尚八日式燒肉店 (Closed)

朋友相約放工後，於旺角吃晚餐， 我們一心也是打算吃日本嘢， 本來打算是唔使用腦的放題， 但係朋友話成日都放題有啲悶， 為咗滿足我唔使用腦又有新意下，前往一間新開的燒肉放題店一試。貪佢又係放題又有新意嘅燒肉，哈哈。地理嚟講， 佢都幾近旺角地鐵站， 行過去只需要五分鐘 ，我哋沒有預約，只可以喺門口等， 八點鐘正式入座。安排坐咗喺仿榻榻米嗰邊， 坐得都幾舒服， 但係有一樣唔夠方便， 就係因為任飲任食， 野飲次次要出去拎，如果唔係坐仿榻榻米先係王道，夠曬日本。先嚟頭盤送你一個刺身拼盤，入面有三文魚，吞拿魚，帶子，甜蝦， 不過最出色嘅一定係個海膽， 海膽鮮味十足，完全唔腥。都主菜燒肉放題， 我嘅主力全部都係食牛， 不過牛嘅部位有好多， 又有牛小排， 牛肋骨， 厚切牛肋肉，加上又有唔同嘅醃法， 好似果汁味，燒汁味，鹽燒咁， 不過最有趣嘅係有芥末味。其實佢仲有雞，豬，海鮮，不過唔算太驚喜。咁多種味道個人最愛， 就係鹽燒同芥末味，一種食返去原始嘅味道，而另一種就係帶畀我新鮮嘅味覺刺激。至於燒肉汁方面，就提供三款，檸檬汁，蒜蓉汁，同基本嘅燒汁。檸檬汁竟然係甜嘅，有啲失望。但係蒜蓉汁好出色， 蒜味十足，完

今晚1行6人去慶生吃燒肉，驚喜一，开电梯門裝修設計在神秘中带点安静，雖然等位位置很细很细，但另一方有等侯区，都好分散人流。驚喜二，第一，二轉有醬料牛肉，燒後有味道，都好味，但之後再上牛肉没什麼味道……驚喜三，麻醬波菜，雖然麻醬味不多，起馬整潔，買相好，但不過最吾好燒烤爐太细，6人用1个爐，有點迫，想放多D肉都吾得，但直得一讚通风好得吃完身上燒烤不濃，吃过好多間有出名及不出名，吃完全身嗅到呕，最後D食物第三轉开始点了沒到，到了又不是我所点，有D失望，但都会有下次

之前見到係facebook 有介紹呢間新日式燒肉放題，特登出尼試吓既，位置係山東街，近朗豪坊都方便既。本身已經book 左位，所以一上去即刻入座。佢大部分位都係4人枱，所以2個人坐好闊落另外有要除鞋既TATAMI位比一大班人，仲有一張細既Bar 枱每人一碟醬，分別係燒肉汁、檸檬醋同、蘿蔔蓉醬睇吓Menu 有咩食先呢度雖然係新開，但落單係自己用紙寫number 落單兩位起一入座冇耐就送上剌身拼盤質素唔錯架首先叫左肉類，厚切牛舌幾好，其他都冇咩特別出色，睇樣D肉好似有醃過，但其實全部都冇味金菇，下面有汁所以有味既海蝦，OK既帶子，魷魚筒同芝士豬肉帶子份量寫1，佢係比1舊，但其他野係起碼2舊既，好confusing叫左D熟食，呢個係韓式餃子，有D軟骨幾好咬後面個枝豆，鹽都冇粒，點食Wasabi 咖哩餃子，冇咖哩味得Wasabi, 好怪.....叫左個羊架，軔到咬唔入= =胡麻凍菠菜，好食另外叫左個野菜沙律，個醬係蛋黃醬，食左兩啖冇食..芒果米紙卷，冇特別味噌湯，冇味到我以為味噌好貴囉總結: 通風唔掂，煙霧迷漫咁好焗大部分野食都冇調過味，靠既係點醬，但3款醬有兩款都係冇味架....食物用料太少

去呢間野食野之前 睇到網上面既人介紹到好好食 刺身又幾好食咁 咁就懷住好期待既心情去食呢間野 Book左位 去到等左陣就帶入位坐低等左陣送左個刺身拼盤 咁送既刺身拼盤好食 個板海膽又好食 引你order佢要加錢既刺身放題 咁我地就落左搭 叫左 先知中伏…首先同送個盤唔同質素 叫左刺身放題 一黎到竟然係無冰底！叫埋第2次都係無冰！ 我同行2個人非常鍾意刺身都食唔落 因為真係唔好食我個人第一次食室溫既刺身 都真係食唔落口 燒肉燒海鮮黎講都Ok 可以接受 不過不失 熟食最滿意都係一口芝士同炸蠔 抵讚👍海鮮餅超級難食 千其唔好叫今晚每人埋單361蚊 完全係唔值 漏單嚴重 點左幾次雞軟骨 完全無黎過 其他野都要三催四請先黎到🤦‍♀️ 環境又熱 燒到出哂汗 去洗手間介涼過食野個度 好彩侍應們都比較有禮貌 幫佢城加返分 總括黎講 呢間野我比既評分係 請我都唔會黎👋

