南島甜品

Open Now

Now Closed

趁放假帶老婆去南丫島行山，奈何天氣太熱，見到巷仔有間甜品鋪，不過得三張檯，我們只能坐在外面。D汗係咁飆。 路口見到「必吃糯米糍」試了一份芒果糯米糍，果然唔錯。唔似傳統糯米糍咁飽腹，皮薄餡多，薄薄糯米皮好煙韌，入面除左芒果還有好大份量既Cream，十分驚喜。 隨後又Order左一杯抹茶latte，老婆話分層好靚😂，靚真係大晒。味道不錯，飲落有少少甘甜，我實在不懂抹茶，但老婆話好好飲。實在太熱，食完lala聲走人（有冷氣就好了） 總結，糯米糍係真心好食及推介，可惜人只有一個胃，食唔到咁多。下次再黎試試其他味道。

日前同太太去南丫島行下，順便為她慶祝生日，落船後先到餐廳醫肚，飯後帶她到南島甜品點了一件芋泥Tiramisu，然後從背囊裏拿出一塊靜雞雞帶嚟嘅生日牌，準備給太太一個小小的驚喜。店主看見情景，竟主動送上一支蠟燭及打火機，這小小的舉動很窩心，完全感受到小島上的人情味

晚上買宵夜經過見到 諗住可以試下叫左三款甜品 結果中晒伏 三款無一款好食 諗住都多人寫好評去試下 點知一食就知道俾人搵笨 三款無咪道 水咁既味 甜品唔甜 （究竟係咩玩法？）個桂花茶凍 （完全無味） 有桂花糖的味 但係唔好食 真係食到...... 個豆腐芝士蛋糕 （以為會正常些）點知都係好難食 係無味嫁。中式糖水都係無味 我一食呆左。佢係咪無落糖就俾左我。 一心呢度食個甜品 點知就咁。唔好再去。傷呀 同埋件蛋糕都幾貴。咁難食 一d味都係無 我仲係外賣。唉。以後都唔會幫襯。

南丫島真係好多嘢食，其中有一間專食甜品嘅coffee shop，佢嘅超多餡糯米糍係好出名，不過就要預早預約，佢都有少少可以即買，但一早就已經俾人買晒，所以就試吓佢嘅其他甜品同埋咖啡☕️🍰甜品方面嗌咗佢呢度出名嘅Tiramisu同埋豆腐芝士餅，佢嘅Tiramisu有原味同埋芋泥味，我就叫咗個原味試吓，出奇地又幾好食，我本身唔係咁鍾意食Tiramisu，但呢度嘅反而我可以接受到，佢同出邊嗰啲味完全唔同，佢係好軟熟食得出入邊有類似海綿蛋糕咁，蛋糕偏濕身，味道冇出邊嗰啲咁濃，但佢嘅咖啡味同芝士味第一啖咬落去已經食得出，出面買嗰啲成個蛋糕都係實德德，但佢輕輕切落去已經feel到超軟熟，搞到我有少少鍾意Tiramisu添🤭不過豆腐芝士餅就令我好失望，本身南丫島另外有一間都係食甜品嘅店，佢嘅豆腐芝士餅係超出名，可惜嚟到冇開，咁啱呢一間又有豆腐芝士餅所以就試吓，其實本身芝士餅比我嘅感覺係偏硬同埋好實，個底係類似消化餅餅底咁，佢呢間既芝士餅餅底冇咩問題但佢上面嘅豆腐芝士就唔得，首先佢係好淋身，淋到有少少似奶凍嗰啲質感咁，加上佢個味道食落去怪怪地，豆腐同芝士唔係好夾，豆腐嘅味亦都唔突出😩😩至於咖啡方面就嗌咗

趁著幾日假期，所以一個人去南丫島慢活。見到大街轉角有一家招牌好細既甜品鋪，之前黎親都未見過，所以行左入去望下。一入到去鋪面都好細，不過甜品櫃都有幾多甜品，聽店主講都係每日手工製作，所以款式唔會太多！其中一款「Taromisu」吸引到我既注意，身為芋泥控既我頓時雙眼發光所以叫左一件芋泥版Tiramisu同一杯凍啡。第一啖食落去係軟綿綿既質感，細滑既芋泥同其他食材已經混為一體，芋泥味亦都好重冇一陣，碟上食物已經一掃而空，意猶未盡時，最後決定買左一罐手工曲奇帶走

南丫島隱世甜點店～小小的店 純白簡約的裝修 用心製作的甜品和飲品座位唔多 只有室內一張枱 & 室外兩張枱蛋糕款式每日都唔同 食到邊一款真係要睇運氣~好想試tiramisu 但無緣遇上/// (下次唄~飲品選擇都幾多 有咖啡 有茶 有Soda~ 定價幾平!!!大推各位行完山去！😆-🍰【檸檬酸奶芝士慕絲】$40慕絲酸酸甜甜 唔會太甜 仲有餅底～但食落冇乜檸檬味 檸檬味主要靠表面檸檬皮🙈 -🍓【Strawberry Grenadine Soda】$30夏天/ 行完山嘅話大推飲Soda！好解渴！本身想飲玫瑰荔枝 但當日冇改飲士多啤梨石榴～ 都幾正！有少少果肉添～-☕️【Dalgona Coffee】$25之前韓國大熱嘅400次咖啡 估唔到呢度都有！咖啡都係手沖 唔係capsule~ 整體都好唔錯！叫咗凍好解暑呢個價錢好抵飲！-✨推薦指數：9/10 💰人均消費：$47.5⏳等候時間：0mins

