T Café 1954 (Closed)

第一次食也可能是最後一次，因為明天就光榮結業了，特此寫食評留念。泰間昌有做餐廳，真係第一次見，亦真係全港唯一一間，裝修算有心機，見到明天結業有點可惜。餐牌有4人送一優惠，減$8等，在其他餐廳真係好少見。見橫幅有雙重芝士肉醬意粉，已好想點，但餐有田另一個芝士意大利粉，叫了，但可能就下午茶時間已賣哂意大利粉及烏冬，最後一天，沒太多要求吧！見到人家的瑞士汁雞翼通粉配大大個菠蘿油，好正咁，其實都好想試。但後來叫了芝士鮮茄焗豬扒飯，到了紙杯熱飲，有點怪，冷飲都係膠杯，環保問題外，覺得飲品細杯。但食物來又幾靚仔，大碟，味不太重，豬扒是軟身粉紅的，有慢煮感覺。另叫了下午茶餐是羅宋湯粉，羅宋湯很好喝，食物質素很高。下午茶蛋撻餐，2個蛋撻一杯茶$20, 是難得的下午茶價錢，夠街坊價。不知是否最後一天關係，缺貨及溝通問題較多，員工質素直接影響生意，但都不要緊了。唔知將來仲有冇得食Tcafe呢？

一朝早去睇早場，睇靚佬湯嘅Mission Impossible第六集。完場後，好肚餓，因為未食早餐就走去睇。我哋行咗去荃新天地嘅泰昌，食個 “好早嘅午餐。”呢度個規距，係要自己去櫃台買飛，然後拎番個數字牌返埋位，等一陣，就會有專人送上嘢食嘢飲來。睇睇今日午餐牌，好快就決定食一個正餐和一個L5馬來咖喱牛腩飯，飲品就叫了熱咖啡。上嘢超級快，先來的是牛腩飯。賣上好似好得，有一陣椰香味。裡面都有好多牛腩，食落又腍又入味。個汁係有好多黃薑的，所以只會香不會太辣，啱晒怕辣嘅人。正餐係一碗沙嗲牛肉麵、煎雙蛋和一個超巨型菠蘿油。雖然啲麵未煮得夠腍，要扣分。好彩，牛肉可以補番數，攞番唔少分，因為佢好腍，味道少少辣，好惹味。至於個超巨型菠蘿油真係好浮誇，但係，我又好鍾意。大大啖咬落去，連埋啲牛油一齊入口，感覺超正。下次去睇早場的話，可以再來encore。

今天，老細吩咐我到荃灣如心廣場個客度 follow 啲嘢，搞到好晏，連午餐都食唔到，佢仲叫我搞掂之後，盡快返去跟埋公司啲手尾，否則，星期六都要我返工。打工仔，生活艱難也!搞到成兩點，點都搵啲嘢醫下個肚，好彩，荃灣區係我主場，搵食無難度，平有平食，貴有貴食。要快要平，咪去茶記囉。離開如心廣場，行去對面的荃新天地地下，就有間懷舊茶記，我之前食過好多次了。今日，適逢其會，點都要食番個經典下午茶先返公司捱騾仔。開業數年，景況依舊，沒有再裝修，開始有點殘舊，可能想keep 住去殘舊，將來就會切切實實地成為老茶記。大鐘依然在，這一刻，你又想過誰? 樓底好高，望上天花，可以暫時拋開煩惱發呆一陣。咁晏仲有午餐食，不過，我都係揀咗食個正餐，40蚊有交易。【正餐: 沙爹牛肉公仔麵配煎雙蛋加經典菠蘿油】沙爹牛肉公仔麵，茶記必有。基本上，間間茶記都差唔多質素，不過呢間可能有啲不同，就係牛肉比較厚，所以覺得抵食啲。另外就係個湯底加咗紅辣椒，所以食起嚟會醒神啲，惹味啲。經典菠蘿油就係為咗食佢，老細whatsapp 我返去，我都唔返住。大大個菠蘿包，切開放一大塊牛油入去，一手揸住，再一口咬落去，香軟牛油溶化入口，嗰

話係CAFE, 其實是普通茶記, 不論裝修定食物都是。叫左個海鮮炒烏冬, 海鮮唔算多, 都是蟹柳片, 鳴門卷片, 同無味的魷魚圈。炒烏冬唔算好油, 唔怕咸, 熱辣辣, 還可。叫多個EGG TART做甜品, 一樣係咁多蛋, 牛油皮一樣咁好食, 不過整番熱佢會開心D LAW

經過好多次，今天就入去試下我同亞女兩個人叫左蛋撻餐$20 有兩個加餐飲我叫左熱0水再叫多個炸雞脾配薯條$40凍飲加$3 雞脾幾入味、不過份量就細左D成間cafe 裝修幾有特色Over all ok

我第一次寫食評。上星期到這間店鋪吃早餐，裝修有點懷舊風格。在收銀處點餐，點餐後返回座位，發現桌上提供的全是外賣用的即棄餐具，就連飲品的杯也是紙杯，只有盛載食物的碟不是即棄的。我不知道午餐及晚餐是否一樣。除了某些連鎖快餐店，很少食肆在堂食提供即棄餐具與食客。希望這店負責人正視這個問題，盡快改善有關狀況。 我明白做食肆不大可能不提供即棄餐具，尤其是外賣，但堂食也這樣是否比較過份？ 希望其他食客可留意此問題。

