尚八日式燒肉店 (Closed)

每次去都覺得環境唔錯 可以坐卡位 或者日式枱 又或者沙發位今次坐沙發位 員工收碟都好勤力要求換網 都好快過黎換重點係食物！ 想食牛肉刺身一定要訂早啲既枱因為每日限定100份咋！肉既質素唔差和牛都好好味！😍頭盤係刺身，然後就上肉去燒啦！火喉夠之餘 抽氣都好好 唔會好大煙衫上面得少少燒肉味文筆唔好，但整體係食得好開心 又飽燒肉放題首選！😘

大家食到好飽(⁎⁍̴̛ᴗ⁍̴̛⁎)好滿足牛肋肉片好好食😋魷魚都好正！經理態度好好，員工勁nice!!!有個年紀大少少姐姐好詳細咁推介清酒比我地，佢仲好温柔咁講厠所位置，佢哋個厠所真係幾難搵，好彩佢講我知(*¯︶¯*)總之食物係中上，環境舒服嘅，不過最印象深刻都係嗰個姐姐(｡･ω･｡)好少餐廳遇到。

第一次黎食，上菜速度十分之快，落完單吾洗一陣就到，令到我哋可以邊食邊傾計，吾洗呆等。同時服務員態度都好好，會主動詢問我地洗唔洗換鐵網同所點既食物有無上漏或出錯，值得稱讚👍🏻

前日一支公自己食早鳥燒肉放題，$238+10%講真，牛肉質素係算唔錯，本人比較prefer鹽燒無汁嗰啲厚切牛舌真係無野好彈，係有2件中左筋位，咬唔到香草雞味道偏重，但係好食嘅豬肉都幾新鮮仲有新鮮沙白蜆，有啲意外！扇貝又唔錯！壽司款式比較少，唔食都得，反正燒肉先係主角食燒肉，總要有啲飯落下肚，整碗麵豉湯，先夠完美食飽仲有時間淨，可惜自己又唔好甜，唯有早啲離場總括黎講，環境食物都唔錯，啲野都幾乾淨企理，服務就無咩特別，正正常常可以再黎

幾年前開始食尖沙咀分店，因大廈重建結業，依家要過旺角食。由以前個平價餐 連埋加一，二百蚊有找，食到而家加價都加咗好幾次，以前仲有牛小排選擇，而家都冇埋。 咁多年都一樣，肉類無論鹽味、燒汁、山葵、果味，根本食唔出有咩分別，算啦咁都冇乜所謂。重點係之前尖沙咀分店有個姐姐態度非常好，以前都會主動埋嚟幫你換下個鐵絲網，最近呢兩年 係完全沒有。尋晚喺旺角店，員工態度非常惡劣。有個阿叔問佢攞鉸剪，把鉸剪上面發霉都可以畀個客。後生嗰個好似男經理，態度一樣惡劣。係咪經濟唔好貪平請埋啲平價伙計，坐低咗之後真係明白點解你入座率咁低。舊客食咗幾年真係完全睇住你有啲咩轉變

叫了個和牛午市放題套餐，本來放假想食好d，點知係花錢買難受。一坐低就上左和牛拼盤，未燒之前賣相ok，點知燒完食，d肉無牛味又韌又乾。個驢火太猛，d肉好快就燒焦，又無吸走油烟的設備，坐在旁邊好熱。之後自己點的食物分量好少，無肉味，甚至有d怪味，尤其是海鮮類，點了一個燒汁魷魚筒，居然只上一塊好細的魷魚片。蘸的調料無法帶出食物的鮮味。飲料係紙包飲料，選擇不多，很一般。最過分的最後埋單環節，之前有人過來話要夠鐘交枱，我地已經埋單，熄爐，半個鐘之前已經last order。我朋友話去一去洗手間，我就玩住手機等，點知有個執枱的過來，好惡咁話：「你地已經夠鐘，要走啦！」我話：「我朋友去左洗手間，你可以執枱先。」距就好負氣咁拿了兩只碟走，還有瞪我。隔了幾分鐘，又有一個經理模樣的人，好無禮貌話夠鐘交枱。然後一個侍應過來，再次説了同一番話。十分鐘不夠有三個人過來逼我走。當時店裏有一半以上的座位未坐滿，無人等位，我地又已經埋單不再order食物，無人執枱又不斷趕我地走。成間餐廳從食物、環境到服務都沒有一樣是令人滿意。

店內環境比較迫.牛肉性價比同味道都幾高爐火力嚴重不足,好影響燒肉成品.再加上6人share 一個爐真係等餐死.小食炸蝦同蠔都值得一試熱門肉好快斷貨,厚切牛舌7:45 就無再出現過.我一心就係食牛舌,真係嬲左

除了有A4和牛🥩任食 仲可以任食其他種類既肉類(牛,🐖,🐔)同海鮮🐙🦐🐟一坐低職員就放低左一盤和牛拼盤 共6款:🌈分別有和牛外腿,和牛三角,和牛胸腹,和牛前肩,和牛冧,一口和牛🍽牛肉方面有唔同部位可以品嚐,的確唔錯👍🏻比較鍾意食和牛三角 ♥️入口有溶化嘅感覺 好有油香 唔需要煎得多耐 食落去鬆鬆軟軟d油脂係多勁😋食完超級滿足🤩任叫任食✌️✌️✌️可能星期一小人關係 叫左六,七round和牛,都上得快👍🏻仲會送一盤剌身(有三款:三文魚,油甘魚,八爪魚)我地三人行 每人每款可以食到一塊左右 質素正常燒物方面 叫左燒扇貝有沙😵‍💫,海蝦🦐就一般,個人就不會encore海鮮類🐙👎🏻👎🏻👎🏻

