甜牙牙 (Closed)

甜牙牙這天天文台竟然發出紅色暴雨警告，但卻不滅我誓要吃抹茶甜品之心！因為約了一個群好姊妹及朋友一起吃甜品，聚聚舊，所以不會因為一個小小的紅色暴雨便取消約會吧。我們被安排坐在近門口的位置，一邊吃一邊看着窗外紅色暴雨的畫面，人們都十分狼狽呢！我們幾個則安然地坐在甜品店裡，談天說地享受甜品！廢話少講！立即叫甜品先。當然抹茶系列是必不可缺！Matcha Tiramisu $72Matchaaaaaaa!!!!!!!Nom!!!甜牙牙自家製抹茶蛋糕好鬆軟呀！！這個提拉米蘇奶味比抹茶味更重，不過抹茶忌廉打得很幼滑，配上意大利芝士，而且蛋糕不會太甜，如果抹茶味可以更重一點的話，那便好了！Matcha Lava Cake $68這個抹茶心太軟的抹茶味超香濃，亦有回甘，除了抹茶味濃郁，朱古力味都好重，堅係好味！店家用了完熟的烤焗方式，所以心太軟的流心程度不算澎湃，不過這沒有影響味道，因為個心太軟真係好濃味呀！不過略嫌雪糕有少少冰粒。抹茶之窩夫伴侶定食 $68由於這個甜品的賣相真的很像一個日本定食， 非常特別，所以我和幾位朋友「相機先食」的時間長了點，但這個窩夫仍然是非常香脆，看看那團忌廉，是小兔子的造型

呢間甜品店兩年幾前食過，對佢地嘅窩夫印象幾好，一直以嚟想再食但又驚太多人，所以那晚特登選了食飯時間7點幾去。一入到去大把空位，頓感不妙：是否質素差了所以人龍不再，拍烏蠅？蛋餅（！？唔記得叫咩）$35、$36份，係下午茶嚟，7點幾居然仲有下午茶 蛋餅好軟熟，又夠熱，蛋香濃郁到不得了，很好食！平常不愛吃蛋餅，一但冇雪糕撈嚟食就覺得好乾好滯好難入口，但呢兩份完全唔會！就咁食已經好好食！又夠厚夠熱，三十幾蚊份絕對超值！雪糕係雲呢拿味，正正常常，冇驚喜冇投訴。水果只是一般，香蕉有切片上嘅亦有煮熟咗嘅，叫做多咗啲唔同口感，但唔係特別好食。芒果酸酸地，切得太細粒。（芒果嗰份蛋餅中夾住啲cream和芒果粒的）賣相不錯。甜品跟一杯是日特飲，但所謂特飲係一杯唔知咩薏米水，我朋友要咗，我加咗$16轉楊枝甘露特飲。杯飲品唔得，所謂「甘露」唔似西米，咬落脆卜卜的，個人不喜歡。成杯飲品撈勻後只有椰子奶味，冇咩芒果味，加$16絕對唔抵。原本食評想畀Good，因為呢杯嘢我只畀ok。

一大班女生, 可以相聚談笑的地方, 一定是甜品店!這天, 我們一行多位女生, 於黃色暴雨下, 走進了甜牙牙, 享受了美味的甜品盛宴.一進入去, 發現多了一份新抹茶MENU, 我跟當中朋友是抹茶控, 當然十分興奮啦! 一口氣ORDER了三款不同的抹茶甜品.抹茶意大利提拉米蘇($72)這個抹茶不是太重, 絕對啱一D不太抹茶控的朋友. 芝士味都是剛剛好, 不會搶走抹茶的味道.抹茶心太軟($68)流心有好濃好濃的抹茶味, 加上這個心太軟是完熟的, 與一般半熟的有點不一樣. 個人認為, 完熟總比半熟安全. 再加上雪糕同個心太軟併埋一齊一冷一熱, 層次口感絕對PREFECT! 同時蛋糕都不會太漏, 一個人都可消滅這個抹茶心太軟!抹茶之窩夫伴侶定食($68)這個在食方面, 可滿足不同朋友的喜愛.抹茶窩夫 – 香脆可口, 一點都不會漏, 有一點點的抹茶味, 是窩夫的新口味呀!黃豆粉CREAM – 這個不像雪糕, 像CREAM多一點, 有香濃的黃豆粉味. 加上造型可愛, 是加分點呀!抹茶加芝麻雪糕 - 抹茶雪糕與心太軟所配搭的一樣, 值得一提的是這個芝麻雪糕, 個味好濃好濃, 配合抹茶味不濃的窩夫剛剛好

