Sweetology (Closed)

放工後趕著看戲，走到附近商場，多間食肆已排滿等候的人龍，唯一看到這間店舖，沒有人排隊之餘，食物價格也較便宜，於是快快走入解決「五臟廟」。店舖主打甜品，另外有晚餐套餐，附送餐湯/餐飲二選一。如有需要，可以另加指定金額下單沙律、甜品或進階飲品。最近主打意粉控，一看便知要香草忌廉雞肉意粉，配上熱檸水，另加是日沙律。意粉有點硬，尚可接受，但不夠QQ；沙律配上酸汁，好入口。晚餐完成，還有空位，點了甜點 - 雙重朱古力號 - 試試。上桌後，有點伏感覺，杯下有很多爆珠，掩蓋了朱古力的味道。可能我太愛朱古力，當有什麼味道沖淡了朱古力味，感覺很不舒服。大致上普普通通的餐廳，唯一的好處，就是沒有趕我走，可以讓我靜靜的坐在角落「自我增值」。

下午到葵芳睇戲，入場前食個lunch先，見開左間新店就入左去試下。叫左個肉醬牛角包配薯條。個餐望上去都幾靚仔，有埋沙拉，成件事都幾美國style，就係包亨氏茄汁令成件事low左。味道方面，薯絛都熱同脆，沙拉冇特別，係個牛角包脆得出奇。個包入面同裡面都一樣咁脆，脆到你唔信，脆到一切粉碎，可能我食得牛角包少，但我就覺得佢冇左包個種柔軔感，味道普通。入面嘅肉醬有D似美心肉醬意粉味，而蕃茄同生菜都正常。跟餐有一杯野飲，叫左凍蜜桃茶，細細杯，都幾甜。整體而言，味道平平，可能佢其他食物會好食D。

叫咗2個好普通的港式早餐，埋單$94一啲都唔平。質素完全同價錢不成比例，唔要求好好食，但都唔係難食到咁呀？塊雞扒好硬，好似食梗塊膠。塊魚柳仲衰，外表燶嘅，但裏面好似唔熟咁。。。仲之好奇怪，唔敢再食。最後埋單成100蚊，但我地好似無食過嘢咁。。。早之求其揾間茶餐廳食好過！同服務員投訴，只係話會同廚房反映。希望真係會改善，唔好要啲客比錢買難受啦。明白香港地咩都貴，生意難做。但最起碼都要對得住良心，收得人錢就做足少少注意吓品質吖！

叫左呢款草莓窩夫配雪糕明碼實價 雪糕普通 個人覺得 如果把雪糕放係一個雪糕杯到 賣相會更加好睇 然而 窩夫呈心形 可以氹下另一半開心 整體 算是普通 價錢可以平多少少 所以下次 會試下其他

一間只有意粉做主食既餐廳連意粉都唔識煮，難食程度已經非筆墨可形容，我同女朋友各叫左一個意粉，我既係辣蕃茄牛肋條意粉，一黎已經完全無賣相可言嫁喇，個名一齊放但黎到就分開上，牛肋條無牛味，蕃茄無蕃茄味意粉無意粉味，最好味既就係舊紅羅白，而舊薯仔仲要係我有史以來最難食既，而我女朋友就叫左個瑞士汁汁雞翼撈意粉，除左隻雞翼叫食得下，其他可以省略。總體黎講，平係平，但連薩莉X 廿幾蚊個意粉既程度都比唔上，杯野飲又係衰，我反而慶幸佢杯桃茶夠細杯。甜品就無試喇，主食都食到咁唔安樂無謂再試啦，唯有祝佢早日結業，以免唯害人間啦

去葵芳行街，但又唔想係葵廣掃街去左新都會搵食，見到呢間門面好似幾好就揀左佢叫左個烏冬同waffle, 個烏冬完全無味，waffle 就唔錯，而送嘅餐飲係蜜桃茶，可能係熱嘅關係，有D酸總括黎講呢間真係好一般

