Sweetheart

Open Now

Now Closed

Sweetheart💚招牌椰皇燉蛋白凍 $46北海道牛奶布甸伴雪糕 $52人均消費: $49 (2人)-招牌椰皇燉蛋白凍🥥好得意 真係用成個椰皇去裝住個布甸😝個殼都係比較硬個布甸係偏向Mousse嘅啫喱🍮都幾重嘅椰皇同牛奶味🥥🥛入邊都有啲椰肉好水潤同淋啲 喺個殼上面嘅椰皇 肉質比較乾身啲 厚啲都OK容易去整開佢🔧·北海道牛奶布甸伴雪糕🍨🧇個窩夫偏淋身啲 好香蛋味🥚都等咗一排⏰個雪糕好似係雲呢拿味🍨嗰三個布甸就唔係Mousse嘅感覺係真係啫喱嘅感覺 硬身啲 彈性啲🍮不過真係只係少少淡牛奶味🥺個窩夫唔係好特別香濃朱古力味 比出面細咗少少但個造型幾可愛😝好似四葉草咁樣有四片心心🍀·以上評價 同😮‍💨一齊寫所以帶返頭盔先👷🏽 -3/5/2023 ate開到好夜 可以當宵夜嘅甜品糖水舖個老細都幾好人🥰啲枱凳都係比較木系feel🪵亦都有足夠嘅冷氣💨另外 外賣椰青水抵過喺嗰度飲堂食$30/樽 外賣$22/樽🤩-有興趣嘅朋友仔 可以試吓👇🏽Sweetheart (荃灣)💚荃灣鱟地坊8號卓明大廈地舖· 好味程度：🌕🌕🌕🌑🌑抵食程度：🌕🌕🌗🌑🌑環境靚靚：🌕🌕🌕🌕🌑服務態度：🌕🌕🌕🌕🌑會回頭率：🌕🌕🌕🌗🌑·

飯後來一個甜甜……❤️🥥招牌椰皇燉蛋白 $46🥥椰皇湯圓&小丸子 $52兩個都係揀熱食，蛋白又香又滑 食落質感好輕身，唔係硬硬實實既果種燉蛋，而且唔會話好甜好利 清清的，湯圓比平時食開嘅size細少少 更加容易入口，湯圓有少少椰奶浸住，椰奶唔會好稀或者好杰 濃度岩岩好佢地會專登用鐵匙羹仔 可以食完燉蛋白 再刮晒啲椰肉食埋🤭環境裝修都好乾淨，如果室內坐滿晒 佢地會門口位置開摺枱比客人，地方細細但有獨立廁所提供 小貼心

好離譜甜品係好食 價錢正常既但係收銀見到有女show波罅 就話送多枝椰子水比你 仲要佢明明無叫椰子類既甜品 極度不公平 好心啦 呢d野等無人見到先做 仲要人地叫既野食價錢平過我既

係附近食完飯，朋友就介紹左呢間糖水舖⋯地方不大，店內亦有洗手間。雖然地方細，但勝在人手多，出品快⋯⋯用膳當晚可能係平日，所以唔洗等位直接入得。但到我哋用膳到差唔多就見都有啲人出面等緊啲枱合埋做大枱⋯⋯尷尬嘅係我哋食完想坐多幾分鐘嘅時候，店員要另外兩個顧客搭枱坐我哋隔離⋯⋯其實我哋唔介意搭枱的，但堂另外兩個人坐在係到之後我哋係走唔到的，比人夾左係入面⋯⋯建議店員可以就座位安排上貼心少少，可能搭枱係平排坐而唔係對面咁坐⋯⋯食物方面選擇唔算超級多，主打都係椰皇為主，每款都係五十零蚊到⋯⋯質素可以接受。但椰皇桃膠抵食過芋圓咁，因為芋圓份量不多。另外留返付款方式，只有現金和八達通

👨🏻‍🍳Sweetheart (荃灣)📍荃灣鱟地坊8號卓明大廈地舖 無限encore的甜品店🫶🏻朋友介紹，鋪面門口細細，好易行過籠🤣格內雖小但整齊企理乾淨🫶🏻食過一次，就停吾到🙈 👍🏻🍽️椰皇蛋白有凍有熱🫶🏻必推！！甜而不膩，好滑🤤重蛋味！！有時會加小丸子🤣口感豐富D🙈🤣(小丸子許流山個種🥹) 👍🏻🍽️龍眼撈水晶粉凍❄️濃濃椰汁，大大粒龍眼肉，再加小丸子，椰果，水晶粉🤤只能說食到停吾到口😖😖😖 如果堂食滿HKD 100，老闆會送枝椰皇水比你🤤世一椰皇水！！飲過就吾會想飲其他🥲超濃！！超香甜！！！又系會飲吾停🥲 一字概之 : 讚👍🏻 #sweetheart #香港甜品推薦

第一次食係誤打誤撞，本身都冇乜期望，因為大部份香港甜品舖都係性價比好低。一踏進店舖，整間店都充斥着椰子香味。我一直都好鍾意椰子味，所以第一印象即刻已經很不錯。店舖座位不多，但乾淨企理。睇得出係家庭經營，而且冇分店，對甜品更有期望。試過佢嘅椰皇，同埋普通傳統糖水，兩樣都值得食。都算足料。店舖好似只收現金，要留意返。

食完飯經過見到呢間甜品鋪，見多人排隊應該唔會伏，入到去見個個都叫椰皇，就決定叫椰皇芒果試下。芒果冰絕對係新鮮果隻，唔係膠味果種，小丸子好煙靭，加上粒黑芝麻湯丸。食到最底，哇！好有驚喜，佢個蒟蒻底係用椰皇水整，絕對係真材實料，椰子控一定岩食！推介！！！！朋友食左個龍眼椰皇，佢話龍眼仲夾啲，下次一於試下😋