喺尖沙咀果頭行完街，好想食甜品，見甜牙牙門口好似冇咩人等，於是就入左去食本身仲想叫個超級窩夫層層疊，睇相真係好吸引，但得2個人所以都係算，最後叫左個香蕉班戟。離遠已經聞到好香pancake味，叫人垂涎三尺～成個dessert有2塊厚pancake，一條蕉，朱古力醬，杏仁片，賣相都幾靚～pancake冇預期咁好食，麵粉重，幾濟。加上蕉同朱古力醬真係有d漏，但蕉都幾新鮮，個配搭都ok。另外鋪面都幾闊落，裝修幾有特色，幾有feel。

話說，轉新工以後都忙得很的，但總要擠點時間跟好友見個面，他們先吃過晚餐，再去吃甜品，而我呢....就只是Join到甜品的小聚而已~=3=甜牙牙的人流其實也蠻多的，記得當時只是大概晚上七時半，外面下著大雨的~真的很喜歡這隻智發光的牙仔跟摩天輪的，感覺十分童話的說=3=——————————————————————————————不多說了，直接跳到甜點這一部分啦~作為抹茶控的我知道甜牙牙新出了抹茶的甜品，當然要點來試試啦~(感謝好友們的遷就喔=3=)抹茶意大利提拉米蘇 ($72)這個抹茶意大利提拉米蘇是以自家制抹茶海棉蛋糕配抹茶意大利芝士而成的，賣相美就是美啦，但可惜綠茶味並不夠啦....口感呢..其實是蠻不錯的海棉蛋糕夠柔軟，夾雜著滑滑的Tiramisu，可惜抹茶味並不夠啦=3=抹茶心太軟 ($68)這個抹茶心太軟的朱古力心內有芝麻粒的，吃的時候並不感到有芝麻粒，但說真的...這個抹茶心太軟的流心比一般的要厚身，流的時候比較慢。這並不影響抹茶心太軟的味道啦，心太軟的外皮也蠻脆的，帶著淡淡的抹茶味，而抹茶配合朱古力以後，甜味適中，也屬討好的一件甜品，要是綠茶味可以再濃一點就更棒~旁邊的雪糕的

十個女生有九個都喜歡抹茶，剩下一個就應該是狂迷！！朋友說甜牙牙推出了抹茶產品，相約小妹一同試試！抹茶之窩夫伴侶定食$68 ，姊妹們便是我的好伴侶。我們可以分享抹茶製的窩夫，窩夫有點厚實感，外皮帶酥脆口感，抹茶味未至香味濃郁！紅豆，芝麻，綠茶，黃豆粉忌廉雪糕，小妹應該最愛既雪糕係紅荳味，有紅荳蓉甜度合宜可以跟窩夫融合。黃豆粉忌廉雪糕細滑香濃，還要是兔仔的造型。黑芝麻的香味不乏，單食可以，不過跟抹茶一起，有點搶過風頭！抹茶心太軟$68 店家採用完熟的焗製方法，有別於一般的心太軟，流心效果未至彭湃，溢滿碟的情況未有出現，運用兩種不同的抹茶粉，所以調味有點特別，苦澀味不重。蘋果金寶批 $68 其他甜品也不俗，所以大食的小妹除了抹茶我倆還點上了蘋果金寶批，玉桂味香味撲鼻，酥脆香口的外層，加上入味的蘋果肉，料很足的蘋果金寶批！甜品當晚餐的傻女孩，甜食聚會又完結了！！

