石澗日本料理 (Closed)

係大家睇到呢個食評既時候，我正身處此餐廳之中。三文魚無魚味，唔新鮮，似死魚。赤貝直情無味，唔新鮮，似像筋。甜蝦唔太差，但係唔比加。（因為加左單都唔黎）落單永遠唔會黎，做事勁求其。入場$208，㩒住食客殺。第一次食放題會食唔飽，計劃食完去食M記。

見有成大半年無去過，o個日D朋友想食日本野唔想太貴又有得飲酒，就諗起去石澗啦。嘩~~D booking full到呢，記得初初去都未有甘多人，而家越o黎越多人。想去o既朋友記得book定台。無去一排，所有野D份量細左。另外加幾十蚊就有sake,啤酒任飲，不過之前就有Asahi任飲，而家就得生啤。刺身都算新鮮， 熟食就一般啦，唔係話極之好味但過得去。以o個晚o甘多人同任食o黎講D野食上得叫做幾快。侍應都幾有禮貌，但可能我去個晚真系太忙，叫個人都幾難，所以各位想去o既網友如果遇到o甘o既情況請比D耐性。整體o黎講如果唔加任飲同埋係平日去，大約$150都可以埋到單。以呢個價錢比起其他同等價錢任食地方我會寧願揀石澗，起碼D刺身真係新鮮D

呢篇係第一篇寫既食評因為之前見過U magazixx介紹過咁就同左男朋友黎呢度一開始見到係幾多選擇咁一人包一罐汽水, 我地食6:30pm*一開始叫左刺身咩事...三文魚好細塊, 同埋落左2 round 油甘魚都無黎!!!問個waiter咩事, 佢話無貨, 咁好心你一早同個客講無lar!!!*之後叫左壽司, 幾多選擇既但..又出事..d壽司飯好難食!!!! 同向屋企煲個d白飯無分別....*佢既熟食ok d..-但, 天婦羅d粉好厚啊大佬..食緊粉咁-個牛油元貝, 食緊刷膠咁..最頂ng順就係, 食食下, 有個waitress行埋黎話: 食ng哂要收多50%既$$大佬啊, 食放題一定係叫到成檯野架lar!!! 我地填野食既時候都知道呢回事同埋點解會覺得我地食ng哂? 不過佢條秋刀魚幾好食其餘真係麻麻地,食到口淡 /___\仲要個價ng平lor...最嚴重係, 佢地開行冷氣, 想趕客咁.........

今天是端午節前夕，沒有特別事做，一年一度的六四晚會又過去了。繼日本地震後，第一次食日本菜！今次選了一間為於尖沙咀的日式餐廳，是朋友介紹，非常優惠！首先是刺身，整碟刺身被肉質新鮮的刺身舖滿，用料真係一D都唔簡單呀！之後是壽司，食材與珍珠米的比例剛剛好！有入口即感受到魚生的鮮味，珍珠米的香甜！

又到星期五晚，我哋幾個朋友約埋一齊食餐飯開心吓，大家約喺尖咀，行行吓見到寶勒巷有間日本放題餐廳，個餐牌寫住星期五$218，價錢ok，所以好快就入左去。入到去座低，個侍應好客氣招呼我哋，見到數張List over成百幾款野食任選，樣樣都想試，真開心!! 呢度環境都算舒適，幾有氣氛。大概等左十分鐘左右就來左一碟不種類的魚生刺身 (吞拿魚、三文、八爪魚、北寄貝、甜蝦同帶子等)，賣相不俗呢。味道尤以三文同北寄貝比較okay，其它一般。 跟住送上有壽司、串燒、炸物、手卷、關東煮、燒物、汁燒牛肉粒、沙律前菜等等。 我哋感覺好似做左皇帝咁，成枱野食 我哋一口氣就食左好多野，好飽好豐富呀!! 我連麵飯同豚肉料埋、卷物都食唔落 總括來講，呢間料理嘅食物選擇真係多，服務又好有效率，落單上菜同收碟都好快手，環境唔錯，吹水嘅好地方。價錢方面okay，不過食物的質素就真係普通，合格啦。 但呢幾樣就比較差 : 壽司飯弄得唔實；燒魷魚淡口而UN；鹽燒雞翼無味；汁燒牛肉粒好UN ，希望有改善啦...