一行4人21:30消夜時段...唔訂位一定有排等👉🏻👈🏻準時入座座位舒服👍🏻👍🏻👍🏻👍🏻👍🏻食物單跟得算足.唯獨sold out既野唔你講要問先同你講...或有甩單既佢會即時補比你（算係咁😍）食物質素...中中間間咁刺身拼盤（送）好足...唔差服務態度算有心😉選擇都好多好多😍😍😍😍飲品就比較少....因想飲茶佢冇🤷🏻‍♂️

本身想同班朋友搵地方慶工就想食燒肉放題咁岩網上見到新開既尚八就決定黎試下見到早鳥優惠$188幾抵但睇漏左星期五六日要加30蚊 唉送左碟刺新黎出奇地送既都咁好食三文魚厚切加鮮甜仲有帶子甜蝦吞拿魚油甘魚等等款色都幾多海膽我自己嘛嘛地 朋友覺得ok但我覺得唔夠鮮甜-肉類一黎就係咁叫啦牛舌👍🏻👍🏻好爽好正牛小排厚切牛牛肩牛柳粒佢擺埋一碟黎其實都分唔到邊舊打邊舊但係味道好多選擇有鹽燒/燒汁/wasabi/果汁肉類望落同食落都幾新鮮 好味-豬肉叫左豬頸肉/五花腩 都係正常水準有個好特別既芝士豬肉粒 好正 辣辣地又有芝士味-雞肉冇咩特別但中意食都可以叫 雞翼都可以 佢係切左做單骨-海鮮類燒蠔幾好味帶子還可以啦 冇咩特別蝦反而幾驚喜 大隻同爽口魷魚筒可以唔洗叫冇味加唔爽口-蔬菜類要叫紫薯粒 個人好喜歡菠蘿都幾甜燒耐d仲甜 菇菌都唔錯-最後真係要讚真係好正既係炸物朋友一致同意炸蠔要encore 脆又唔油膩 好香蠔味👍🏻👍🏻炸芝士係我食過最好味既👍🏻👍🏻👍🏻又香又脆又有熱辣辣流心芝士雞軟骨都唔錯 夠大份日或辣餃子味道新奇 酸酸辣辣咁泡菜煎餅偏咸但都ok好味豆腐純粹個人愛食 中意既朋友都可以叫 麻醬最好食芒

最差就係將所有人迫喺門口，夠鐘先可等人帶入坐，令門口迫爆，其實早十分鐘開始帶位，夠鐘先收食物飛，就可以員工客人都舒服推介👉🏻麻鹽大蒜，最怕吃蒜頭既我都覺得勁好味第二推介👉🏻炸池🐟，細細條，意外地鬆化多肉，好食👍🏻👍🏻👍🏻生牛肉，不好吃😝完全不是嗰回事👎🏻😝好驚食完肚痾芒果汁🦐米紙卷👎🏻👎🏻👎🏻😝苦的薄餅👎🏻👎🏻👎🏻難食😝大腸，ok，食得下牛舌，ok，爽😋多款牛，好鞋口，沒有牛味，沒有味道的，喜歡只食調味料的人啱曬😆😆😆青蘋果🍏🐷👍🏻好味，因為有醃🤣唔記得乜肝，又乾又臭的😝😝送既刺身，一般，夠凍😆送既燒物，乜都有D，豬牛雞翼，雞肉散曬唔敢食，粟米似執返黎的，全碟六樣食物，不好味😝總結食物味道60分，呢D價錢大把地方有更好的環境100分，每枱位置空間寬敞舒適👍🏻👍🏻👍🏻有一位置係日式建築，需要除鞋進入，襪穿洞或臭腳人仕就⋯⋯🤣🤣員工90分，黑衫員工非常有禮👍🏻👍🏻👍🏻白衫的不知所謂，行行企企，點人做👎🏻👎🏻👎🏻冇禮貌😡

很久沒有食放題，見facabook有人推介，睇完戲9:30諗住同朋友去試下仲有得平，環境尚可，但第1轉叫咗4隻蝦.帆立貝2隻，第2轉再叫得2隻蝦連帆立貝1隻都冇，第3轉乜都冇，好失望