同朋友一齊去食返餐好既 食牛牛牛 叫左個貴set 因為要食好d 有A5和牛食啊 實在太正 呢個價錢有無限a5牛 真係好爽 先黎就一坐底就有盤牛可以食 完全係爭取到時間 呢方面都幾好 好貼心 牛肉方面有唔同牛牛既部位可以品嘗到的確唔錯 牛肩 牛三角 西冷牛 都係A5😍😍真係心心眼 牛肉肉質富有彈性 容易入口 嫩滑的 然後我地叫牛都食到差唔多 就叫左海鮮 不斷係咁燒蜆 d蜆都好新鮮 好好味 呢到地方環境都坐得好舒服 😌 同朋友又可以傾到計 可以大時大節黎食下

同朋友一齊嚟到呢度食燒肉放題 因為之前喺荃灣嗰間食過所以覺得唔錯就再嚟多次 一樣都係叫咗和牛套餐 咁嘅價錢食到和牛 真係唔錯非常抵食 呢度都坐得舒服嘅可以同朋友傾吓計唔會話太嘈 A5和牛會有牛既唔同部位 和牛西冷 好大塊架係 所以食太多會好飽我比較主張試吓其他牛嘅部位先 朋友食完A5和牛都覺得大贊啲牛肉質鮮嫩 係值得再可以嚟過食 除咗牛之外仲有其他海鮮可以選擇海鮮都多嘢揀估唔到都可以試到其他海鮮 海鮮識落都算新鮮嘅下次再嚟過

之前去過荃灣個間食，食完覺得幾好味，聖誕特登book 位試下去旺角分店食，食完嬲到以後都唔想去任何一間分店食明明第一轉上枱嘅真係好食嘅和牛黎，放上爐度d火係馮馮聲咁架，因為真係多油到滴哂出黎，特別係和牛冧，頭個轉嘅肉係正嘅（個舊所謂鵝肝個樣成塊過期麵包咁，咬完無吞）但係之後叫左幾轉，d肉變哂做又無牛味又韌咬十世都咬唔開嘅肉，頭幾塊係咁，算！我當我食到筋位，但之後十幾塊，塊塊都食到好似食橡筋咁最嬲係臨走最後一碟，竟然又變返正常口感和牛，咁你話代表咩啦聖誕流流特登book 位中伏中到喊哂口，免費我都唔會再食

去過尚八已經好多次，之後都係勝在價錢相宜得嚟野食又唔算差，但近幾次嚟好似一次比一次差。相隔幾個月再嚟，首先係佢哋嘅menu，我同朋友每次嚟都係食佢地最經濟果個餐，假期嚟嘅話係138+1價位，以前都會連餐附送幾款牛類，但而家成個餐cut到完全冇牛，感覺似迫d食客要食貴餐咁。第二係食物同飲品方面都愈cut愈少，最初嚟到都會有一d例如雞軟骨等等嘅小食類，同埋飲品方面選擇都愈黎愈黎少。以上兩樣都明白嘅，始終要抗通漲，所以都唔求得咁多。不過好似除左選擇少左外，質素都隨住降低。不過真係唔試過唔知，食之前見到有人留comment話間野經理態度好差，諗住都係極少數嘅唔好彩，但似乎係常態。我同朋友book 2點食，食90分鐘，心中有數都會幾趕，但入座時都冇講實係幾點交枱。但直至食到尾段果陣突然經理走過嚟好冇禮物咁講話過2分鐘後交枱，我同朋友都呆左，話我哋早左嚟要早d交枱，但事前完全冇提早提示我地要交枱。咁我哋都知自己衰，都無奈地失左預算令食物唔太燒得切，諗住睇吓有冇得通融下燒多幾分鐘唔好咁浪費，因為同場都仲有幾枱係到燒緊。2分鐘後，我哋仲好努力燒埋剩番果幾片肉，點知個經理走埋嚟一下熄左個爐，”好好” 咁

態度唔好咁不停催促，四周圍都是吉位。最後雪糕都無食到。最討厭是經理的嘴臉是如此醜惡!態度唔好咁不停催促，四周圍都是吉位。最後雪糕都無食到。食物種類少性價比低真心貴

從將軍澳過去食飯，只能說好失望，食物水準太太太太差，價錢又貴，滴野食落鹽太重手完全無辦法入口，食一口博命飲水都不定，7點入坐都是多半食物木供應，總之不去第二次了

第一次來依間尚八食日式午市放題，😊😄又幾好，有2個餐牌簡，一個係4選一，唔同價錢既放題餐，食物只來一次，其他食物可以掃code無限點，要記得點0蚊果d先包，寫價錢要加錢。飲品雪櫃任拿😎另一個餐牌就食物任上，我地簡左前者，又發現幾好，雖然食物只來一次，但都比我地apps上任點其他，唔會驚唔夠食。食物唔算好好味，又唔算唔好味，係唔包甜品，第一次食得哂放題d野，唔會浪費，因為掃code一來點餐，唔係出面拿，二來枱放唔到甘多野食，慢慢燒😄不知不覺就夠皮，不過菜唔夠多 多d更好，但燒既話都係得瓜或者茄子類，瓜係有熟食😊😊環境好舒服，無得出面拿野食反而位置闊落少少，如果收碟可以密少少更好😄😄👍😎所以都推薦依間餐廳，海鮮餐放題我叫左148果個，六日加30再加一，共193蚊左右，朋友就食左128燒肉放題果個，再加假日同加一錢....90分鐘絕對夠時間食，都不失為一邊食一邊傾計既好地方。