揀左黎呢到食lunch 為朋友慶祝.一早book 晒台, 因為驚佢d 野起得慢, 所以我地一早叫埋野食, 希望一黎到就可以有野食。佢d lunch set 由$38-$78都有。我揀左個$58 燒鯖魚定食 (一條燒鯖魚/ 一碗蒸蛋/ 麵豉湯/前菜-牛舌)前菜- 牛舌, 唔講唔知係牛舌, 硬硬地, 但無咩味既。麵豉湯, 超咸, 唔得。蒸蛋, 好味, 好滑。鯖魚, 燒得岩岩好, 魚皮燒得脆卜卜, 魚肉好滑, 唔多油, gd!如果個餐包埋野飲咁就gd la~朋友個生薑燒豚肉定食, 個樣唔得囉, d 豚肉白雪雪, 無咩味, 只係用幾片洋蔥同炒,唔.......如果呢d 價錢食呢d 質素既日本野唔抵囉, 我會寧願揀青葉囉。

刺身: ok, 一半三文魚ok, 一半三文魚全舊橙色, 完全無脂肪分佈, 但有帆立貝加分熱食: 羊架UN到爆, 蒸蛋好好食, 炒雜菜得青椒同洋蔥包一罐汽水其實預期間間放題質素都差唔多但真係要講下出食物速度同量第一round 出蒸蛋, 雞翼都好快, 但刺身都要等3-4個字先有到第二round d食物真係大部份都甩, 兼勁慢蒸蛋加單無黎, 甘海老無黎過天婦羅第二round無影, 蟹子沙律無黎過喬麥冷麵無黎過冷烏冬無黎過中華沙律無黎過其實咁樣仲叫唔叫一間放題?其實係物質素係正常水平, 慢, 都算喇咁至少都唔好甩單, 又慢又甩單, 仲好準時請我走,$208+10%食兩小時, 出面好多選擇, 一定無下次!

一行六人, 可能唔係太出名, 即日打去BOOK枱都仲有位~一坐低就開始ORDER....首先, 每樣刺身都ORDER黎試下... 呢到算多種類, 有三文魚, 吞拿魚, 油甘魚, 甘蝦, 半熟蝦, 赤貝, 螺片, 北寄貝, 八爪魚, 帶子....etc.好新鮮... 又唔會好似其他果d咁薄切... 好得!!其他熟食都唔錯, encore再encore既有燒曼魚同蛋卷...至於個芝士年糕就普通, 外面有幾大舊粉包住d芝士, d芝士熱辣辣流出黎都幾正, 不過食完一舊已經飽晒...串燒, 炸物都ok...不過呢到要加錢先有得任飲...佢話120分鐘時間任食, 過左兩個鐘都冇人趕我地走, 可能無其他人等位啦... 唔似其他果d放題咁要迫你食快d...可以既, 有一兩樣甜品選擇就更好啦~

情人節,諗住同太太去食下日式放題, 又唔想食親都係某1,2間, 咪上來睇下d 食評啦. 見d 食評都ok 丫. 睇d相野食都幾好. 就決定去石澗試下,咁就book 定位.原先book 要9:30 先有位. 都唔緊要啦. 後尾2月14早上打來confirm枱, 仲話可以提早7點入座, 咁緊係好啦. 唔想食咁夜.準時去到, 都即刻可以入座. 但係坐左成15mins 都冇人俾杯水, 想俾order 紙又冇個人會理你. 都唔緊要啦, 我當你人多一齊入, 應接不來. 另外, ORDER 紙都有講明野食係要即時制作, 要等, 我都明, 新鮮D 丫..但係刺身駛唔駛都要等成20MINS 先有呢.. 唔通要即釣既 ??? 熱食的燒物除左個雞軟骨, 冇樣係似熱的.. 連清酒煮蜆都可以係緊緊暖咁.. 離舖左D 喎..又漏單, 又俾錯野食隔離枱. D Waiter 又好似唔願意理你. 俾野食紙好似得罪佢咁.$258 一位仲要加一, 食到一肚氣...