上次係葵廣行到攰攰地想食甜品🍮 就行咗過去新都會睇下有咩食啦😳😳呢間Sweet OLogy 見佢裝修靚靚仔仔咁就揀咗佢🤣🤣自己嗌咗呢個朱古力號🍫大概就係兩球朱古力再加啲朱古力類既餅乾🍪 雖然個雪糕都夠濃 朱古力味唔會好水好快溶 但就覺得唔算好特別 要必嗌咁 😳 整體感覺一般-而朋友就嗌咗宇治金時雪花冰 個棉棉冰係抹茶味 但味道好淡好水 成個甜品既味道都唔突岀 一般🤢整體都係黎影下照騙 相機食先咁😳😳 如果講到味道黎講的話 不了☹️-

食完真係一肚氣。前2日去食tea 同朋友見到哩到唔洗等位就入左去試下。落左一個芒果窩夫。同埋雞蛋沙律牛角包併薯條。落完單無耐。侍應行黎話牛角包買哂禁我就問佢有無第2款包可以代替啦。佢話無。禁之後我唔信又再問過。因為我見到menu 有多士既。之後佢問左經理話可以做多士代替。。禁我就照要左。點知轉個頭侍應又行番黎話唔好意思丫。廚房話唔做哩個柯打。禁都唔緊要啦。不過重點係其實你地落menu既時候點解唔同客人講有啲咩食物係無既呢？哩一點應該係你地需要做既野囉。同埋啲侍應個個好似咩都唔知。因為隔離檯個客問侍應特式咖啡係咩黎。個侍應竟然係答唔知。。要問下。其實menu 上既野係有必要知道加啦。無理由唔知。跟住侍應記檯號都記唔到。唔係1個問題。係全場幾個侍應都係禁🤦🏻‍♀️🤦🏻‍♀️ 見住自己個窩夫行完成場都未到自己檯。後尾有個侍應竟然係行埋黎睇住我地張單問我地係咪嗌左窩夫。唉。。。食完真係拿拿淋走。真係唔會有下次丫。成個心情真係俾佢哩餐影響哂😡😡

公眾假期嚟哩度食早餐，1030落單。等左三個字，杯咖啡終於嚟。個漢堡扒蛋通粉配多士喺三催四請下11點嚟到。講返味道，個通粉湯底極淡，好似清水咁。啲通粉仲有啲硬。哩間野非常神奇。咁簡單嘅野要等半個鐘，我諗我自己煮嘅話10分鐘都唔洗總之就係食到一肚氣同極差。

今日同朋友決定食呢間，見佢價錢都算平，同埋環境都ok.我同朋友都叫左意粉套餐，餐湯是磨菇忌廉湯。個湯一般，好傑身，d粉一舊舊溶唔哂。跟餐送這杯蜜桃茶，味道ok,不太甜也不太淡，但如果換隻靚d嘅杯應該好點😬我點了卡邦尼煙三文魚意粉，我覺得都係普通忌廉意粉嘅味，冇咩特別，不過佢煙三文魚嘅份量算多，但食到尾覺得有點溜。朋友點了焗拿破崙香草雞排長通粉，她說太少汁，好乾身，d長通粉一般，不過件雞扒味道ok.跟餐加8元點了三芝煙肉焗薯皮，雖然份量少，但焗到好香脆，好好食，不過如果可以再多d芝士同大碟d就好了唔洗加一，呢個價錢算幾抵，但味道一般，而且仲漏左單，要三催四請先尼。🙈

沒遇過一間比sweetology更差的餐廳，食物質素、員工態度及效率都是差勁。去了曾經惠顧過一次，鹵水雞翼麵係多湯到浸死雞翼...麵咸到應該會有腎病，印像中也是等很久才有食物... 今天因為看電影，而選擇了到此餐廳吃早餐，打算再給一次機會，而早餐應該不會有太大問題吧？點餐時，飲品沒熱朱古力，煎蛋不能變炒蛋（明明餐牌英文版寫可以scrambled egg）。這種服務真的連茶餐廳也不如！還說要等15分鐘.....其實座位一半也沒滿，而有一半客都在吃了... 這是什麼速度？煎蛋煎豬柳炒啲雜菇同多士要這麼久？等不是問題，難吃才是問題！連雜菇也煮不好.... 西式煮到中式咁... 感覺是用了蠔油..超級咸！餐廳廚師是沒味蕾的嗎？炒菇加salt and pepper 就好，都可以炒到咁差！早餐最好吃是只要煎一煎就吃得的豬柳，因為不用餐廳廚師再調味。 餐廳不懂煮主食，就乖乖做回甜品好了！上網看一看，根本所有都是劣評... 我等待著那舖位換另一餐廳的一日。

