Sweets House Cha Cha

Open Now

Now Closed

身為cha cha嘅fans ,佢每次出新野都一定會係去試。今期好興白桃，而呢間鋪頭每次嘅產品都唔會令人失望，所以決定一試。點知食左一啖就即刻覺得中咗伏。粉紅偏白嘅顏色已經令人覺得唔自然，絕對唔係白桃嘅顏色。而呢個雪糕完全冇平時嘅牛奶香，冰感好重之餘，仲得好假嘅桃味，今次真係對cha cha好失望呀。

屋企比左張coupon我可以食一個雪糕, 為左唔好浪費今日同男朋友黎到尖沙咀食晚飯晚飯後突登由尖東過黎海港城其實一直都冇食過呢間cha cha本身以為男朋友會食佢地既抺茶雪糕, 但因為見到有個新推出既白桃限定味就叫左呢個白桃牛奶雪糕了白桃牛奶雪糕 $48粉紅色既賣相係幾靚幾吸引! 不過食落同我想像好香好香好甜既白桃味顯然有好大分別桃味係有既但唔算係好甜好吸引既味道, 一陣淡淡既桃味其後被一股牛奶衝出, 牛奶味比桃味出本身我係個好中意食桃既人, 不過呢個雪糕真係一d都唔好食.......以雪糕味道而言係會比ok既食評, 而最終比喊喊樣既原因係因為佢個雪糕筒真係一d都唔好食完全冇味道可言, 雖然脆身但一d都唔香無味可言.....而且食入口仲好似吸收埋自己d口水個筒會令人越食越口乾真係好差~ 平時食日本雪糕係好期待既心情而且食完會好開心, 但呢個雪糕食到好唔開心><本身價錢方面唔算係好貴(如果係好食的話)不過以呢個差數的話就真係唔值喇~

每次來到sweets house cha cha , 必定食它們的皇牌綠茶雪糕, 但今日因剛剛和ㄧ大班朋友食咗大餐, 好飽, 實在吃不下雪糕了, 不過我同老公都好口渴, 正好sweets house cha cha做梗日本柚子沙冰期間限定($40), 即刻買番杯來解暑。這杯日本柚子沙冰, D冰攪得夠碎, 酸酸甜甜, 解去了我食大餐既油膩, 柚子既香氣充斥我整個口腔, 希望這個限定不要咁快完结, 我仲好想飲多杯。

一直念念不忘於日本食過嘅抹茶雪糕同甜品，那種濃濃嘅抹茶味真的無法忘懷。 回到現實時都希望可以回味一吓。今日途經CitySuper旁嘅ChaCha見到好多人排隊於是買咗個抹茶雪糕同抹茶泡芙試吓有無水準先😊$34一個cone, 價錢適中，而CitySuper出品總有啲期望... 奈何，希望越大，失望亦大。抹茶味屬輕微，只可說是一杯普通雪糕，只怪本人心態不一樣😑雪糕如此，$22泡芙應不會有驚喜吧😕無錯，個皮有啲似唔脆嘅菠蘿包，咁仲有乜好講？ 只此一次，下次咪儍🙅🏼‍♂️

食完晚飯就去左行citysuper，見到sweet house chacha又想食雪糕🍨😂😂😂😂 因爲見佢出左限定版既🇯🇵日本山梨縣白桃🍑味，好想試🤤🤤🤤 --但建議大家如果真係想食桃味🍑 就唔好學我叫兩溝🙅🏻🙅🏻 除左第一啖我食到好清香既桃味🍑之外，之後就比濃郁既綠茶味🍵遮蓋晒啲桃味🍑 😐😐😐 --人有時候真係唔好咁貪心😂😂😂😂😂

特濃抹茶🍵軟雪糕 ($38)-抹茶雪糕🍦用上特就特濃同埋期間限定喱兩個字，就好似有個光環咁🌞，身為抹茶控又點可以唔試喎😏。雪糕上面加左抹茶粉、抹茶啫喱，同埋有支抹茶醬俾你食嘅時候淋上去，睇落都幾靚嘅。不過老實講食落同平時原本個味分別唔大，加左啲粉同醬無令到個味濃好多🤔，完全做唔到特濃嘅效果，係幾好味但無咩驚喜，覺得唔洗特登黎試🙅🏼‍，食返普通個隻仲抵😂，希望店家真係出到新既特濃產品啦！

食甜品係個無底洞永遠都好想食更多 永遠唔會滿足往往罪惡感侵襲就比個冠冕堂皇籍口自己行完山一定要食番杯雪糕慰勞下自己啦 響尖沙咀食到無咩好食就去番sweets house cha cha佢新出左期間限定既特濃抹茶軟雪糕（$38）其實係食唔出特濃左既雪糕面灑上左適量既宇治抹茶粉再跟一支抹茶醬插響雪糕比大家自己按自己想要增加既甜度吱上雪糕旁邊仲有抹茶啫喱 平時食嗰啲通常無咩味但呢個好夠味平時見到多人排隊既野通常都直接轉場唔想排不過以我買嗰陣唔算多人排 而且味道係令人滿足既用10分鐘去排隊都值得的

ChaCha新推出既「特濃抹茶雪糕」差點忘記早幾天吃了這個🍦😍 個日book左餐廳8點鐘係harbor city咁岩我同朋友都早收左工，所以我地行行下見到cha cha 就忍唔住去左食啦!!咁岩仲要出左新款! 仲要係我同朋友最愛既抹茶!!講下雪糕既味道，其實 濃既意思係加左個「抹茶精華」自己唧係雪糕上面，仲有抹茶味既啫喱😆🙌🏻 N年未食過ChaCha既我表示好食，抹茶故然濃郁，雪糕亦都好滑，口感軟綿綿，不過都幾快溶，影完相好即刻食啦😂

