Sweets House Cha Cha

Open Now

Now Closed

宇治抹茶雪糕沙冰😋夏日熱辣辣~好熱好熱🙄真係要食下凍野消下暑先得⋯呢到已經唔知encore左幾多次⋯因為真係好好食，雪糕好香抹茶味又滑！沙冰就好濃味，唔會因爲有冰而淡左。可以套餐連燒餅一齊買 有好多種口味揀 兩個人share啱啱好👍🏻！

天氣咁熱，真係只有凍冰冰嘅食物，先至可以令人開胃。已經有一段長嘅時間冇幫襯呢間雪糕甜品店，大概已有兩年吧。今次用咗＄42買一杯綠茶雪糕甜品（A3），甜品係包括有綠茶雪糕，白玉丸子同埋抹茶啫喱。綠茶雪糕嘅綠茶味好似冇以往咁濃不過白玉丸子依然係好有「趙口」，而且算大粒； 抹茶啫喱口感係屬於Q彈，唔係一咬就會散，但抹茶味就比較淡。成杯雪糕嘅組合，不論係顏色或者係口感層次各方面都做得幾好，係食得開心嘅只不過味道方面就好似退步左。我記得以前第一次食呢杯雪糕嘅時候，放入口第一感覺係：「嘩！真係好好味，好香綠茶味呀。」但係今次就無咗呢一種感覺了

今天和一班吃貨朋友吃完茶，有點疲倦。可能吃飯笑太多，可能每天都外去吃飯有點攰，令我很想早早回家玉露焙茶軟雪糕 $34陪朋友走到尖東站後，又陪另一朋友走回中港城，吃貨朋友說要獎勵我吃雪糕哦，那我就老實不客氣啦海港城的焙茶口味，是這裡限定，當然要試試吧，已經用了我這麽多腳骨力。焙茶味道濃香，濃烈濃厚，雪糕稠黏，味道不錯呢。但欠缺Via Txxx的回甘，也沒有抹茶味濃得令人驚訝呢尖沙咀廣東道17號海港城3樓city'super內

還是農曆年的星期日到上址了些東西, 行到cooked deli門口, 就會見到這小小的賣店, 一直都是好評多於負評的她, 出品質素好穩定, 這天要咗一個吉士泡芙$21, 吉士係佢嘅靈魂, 完全唔覺得到蛋黃那份邪惡, 忌廉亦好滑, 外形大小全部應該是經過反覆試驗的結果, 在我們客人眼中, 泡芙咪咁囉- 好理所當然嘅諗法但查實幕後不知經過多少次被質疑再改良再改良的結果, 而這店的泡芙同旺角地鐵站出入口那檔最早剎入香港的泡芙爸爸不同嘅地方 – 係香氣! 好多時一行進地旺角鐵站出入口同時間泡芙香氣會一湧撲面而至, 允其是香港嘅炎炎夏日, 完全明白這是店舖為咗要吸引顧客用的技兩, 但個人又覺得那香氣有點流於人工, 無疑那是一招有效的剎着, 這店沒有刻意加入近乎過量的香油, 只會食的時候才由口腔感覺到, 當日另一個是栗子忌廉泡芙$30價位相對進取, 但店方沒刻意說明這栗子來自哪兒? 點解要咁貴等等的介紹, 實物是有栗子香氣及栗子蓉已經做至極幼細同底層的忌廉完美結合, 栗子碎亦足料不過就細粒咗少少, 能夠大粒少少的話效果可以更好, 作為甜品作為小食這店是這裡的好選擇, 如果旁邊有埋間18Gram就更

呢間抺茶雪糕一直覺得佢係最好味，抺茶雪糕味道甘甘的，抺茶味濃，入口香滑，食完一定會再食😋😋👍👍以我呢個抺茶迷，還是覺得呢間係最好😋😋如果呢間雪糕店開間cafe，有得坐低嘆下佢d甜品，咁就perfect😍😍

次次到海港城都會好食來食一次chacha我點既係mix 綠茶mix牛奶好香滑 吾會太甜 但未必會好岩綠茶控因為綠茶味無好重 但我反而覺得咁先適中丸子細細粒好好食 紅豆都好甜好有咬口最尾仲有脆脆咬 真係一次滿足好多個願望!

