甜源居

Open Now

Now Closed

眾樂樂不如獨樂樂既情況之下走左入西貢食個糖水其實係好合理既事 甜湯不是主菜 西貢夜媽媽吹吹風係呢個炎夏更有營養既甜品其實真係求其搵間入去坐低事前都唔知佢主要賣乜食乜 價錢黎講算係中上 因為都無咩手功技巧甜品只係多多幾款材料咁啫睇完之後 叫左𠍿八寶海底椰 潤下喉啦諗住點不知黎到枱 真係同圖片只供參考成正比完全走晒樣 真心笑左出黎 我無嬲 真係無嬲 叫得預左隨時中伏椰汁雜錦糖水一個入面有啫喱 清心丸 椰汁糕 荺蒻 海底椰等等咬口有層次既 不過啫喱撞甜椰汁就變酸椰汁糕撞甜就變咸 味道多變海底椰數量比想像中少 .....我諗下次都係check清楚先穩陣

吃飽了海鮮, 百無了賴.去找一下甜品店. 沿著海旁一直走到盡頭, 見到甜源居. 見都有其他食客, 就入去試試. Share 吃了一個芒果pancake, 皮是爽的沒彈性, cream 都尚且夠滑. 芒果就不太香, 都算熟, 淋淋的口感都可以. 甜品店最好就是有個大電視, 幾年沒看無線的我, 覺得而家電視節目質素都ok 呢~

夜晚入黎西貢，見零晨一點幾甜源居仲好旺好多人，於時入去食個糖水雜果河粉，啲河粉有唔同味道，有士多啤梨味，奇異果味和茫果味，河粉質地好彈牙，每一條都好有果味，至於湯係椰汁做既，加埋雜果，味道好清甜。之後仲叫左一個榴連公主，好多榴連好足料，仲有好彈牙既白涼粉，好香好好味

呢間夜媽媽十二點突登入黎食 係幾靚既環境 不過一睇個menu都係普通既中或糖水 最尾我叫左個腐竹糖水 因為太普通 我都唔記得影相😂😂 食落口其實得薏米 佢既腐竹係冇既 佢係好似溶晒落個糖水到 不過陣味似豆漿咁 食落去冇口感 唔係住呢頭都唔會突登入黎再食

Vi每次黎西貢食飯之後都會黎呢間甜源居食糖水, 好喜歡呢度既家庭式經營, 而且糖水又多款, 今次同家人黎西貢食飯, 都一樣黎左甜源居 點左幾款糖水, 其中Vi最喜愛的就係呢款白雪公主, 入面其實係山竹, 青心丸,薏米同椰汁, 講真, Vi從未o係其他糖水店見到有山竹既糖水, 所以覺得呢個配搭好特別, 山竹肉有好多, 好好食, 而青心丸係類似jelly既質感, 加埋薏米, 成個糖水好有咬口, 而椰汁底食落似普通罐頭果隻, 稀身似水狀, 有點太甜, 但山竹,青心丸同薏米已經好好食~之後呢個芒果河粉係Vi母親每次都食既, 湯底係濃濃既芒果汁+西米, 而河粉其實係jelly, 質感滑溜有咬口, 上面仲有好多件芒果肉, 係唔錯既~另外仲試左炸雪米糍, 一份有4粒都幾多, 睇落好似炸帶子咁, 入面係雲尼拿雪米糍, 咬落外皮好脆, 裡面既雪米糍皮煙un, 加埋雪糕冷熱交溶幾特別, 但Vi略嫌炸粉太厚, 同埋雪糕味道只係得雲尼拿有點單調~同家人黎西貢食飯再食糖水已經係習慣, 每次走同一路線食同一款糖水也是一種溫馨 唔同既係, 近一兩次黎, 都聽到旁邊既食客大大聲講普通話, 睇黎呢度已經回復不了昔日

聖誕在西貢行完山，來到西貢碼頭轉車，當然要把握機會入去舊街市食芒果河粉。我說的是<<甜源居>>的芒果河粉。甜源居的門口裝修十分渡假FEEL。今次是擺明居馬來試芒果河粉，現在要45蚊了。賣相吸引，模仿中式的湯河粉，不過這是甜品版。芒果的份量都算多，果肉不會酸，糖水又不會太甜。整體上剛剛好，恰度到位。而河粉有椰汁味，粗幼大小有不同，口感都幾煙韌。

食完晚飯，有車的朋友就說要遊車河，順道食糖水，於是我們便到了西貢。西貢出名的糖水店都有數間，我們選了離市中心遠一點的「甜源居」，大概行十分鐘左右。作為一個芒果迷，又是要試試芒果的時候。我點了<<芒果豆腐花>>。芒果豆腐花以芒果汁做底，芒果肉份量亦算多，新鮮甜美。豆腐花雖然是凍食的，但亦十分幼滑，伴以芒果汁一起食，味道不錯，整體很滿意！店內環境寬敞舒適，光線足夠，坐位數量多，非常適合與朋友一起來傾計。

