花園餐廳 (Moved) New Location

嘩！尖沙咀喱間花園餐廳真係不知所謂，嚟咗籃麵包同牛油，盒牛油竟然係開過。過咗不特至，仲比人用咗一半！x線！！個店長仲大聲夾惡話：「唔關我事喎，又唔係我比你亞哥」!!!!!!!!!!!!! 

同個同事去食lunch..... 講真, 尖沙咀可以食野既地方唔少, 但呢度都算抵食, 我叫$52既鐵板肉眼扒餐, 大大塊, 女仔食都可能食唔晒, 但係由頭到尾都俾我一個印象 - 好趕!! 餐廳cher食客真係cher得好盡!! 一坐低我地都未揭menu, waiter已經問:"嗌左湯先啦, 都係o個兩款架姐, 忌廉定羅宋?" 當時已經有少少o咀之後我地嗌左野, 上左2個湯, 已經問埋 "餐飲要咩呀, 嗌埋先啦!" 之後上埋2個餐飲, 個扒都未到! 之後個扒黎, 我個湯仲飲剩一半, 諗住個湯仲熱就食左個扒先, 食完先飲埋佢, 食扒既途中竟然俾人2次問我 "個湯唔要架喇可?" 攪到我火都黎!! 駛唔駛咁趕呀!! 我個frd又係, 佢份餐仲有半塊牛扒+意粉, 佢停低飲啖水o個陣都有人一句都唔問就伸隻手埋黎想收左佢, 好彩佢截得快整體上, d waiters都係木口木面咁, 態度一般, 甚至有個別員工好惡劣!我份鐵板餐上左之後, 另一個waiter埋黎幫我份扒加汁, 我張餐巾放到好近自己, 佢又大大聲對我講:"放番條餐巾前d呀!" 我心諗: 我究竟做錯左d咩野?? 埋單$12x, 我地俾實數

諗住平平地,食一個dinner .咁諗住花園餐廳應該幾十元攪點.雖然最後埋單每人八十大元,但都ok 既..話晒都係扒餐.最正既係個鐵板好夠熱.d汁加落去滋滋聲..真好好好聽~haha二人,每人一個雞扒餐,同埋一客田螺,埋單$160

　　約了兩個在尖沙咀工作的舊同事來這裏吃午飯，我時間比較靈活，預先來這裏，怎料人龍竟排至外面，還要取號碼等位。　　平時水吧那一邊是夜晚作為酒吧之用的，我並沒有見過他們開放那一邊，今天卻開放了，大概是因為人太多的緣故了吧。　　侍應給了我們一張在角落位置的圓桌，分別要了豬扒意粉和牛扒薯菜，也許是因為人太多吧，侍應等在身邊催我們點菜，使我們很有壓力。但是效率可是很高的，才點完不夠，便上菜了。　　餐湯方面，我們要的是羅宋湯，一層紅油浮了在湯的上層，餐包比以前細小了很多啊。至於我要的雞扒，大概味道還可以吧，只是估計薯條已炸了一段時間，不是很脆和新鮮了，但那個黑椒汁卻是十分惹味。　　奇怪的是，我們還沒吃完，侍應便來要求我們早點結賬，說午巿要點數，這點頗讓我費解，好像擔心食客不付錢吃霸王餐似的。

見咁多好評, 滿心期待咁去試, 一開始黎個田螺, 幾好味,跟住到神戶牛柳餐,第一啖, 已經唔對路, 似煲完湯既瘦肉 - 無味, "鞋"口,一路切到去中間, 塊牛柳係完全熟既, 我明明叫左7成熟架喎,越食越覺得難食, 真係食到想喊,雖然d員工態度算ok, 但係都唔會有下次.

做功課做得有點悶，於是便約朋友吃飯，她恰好是在尖沙咀上班的，我想在一個比較安靜的地方好好和她聊天，於是便想到花園餐廳。　　　想不到下午茶時間還這麼多人，幸好能找到卡位，但是環境卻嘈吵得有點像是茶樓，我要了時菜雪菜肉絲，還有火腿奄列，其實我會比較喜歡太陽蛋但又不好意思開口問。　　　食物就不錯，可惜就是有點鹹，而奶茶雖然夠熱，但是濃得太苦澀了。　　　但和老友見面，在怎樣的環境裏聊天都是好的。

同愛人*係南x島出來.tst 食今餐比較特別…因為愛人畢業後第一次出糧請我食既本來諗住食sushi..不過見到隔離個間勁多人排隊><”都係去間快d有位既地方食^^”最鐘意e間花園餐廳…貪佢多卡位而且個view好好….柔和既燈光服務都唔錯…不過永遠都好似趕客咁”逼你order逼你快d食..之後即刻收你台上面既野!!!食物都唔錯架!!!佢夜晚有3個set….今次我叫左豬…愛人叫雞wakaaa豬岩岩來到食唔錯,不過一耐左就 “un” 無咁好食lu~~~雞就幾滑~唔錯兩個白湯~~~~一般熱o茶~~夠晒濃食左50幾蚊一個人~~坐左好耐~nice