尖沙咀食完晚飯，行埋city super 見到對面間cha cha ，突然又想食甜品所以同朋友去左買雪糕食，對於雪糕乳酪我都幾嫌尖，真係冇乜幾間特別好好味令我想再返轉頭，今次就試吓呢間先，食完之後我唔會食第二次我貪心叫左個抹茶牛奶雪糕威化杯抹茶味道濃帶點回甘，卻不搶去奶味， 雪糕質地厚身，入口不膩，但係紅豆過甜，我本身鍾意白玉嘅煙煙韌韌，而呢個就冇味，牛奶嗰邊感覺實淨唔香滑有啲漏，威化叫做鬆脆亦不香口朋友叫咗個簡簡單單嘅抹茶牛奶威化同樣抹茶味濃有點回甘

講到期間限定又點可以唔試！平時食開cha cha都會食佢地既大判燒，雖然要成十幾蚊一個，但又真係足料又幾好食，對上一次食左火腿芝士味，熱辣辣，入而仲有小小黑椒帶香仲成個大判燒！不過影得太樣衰喇BYE~～除此之外，我仲食左抹茶紅豆味，紅豆真係好多，抹茶味又夠出～不錯！到重點了！期間限定的雪糕，本來以為係果種可以選擇濃度級數既雪糕，點知原來係按個人喜好加佢地附帶既抹茶醬。個醬偏甜，但個人覺得加左又好似好食小小。雪糕就因為茶濃既關係食落好喼，但抺茶味又未到太出，整體黎講有小小期望太大。

Cha Cha既抹茶軟雪糕一直都係my favorite, 佢既雪糕係用上北海道3.6牛乳製造, 所以雪糕質感好軟滑兼creamy, 佢既奶味香濃, 抹茶味雪糕 微微回甘, 其甜度適中。呢個特濃抹茶軟雪糕係期間限定嫁, 供應至7月16日, 抹茶咼, 仲要係限定, 我點會唔試？雪糕就唔洗多講啦, 雪糕質感依舊軟滑, 我揀咗牛奶配抹茶軟雪糕。 雪糕上撒上抹茶粉, 旁邊仲有抹茶啫喱同一支抹茶醬俾你唧落雪糕上, 不過我認為抹茶醬既抹茶味唔夠濃唔夠突出, 其甜度亦略高了點, 所以加咗醬之後好似只係將甜度提升左, 未配得上稱為 "特濃"抹茶雪糕。

在海港城食完上海菜，shopping完就打算吃個飯後甜品。朋友仔是抺茶狂熱份子，所以必到sweet house cha cha食杯雪糕啦！朋友仔三心兩意，所以選了季節限定的玉露焙茶抺茶雪糕， 而我則選了至愛的北海道牛乳雪糕。抺茶雪糕茶味濃厚，抺茶控必定大愛，而北海道牛乳雪糕香濃軟滑，吃後口裡仍留餘香，令人回味無窮。

相信大家對 sweets house cha cha 都唔陌生，抹茶雪糕都係城中數一數二好食既 🤤 出名夠茶味而不甜，香濃又 rich 出 🤤🤤🤤 今次出新野，又係大家最愛既期間限定 🤤🤘🏿 唔知今次玩幾耐呢，最新出品「特濃抹茶軟雪糕」，基本上係一個抹茶組合 (大大份食完堅飽堅抵食)，用個脆脆窩夫碗裝住大大舊抹茶軟雪糕，再拌上抹茶啫喱，面頭上面灑一堆京都宇治抹茶粉，仲唔夠皮既話可以自落特濃抹茶醬，滿足哂抹茶怪魔，今次真係「人中之龍，濃中之龍！」古語有云：傑過狄仁傑 🤷🏿‍♂️——————————————————————#期間限定特濃抹茶軟雪糕 $38——————————————————————Sweets House Cha Cha尖沙咀海港城 3 樓 city'super沙田新城市廣場一期 2 樓 city'super銅鑼灣時代廣場 B1 樓 city'super青衣青衣城 2 樓 212 號舖 LOG-ON葵芳新都會廣場 B1 層 01 號舖 LOG-ON大埔大埔超級城 B 區 2 樓 273-275 號舖九龍塘又一城 UG 層號 01 號舖 LOG-ON

今日再次黎到海港城，本來想食Stickhouse 雪條，但突然眼尾望到旁邊依間 Cha Cha, 而同行朋友係抹茶fan, 所以決定一試。佢地賣嘅種類唔算多（雪糕，大判燒，泡芙），但口味就相當多，係眼花燎亂嘅恨情況下，我地最後決定試大判燒。買左普通吉士味+抹茶紅豆吉士。 師傅一直係旁邊整新的大判燒，原本以為佢地會俾新的我地，結果俾舊的😕 優點：店面環境光明，感覺衛生缺點：想食新鮮熱辣大判燒需要睇當日售賣情況價格唔算平宜總結：口感，味道還算可以，下次可以再試雪糕和泡芙

有啲係尖沙咀海港城返工，經常性都會嚟到呢間甜品舖買雪糕走。再加上近日超級炎熱嘅天氣，我在唔能夠抵抗雪糕嘅引誘。對於我呢個綠茶狂迷嚟講呢到綠茶味好濃郁， 入口香滑無比今次食呢個甜品有綠茶雪糕，八肉丸子，同埋綠茶啫喱我超級鍾意食小丸子超級Q彈 點解可以咁好食😭😭😭 入口"煙韌"不過次次都好多人叫我呢個 可想言知有幾好食佢係我食緊lunch嘅時候經過就一定要買杯佢嘅雪糕如果唔買嗰日一定會unlucky 架啦