好耐冇食個燒烤放題，之前食過燒魂一，感覺麻麻，上菜慢員工勁冇禮貌，所以一直唔敢再試事隔一段時間，見到尚八廣告好吸引（本人是牛精）先說刺身頭盤，原以為送的不會有太大期望，怎知道非常新鮮，比x喜x 還好然後是小吃，同樣沒有期望（我是來吃牛的）但竟然+分驚喜，其中蒜頭，麻醬豆腐，軟骨餃子好好吃重點來了，紅丹丹的牛😱😱😱好新鮮柔軟，牛味濃肉汁多，推介厚切牛舌，超超超超好味，濃濃的蛋白質，好回味另一驚喜，燒菠蘿，普遍會比較乾，但尚八菠蘿超多汁又甜值得再去

d單有d亂，吹d侍應都吹到唔好意思，吹完叫佢地直接入去拎，拎完黎燒，燒晒之後之前果d單先到，又要堆，整體可以接受，但單一亂就難攪，野食要燒 又要時間，唔吹佢又唔得，好希望可以改善

一行6人黎咗lee間餐廳食dinner, 聽聞係新開所以就快d黎試咗先！本身訂咗位，上到去等侍應安排座位畀我哋，好快就有得入座！侍應會主動講番收費同好物推介，幾窩心！坐低無耐就有個刺身拼盤送上，約6－7款刺身，都幾大碗！另外亦有龍蝦送，每2人就有半邊。食落啖啖肉，夠晒鮮甜呀！點完菜好快就陸續嚟，燒起來每一款都好有肉汁，一啲都唔鞋口！我哋仲加咗塊和牛$98，食落真係同其他肉唔同，真係好腍好香！我哋total都叫咗3塊！仲有唔同類型嘅海鮮添！我哋叫咗帶子同魷魚筒，好怕呢啲會好硬，但係呢度又無喎，幾唔錯，帶子亦夠鮮甜！值得一提嘅係侍應嘅服務態度真係一流，叫親換網都永無托手踭，仲好快幫你換添！如果佢哋見到枱上嘅火勢太大或太細都會主動校返，仲會話你知唔同食物燒幾耐最好添！提提大家，呢度有好多前菜同小食，最後仲有雪糕添，大家記住留肚嚟食呀！

同班Friend 睇完戲，夜夜地想食嘢，枱頭一望有間日本燒肉店叫尚八，招牌咁醒目似係新開，有個friend話食過幾like, 咁就成班衝上去，嘩！爆埸！一定係好嘢，経理哥哥好快安排左位置比我地，凳都未坐暖就攞盆刺身過來，仲有成排海膽添，我馬上一手格住就話，唔使錢呀？禾冇叫喎？點知原來真係送嘅,咁又唔同，以為送嘅就無好？哈....我哋張枱成地眼鏡碎，好味到要再叫，原來都係+$30蚊，跟著叫好多不同的牛肉呀、海鮮呀、🐷呀，總之叫完又食，食完又叫， 出去攞左無數次汽水，攪到我哋成班食肉怪又開心又滿足，連相都唔記得影，不過唔怕，我哋已經決定左呢度就係開餐長駐嘅地方，下次再補番D想，真心正，介紹各位一定要試下

今日係Facebook 度見到有個post係介紹啲間新開既日式燒肉店都係盛八集團旗下都唔會差得去邊本身收左工有啲野做所以諗住打去book時間點知原來冇得book既要自己上去walk in 不過都唔係等得好耐一行3人食左好多野另外又有刺身送都係新鮮既地方都幾好唔會好大煙點左既野食都好快送到服務質素幾好同埋度店內播放既音樂都能夠令人一路食一路keep住心情好好好多方面都唔差...但係係唯一有一方面要改改就係飲品方面選擇唔多

早幾日行過旺角，見以前盛八位置換左招牌改左名叫尚八，見佢都係做燒肉放題，決定約埋d friend今晚試試佢入到去見裝修無咩改動，但店員明顯比之前盛八有禮貌好多，我估係新老細教道有方掛？不過一於少理，醫肚緊要！一坐低佢就擺低一盤插左成板海膽嘅刺身，話係送嘅，無錯係一板海膽😍️😍️呢個新老細果然出手闊佬！可惜掛住食唔記得影相。不過原來要加30先可以刺身壽司任食，我見佢連剌身帶子都有，照加啦😊一邊食壽司一邊燒，唔駛比d香味搞到咁肚餓哈哈佢d牛肉都好多選擇，有好多口味，感覺比以前盛八有誠意好多，連牛肉剌身同牛腸呢d通常日本先食到嘅都有！而d煮物亦都好好味，推薦汁煮牛肝，炸蠔，一口芝士同雞軟骨，堅好味！燒海鮮方便亦好得，大大隻蝦都多叫多有！不旺我地等左差唔多成個鐘先入到！下次我會記得訂位先架喇！