補番寫先＊自己1月29日去完....就好鐘意去lee間花園餐廳...大間又無咩人!!唔洗排隊....坐好耐都得~~白色sofa 好舒服....窗口附近有view~~雖然都無望去對面屋!!!!而且我記得個時仲有coupon 送~~減$5但e+ 唔知仲有無lu???個次三個人去~order 左三份"兩個叫鐵板餐...一個叫天使麵~~nice*~~我個鐵板餐都不錯.....係lee度食鐵扒貪佢多選擇~~~而且service又好!!!!無紙巾即刻拎幾張比你~~想要番茄醬又即刻拎比你~可能佢地staff 多啦.....無野做要搵野做~xdd"白湯一般~雞扒ok..唔會散開晒~個飽食左一半.....因為怕太full食唔晒個主餐~

大家都去睇巡遊既情況下, 相對地呢邊好靜之前book左, 講明要窗口位, 上到去見到地方都幾大, 而且未算好多人個個都幾有禮貌, 一坐低即有人遞上餐牌, 都幾多選擇最後我地揀左肉眼扒 & 雞扒先黎餐包 & 白湯餐包算幾大個, 而且好暖, 之前聽聞牛油太硬, 今次又ok, 幾軟身白湯出乎意料之外好多料! 而且幾creamy~ 肉眼扒 x 5成熟明知放上鐵板, 專登叫5成, 事實證明係正確的! 好大塊, 肉質ok啦, 都有d筋, 不過真係熟度剛好 雞扒 x 5成熟同樣5成熟, 好嫩既感覺, 唔會煎到好硬最特別係佢有2個人負責拎野食黎...一個負責拎鐵板, 另一個拎住2個鐵桶, 好搞笑!原來係一邊黑椒汁, 一邊蒜蓉汁!! 我地都要黑椒, 辣度剛好, 而且都幾重味, 不過又無蓋過d肉味, 唔錯! 整體黎講算幾ok架~waiter又唔會嘈你, 可能人唔多, 唔趕客啦, 大部份都ok有禮貌的

　　好幾次來這家餐廳都吃焗薯皮，而且味道都不錯，因此我就記住了日後再有機會來的話都要點薯皮，但很可惜恰好沒有了，只能退而求其次吃帶子焗薯蓉。朋友則要了龍蝦羊扒。　　羅宋湯的湯料很多，不過有點油膩，朋友一邊聽著我說話，湯都沒怎樣碰，侍應見他沒在吃，便過來把湯收了。這個服務態度真的有待改善。　　薯蓉很好吃，而朋友的龍蝦羊扒也不錯，餐飲則要了熱可可，過甜了，但勝在夠熱。　　如果服務再好一點就好了。

呢間花園的扒餐真係好鬼抵食.質素都唔差呀, 牛仔骨好好食, 不過餐包就難食囉.值得一提,焗田螺好好味.環境又唔錯, 好過對面果間星加坡餐廳, 呢度適合一班人, 情侶,三五知己黎.

做冬晚冇返屋企食飯出左TST食飯+影燈飾，朋友揀左呢間上樓的花園餐廳。地方好大又坐得舒服，唔會太嘈太多人；食品+服務整體OK。4人除開平均每人$70，價錢OK唔算好貴^^

今日突然凍左好多...我同朋友行完街七點幾...行行下行左落亞士厘道...又見肚餓..睇下有咩好食啦....條街好熱鬧.....見到花園餐廳...就行埋去睇下個餐牌...一行埋去....有人行過黎sell我.....講解得好詳細....最估唔到既就係...花園餐廳都有五蚊優惠劵送...仲要係每個人可以用一張...真係好抵我見我朋友都無乜意見...就上左去喇...樓上舖...環境幾優雅....座位都幾舒服侍應服務幾好...好有禮貌...突然間好多客上左黎....但我叫野果陣侍應們都保持好好既禮貌..呢樣亦係我估唔到的我食左個晚餐A...雞扒...雞皮脆的....肉質幾彈...好有口感.....我朋友叫左個晚餐B.....豬扒..好大份..好抵食....我加左八蚊叫左杯芒果賓治....酸酸甜甜..幾好飲....食完野....之後座左一陣就埋單走了...都係113蚊...食到飽晒

星期五同男朋友去o左TST行街~行到黎亞士厘道, 想搵間平平地而家唔使等位o既餐廳~之後見到有侍應派$5 coupon, 於是就上o左去~個餐包涷冰冰, 羅宋湯都唔錯, 有幾多料~叫o左鐵板雞排($53), 同鐵板牛柳($78)~兩份送到上黎都仲係"滋滋"聲同好大份~雞排皮仲係脆, 而且d肉好滑, 一d都唔"鞋"口~ 男友就話牛柳麻麻地, 唔知係咪落得太多鬆肉粉, 所以食唔到肉質~兩個人夜晚都只係食o左大約$130, 咁o既價錢係TST好難搵~所以都幾抵食o既~

放左學9pm去食dinner樓下有侍應派$5 coupon叫左個牛仔骨豬扒鐵板餐 + 湯+ 餐飲都係$53 好味 + 好抵另外朋友叫左個西冷扒都係 $69...餐廳得幾枱人...坐得都幾舒服 ^^