友人從澳門歸來，於是便相約到西貢遊車河順道食糖水。是夜去了西貢海傍街的甜源居，聽聞該舖周不時有明星來光顧，且看看我們有否運氣集集郵。店內燈光柔和，由於樓底頗高，不會令人有侷促的感覺。而牆身真的貼滿了不少明星光顧的相片，可見該舖有不少號召力，可惜當晚我們沒有這樣的運氣碰見明星。是晚我選擇了食冰凍的甜品：朱古力脆沙冰 ($42)冰凍的朱古力沙冰配上香濃的朱古力醬，朱古力沙冰味道香濃，口感幼滑，每一口都有透心涼的感覺。上面朱古力醬經過沙冰的冷凍後經已變成脆片。用匙舀輕輕拷碎脆片，再連同沙冰及棉花糖一起吃，口感十分豐富。

黎左甜源居好多次 只不過因為滿記太多人 而呢到坐得OK.今次想試下大家都推薦既芒果河粉 睇下係咪我成日叫錯野 所以覺得佢一般河粉由椰漿整成 有椰汁味 不過粗幼大少條條唔同 睇得出係自家製， 而芒果塊都幾足料 不過唔甜。 再黎就係西米， 落左好多 成碗野即時亮晶晶左 新鮮感係有，味道就真係好一般， 冇咩特別。 有少少覺得自己食緊車仔麵 ～ 呵呵。 聽朋友講 香雪公主好一般， 芒果沙冰有濃芒果味，朱古力沙冰脆皮好似好好食 ~而叫中式野既朋友都。。唔建議我地黎食中式野。。。

食完全記海鮮, 巳好飽, 難得來西貢一轉, 就食個甜點才回家。原本想叫珊瑚玉露, 但賣哂. 唯有叫個人氣的金枝玉露布甸, 味道香甜, 布甸軟滑.不過無太多驚喜。朋友叫的金枝玉露, 杧果味濃d. 也不錯。另一朋友較失望, 因為在menu被那碗心型裝飾的合桃芝麻糊吸引, 來到卻與相片不符.我們不是肚餓所以無選擇太大的甜品食。整體合格, 餐廳2間分對面. 裝修頗浪漫, 不過店內太多客人, 影響左少少, 坐位唔係舒服, 都係食完快快走了。

呢間店入面貼滿晒同明星影既相，咁應該都幾有名氣，我地兩個order左芒果河粉同雜果河粉。 兩個既湯底都係芒果汁黎既，而河粉就係用椰汁做既，又彈口，正! 芒河就半邊芒果係面，而雜河就豐富d，有西瓜，木瓜，密瓜之類，都幾新鮮，又甜。 食過番層味呀!

同朋友行開西貢, 見到有未食過既糖水店, 就入去試下, 我地都叫左芒果河粉。 見到個買相, 真係同茶餐廳d河粉樣差唔多咁, 靚! 個湯底係真正既芒果汁, 又香又甜, d河粉係用椰汁整既, 厚厚一條, 食落一陣又一陣好香既椰子同芒果味。 食到好滿足!

首次踏進甜源居，過了晚飯時間依然人流如鯽。打開菜譜，奇特的甜品名字映入眼簾，於是我與友人決定點了芒果河粉一試。本想是一般吃的河粉再加上甜甜的芒果配料，感覺是有點奇怪，但吃下去才發現河粉原來是用椰汁製成的甜品，爽口彈牙，略帶微微的椰子香，再配上鮮甜的芒果果肉、芒果醬汁和軟軟的西米露，口腔頓時百味交集。芒果和椰子的結合簡直是天衣無縫，甜而不膩，值得一試。

自從前年新年跟媽媽光顧過一次''甜源居''的甜品後,媽媽便時不時嚷著要再嚐它們的『河粉』甜品 ^^難得今日再次踏足西貢, 媽媽當然把握住機會啦~是日光顧的食客不多, 可以輕輕鬆鬆的找個好位置坐~芒果河粉青蛙媽媽思念多時的甜品。第二次見到它, 都不其然的開心 ^^因為它的賣相除了像極河粉之外,還徹底地要用上筷子﹑湯匙來吃, 有趣有趣!!不過賣相其次, 味道才是皇道~只見青蛙媽媽低頭密密吃, 還不時報以微笑便知道媽媽收貨喇~青蛙也搶了幾口來試, 芒果肉很甜呢 再用湯匙盛著「河粉」及芒果汁來吃,河粉爽口帶有淡淡的椰汁味﹑芒果汁濃濃甜甜的,難怪媽媽一口接一口地放入口啦!白馬王子青蛙最愛的榴連甜品登場喇!!!賣相平平無奇, 但不時飄來榴連香。每一口都能吃到稠稠的﹑非常香濃的榴連汁 再加上又香又甜的榴連肉, 正到不行了~ (只可惜榴連肉少了點 >.<)最驚喜的是所謂白色的涼粉, 原來跟媽媽的「河粉」同是椰汁味的喔,不過爽口呈度與椰汁味的濃度更高﹑更好吃!!! 

平日下午茶時間去，所以人不多，不用等位。但服務態度不太理想，桌上很多碟碗未收拾，店員語氣不佳。但食物質素不錯。叫了杞子燉蘋果 $38，味道清甜潤口。也叫了香草薄荷沙冰 $38，味道清新，沙冰冰涼可口，入口即融。下次有機會入西貢會再來試其他甜品。