Sweetology (Closed)

下午到葵芳睇戲，入場前食個lunch先，見開左間新店就入左去試下。叫左個肉醬牛角包配薯條。個餐望上去都幾靚仔，有埋沙拉，成件事都幾美國style，就係包亨氏茄汁令成件事low左。味道方面，薯絛都熱同脆，沙拉冇特別，係個牛角包脆得出奇。個包入面同裡面都一樣咁脆，脆到你唔信，脆到一切粉碎，可能我食得牛角包少，但我就覺得佢冇左包個種柔軔感，味道普通。入面嘅肉醬有D似美心肉醬意粉味，而蕃茄同生菜都正常。跟餐有一杯野飲，叫左凍蜜桃茶，細細杯，都幾甜。整體而言，味道平平，可能佢其他食物會好食D。