見近排D食評OK..D相又唔錯..咪諗住試下啦..9點前208+1..9點後178+1..最後揀左9點後..仲一早打去訂台..D侍應勁輕佻..不過訂位都徙氣..去到根本無咩人..見到無咩人..真係心涼左半..但係黎左都惟有照食啦...1夠9點就交order紙..明明無咩人..但係D野都係上得好慢..ESP刺身..仲要上得勁唔足..寫既數量永遠無咁幾成..去到第3 round刺身..D帶子係變色架!!熱食..芝士年糕好粉..茶碗蒸好滑..但得個咸字..得鍋燒一口牛好食D..同中華沙律呀八爪魚仔LOR..無諗過食放題..係食刺身食到灰..D碟係幾令..不過上面D食物勁唔店..完全見唔到早幾個食評相中既質素..係咪2個人太少就唔當客..水又唔加..野食又上得慢過人..178+1..我求其係MK搵間都好過佢..btw..Service又無..舉手成日無人理..D吧台師傅又只係掛住傾計..

因好友生日, 朋友早已訂枱, 無需等位, 室內暗暗, 座位闊落, 感覺可同朋友詳談的好地方, 但其實原來限時吃2小時~ 所以同主角坐低了, 就快快手剔野食, 都唔等所有朋友到齊~ HAHA~ 熟食先到~ 相中的有炸小福袋, 芝士年糕, 炸豬扒, 炸帶子, 章魚小丸子, 玉子, 鰻魚, 蔥吞拿魚軍艦, 其他熟食都不能盡錄~牛柳粒 - 韌韌地, 麻麻地~炸/燒雞軟骨 - 兩款都好香口~炸小福袋 - 細細個好精緻, 每個炸小福袋下都有蛋黃醬, 一啖一口, 好香口, 好好味~ 就係因細細粒, 唔知入面咩來, 入面係軟軟林林咁既~ 芝士年糕 - OH~ 好芝士啊~ 好濃郁芝士~ 正~ 但記緊一定要熱吃~ 章魚小丸子 - 其實都幾好味架~ 唔係太痴口果種~炸豬扒&炸帶子 - 就普普通通, 冇乜特別~燒玉子 - 又係普普通通, 其實即係平時SUSHI上面的玉子咁之嘛~鰻魚 - 其實都OK, 薄薄地, 都係平時SUSHI上面的鰻魚咁囉~蔥吞拿魚軍艦 - 呢個唔係熟食, 因朋友未到齊, 我同主角最很愛吃, 所以冇等齊人就叫左自己吃先~ 好好味啊~ 舊飯細細舊, 唔係令你太飽, D吞拿魚蓉好軟林, 正

老友記生日，今次選擇了吃石澗日式放題，說真的，對日式放題並沒太大期望，因每次都覚得食物水準一般兼限時2小時。但這次就令我非常滿意兼開心！雖然石澗都有限時2小時，但侍應很好人，說冇人等位的話都給我們繼續，可能他們知道我們慶祝生曰吧(因我們買了旦糕)，結果我們由7：15 坐到10：30，多好！食物方面：好好味！刺身好新鮮串燒好味芝士年糕必吃如果有埋甜品就正啦！

由於一早已book位，而且我們到的時間是6pm，所以跟本毋須等位，不過比咗張我地唔係好想坐的枱我，想轉卡位，佢地就話full晒，唔轉得！服務態度：ok，斟茶次數密及快，值得一讚！食物方面：基本上叫過一次後未必再有食物想食多次，但質數ok的，但欠缺甜品，希望可以改善。座位方面：枱與枱之間太狹窄，客人座了下去，侍應不能入去執枱。環境方面：坐滿客人後，開始覺得嘈吵，且有擠迫的感覺，廁所只有一格，需時輪候。

星期六8點先去到TST, 搵過其他放題都冇枱, 哩度唔洗等就去la其實裏面環境唔錯,,起碼D枱唔會密麻麻食物方面, 刺身種類唔係太多但新鮮, 壽司d飯又幾好味wor, 細細件唔會塞到飽燒物有d dry, 但雞亦好'趣'好味wor 其他都ok嘅美中不足就係冇甜品law....雪糕都好吖 另外出單速度較慢, 都有漏單但可以接受......

今晚父親生日，其實心裡已有幾間放題諗好，最終試左尼間未食過既，因想試新野，同埋都見有好幾個正面報告，諗住都會幾好，點知黎左第一轉食物，已知錯晒!!!!!208+21=229 一位,食物份量少，不新鮮，尼個價錢相對我食過既真係相差很遠，唯一可取係侍應服務態度都令人滿意。但係我就真係未試過食過一間會令我唔想再點菜既放題囉!!!