瑞士咖啡室 (Closed)

星期日都有下午茶餐, 雖然價錢中等, 但勝在多選擇! 支竹火腩飯, 火腩皮脆! 干炒牛河, 無多餘油留在碟底! 想不到普通的一間茶餐廳都有此水準! 因附近都無其他比較好茶餐廳選擇, 所以有機會會試埋其他!

之前食過葵興果間，見屋企附近開左間分店，就近近地試下啦，點知極度失望!當日叫左2個下午茶餐，瑞士雞翼(3隻)及雞脾配薯條，無唸過咁普通既下午茶餐都可以咁難食，瑞士雞翼係凍架!!! 我並唔需要佢整到好熱辣辣，但起碼唔好完全凍同乾哂咁，好似擺左出黎好耐咁，真係超難食! 雞脾正常但無咩味，d薯條又係凍既，間餐廳發生咩事呀? 當日聽到另一枱客又係因為食物乾同凍哂所以同個經理嘈，個經理超無禮貌咁鬧個客唔鍾意就唔好食! 咁都得?一句講哂，葵涌呢間係咁多間分店入面最難食既一間，d侍應亦係最無禮貌既一間! 

是日午餐 經過新開的瑞士咖啡室！ 呢間咖啡室其實都係一間茶餐廳，但其裝修甚有特色！以綠色作為主色配上風味懷舊牆紙，喺工業區嚟講實在有心思！今日12:30到達餐廳，幸運地唔需要等位 與同事點左咖喱牛腩農夫包(限定!!) 同 瑞士汁牛河~咖喱牛腩農夫包勁好味！老闆話唔係日日有架！個包非常鬆脆，然後沾滿咖喱係好夾的！完全唔覺得重口味！而咖喱牛腩都炆到好軟，完全勁入味，值得一讚！！瑞士汁牛河亦有驚喜！份量大大碟，女仔一定會食唔唒！河粉同牛肉都充滿瑞士汁味，味道好正，感覺冇干炒牛河咁油膩。喺繁忙嘅午飯時段都能造出好味嘅菜色，都值得一試

新鋪開張有折, 諗住同屋企人去試下去到話二折晚餐賣晒, 都唔緊要, 試下MENU入面既小菜囉~叫左個3人餐, 有1個炒菜, 3個湯, 3個小菜, 餐飲同甜品, 小菜我地叫左栗子炆雞, 甜酸肉排同蒸倉魚落左單, 惡夢就開始我地係20:22落單, 立即上中湯, 傳統茶記無味無料既冬瓜湯, 飲左兩啖, 放棄!10分鐘後黎左個栗子炆雞, 唔熱既, 雞又炆唔林, 我煮仲好過佢, 都算!黎完個栗子炆雞, 我足足等左45分鐘都冇野上, 嘈左3次, 次次都話跟之後冇消息, 如果唔係同家人黎我一早拍檯走人! 結果坐左一個鐘之上埋碟炒通菜, 明明應該係炒變左上湯, 極難食!甜酸肉排勁細碟, 又係好難食, 等到個人冇晒心機, 飯都凍晒硬晒!條魚呢, 等左個幾鐘先黎, 可能係水塘養大先捉過黎啦, 但條魚既肉梅既~可以要人等咁耐, 又做出咁既水準, 真係絕頂!最後食完野, 叫佢上甜品, 竟然同我講賣晒!!亦都冇任何既補償, 我相信其實根本佢就唔想做生意!我食過幾次荔枝角分店, 價錢品質都OK, 但葵涌新開既依間, 真係差到不能再差, 食物水準同服務同一般荼記冇得比!以後都唔會再去食~