尚八日式燒肉店 (Closed)

叫了個和牛午市放題套餐，本來放假想食好d，點知係花錢買難受。一坐低就上左和牛拼盤，未燒之前賣相ok，點知燒完食，d肉無牛味又韌又乾。個驢火太猛，d肉好快就燒焦，又無吸走油烟的設備，坐在旁邊好熱。之後自己點的食物分量好少，無肉味，甚至有d怪味，尤其是海鮮類，點了一個燒汁魷魚筒，居然只上一塊好細的魷魚片。蘸的調料無法帶出食物的鮮味。飲料係紙包飲料，選擇不多，很一般。最過分的最後埋單環節，之前有人過來話要夠鐘交枱，我地已經埋單，熄爐，半個鐘之前已經last order。我朋友話去一去洗手間，我就玩住手機等，點知有個執枱的過來，好惡咁話：「你地已經夠鐘，要走啦！」我話：「我朋友去左洗手間，你可以執枱先。」距就好負氣咁拿了兩只碟走，還有瞪我。隔了幾分鐘，又有一個經理模樣的人，好無禮貌話夠鐘交枱。然後一個侍應過來，再次説了同一番話。十分鐘不夠有三個人過來逼我走。當時店裏有一半以上的座位未坐滿，無人等位，我地又已經埋單不再order食物，無人執枱又不斷趕我地走。成間餐廳從食物、環境到服務都沒有一樣是令人滿意。