瑞士咖啡室 (Closed)

瑞士雞翼常餐多士好重牛油味，個蛋都幾好食既，叫得瑞士咖啡架，但杯咖啡我覺得好難飲！！！瑞士雞翼都係一般般，除左夠淋都唔係好食，個湯意粉有粟米味，真係一d都唔好食

由於太遲出門，附近餐廳都滿座。唯有呢間未滿，可能係由於價錢比較貴既關係啦。anyway, 都走左入去坐低。發現真係幾貴，於是揾左下午茶個頁去落order, 又想食d蔬菜，於是最後就叫左魚香茄子飯。個汁好濃，咸咸地，但係汁比較少，食到最後好似食白飯咁。d茄子唔會太軟身又唔會太硬，係幾好味。但係得好少舊，好似唔係好㩒食。魚香味冇食到，唔知佢係咪真係有落咸魚醬。不過d肉粒由於冇咩肥，我覺得都算不過不失架啦。

寫食評前稍稍望過其他食評，見到評價都麻麻。唔知係已經換左一批人，定還是真有改善，我去食既時候體驗到既係親切又驚喜既服務質素，同以往既大相逕庭。侍應由我入門口一刻開始已經好好招呼，落order一叫即到，上菜果時仲會叫你小心熱，慢慢食。非常親切。而食物方面，最令人驚訝既係食物既份量。我叫左一個傷風感冒餐，內容係一碗蕃茄通同一杯熱菊花薑蜜。未見食物之前，以為係一個改得懶係親切既普通常餐，上到黎先發現根本係二人份量既常餐，茄通份量大得可怕，足足有2個頭咁大，而且配份量都非常足，有火腿，雜豆同羅宋湯配料，即使只食一碗根本都食唔晒。味道方面就偏濃，而且帶點黑椒辛辣味。健康的人當然頂得順，不過如果真係病左的話就要考慮清楚，因為辣度絕對唔係一個病厭厭既人可以承受到。千祈唔好俾佢個名呃到。至於菊花蜜，如大家諗既一樣，開菊花薑蜜調配，味道還是偏濃。如果接受唔到，可以叫佢俾杯水你。

夜晚約左人20:30食飯，點知18:00見肚餓😥就諗住叫個外賣頂一頂，點知頂到上心口🤣呢個茶餐$48，有鮑魚豬扒公仔麵、火腿奄列、仲有個熱狗公仔麵可轉其他麵類，熱狗可揀菠蘿油，原本我想揀菠蘿油，但唔好彩賣曬😙外賣15分鐘就到，公仔麵食到係出前一丁👍🏻熱狗都係normal size，好有誠意，醬料都足嘅，有驚喜👍🏻👍🏻👍🏻但同火腿奄列放埋一齊就唔多好，反而我建議放埋落碗公仔麵都更好，無咁乾，奄列size都係normal szie，一定有一隻蛋份量但👍🏻👍🏻👍🏻就真係$48，真係2人份量，好扺食，結論我怕今晚食唔落朋友餐生日飯，放棄左熱狗，包返好聽朝早餐！

公司係華基附近，外賣等成粒鐘先送到⋯仲話我地好彩⋯因為係$100先送，依家係$70唔明點解要等一小時外賣時間都唔會同人講⋯另外外賣份量永遠係堂食既三分一飯等到變濕，雞扒肉質較乾，照燒汁較濃而咸。另一同事叫左炸脾配薯條做下午茶。由於等左一小時。炸脾等到脆皮雞皮變油林林雞皮，薯條由脆卜卜等到林之之，變薯蓉，整盒食物質素降為負數。煮法求其，味道好咸又重⋯份量比堂食少！以後外賣瑞士永不錄用🙅🏻‍♂️🙅🏻

蛇一蛇 抖一抖 食個下午茶 點知充滿失望我地點左二樣野 都系超多油第一樣：瑞士汁牛河超多油 !！雖然預左炒河系會多油 但呢碟真系有d過份 牛河無瑞士汁味 油味佔多第二樣:下午茶金專套餐:金專配炸雞脾金專得二小舊 雞脾又乾又細 似小雞腿個餐其實好唔抵總括:超肥仔下午茶 牛河食到一半頂唔順無食嚕

係附近開左都未食過淨係食過荔枝角個間野食一般，有好有唔好。常餐 公仔麵個底無味 落辣椒油先好啲雞翼算入味，火腿奄列同個包都好味紅豆冰ok 個人覺得甜左小小瑞士汁牛河味道岩岩好 唔油唔咸有芽菜同蔥就好啦，食落好似爭咁啲野咁下午茶 - 炸脾+金磚睇圖都知隻炸脾唔惦 乾爭爭

今日係附近番工，見到一間新開既茶餐廳 (瑞士咖啡室)，心諗，尼間餐廳係米主推瑞士汁架？所以叫瑞士咖啡室。望望餐牌後，果然比我估中了，餐廳主推瑞士汁雞翼，常餐包括瑞士汁雞翼兩隻，火腿炒蛋和一碗番茄意粉。價錢適宜，且份量足夠。雞翼也很好味，瑞士汁深透入雞肉中，雞翼也算很大隻，令人非常開胃。蕃茄意粉口感彈牙爽口，味道濃郁和新鮮嘅蕃茄味道十分醒神好味。

