甜牙牙 (Closed)

下午茶時間，同朋友黎甜牙牙食甜品每次黎見到個甜品都好開心！我叫左個香蕉蜜糖多士，賣相好吸引 推到好高，大大份！上面有香蕉同埋雪糕，下面有3塊厚多士香蕉用糖煮過，甜甜地，好香，食落好林蜜糖多士烘得金黃色，睇落好香脆，食落唔會太甜，味道啱啱好，口感仲好脆朋友叫左士多啤梨班戟，班戟好軟熟，好香，甜甜地，d cream唔會好漏，配埋士多啤梨，甜甜地酸酸地，好fresh

和朋友吃完晚餐後，想找個地方繼續聊天，最好不過就是甜品店了。選擇了這間甜牙牙，但每人都必須要叫一份甜品或飲品，這一點我並不喜歡 其他吃得很飽的朋友唯有叫飲品，我就要了一個oreal瘋狂朱古力窩夫，盛惠$62。有一球movenpick雪糕，四片窩夫，表面灑上oreal碎碎，還有一點忌廉。論外型，冇得輸！movenpick雪糕一如既往有很濃的朱古力味！窩夫新鮮製作，全部都很脆，切開時小心碎片橫飛，哈哈 窩夫吃不出有朱古力味，但沾上雪糕，味道很配！至於oreal餅乾碎，只是配角而已

今日同同事過尖沙咀開會～開完會同事就話想食甜品，於是～佢就帶左我黎呢間食。以前我成日路過，都唔知原來開左間甜品店～位置非常易搵可能唔係放工時間，所以無乜人。一打開menu，見到好多我嘅摯愛-抹茶！緊係要食返件啦！ 「宇治金時木糠布丁」：賣相都算ok～不過我覺得中間嘅抹茶夾心有少少硬，同埋少左d抹茶味～只有上面嘅抹茶雪糕係有抹茶味 雜果雪糕吐司：份量十足！一份夠曬兩個人食。不過可能烤吐司時嘅火候有少少偏差，如果時間火候都啱啱好，相信會更加好食！

甜牙牙 @#foodki尖沙咀士多啤梨waffle(4/10)($62?唔記得左)唔記得幾多錢，呢間真係一啲都唔好食，佢話用#Movenpick #雪糕 😂😂😂，但唔知點解一啲都唔好食😒，隻味好假。#窩夫極硬，無乜蛋味，好似放左好耐咁😂。咁難食既！地址：尖沙咀加拿分道46號地下營業時間：星期日至四: 12:00-00:00星期五、六及假期前夕：12:00-00:30

同朋友行街行到累累地,入o左甜牙牙坐下休息下,不過好似黎黎去去都係戈幾款,今次叫o左份大大份一齊食入面有心太軟,雪糕,朱古力醬,生果同綿花糖心太軟味道都ok,入面朱古力都流心朱古力味都濃,但雪糕就好普通綿花糖可以用黎點朱古力醬,但d朱古力醬係凍...當綿花糖點完個醬後變得犯甜....好膩...而生果又冇士多啤梨....西瓜點朱古力好怪...奇異果又好酸...最夾都只係得哈蜜瓜...早知淨係叫心太軟就算

早幾天在三月的年飯曳曳哋留了一條尾巴,放心車媽媽係唔會叫人食飽飯去游水的,我呢D唔健康嘅人梗係去吃甜品做下場啦haha~ 想去甜牙牙已久原來它有不少分店!這天到尖沙咀分店~店內環境清雅,裝飾品亦十分對我口味,不知這家的甜品又能否得我歡心呢!!一看見摩天輪便聯想到幸福和榴槤hehe~陳生真的功不可沒~最吸引我來的是Movenpick雪糕,看見它抵抗力即時差了很多喔!!甜品款式有很多選擇~雪糕船,輕盈新地,撈cup系列等等!!當中以輕盈新地為目標喇因為此系列用上Movenpick雪糕嘛^0^但其它系列也可加$28升級Movenpick雪糕架^0^{莫卡北海道伴Baileys配棒子雪糕}$58,這套甜品十分抵食那杯Baileys份量滿滿的十分慷慨喔!!我選擇將濃香Baileys倒入棒子雪糕內同吃味道十分吸引連平日不飲酒的弟婦也大讚好味呢!!莫卡北海道奶凍味道香濃不過甜而且質地嫩滑加上墊底的爽脆珠珠可口非常^0^叔仔好專一只愛{楊枝甘露}$38,滿大碗的上檯眼也看得見十分足料,我沒試過但車爸爸說味道很不俗呢!!{流心芒果粒粒布丁}$4