去既時間係未夠6點 紅色暴雨 所以唔係好多人哈哈坐低見到咁多綠茶味既野就叫得好開心~不過其實都有少少想食鹹味/ 熱食 因為係晚餐黎既但menu上鹹味/ 熱食只有類似 all day breakfast既brunch 同埋呢個時段已經冇得叫喇仲有紅豆沙綠豆沙既哈哈先黎既係綠茶法式燉蛋 (真名唔記得左 不過得佢一個燉蛋姐~)清清地又有綠茶味 好食食到咁上o下心太軟就來了~~呢個心太軟真係不得了真係好濃綠茶味 停唔到口係咁食lol 綠茶雪糕同個心太軟併埋一齊一冷一熱更好食不過白色個個cream係冇味既好似 至少夾埋個咁濃既綠茶心太軟就真係連cream味都唔覺有哈哈冇叫到但係有幸俾我地見到 有兩個(好似講日文)既女仔叫左一人一個九層waffle令我同友人嘩然......見到server有部小相機 應該係叫左呢個waffle就會同你影幅相見證o下有幾巨型啦然後server幫佢地稍稍慢慢分開左幾隻碟 唔知食唔食得曬呢

店內環境幾好，餐牌都整得好靚。。1)紅豆綠茶木糠布丁配好細球綠茶雪糕，$40。最值得讚係大大粒紅豆，好香紅豆味，而且甜度適中，唔係有咁多間甜品鋪有咁靚紅豆。綠茶木糠，就不過不失，有些少綠茶既苦，而木槺布丁，不會壓得太實，鬆鬆的。口感無咁好。。但好彩有紅豆補救返令好味指數升返啲。2)黑糖朱古力脆脆$58，（唔太記得咩名)，但本人覺得好睇唔好食。又貴，唔值。黑朱古力waffle最敗筆，苦苦地，又乾，得個苦味，無咩咁好食。仲有配碟既朱古力脆脆小食，唔好食囉。

有人話，對女性來講無論肚有多飽都會有肚食甜品，而我就係其中一個甜品fans隨住甜品店係香港越開越多，旺區甚至一條街都有幾間，間間都大排長龍然而甜品店既質素參差不齊，要找到一間有誠意又好味既甜品店都不容易甜牙牙 已經食過幾次，每次都覺得甜品製作算有心思所以今次食飽飯又過來食甜品！店內裝修頗為精緻，每次來都見到有個白色蝴蝶鐘，非常優雅！今次單點了一個 賣相好吸引，淺綠色的木糠布丁到上放上綠茶雪糕，再由紅豆包圍住整個布甸其實紅豆綠茶這個配搭已經非常普遍，如何可以從其中研發新甜品呢？我覺得這個都算成功木糠布丁一入口即溶，然而綠茶帶甘，淨食布丁會有一點苦澀味但當配埋旁邊的紅豆一起入口，整個味道完全不同紅豆既甜味即刻帶出來，蓋過了綠茶布丁原有的苦澀味好特別！令我覺得好驚喜 然而這個有心思既甜品價錢亦好大眾化，喜歡宇治金時的朋友可以試試！

好耐冇同中學同學聚舊lu~ 同中學同學聚舊當然少不了甜品嘅參與 今次嚟到甜牙牙, 屬於比較新式嘅甜品店, 多賣waffles, pancake 等新穎嘅甜品由於啱啱吃完午餐, 仲係比較飽, 所以淨係叫咗個strawberry toastbox, 大約$70~Wow~ 賣相真係一級棒同餐牌入面一模一樣草莓量很多, 可惜雪糕及cream量較少, 吃到最後只剩toast, 比較乾雪糕味道十分普通, 只有淡淡嘅雲尼拿味道但最值得讚賞嘅係d toast, 好甜好脆囗, 啱哂鍾愛甜味嘅朋友整體來說還可以, 同朋友一邊嘆量大嘅toastbox, 一邊閒聊心事, 都算係唔錯嘅聚會地方