嚟到南丫島一定要食南島甜品環境舒適，白底風格感覺柔和順必定要試佢哋嘅糯米糍!🫶🏻每款口味各兩粒起計。皮薄餡靚，糯米皮做到勁簿得黎而且食起上嚟亦都有煙軔嘅口感，簡直係一試難忘。特別推薦嘅口味就係Oreo糯米皮包住輕盈而重奶味的忌廉，再加上Oreo碎，口感層次豐富甜味適中，不會太膩再配上無糖茶，剛好中和了食完甜品的罪惡感😝

📍 南島甜品 Sweet Island______把握連日陰暗雨天後的陽光，去到南丫島。沒有預訂計劃行程，放鬆的說說笑笑，吃吃喝喝享受好天氣。遊走在南丫島大街小巷中發現了「南島甜品」，小小的白色店子，門外兩張圓桌，僅此而已。甜品款式不多，準備數量有限，款式也每天不定，因為店主只選用時令水果食材。 直覺告訴我，不容錯過。椰子布丁和伯爵茶奶凍質感幼滑柔嫩，椰子和伯爵茶味淡淡滲出，清新味道入口便知是食材真味，溫柔不濃烈但滿嘴留香。400次咖啡層次分明，幼滑濃郁，好喝。糯米糍最令人驚喜，與坊間的全然不一樣。極薄極柔軟極新鮮造成的糯米糍皮包裹着輕盈奶油忌廉，加上士多啤梨清新酸甜味道，柔軟得像雲朵一樣。頓時明白為何店家準備數量有限，最新鮮最柔軟的味道必須要當日品嚐，逾期不候。「淡雅」一詞在腦海中不期然浮現，這裏是南丫島上的一片雲。______椰子布丁 $20伯爵茶奶凍 $20糯米糍 $18400次咖啡 $25______📍 南島甜品 (南丫島)南丫島榕樹灣大街31號A號舖______

南丫島新開呢間甜品小店 身為 #芋頭控 嘅xxg見到大大粒芋泥糯米糍真係抵擋唔住😍☺️ ▪️9.5/10▫️<< 芋泥糯米糍 >> $35/2 | $60/4 糯米糍結構好特別 分3層 外層糯米皮好薄身 口感軟韌 第二層注滿wipe cream 最內層芋泥爆曬餡 非常棉滑 芋香重☺️ 咬落空氣感重 好似即溶咁 奶油味好濃 rich得來又唔膩 唔會過甜 夾埋芋頭香到不得了‼️返唔到轉頭😂💗▪️8.5/10▫️<< Dark Grey Tea 手工曲奇 >> $30 Dark Grey比Earl Grey 嘅茶香味更濃郁 升級版來🤩 曲奇咬落鬆化 伯爵茶香味出 牛油味重 甜到剛好😋 份量如果多啲更好 5分鐘就拍晒🥲🌿餐廳不大 純白色裝潢 簡約文青feel🍁🍂 全店只有三張座位‼️少量乾花擺設 適合打卡📸🐽總括嚟講 芋泥糯米糍喺香港比較少見 真心欣賞佢哋製作方式有別於一般糯米糍‼️ 小店仲有多款手工甜品🍮 下次一定試埋Oreo同芒果味糯米糍+南丫島著名豆腐芝士蛋糕🍰

芝士蛋糕好食，又香，又有口感，咖啡都唔錯，糯米糍最正，又粉又糯，啲餡非常豐富，好好食，仲有幾種口味添，必食，門店雖不大但精緻淡雅，係南丫島行到攰，最啱來呢間甜品店，記得買翻件蛋糕同糯米糍回程食

呢間舖蛋糕好好味 全部都係老闆自己一手一腳整嘅🍰所以夠新鮮🤣我自己食嘢會怕太甜🥰但佢地嘅蛋糕係香得黎又唔會太甜🤩啱曬我hahaha😋除左西式甜品🍮佢地仲有中式糖水供應🥳下次去南丫島我一定仲會再幫襯架🥰🥰

嗰日試做佢剛整好的芝士蛋糕同聖誕cookie ，味道剛剛好，唔係好甜，蛋糕🍰底部都好脆，小朋友都可以吃！冷泡茶都可以值得一試，蜜桃烏龍的蜜桃味超級濃，係我鐘意的。位置好好搵，從落船後，跟著大街行就可以搵到，而且門口已經裝飾好一個細嘅聖誕樹，適合打卡影相

呢排新開嘅cafe！個燈箱好有feel😻成間鋪裝修靚，打卡影相都好正。抹茶latte漸層好唯美！cheesecake味道好濃，有餅底唔驚膩。建議下午茶tea time一個人、一件cake、一杯野飲岩岩好，咁樣就又渡過左一個慵懶嘅下晝時間。店裡面仲有雪媚娘同埋雪花酥其他產品添！買黎自己食又得，送人都好適合！店裡面仲有其他唔同款嘅蛋糕，全部都好靚！下次有機會真係好想試曬所有味道arrrrrr！一定帶埋好朋友黎一齊打卡😻