甜牙牙 (Closed)

果日約左朋友，6點幾，唔想食晚飯，竟然想食甜品就去左vcity既甜芽芽本身想揀果個麵包磚，不過太早未有咁唯有揀個窩芙，甜芽芽d窩芙都唔錯的(旺角果間就一般，屯門食過幾次都好食)，未食飯都唔驚食唔落！呢個係餐牌講係new既，我未食過就試下先！每次我都對香蕉既甜品無咩抵抗力..點知食第一舊窩芙已經覺得好食到心飛飛~佢d cream好好食，但我食唔到究竟係咩整出唻...想到我心癢癢至於隔離果舊tiramisu就有改善既地方了佢裡面仲係太凍，可能解凍得未咁好，裡面原來都夾有香蕉凍到有d似食香蕉冰....我朋友就叫左呢個佢鐘意食朱古力，呢個岩晒佢到最後有人過唻幫我添水時我忍唔住問佢一下，到底窩芙上淋上既係咩cream佢話係tiramisu演變出唻既cream..唔知仲溝左d咩呢...以家諗起都想再食~

去vcity食完晚飯行過見到甜牙牙不用等位，又有最hit的抹茶系列，所以就揀左哩間做飯後甜品！ :抹茶之窩夫伴侶定食: 窩夫定食有4格，上格: 有4大件綠茶味窩夫，窩夫烘得有點硬，只有少許抹茶味，帶苦。下左:普通芝麻，綠茶味雪糕; 中間:紅豆味雪糕配紅豆蓉，帶甜; 右: 黃豆蓉配忌廉，但黃豆蓉味道超古怪的，建議還是配雪糕同吃比較好。法式焦糖燉蛋：燉蛋size亦ok, 面層焦糖夠香脆，燉蛋都夠蛋味，不太甜，個人認為比窩夫還要好吃。P.S.每次來甜牙牙食窩夫不知何解都要等很久？！我懷疑他們只有1-2部窩夫機 

下午茶時間不用等位，真的太好了！綠茶心太軟的綠茶味好濃，帶點綠茶的苦，但係茶味重果種苦苦地，一切落去入面啲綠茶漿就流哂出黎，流心效果非常之好！值得一讚！而且個樣都整得好靚。傍邊配既唔係雲呢拿雪糕而係綠雪糕，配襯起來令個cake的綠茶味更出！令外朋友點了鮮果杯，外形都幾靚！有雪糕，鮮果下面係果凍，都ok，但比較推介綠茶心太軟！

晚飯後感覺不太滿足，因晚飯那處沒有想吃的甜品，即時上Openrice搜尋附近甜品店 換個地方再吃，結果便找到嚟… 竟然滿座，但等了不久五分鐘便有枱 先看餐牌已花多眼亂 但研究完後原來都係分三大類， 窩夫，吐司和班戟系列… 還有些木糠布丁，如果你選定了哪一類，再選擇味道，那就容易得多！落單後等了廿多分鐘仍未有得吃，先看看四周環境布置，室內餐桌極為擠迫，晚上十點後仍全場滿座。終於等到了 朱古力味窩夫一點都唔甜，所以附上一小樽糖漿，讓客人自己調配甜度 窩夫外皮有些小脆口，內心暖暖的鬆軟，配合菠蘿酸酸甜甜… 十點過後仍有人等位……用餐後感覺良好，下次再有機會到訪

朱古力木糠布甸0K。綠茶慕木糠布甸(慕同布甸一起食正)內有綠茶雪糕。宇冶綠茶雪糕红豆冰0K。朱古力層層冰，真的像雪一樣，不会咬到冰正。 红豆綠茶窩夫oK。提垃美蘇窩夫oK。

