Sweetheart

Open Now

Now Closed

荃灣新開甜品小店多款唔同口味既千層蛋糕🍰性價比高😌-✨爆餡紫薯千層蛋糕✨($44)一層層餅皮加紫薯餡🤤🍠紫薯餡真係多到瀉！食親紫薯甜品通常一係冇味一係怪味但呢個真係食到真材實料既紫薯味雖然冇Lady M咁多層 不過始終唔係同一價位😂呢個價錢黎講真係算高質仲有其他特別口味好似榴蓮 蜜糖青檸 蘋果玉桂等趁佢新開未出名 唔洗排就快d去試下啦😏

—椰皇 椰青 椰子 雖然大家個名唔同 google完之後原來屬於唔同成熟周期椰肉口感 椰水多少濃淡 亦隨之有所不同椰青燉蛋白($48)時間尚早 得我哋一枱客 店家準備緊個陣空氣瀰漫住椰青水清甜嘅味道😍所以話食甜品/糖水揀熱上 好似會濃郁d同新鮮d蛋白有淡淡嘅椰子香 甜度剛剛好仲可以"扌畢"埋椰青肉一齊食果肉用匙羹輕輕一刮已經得咗原味千層班戟($38)煎好幾塊班戟皮再攤凍 所以都等咗一陣先有得食塗滿滿嘅忌廉 逐層逐層搭高樣貌當然冇ladym咁工整但係味道不俗 煙韌得嚟 混咗忌廉食之後 又變得軟腍一啖接一啖 停唔到手————————————————————Sweetheart荃灣鱟地坊8號卓明大廈地舖

食過晚餐後，總是覺得要吃點甜品才完美。今晚隨意搵到呢一間甜品店，估唔到會有意外的驚喜。餐廳的間隔都是以小店格局，產品有頗多選擇，但最吸引我留意到的是這裡有個限量供應的燉椰青蛋白，佢標明係全港獨有。咁椰皇又真係食得多，但係燉椰青就真係未試過。於是就叫了一個椰青+一個椰皇。芒果椰皇芒果小丸子加椰皇呢個組合，淨係想像到已經知道係冇得輸。芒果香甜，小丸子煙韌，仲有一粒芝麻湯丸最特別嘅係佢入邊有啲用椰皇做的啫喱，好清甜椰皇肉好容易就刮到出來食，正燉椰青蛋白賣相平平無奇，材料亦十分簡單。但蛋白一入口，美味可口的椰香味即刻洶湧而來椰青味道不是太強烈，和蛋白剛剛混和成為一個極高質的甜品。而燉過的椰青肉帶一點爽口，配合滑溜的蛋白一齊食是幸福甜蜜的感覺如果天氣轉涼的時候吃這個燉椰青，應該會是最合適的。

之前經過呢間店想入去，但因為要等位，所以冇去到。但今日唔使等位，可能因為我地太早（20:20pm)去既關係,去到見到員工都在食飯。感覺唔太好意思阻住佢地食飯，而且店內人少，所以等佢地食到咁上下先落單。本身想試「首創椰青燉蛋白」，但由於一日只有5隻供應，所以係賣晒的。唯有明天請早。咁我地就叫左「椰皇芒果（椰皇啫哩，小丸子）」同「招牌椰皇燉蛋白」。 「椰皇芒果（椰皇啫哩，小丸子）」上面鋪滿芒果，店員話由於擺唔落小丸子，所以小丸子分開上。雖然有少少怪，但感覺份量十足。唯有先食左上面的芒果再倒啲小丸子落去椰皇度。芒果頗甜，芒果下面有椰皇啫哩，這啫哩比較結實且清甜，唔似其他易碎的啫哩。而小丸子就唔夠煙韌，可能係分開上時係暖的，小丸子要夠凍先好食，內里還有粒豆沙湯丸。相信如果小丸子唔係分開上既話，整體既評分會更好。至於「招牌椰皇燉蛋白」，我地叫左凍的。因為平時食開熱既椰子燉蛋白，感覺凍既又係另一番味道。凍既無熱既感覺咁甜，但食完唔會咁「漏」，幾好。食完仲可以刮厚厚的椰子肉來食。食完「淋」既蛋白再食硬硬地既椰子肉。軟硬兼施。哈。。。。。。

同媽咪家姐係 Sweetheart 門口見到呢間主打係椰皇就想試下... 婆仔睇圖就好想試個椰皇之寶...重點係同蛋白底... 唔敢點個咁多款料怕食得太飽食唔落晚餐... 鋪仔細細都座得落唔少客... 見好多客都係食椰皇... 所以落完單整都需時既... 但都唔算太耐... 十幾分鐘就整好... 見到媽咪同家姐 order 個兩款真係好多料... 不過無試佢地個兩款就唔亂講啦... 婆仔個個桃膠都唔算少... 重點係唔太甜岩曬婆仔～

