人點？個位帶有口音既姐姐只係答我都有。咁我就是但點左桂花，而我姨媽就點左紫米～同埋係要出去落單～後來我先知位姐姐唔識聽！佢又唔直接講佢聽唔明，咁我可以用國語溝通架嘛～糖水整定嘅野好快就有！糖水唔會太甜，味道岩岩好！而且材料好足！完全唔係得湯水係料食！芋圓有咬口，都幾煙韌！我姨媽話食過咁多間依間最好食！我平時無食開，就對比唔到～不過整體來講算唔錯！起碼係真材實料既黃色小店！而且$28咁足料一碗依家非常少見！

於2020-05-30,約晚上8點，食完野諗住去呢間鋪買個外賣返去食，我都叫由舊鋪食到而家都未試過有咁嘅對待。一入去叫完俾埋錢拎佢果個籌，我就收返好同埋放返d錢入銀包，忽然後面有個染到灰金色既中年女人係我背面話 等外賣就行出去等喇。 期間佢連望都無望我。跟住我就行出去喇，係出去期間我就望下邊個咁無禮貌，到果陣就見到個中年女人拎住堂食既客人果碗，一跟望實我，望望下期間佢碗都拎唔實差d倒落另一個食客度。我都費事再望佢，怕佢咁不友善會加料落我度，始終碗外賣都係自己食。 之後係出面等，到我入去拎果陣，枱上面就有3袋野，個女人就每袋都搞下唔知佢做緊咩，我就等左佢大約15-20秒，就忍唔住問佢 邊袋係我？個中年女人就抬一抬高個頭好輕挑咁用下巴示意我最出面果袋，我都費事同佢嘈就快快手拎返屋企食就算。 之後大約15分鐘之後返屋企，一返到去就食喇，我就叫左個鮮奶椰汁桃膠。好，入面有鮮奶，有椰汁，但可能我視力差就真係見唔到有桃膠，芋圓就不過不失，雖然個分量都無得同係對面街果陣比。 無下次，係咁多，完。

食完飯之後打算食甜品就揀咗呢間入去嘅時候都仲有空嘅兩張4人枱 但係個老闆娘就安排左一張2人枱俾我哋3個人 之後我哋就問個員工可唔可以調過去4人枱 點知個員工扮聽唔到👌🏻咁我地再問個老闆娘 佢答我地:依家係繁忙時間 所以無得調 但係當時都仲有2張空枱 然後開始多人係外面等位 個老闆娘就上前問我地收得未 但我地每個人只係食到一半仲有半碗就俾人問收得未 好唔舒服 感覺好似俾人趕走 因為想做多啲生意而趕客走 仲要3人逼係一張2人枱

一班朋友去開呢頭食飯，食完飯梗係要搵糖水食下啦，見到呢間專食芋圓嘅就入咗去，Full House，都算勁，四個人叫咗5樣嘢，一你一碗芋圓糖水，另外叫咗個糖不甩share。芋圓煙韌好食，唔逐個講嘞，以下是總結：1）整體好好食，唔怪之得full house。2）芋圓都係要配糖水好d，糖不甩口感麻麻。3）熱食好過凍，分別都幾明顯。4）桂花雪梨嗰碗嘅雪梨係凍嘅，如果熱食可能要提佢整熱d。