呢間甜牙牙我食過兩次，兩次都真係好難食。上次一行3人黎食，叫左心太軟，冰火chocolate木糠布甸，仲有一樣唔記得。但記得嘅係，三樣都難食。心太軟其實唔太差，我覺得ok，但同行嘅人覺得太苦。其他兩樣就好難食。今次諗住再試一次，我地兩個人黎食。我地分別叫左 抹茶心太軟 同埋 宇治抹茶木糠布甸。首先黎左宇治抹茶木糠布甸($4x)。上面果嚿抹茶雪糕係冇味嘅 跟住試埋啖木糠布甸，真係好難頂，唔smooth，又難食，感覺食緊木咁 加埋紅豆一齊食就好dd嘅，但都係差囉。再黎就係抹茶心太軟($68)。講真，賣相係唔錯嘅。但可惜食落，都係唔好食。側邊嚿雪糕，同頭先果嚿一樣，真係冇味。。。個心太軟呢，其實唔係真係咁難食嘅，係苦左d。結果我地兩人都食唔晒。再冇下次！

2015-10-21,屯門甜牙牙，超級難食，完全冇heart嘅甜品店，喺冇乜人嘅情況下，等四十分鐘嘅吐絲盒，出到來，啲面包燶哂硬哂，完全失敗，之前食窩夫已經係噤燶哂，今次一樣，不值得再來

34蚊，甜度剛好，蛋味都夠!!不過成間整體黎講有點貴~~~~另外叫左西瓜棉棉冰，凍得濟又甜得濟…所以就唔po相了!最後想講一講屯門呢間個環境，作為一間甜品店，有得比人坐低吹水係好重要！可惜今次下午茶人唔多，反而音樂就開到勁大聲，違反左播音樂既原意，有Ｄ趕客..同埋D餐具有點洗唔乾淨,仲有D白色一點點係上面。

其實向來對甜牙牙幾情有獨中，之前主要黎食甜品，呢日放假，得自己一個人，見佢有位咪走入去~其實我都幾鍾意食all day breakfast呢類型，每樣少少，又可以食唔同嘢，今次揀左佢~佢呢度啲窩夫都尚可~幾可口~蕃茄煎完應該放左好耐~但為只係暖，煙肉同腸，都ok好食。但係其實佢煮嘢嗰個應該唔係好細心，因為佢啲嘢真係有啲dry呀~沙律基本嘢，但點解佢水汪汪的，見到唔太想食。

今日下午我們去咗「甜牙牙」喺屯門V City嘅分店食下午茶！我們叫咗迷你全日早餐、黑芝麻土司盒同鮮榨芒果沙冰！迷你全日早餐嘅窩夫非常香脆鬆軟，煙肉煎得好香口！黑芝麻土司盒嘅土司相當香脆，黑芝麻雪糕嘅味道非常濃郁，夾埋啲土司一齊食，外冷內熱同外脆內軟感覺超正！係本人嘅必食推介！鮮榨芒果沙冰嘅芒果好足料，芒果味亦非常香濃！

途經甜牙牙，走入去嘆吓甜品先，冇人就最正，叫咗個窩夫併Tiramisu食，一個甜品2款口味，仲有少許香蕉，抵吖。不過本人覺得好甜，如果少d甜度會更加好，甜牙牙基本上我都間唔中泥食，佢d種類來來去去差不多，有時會有一點漏既感覺！

我有個朋友經常幫親，聽他說好似轉左個經理，同廚房，他說廚房岀品快了很多 ，而轉左個勁無禮貌既經理 ，有一次本人去到食嘢無咩人勁開心，坐下來諗住可以坐得舒服一點，點知個好無禮貌既經理行埋嚟同我地講今日係假期你地兩個人我俾吾到兩張枱你地，我就答佢乜你以家好多人咩，又唔係爆場，佢就同我講小姐生意哩d嘢好難講，我都吾知會幾時爆，我就話甘咪係囉你都識話吾知幾時爆，你爆嘅時候我都食完走咗啦 ，我呀媽話佢痴線又乜理由甘樣做生意嫁，係屯門哩間係近，但係如果再俾我㨂我會岀翻尖沙咀果間，尖沙咀係就係成日排隊但起碼佢地有禮貌有質素先囉，過咗無耐聽到隔離枱話哩間以家都吾知請埋咩人翻嚟，越嚟越無禮貌，有咩理由抹完枱果枱布對住人塊面係甘問人幾多位嫁，都唔知咩經理。之前果幾日定上個星期明明有個黑色衫肥肥地幾好禮貌，就算做唔切d嘢佢都好禮貌甘話唔好意思因為我得一個人做唔切甘多嘢麻煩等多一陣，但個經理唔係囉，佢今次話等一等我哩到落緊單你又見到得我一個，嘩 ，聽完我即刻起身走呀，真係好嬲囉，咩事姐以家？我叫你代表我通知你我都要落單囉真係火都嚟呀 以後我吾會再俾錢買難受。Ps:好希望哩間公司會睇到我所不滿跟進事件