一向好喜歡食栗子product，新出左栗子蓉吉士泡芺($30），賣相吸引。鬆脆的泡芺包住幼滑的栗子蓉，帶幾粒真栗子肉，泡芺面亦灑上糖霜，感覺清新，十分栗子，如栗子蓉內藏栗子碎粒粒口感會更好。

每次經過尖沙咀，都會想去sweets house cha cha食返杯抹茶雪糕，因為佢茶味真係好濃，而且又夠軟滑，個筒又夠脆，簡直無可挑剔，其他日本過江龍都好難及得上佢既質素。34蚊杯黎講，價錢又相當合理，所以今日買左杯黎食，好滿足！

由於早一晚有朋友跟我提起車輪餅，我成晚籮籮亂好想食！雖然講起車輪餅，好多人都會諗起車輪餅小姐，不過我個人黎講唔鐘意，所以黎cha cha~味道方面都有啲大路嘅紅豆、蕃薯、抹茶，仲有比較特別啲嘅磨菇芝士、粟米火腿等等。Sweets House Cha Cha 嘅大判燒強調自家餅皮以日本麵粉、雞蛋製成，所以口感鬆軟。吉士大判燒 $14抹茶吉士紅豆大判燒 $16點左兩款，整體上都係滿意~餅皮口感鬆軟，唔會太硬太實，餡料都給得大方。不過大判燒一早整起，唔係即時做，變相吉士醬雖然細滑，但唔夠香，兼且鯨左~抹茶吉士紅豆聞起上黎有啲奇怪，有陣腥味，不過食落就冇大問題…抹茶味唔會太甜，紅豆並非豆蓉，增加口感~整體而言，吉士口味比抹茶紅豆嘅甜一點，我地更喜歡。十零蚊黎講真係唔錯，如果可以熱辣辣更好，因為客人唔算太多，唔明點解整定一大堆凍哂

喺海港城行街行到攰攰地，食一杯雪糕係最正嘅。食過呢間綠茶牛奶雪糕，簡直無得頂所以見到有綠茶焙茶雪糕就決定試下新野。綠茶味依舊出色，食落好香綠茶味,雪糕質地好滑。焙茶味就較為遜色，唔重焙茶味，反而有少少比綠茶味蓋過。雪糕筒好脆，同雪糕一齊食可增加口感。

聖誕老人版抹茶萢芙🎄推介: Sweet chacha Matcha Puff😍😍😍😍(5分滿分)吃Sweet House chacha 聰明你的，當然要選抹茶囗味😁萢芙皮微微脆軟，但咬下欠缺應有的萢芙香氣😖內裡抹茶忌廉幼滑，抹茶甘苦度足，抹茶控滿意滿意😁……………………👧 尖沙咀廣東道17號海港城3樓city'super內👧 銅鑼灣勿地臣街1號時代廣場B1樓cookedDeli by city'super👧 沙田沙田正街18號新城市廣場一期2樓city' super內.......….........…

在海港城行到倦倦哋，剛巧經過City Super, 就坐低休息一下，買個聖誕限定大判燒及粟子puff試試。聖誕限定大判燒，即在紅豆料中加了原粒粟子，外皮是軟軟韌韌，紅豆很香，不太甜，粟子比較實。Puff外形很美，外皮十分薄及非常脆，粟子蓉很香，cream很滑但有點不夠奶香，但依然好味，比大判燒好味。下次可以再試其他puff。

今晚同Mr.J喺附近食完飯後，我哋去咗海港城行一陣。原先講好短期內唔雪糕，點知行行下見到ChaCha有賣焙茶雪糕，Mr.J再講多幾句引誘我，我就忍唔住想食。(我係超喜歡焙茶味的！)$34一大杯，相比東x堂嘅焙茶雪糕，ChaCha嘅茶味濃郁好多，而且奶味好重，但兩者平衡得好好，無乜偏重任何一邊。口感上好幼滑，冰感不重。脆筒好薄脆唔太甜，很好。食完感覺超幸福。

同朋友仔係海港城食飯行街，行到咁上下，就想食甜嘢，二話不說就想食雪糕，2個綠茶狂魔，梗係仆去sweets house cha cha 啦！一人一個雪糕杯，本身係威化筒，不過實在太飽，所以改用杯，不過用杯好似仲多咗雪糕😜！唔洗講呢間嘢不嬲勝價比高，我最愛一半綠茶一半牛奶雪糕，因為又食到綠茶濃味，又有牛奶香，冇得頂！

本身對綠茶有一定興趣，所以經常周圍試試綠茶雪糕或者綠茶製甜品。不過，坊間好多打正來自日本開嘅甜品舖，本人認為有d貴，勝價比低。所以，呢間綠茶雪糕係我至愛，價錢合理，佢嘅綠茶雪糕味好香好濃，加上可以一半牛奶味，一樣咁濃咁香，非常好味！