嚐仙 (Closed)

同朋友係附近行街行到攰攰地就想搵個地方坐低，經過見到新開左間芋圓又難得唔洗排隊於是就決定試下啦～🤣同朋友嗌左一人一碗：·🍨小丸子一號(HKD 45)甜品賣相係唔錯嘅，但食落就真心麻麻地，裡面有芋圓、紅豆、珍珠。芋圓口感太硬，食到有點攰🥲反而小丸子不過不失，整體唔算太甜。•🍨黃金地瓜泥豆花 (HKD 45)台式豆花係比較鞋身，地瓜泥食落唔係好似薯蓉嘅質感而係會咬到顆粒嘅質地，一樣都係芋圓太韌🥲一般

其實平時都有幫襯開，不過要特登過海去尖沙咀食，而家喺銅鑼灣開店，仲要開喺波斯富街，好開心超級近，以後唔洗特登去咁遠都食到喇。新店好闊落，唔迫，坐得幾舒服，最重要係我只係買杯嘢飲都可以坐低慢慢飲，服務算唔錯，先俾錢後入座，堂座會比一個膠牌你，店員準備好之後會將食物送上，又唔使十1我覺得幾好。尋日食到好飽冇點到芋圓，只係叫咗杯芋泥牛奶，呢個飲品係我超級大愛，每次去尖沙咀我都會買一杯外賣，芋泥超香滑，唔會整到好甜，未試過堂飲，估唔到賣相咁靚，個杯仲有金邊，可以見到芋泥同埋鮮奶比例超級好，$29呢個價錢可以坐低慢慢飲唔錯，況且而家疫情喺街度飲嘢都唔係好方便，有得堂飲唔錯。下次留肚試吓佢哋其他甜品，睇吓係咪同尖沙咀嘅水準一樣先。

年近歲晚，同兩個朋友去銅鑼灣辦年貨， 途經波斯富街，行到攰攰哋，見到有間甜品店新開張，走入去坐下休息下。呢度係先係門口點嘢食付款，再去搵位坐， 因為我哋三個人，店員指示我哋坐喺最側邊嘅兩張枱， 中間有塊透明板隔住。 我哋依然可以傾到偈。叫咗三碗甜品，朋友叫咗薑湯小丸子一號＆芋泥牛奶冰，我就叫咗五式牛奶冰加小丸子朋友話薑湯小丸子一號（＄47）好正，熱辣辣薑味濃。我都試咗一啖薑湯，真係好辣好正。芋泥牛奶冰(＄43)嘅造型好靚好大，影相好似好大堆頭，但中間全部都係冰。最好食都係我揀嗰個 五式牛奶冰（＄59）再加我最鍾意嘅小丸子，加4蚊，抵！ 芋泥球＆地瓜球好綿，又唔會死甜，甜度剛剛好，極力推介食完真係好飽，晚餐都唔洗食走嗰陣時候買咗一杯芋泥鮮奶比媽咪飲，媽咪話好正，好香芋頭味，我見係用明治鮮奶，都幾落本。忘記影相添，下次再去買嚟試下先。