泰昌食蛋撻係人都知好食前幾年仲開埋茶餐廳呢一間冰室懷舊得來擺設又好鬼時尚點中間有個水吧枱後邊係用英文字母叫左tart 以及用西式嘅時鐘作擺設每張枱附近嘅枱號都以中國寫法嘅數目字寫上一間餐廳有晒中西既味道而我哋係喺出邊度叫嘢食嘅嘢食分為大約10個餐左右我就叫左一個主席餐裏面有沙嗲牛肉公仔麵菠蘿油 以及煎太陽蛋兩隻再加一杯飲品價錢合理其實一個餐女仔食來講係有點多個菠蘿油都幾大個沙嗲牛肉公仔麵味道都幾濃郁入邊有3大塊牛肉我就略嫌雞蛋多咗少少油菠蘿油入面夾住一大塊牛油最讚係上枱嘅時候個菠蘿包係暖既成個餐包埋杯凍飲都係＄42 一個人快食快閃。都係一個唔錯嘅選擇

今早經過泰昌 便入去試下早餐 買完餐餐坐低後 心想中伏了😰 因每枱客人都追緊早餐 情況混亂 上餐時間超級慢 目測每一個食物出餐時間相隔 10 多分鐘 我等了半個鐘先有第一份食物炒蛋多士 ⏱⏱⏱⏱ 15分鐘後再上🍜 食物質素一般 價錢比普通茶記貴少少 環境尚算ok 員工比客人崔餐時比較慌

我好喜歡懷舊主題，特別係茶餐廳，因為真係有香港特色，但食物質素真係好重要，就好似女仔無內涵，點靚都冇用！呢度環景係好好，光猛之餘，設計佈局都參考以前d茶記，但食物除左外面d椰撻好食，其他真係唔掂！睇餐牌時仲覺得唔錯！無錯！我對餐具係有情意結，見到呢個碗理應加分，但可惜我個雞翼麵真係o左嘴，3隻瘦爆單骨雞翼我已經想講搞錯，個公仔面明顯係一早煮定，發到漲曬，好難食！奶醬多冇驚喜，凍寧賓係熱架！伙記態度最似茶記，又惡又冇禮貌！下午茶都咁貴，真係冇下次！

和朋友來吃早餐，因為可以點zero。早餐選擇多，可另加錢要米粉等。雞扒不過不失。來這裡，必吃是那塊隨餐附上的多士，包包很軟，表面也烘得很香脆，少少牛奶味，令人回味。一個餐只是30元左右，分量足，ok吧。

午餐入去食，見餐牌都幾吸引，入去叫咗2個餐。點知份量少到無人有，$55 個餐，飯勉勉強強夠，但意粉嘅份量同兒童餐無分別，個碟就大嘅，雖則味道ok 但食完好似無食過。 反而之前食早餐就好好多

泰昌蛋撻非常出名，我同屋企人經常買返屋企食。可惜，我和太太剛剛帶小朋友排隊買兩隻蛋撻食。等左一陣，明明排到我，收銀員唔知點解唔理我（當時我手抱住小朋友），反而先處理排隊尾買麵包既客人。問佢點解，唔答，黑面。再問，唔理。第三次問，依然唔理。（火都嚟）我就大聲問點佢，點解我問三次，你都唔答我。直到隔離個收銀員發現左我發脾氣，同我講唔好意思，第一個收銀員依現唔道歉，服務態度極差。可能大品牌，真係唔洗做。

情人節,到處也是突意要出街消費/吃飯的情侶。估不到卻有漏網之漁，這裡人客不多,而且沒有收起平日，7點後可享八折優惠!take order 後, 餐飲第一時間送上, 未食野,飲品已凍晒o羅! 很快日式燒汁炒烏冬送到, 餸料: 雞肉,牛肉,洋蔥,雜菜 不少,。如瑞士汁的日式燒汁, 甜甜地炒烏冬, 整碟正!鐵板香煎西冷牛排配薯菜(紅酒蘑菇汁)$105, 西冷牛排(侍應會問人客，想要熟度), 要了七成. 沒想過在此可以選熟度, 所以有點期望. 可是….竟然是梳打粉”西冷”! 很不好吃! “紅酒蘑菇汁” Oh No! 一點紅酒色水都沒有, 除了上枱時, 很有鐵板喳喳聲外, 此點很差勁!

行行下街突然好想食菠蘿油，入左黎食個lunch~順便抖下隻腳~ 平時泰昌外賣蛋撻食得多，真係未試過堂食..因為我都係第一次見泰昌有餐廳... 裝修好復古feel ~ 坐得又舒服呢度叫餐, 要杯水都係自助式~ 我叫左個總裁餐，好豐富，錦多野都係$39 落單嗰時收銀仲主動問我想要邊一款既煎蛋~ 瑞士雞翼好入味..同埋我好鍾意食冰室既公仔麵，咬落去煙煙un un ~ 菠蘿油就比較遜色d.. 一d都唔脆皮~ 不過呢個價錢又真係又抵食又飽肚

招乎和食物都十分之差。個菠蘿麵包好硬，咬一口已經不想再食下去，估計是昨天的麵包。工作人員態度不友善。食物選擇不多，若能専心，比良心做好，理應不太困難。期待他們短期內改善。