夜晚8點幾9點唸住搵甜品食，見到以間餐廳冇咩人就入去。一入到門口個女侍應已經面黑黑，冇表情一副唔想做既樣😠同佢講五位，佢夠膽死就咁「隊」個餐牌俾我地，指一指sofa位就算！！我心唸唔緊要喇，以家到到都難請人🙄忍一忍囉。之後佢俾左d餐具我地，有鐵既有膠既。但有膠餐具有d污積所以我唔唸住問佢拎過d鐵既餐具，我叫佢（我好肯定佢一定望到我！）點之佢竟然扮見我唔到😡匿埋左係廚房門口個位！！個下真係嬲左😤，見到成間餐廳連埋佢有3個人，其他個2個都忙緊得佢一個係唔做野兼態度咁差！之後我直頭行左佢匿埋個個位子，問佢拎餐具順便睇下佢做咩！！原來佢係到玩wtapps加撥頭髮。我真係O左嘴！之後佢都係冇拎餐具俾我，而係佢同事拎俾我。。究竟佢公司請佢返黎做咩架？!🤦🏻‍♀️老實講雖然佢食物質素一平，但價錢黎講唔算貴。本身餐廳環境都唔錯，但偏偏員工質素就咁差！今時今日，食物質素未必係最重要，但服務態度反而係最重要既因素令到我會唔會再幫襯一間餐廳！

大家千萬要小心，有人食左肚痛，經歷超級非常差, 罔顧巿民的健康，葵芳店sweetolgy 衛生情況差。以前都有食過2，3次，唔發覺有問題，上星期六（年初二）在該店買蛋糕為家中的人慶祝生日，但切開發現中間有大範圍發霉（看圖中黑色），得到一個非常差的體驗！鋪面經理陳先生話寫字樓會跟進，到左星期二（年初五）都完全冇覆，完全唔理。。。大家千萬唔好去食。。。係一間超級黑。店。。本人並不是麻煩友，只是想獲取一個有跟進處理的答覆。。。但估唔到依間公司唔理，請大家要小心。。

與朋友在葵芳吃完晚飯，但又想繼續傾計，所以選擇了這間甜品店食甜品。我們來的時候大約9點多，已經開始滿座了。幸好朋友早到進來先我們點了一份抹茶心太軟。抹茶心太軟一切開，抹茶就流出來加上綠茶雪糕和紅豆，十分開胃我和朋友也鬥快搶來吃，因為真的很好吃，其他地方通常沒有這款心太軟另外，我們又點了一份三式蕉朱古力窩夫。賣相好像十分吸引。朱古力窩夫的朱古力味濃郁，加上朱古力雪糕，最岩喜歡吃朱古力的我而且還有香蕉，感覺算是不太邪惡

今日老婆大人想食甜品，所以晚餐都以目標為本，路經這間餐廳，環境都唔錯，白雪雪整潔乾淨，最重要佢有晚市套餐，真係救咗我啦，甜品當晚餐，我真係唔得架，點都要食個飯或意粉先…卡邦尼煙三文魚意粉：配個磨菇湯真係好好味，磨菇味好香好濃；煙三文魚都唔錯，鹹鹹地又鮮甜，卡邦尼意粉一般都煮得好，這家同樣有水準；套餐仲有加配優惠，加個焗薯皮都係$10，仲要好好味，焗到熱騰騰，芝士味又香濃，薯味又夠重。紫薯夾心baby鬆餅：鬆餅好厚，口感軟軟地真的不錯，紫薯夾心真的很香甜，下次可以再食。提拉米蘇千層蛋糕：千層蛋糕都有好幾款，今次試了這款提拉米蘇，味道甜甜地，每一層忌廉都好滑。熱洋金菊茶：不停食甜品，飲返杯洋金菊茶確係爽，可以清一清口中的甜，再食另一款，感覺良好；而且菊花味清香，唔會苦澀，口腔份外清新。