食完牛角次男，當然食埋個甜品先返屋企 太太話之前同朋友係附近食過一間甜品店，個椰皇好好味。 咁就問佢係邊ka?「唔知wor」；咁附近有咩ka?「唔知wor」😑😑 真係多謝曬。既然太太比嘅資料咁有用，唔係搵唔到ma，最後皇天不負有心人，終於比我搵到，原來係呢間 Sweet Heart。 一去到門口，見到都有人係門口，入去問下兩位要等幾耐，馬上有位，咁就坐底食埋先 太太叫返佢最愛嘅椰皇系列，我呢 d 咁傳統嘅老人家，食返芒果西米露就得

成日喺荃灣食嚟食去都係嗰幾間麻麻哋，今次試咗呢間，好食喎😋個椰皇蛋白超濃，超香椰味😍😍榴連都好香小店經營，價錢合理，唔會太貴出餐時間都可以鋪面唔大，去到可能要等等位

搬離荃灣後好耐無食過佢。地方雖然細，以前都會入去幫襯的因為佢啲甜品真係好啱我口味，所以今日同家人飲飽茶後，經過都要入去幫襯下。椰皇系列真係好味道，而它的芋圚是我最喜歡的味道和口感，食落口感軟軟綿綿的，味道挺新鮮，不像擦子膠，淡而無味。剛巧今日天氣轉涼點左個熱椰皇蛋白芋圓，蛋白和芋圓混合在一起放入口，真係好正，再加上椰皇肉，令整個甜品出色。

好鍾意呢間的椰皇系列。。由其椰皇果凍蛋白。。個燉蛋白真係好香，好滑😍👍🏻👍🏻.椰皇果凍蛋白🥥 $49好味度：⭐️⭐️⭐️⭐️椰果+ 椰皇果凍+燉蛋白做底層👍🏻👍🏻👍🏻.好鍾意呢個椰皇果凍。。用椰皇水製成😋😋👍🏻.椰皇芒果🥥🥭 $52個底個椰皇蒟蒻啫喱。。。驚喜😁😁身為椰子控的我，椰子/椰皇產品都好鍾意😁😍😍芒果+小丸子+ 黑芝麻湯圓😋😋好味度：⭐️⭐️⭐️⭐️.

間鋪唔係好大所以個位置都算有啲迫，但亦都因為咁，價錢都比一般嘅糖水舖，好似平少少。叫咗個椰皇芒果，佢係成個椰子咁裝住，咁嘅價錢都幾抵食，而且佢啲芒果肉都好新鮮，好甜，唔會酸。

2135到店，排第一張枱，但都等咗30分鐘先坐底。咁星期五夜晚，都理解。自行寫紙落單，叫咗：- 招牌椰皇燉蛋白 （$49）- 芋圓山 （$54）- 芒果撈冰 （$50）另外想叫多個兩個口味嘅麻薯+小布甸 （$46+$8），但因張紙無呢個選項，得個「其他（$40/$35）」空格。咁我哋想另加錢加配料，就請店員幫手落，點知女職員話：「咁你自己寫喺下面白色位置」。好，我寫。寫完，等咗20分鐘，燉蛋白到。再過多幾分鐘，芋圓山到。因為估唔到個芋圓山係個細細個椰子入面，所以送到個陣，我哋問咗句：「呢個咩嚟？」，女職員話係：「1206」。 er…同朋友你眼望我眼，真係唔知成場有無人記得自己叫咗咩number。催咗幾次後，終於係落單30分鐘後啲嘢到齊。點知，黑字白紙寫清楚都出錯，麻薯嚟咗個單口味無加布甸，真係火都嚟。仲要個QQ鮮奶麻薯又唔q又淡。好在最遲到嘅芒果撈冰幾足料，開心返啲。埋單前，因為上錯嘢，所以我用門口張餐單簡單計一計先。點知真係又有出入，呢個時候，女職員又話：「係阿，我哋更新咗價錢」估佢唔到，痴門口最顯眼個張會唔同步更新☺️總結：燉蛋白較清，感覺健康，不過椰果太甜太搶，唔太夾。芋圓山，食得

口痕想食甜品，落雨涼涼哋覺得食個椰皇都幾正，就搵到呢間甜品店😆鋪頭細細，但種類都算幾多，見佢椰皇咁出名，我同男朋友都叫咗椰皇甜品😆見佢寫住健康推薦，我即刻叫咗個椰皇8寶 ($48)😌材料勁多，亦好多係我鍾意食嘅😍除咗基本嘅圓肉、杞子、栗子等，仲可以自選兩樣，揀咗桃膠同單雙莢😆好似第一次見有單雙莢呢樣嘢食，即係皂角米，一粒粒好似米咁，但有少少煙韌，又幾有咬口幾好食！椰汁鮮奶底唔會太甜，不錯👍🏻男朋友食嘅椰皇蛋白芋圓 ($51)個蛋白好香，而上面嘅芋圓都唔似出面買好hea嗰種芋圓，始終自家製作，算幾有咬口同埋有原材料嘅味，都幾好食😋椰皇甜品質素唔錯，值得一試啊😋

果日經過見到呢間, 門口貼嘅相都好似好吸引就打算去試下入到去, 甜品嘅香味已經飄晒出嚟, 好香, 人都唔算多, 坐得幾舒服, 入到叫咗個窩夫配雪糕睇相好似好大, 其實個窩夫好細😂, 仲驚一個人食唔晒, 不過味道唔錯, 個樣都靚就係服務方面落單個阿叔態度就差咗少少.....今次去都還可以, 下次都會再食