呢日叫朋友幫手買個外賣食，朋友就幫我買左呢個吉列豬扒薯菜！我都係第一次食呢間，但係個吉列豬扒炸到太硬啦！好難咬暮條算係不得不失！總括而言，雖然味道一般，但係份量都幾多嫁！算係抵食嘅

又是星期五 Team Lunch的時候，今天又是選擇了瑞士咖啡室。基本上我很怕去這店，人又多，沒有排隊這回事，要獨自跟無數人搶奪座位，而且是全無服務的。 今次點了一客紅酒焗牛脷飯，共有四塊厚切的紅酒燴牛脷，由於頗厚切，所以蠻具口感且爽彈，可是牛味不足，導致味道略感單調。焗飯是炒底的，醬汁為普通的鮮茄汁味道一般般的，填飽肚倒是沒問題。咖啡我換了一杯的，原因是第一杯的咖啡淡得像喝水一樣，只有咖啡色而毫無咖啡味。換來的那一杯只是剛剛合格的水平，咖啡不夠香濃，沒特別。

早餐係一定要食架~雖然番工已經要早起，但為左食好味的早餐再早d 起都值得~只要起到身,,有時候會早少少落車去公司附近的瑞士咖啡室食過早餐~呢度gei 早餐又平又好食,,,通常都係$25-$33 不等,,係區內算抵食~而喜愛常餐格局的我都一定會喊麵+多士的餐~雖然平,,但係用心製作~最值得推介係炒蛋,,,真係滑lulu~唔會炒到過火~+$2 轉奶醬多,會塗上奶同花生醬之後會再番烘，所以食落脆脆而且花生醬甘香~~可見用心~~食完個早餐~~又番公司打仗了~~XDD

見網友寫到瑞士雞髀好似好好咁就試下結果這瑞士雞髀好一般唔值得價錢又唔算貴,20有找但味道上真係吸引唔到我去食佢唔係難食,但又唔係好食但假如你請我食佢,我都唔會食果種隻瑞士雞髀甜甜地,又唔算濃味可能即場食會較好食但我外賣,所以回家食這瑞士雞髀時,已經凍了原本見這間專賣瑞士食物的餐廳,我是有期待的結果只是失望

Lunch時份來到，一位難求，等位等左差唔多十五分鐘先入坐，一黎就叫返個瑞士汁雞翼餐先！落單返好快上枱，上枱後已嗅到濃郁瑞士汁味，雞全翼兩隻size非常大隻，皮嫩肉滑，咬落充滿濃濃瑞士汁味，非常欣賞(最怕係滷得唔夠入味)!!把汁倒入湯麵中，更加可口！因餐跟埋多士，反而略嫌唔夠脆！嘆埋杯港式奶茶，奶茶夠滑夠香！抵讚！食飽飲醉就開工！正！

本身個人都只係黎睇食評,但今次真係要開個account發洩下當佢岩岩開張既時候, d員工都仲好有禮貌, 尋日去食lunch既時候想幫男朋友媽咪叫個冬瓜湯因為佢好鍾意飲湯而我之前叫過呢個外賣係覺得幾好既原先諗住order湯比男朋友媽咪之後個飯我男朋友食既點個職員同我講無得分開!我問佢點解, 明明我叫外賣佢地係將飯同湯分開, 點解堂食唔得!!!????佢答我唔到, 個黑衫經理走埋黎問有咩可以幫到我, 我就以為你身為經理真係幫到我啦, 點知一個同樣無禮貌既經理都係答唔到我點解, 仲話叫我走飯, 即係我比錢你買個湯飯但你唔比飯我, 一個飯唔值幾多但佢地無人答到我點解堂食唔同囉, 都算喇之後叫左個午餐, 炸魚加腸仔, 黎到我諗住要個碗仔, 職員係掉個碗黎我張枱度真係有衰既經理 實有堆衰既員工個午餐既炸魚完全係凍既, 問粉紅色衫既員工但佢調返轉頭問我點算.............之後先有個紫色衫叫好禮貌d既職員過黎話換左佢成餐飯食到成肚氣! 

J先生的家附近剛剛開了一間茶餐廳 - 瑞士咖啡室進入餐廳後, J先生話: 好似荔枝角的那間餐廰!我答: 是同一間餐廳的分店! J先生才醒覺...下午茶金磚套餐 $33瑞士雞髀配金磚 雞髀肉軟, 瑞士汁較淡; 西多士內有花生醬熱檸檬茶檸檬新鮮, 沒有苦澀味! 特餐 $48 (分量多, 基本上一個人是吃不完的)鮑片豬扒公仔麵 公仔麵煮得剛好, 彈牙; 豬扒煎得腍; 湯比較油!火腿奄列有蛋味, 火腿切條比較幼!熱狗麵包烤焗過; 香腸, 生菜, 蕃茄配上沙律醬! 凍奶茶 J先生話: 好香茶味!瑞士咖啡室 總結: 還可一試!