甜牙牙都有幾間分店。今次係食屯門呢間。環境：好細，枱放到密密麻麻。坐得唔舒適。服務：人手少。食物： 香蕉雲呢拿pancake - 食完唔知自己食緊咩！pancake冇質感，食落去乾巴巴，鬆、散哂！好難食！香蕉都俾佢拖累，雪糕普通平價果種。總結：好差！唔明點解仲一直咁多人幫襯，價錢又唔平，大家係咪為影相？係⋯賣相幾好，但我接受唔到食呢啲唔值得擺唔入口嘅甜品。想食甜品就想開心，點知中咗伏。冇下次，有人請都唔想食！飲品選擇好少！食完好口渴！淨係餐有杯茶，唔好飲。

 vcity食完晚飯之開發新胃身為栗蓉迷嘅我一見menu就被栗茸奪去焦點,即點盛上黎時好香糖漿同waffle味,窩夫暖笠笠,外脆內軟而且紅豆配栗蓉好夠甜可惜食到後來唔夠栗蓉同糖漿,雪糕又趁未融已食哂,最後淨食窩夫...(可能要由得雪糕融跟著點窩夫食先係正確食法不過俾多d栗茸就好了(真係唔夠呢個strawberry pancake個樣好令cream + vanila source(冇咩味) + chocolate source(少量)pancake好厚好鬆軟,不過整體真係只食到主角: pancake其它唔太食得出味...配料方面唔夠味...香芒吐司盒係唯一配料食到味嘅芒果雪糕芒果味夠重同甜,多士脆,食到最後仲有溶左嘅芒果雪糕點而唔係淨食多士算係揾唔到缺點啦整體而言主食方面(窩夫,pancake,多士)做得好,可惜配料方面唔掂,分數大打折扣希望響配料方面改進以$149嘅價錢雖然份量大,但味道令今次唔太值得

甜牙牙，一直有聽朋友說這店的食品不錯，而店內的９層窩夫亦夠出位，未知是否有人真能成功呢？（大概有吧，印象中是有的 ）終於，這小店開分店至屯門！哈哈，不用車錢，近在眼前，我當然要一試。想約朋友去，但朋友卻說屯門分店食物較差，寧願到尖沙咀！什麼！？我才不要 我分著有錢分店，即多人光顧（估），多人捧場，大概不會差！（大概 ）沒有什麼邏輯吧！是的，我只是有點懶 好吧，朋友不欲再試，那我就嘗試邀約母親吧。媽媽不太好甜品店，因為她是良家"煮"婦，家人喜歡吃什麼，她都樂於下廚 而且，若有不會的，我家父親大人貴為大廚，亦會幫她一把 我家廚房就是父母的"秘密花園" 難得成功約她外出嘆下午茶，還望不會讓她失望吧！我們點了兩個下午茶餐，母親的算得上半咸半點吧....她說味道不錯，但亦有點失望，始終也等了近20分鐘，預計上桌的窩夫是脆口的，不過卻只是微暖，而且有點硬呢 而我的，則是鮮果窩夫，窩夫同樣有點硬，而且水果帶酸；不過，得饒人處且饒人，沒有嚐過其他分店，不好說它很差，如果微酸水果配上甜甜的雪糕球，算是另一種中和作用吧 下午茶餐均送是日熱果茶，無甚特別，就是即沖飲料，而且，又是有點酸呢.