個人口味, 飯後甜品, 最好係小份量, 唔好太多. 甜食, 本身已經好易飽, 加上飯後, 份量真係適宜一兩啖便足夠.此店, 由開張至今, 出晒名, 無試過, 也不清楚到底賣甚麼甜品, 只見每逢假期前夕, 門口總是人山人海, 心諗…肯定好嘢吧… 今天有機會, 見只有十人排隊, 入去問店員攞張”等候飛”, 哈…! 店員話: 唔使”飛”, 即有位. 吓…!. 咁奇…咁係門口D人等咩嘢?….哎…四季鮮果窩夫(配雲呢拿雪糕), $45. 賣相與照片差不多, 無違反”商品條例”喎… 西瓜粒, 半白半紅, 切粒切到去白邊位…唔唔….果然好慳儉. 雲呢拿雪糕有”雲呢拿”味…我既水平係咁上下…. 咁真係有雲呢拿味吖麻…. 窩夫整整兩件, 一件放底部, 另一件切開了疊在上面. 剛食完飯, 食得晒呢碟嘢, 好艱難….老友呢件, 一樣唔少嘢. 芭娜提拉米蘇窩夫, $58. 個名攪笑, 去開台灣既朋友, 無理由唔識“提拉米蘇”吧, 就如”拿鐵”、 卡布奇諾、摩卡等字詞, 都是台灣帶來的歡笑. 但”芭娜”…..真係估唔到…. 翻睇餐牌, 原來是Banana…. 吓! 唔係化!? 唔用香蕉, 用併音…這件”芭娜提拉

每次與朋友吃完飯，他都喊著要吃甜品。因此為了滿足他的甜品胃，吃完晚飯後便到這裡找甜品。最後我點了這個木槺布甸，當中添加了tiramisu的元素，味遁不俗。木槺布甸的囗感濕軟，而且還滲著淡淡的酒味及香味，以及非常濃厚的奶味，非常出色。另外，布甸相當軟綿，入口鬆融，讓人回味。

說到小友最愛吃的東西，除了雞翼及豬扒一類的肉食外，一頓餐過後的甜品，更是他一直期待的.....每次吃完飯，他都大嚷要吃甜嘢。有時他在正餐時好像故意吃少一點，目的乃在於之後可以大嗒甜食可也....縱使今天晚餐一眾人已吃得蠻飽了，但他還是問有沒有甜品吃.....爸爸最後還是經不起他多番的請求，再加上本身饞嘴的我也是口淡淡的想來點東西去刺激一下味蕾，故此一家三口又到了附近的"甜牙牙"，繼續不停食、食、食.....本來想只叫兩樣嘢三人分享來吃，但望著色彩繽紛選擇極多元化的餐牌，最終仍是忍受不住誘惑，決定每人點一份好了....記起在旺角總店曾吃過一件不俗的木槺布甸，現在叫的這個還添上了tiramisu的元素。囗感濕軟滲著不濃不淡的酒味及香，奶味倒是十分的濃烈；布甸的質地相當的軟綿令口腔極是受用....甜度足是肯定的了，不然又怎能滿足一向屬甜牙齒的小友呢 ?多年前與太太初相識已知她很喜歡喝Bailey's了 (但識落才知她的酒量只是不過爾爾)。故此當她一看到店內有一道"Bailey's併脆珍珠配北海道3.6奶凍"，馬上便不太理會小友能否吃得到，最後叫了一個....它出來的賣相和餐牌有些不同，盛在杯

食飽晚餐都可以食兩份甜品，是常識吧！食咗綠茶紅豆木康布丁同apple crumble先講綠茶紅豆，紅豆好大粒，綠茶唔夠綠茶味，雪糕size有點少。但Apple crumble 好好食，先有蘋果片，蘋果蓉，crumble 唔止牛油麵粉，仲加咗燕麥蜜糖脆粒。真係好香又唔膩。整體好好回頭率10/10

突然想找甜品吃,就去甜牙牙了.這家分店的裝潢不錯,比一般地方的感覺更像是去吃甜品的.這裡的甜品也挺多的.最後選了一個橙肉pancake.這個配搭挺特別.橙肉破中帶甜.與pancake的甜有不同的層次.再加上少少的朱古力醬,而這個醬的份量剛好不會搶了主角pancake的味道.同時也有一些杏仁碎,cream,和朱古力egg roll做點綴.令到整個甜品不會太單調,味道的變化也多了.不單單是有層次,而且口感都各有不同.44元一個甜品.但帶來的不只是單純的甜味.和單一的口感.!!令到一個平凡的pancake變得不平凡.