是晚食完飯直落下場，女人嘅另一個胃- 糖水！今日咁飽咁邊挑戰到巨無霸！只能同朋友開心SHARE~朱古力味法式多士配雪糕球呢個多士有5塊，用法式長麵包厚切再拎去烘烤，層層疊之後唧上CREAM，伴一個雲呢嗱雪糕！個球仲要用杏仁片同朱古力豆砌成可愛嘅兔仔模樣！呃LIKE度加分！另外，仲好似做藝術品咁用朱古力醬弄成格仔PATTERN伴一個小蜜糖JAM！SWEET & YUMMY！個多士好脆！脆到有點介口！加埋D好SOFT嘅CREAM同蜜糖！有D媲美港式西多士！ 而D朱古力醬同舊雪糕好夾！香草味好濃！拎黎YAM個多士又多一種食法！

食完晚餐，總是要食返個甜品，才感覺更滿足的，初時行經門口，已被d相吸引我想食，最後我的他不敵我用 ＜＜咁樣的眼睛望住下，陪我入左去甜牙牙食飯後甜點 一坐低，職員已提示有最低消費，每人最少要叫一樣食品，對我地來講，係矛問題的，因為點都會一人叫一款再一齊食架啦 我係個超多選擇的餐牌中，又再次出現嚴重選擇困難...最後叫左呢個...朱古力味布朗尼：為的是中間個Movenpick朱古力味雪糕，而且個餅餅都好好味喔 咬落去時，好似有點硬，但只係表面係有少少硬身，入面係好soft的而我的他就叫左個...伯爵茶木槺布丁：木槺布丁中散發淡淡的茶香，都幾清新的 配埋Movenpick的雲尼拿味雪糕來食...好好味喔

食後甜品是必須的 今次試左甜品式薄餅士多啤梨雪糕配上士多啤梨脆片再加鮮士多啤梨雪糕滑得黎有粒粒士多啤梨 酸酸甜甜脆片係新鮮士多啤梨切片雪凍 食落除左凍之餘重甜甜地又脆口 口感特別鮮士多啤梨細細粒 外層灑上少許糖粉 增加甜味薄薄嘅pancake皮作pizza底上面加上杏仁碎同朱古力醬 增添色彩中間放上雪糕 尤如藝術品一樣👍🏼

兩年前食過，記憶中窩夫幾好食。點知今次兩個甜品都好難食……綠茶木糠布甸先到，超硬! 就算食埋窩夫，希望佢會變軟少少，點知放左20分鐘都係硬到丁丁聲。綠茶雪糕又淡味，係得紅豆似樣D。窩夫無論內外質感都好硬，就算配雪糕忌廉一齊食都係好硬，咬到牙都痛。窩夫由第一口開始都只係微暖，感覺係一早做好左，有需要就翻焗。雪糕應該係維記出品，冇特別。

10-1-2016 (Sun)晏晝同老公出尖沙咀還衫,還完衫佢又口痕要食o野,見到呢間話要試.咁好啦.一坐低,女侍應放低兩杯水o既同時貼我o地講,每人要叫一樣o野,唔可以只叫一樣share食.啊.我o地睇menu,老公見到有二至三人食o既o岩心水,就問咁呢啲係咪都要叫兩客?個女仔答呢啲就唔係,叫一個可以.於是我o地要o左$198.00o既朱古力超級大合唱.Menu內冇任何介紹話冇咩o野,要靠自己食出o黎.等o左好耐,好耐,o衣o家睇返張單同我第一張影o既相,原來等o左20分鐘,唔怪得我明明好早還晒衫,未夠2:30pm坐低,至食完走人睇錶,已經係3:30pm.講返朱古力超級大合唱,一望就知有心太軟,朱古力同雲呢拿雪糕各一,影完又食得.朱古力心太軟味道唔太甜,內裡o既朱古力漿更係帶甘味,配雲呢拿雪糕食o岩o岩好.朱古力雪糕同樣唔太甜.食完心丸軟,下面墊有朱古力餅乾,先唔食佢,食下面最底層o既蛋糕.似cream又似mousse同朱古力蛋糕杷間,我覺得cream係芝士cream,味道淡淡地,o岩o岩好.又最底竟然有啲脆粒,之後最後至食返件朱古力餅,件朱古力餅中間重勘返件掰成4份o既Oreo入去