早左食飯食唔飽9點幾就周圍去搵下有乜有食見到呢間裝修幾好又好似幾舒服就坐低食糖水啦佢主打係椰王，但我本身唔太好椰子類所以就叫左Pancake呢個係北海道牛奶布甸斑㦸皮係夠薄同香，但個忌廉唔夠滑。個滑嘟嘟同濃香布甸搭夠。一份都係24蚊，好抵食！

農曆初四，假期最後一日，當然要食埋個甜品做總結不過好多糖水店都未啟市！之前剛食完酸辣魚，路經見到呢間有開，之後返轉頭再食農曆新年期間所有甜品加$2其實$2真係算平，因為之前食過其他店係加10-15%服務費，所以$2我地覺得可以接受睇到餐牌，老公本來想order芒果河粉，但河粉賣哂，我本來想order蘋果肉桂班戟，但店員話今日蘋果玉桂煮唔切好吧，唯有揀其他，最後老公揀左金薯栗子紅豆沙，紅豆沙夠棉，加上金薯同栗子，口感好豐富，幾好食至於我，order左椰皇王子，椰皇中再加左好多配料，有布甸，湯圓，啫喱，椰果，栗子，蘆薈，好似一次滿足哂所有想食既野咁，好豐富其實我地order既好似好普通既野，但呢度加左多d配料，令普通變得不普通，感覺好特別，唔錯唔錯

今日我又走荃灣!! SY:「吓? 爸爸, 我哋尋日先去完, 又去?」, 因為有新鮮即叫即造千層蛋糕食. 朋友Erie問:「你哋真係好鍾意食千層蛋糕喎」, 對! 而且難食的也吃過不少, 但是即點即製, 新鮮熱辣的真的未試過. 我最愛吃班戟 , 這間新開的小店, 當你下單後, 廚師便會即煎班戟. 負責人說:「因為我哋即造, 蛋皮做好又要攤凍少少先可以用, 所以要等15分鐘左右」(好食的話, 你叫我等一個鐘我都等) 原來, 一角千層蛋糕班戟要預先煎4-5塊, 之後逐層塗上忌廉, 再放上水果配料, 最後一開4份疊出來就是我的最愛. 原味「千層班戟」$36, 我當然不甘心只叫原味, 所以, 我和SY今次吃蘋果玉桂 ($42) 及 芒果千層班戟 ($42) 新鮮就是賣點, 而且每片滿滿蛋香的班戟, 口感正正就是我最愛的煙煙韌韌, 軟軟腍腍....一流！ 我愛芒果配忌廉, 可能因為自己不太愛爽爽質感 (蘋果) 的甜品... 我直情有衝動人手一層一層的捲回來變小班戟的吃. SY:「咁就唔係蛋糕囉...蛋糕要用叉食, 咁先可以食得快D, 爸爸, 快快食完我想去玩卡機啦」 雞蛋仔

同朋友聚會飯後甜品係指定環節，雖然晚餐已經食到好飽但甜品總有另一個胃去食.晚飯既餐廳附近見到有間個樣幾吸引既甜品鋪又有位，唔洗諗就沖入去食下一餐.甜品店有傳統中式同西式甜品選舉,款式都幾多最後同朋友點左份朱古力香蕉窩夫伴朱古力雪糕share.窩夫即叫即製,整既時間已經不停有好香朱古力同蛋味飄出.上到枱窩夫簿身但外皮脆口,配上朱古力雪糕一熱一凍👍🏻窩夫朱古味幾濃又帶蛋香味加上香蕉完美配搭.

話說同老公泊到個靚車位，一落車，就見度間粉紅色的糖水店，顏色鮮豔！賣相都吸引，中西式糖水都有！決定食完飯返黎試下！朱古力窩夫：平時食的款式是圓形四格，這間是心心形四格，好岩鐘意可愛路線的朋友，同埋相機食先的朋友，個窩夫有4層咁多呀！平時通常2層到，同埋比較厚身，這個厚度適中，又熱又脆！配的雪糕都好好味，不過食唔出咩牌子但係好夠凍，因為食左一段時，個雪糕都未至於溶到個窩夫淋晒仲有香蕉🍌同未古力醬伴碟，睇得出有心思，因為個伴碟香蕉唔係少少，係排得靚靚份糧多多呀！芒果pancake : 都不錯，芒果又唔係好酸又不太甜。椰皇燉蛋白：都幾好味，仲加左椰果因我都鐘意食，唔食的朋友記得叫走椰果！一邊等一邊聞到窩夫香味，非常正！色香味都有。可能是剛剛開的關係，所以都不算太多人，環境舒服。下次再來！心