店名：甜牙牙地址：尖沙咀加拿分道46號地下好味指數：6.5／10價錢：$35士多啤梨雪糕pancake 普通pancake，入面加左少少cream同埋士多啤梨，無咩特別，just OK!店名：甜牙牙地址：尖店名：甜牙牙地址：尖沙咀加拿分道46號地下好味指數：5／10價錢：$35杏仁法式西多士唔怕生壞命，最怕改壞名。根本呢個甜品就應該叫法式玉桂香蕉西多士。首先，個包係玉桂味，上面個醬就係香蕉，而杏仁一粒都見唔到+食唔到。當詢問店員下，原來忘記了放。整個甜品非常麻麻。 

四花食完shake shake 海鮮, 意猶未盡未夠滿足, 於是提議食窩夫甜品。 尖沙咀吃窩夫甜品即刻想起甜牙牙。 星期日的下午顧客不多不用等位。店員姐姐更安排我們坐窗前的大檯, 精緻的擺設, 自成一角。 聖誕雖過, 裝飾仍未拆除, 正好是拍照的背景。Menu內款式選擇很多, 樣樣都好吸引, 三心兩意, 好難下決定喔!!芭娜娜提拉米蘇窩夫 $62賣相很漂亮的一碟。提拉米蘇忌廉位雖然雪得較為硬身了一點, 質感似雪糕, 不過味道好香好好味, 咖啡味不算太濃, 不過好香口, 海綿蛋糕位鬆軟綿綿。窩夫剛焗起還暖暖的, 鬆脆可口,加上雲呢拿雪糕食, 一凍一熱, 口感不錯。 另配有蜜糖醬和榛子粒, 灑上窩夫食很好味! 這個份量很多, 自己一個食會非常飽。伯爵茶木糠布甸 $50木糠布甸共有五層, 由打碎了的餅乾跟忌廉相間組成。 伯爵茶忌廉茶味香濃, 且帶點點檸檬味, 多一份清新。 忌廉打得很幼滑香甜, 但甜而不膩, 還加入雲呢拿籽增添香味。 餅乾都打得好仔細如沙般幼細, 沒有大大粒的餅碎。 最頂一層還加有一球雲呢拿雪糕和微甜的忌廉, 整體味道好味!宇冶抹茶提拉米蘇 $72亦是忌廉與蛋糕相間的一道甜品

今次食甜品的目標是品嚐窩夫的水準，與友人分別點了原味窩夫配朱古力雪糕和香蕉窩夫配雲呢拿雪糕。 原味窩夫配朱古力雪糕，他們將窩夫切成一塊塊，再堆砌小塔的形狀，窩夫的口感脆脆的，內裡有軟身的感覺，而且帶有香濃的蛋香味，能夠品嚐到不是用窩夫粉沖開的。其次窩夫的溫度可見，是用窩夫機剛剛整好的，不是用焗爐翻焗的。 可是略嫌份量少了一些，令人感到'不夠喉' 朱古力雪糕也是不錯的，在口腔裡充滿淡淡朱古力味，而且更有朱古力醬在旁伴襯，令到朱古力更加香濃，喜歡朱古力的朋友不能錯過。有些朱古力碎和杏仁碎，加強咬口，配合雪糕一起食，別有一番風味。 並且如果覺得窩夫不夠甜的話，附送了一小樽糖漿。 香蕉窩夫配雲呢拿雪糕，香蕉包圍著雲呢拿雪糕，賣相不俗。 香蕉沒有明顯的黑點，是剛剛切好的，証明十分新鮮 窩夫的面頭鋪上一層tiramisu，配合出來，好像吃吐司磚一般，幼滑的tiramisu口感混合脆脆的窩夫，雙重口感，而且tiramisu有淡淡的咖啡味，吃下去在口腔裡慢慢溶化，可見是制作認真，略嫌的都是窩夫份量少了一些，能夠再多少少便滿足了 整體評分:7/10

甜品鋪一向食品質素參差，此行試了近期流行的綠茶味及香蕉味。一入口已經感覺甜到入心，綠茶味道無什特別，和綠茶雪糕無異。香蕉味的窩夫本來混入朱古力味也配合到，但一加蜜糖就非常甜溜，窩夫亦稍嫌不夠脆。