嚐仙 (Closed)

第一次食咗芋泥豆腐花，覺得幾好食。第二次又叫咗地瓜豆腐花，個地瓜泥變咗未？，酸酸餿餿，同外賣公司投訴，外賣公司打電話去舖頭，佢話舖頭講話自己啲嘢新鮮整，唔會變壞唔肯退錢，跟住我同外賣公司講咁你搵人嚟收返個外賣，攞返去報個舖頭，叫個經理試吓係咪變咗未？外賣公司冇理我，亦都冇退錢俾我，我晏晝仲要肚痛，成件事都好O嘴。

嗌咗人氣之選必食嘅雙芋布丁🍮好大碗好足料，除咗有芋圓同布甸但有新鮮嘅手工芋泥，配料仲有黑糖珍珠同滿滿嘅紅豆！完全係拍得上食正餐嘅飽腹感😂不過個人覺得美中不足係個味太淡，或者係健康之選？🤣

吃完飯之後和朋友路過這家糖水店，看人挺多的決定嘗試一下～✨五色牛奶冰💰60可以任選5種口味的小料，選擇都很豐富。我選了芋圓，仙草，小團子，紅豆，薏仁。芋圓和小丸子超級好吃，非常有韌性，又軟軟的。整體不會太甜，滿滿的料～

這間芋圓甜品是我最喜歡的點心之一。它們外皮Q彈可口，充滿了香甜的芋頭味道。每一口咬下去，都能感受到芋圓的獨特口感和濃郁的芋頭香氣。除了芋圓本身，還有浸泡在香甜汁液中的黑糖糖漿，讓整個甜品更加好味。

店名：嚐仙 地點：銅鑼灣波斯富街黑糖珍珠鮮奶 $36黑糖珍珠鮮奶鮮奶好滑，黑糖味適中，完全唔會過甜。黑糖珍珠份量超多，口感煙韌唔錯。黑糖烏龍拿鐵 $33黑糖烏龍拿鐵都係偏少糖，所以黑糖味唔多。茶味相對就覺得濃d，奶香都有。味道少甜健康d，不過我自己鍾意甜d。兩杯飲品都好大杯。外賣加$1。附有獨立包裝飲管。個人覺得黑糖珍珠鮮奶相對上抵飲好多，有好多珍珠咬。偏好少甜人士又想飲黑糖飲品可能會鍾意呢兩杯飲品。

去咗銅鑼灣食完晚餐一定要食返個糖水，經過見到呢一間門口有好多人排隊決定試吓。呢間餐廳主打台灣糖水，都係食雪糕、芋圓之類等等。我哋每人嗌咗一碗，份量好多，好抵食。有下次。

喺銅鑼灣食完飯梗係要食甜品啦😎由於好耐冇食芋圓，所以就嚟咗嚐仙食芋圓甜品🥰呢度有好多選擇，有唔同嘅配搭，我哋試咗好多唔同嘅野，有布甸，涼粉，紅豆，綠豆，薏米，芋泥同番薯😆餐廳冷氣好凍，食凍嘅甜品越食越凍 🥶

今次揀咗5款配料 包括芋泥 地瓜泥 珍珠 小丸子同埋芋圓 牛奶冰嘅味道香濃 加少少煉奶已經好甜 芋泥味重 而且口感綿密 食得出天然無添加糖 小丸子亦都好煙韌 唔會痴牙 不過芋圓就硬身 而地瓜泥口感就比較乾 冇芋泥咁濕潤

突然好想食燒仙草，一個休閒的下午就可以來這跟閨蜜和讓自己有me TIME ，自己叫了一個招聘燒仙草，裡面有芋泥，芋圓，珍珠，紅荳，當然還有燒仙草。當中芋圓及珍珠比較煙韌，如果湯底比較多汁或者甜度可以甜一度都無問題，因為芋泥沒有任何糖，比較淡，而且差不多食到底時已經無汁，食落去會比較乾。仙草那一種入口即融的感覺很好，不過店裡面還有其他選擇，而且每張桌都有準備紙巾給客人，這個很細心喔。

之前食過幾次，呢間台式冰呢價錢都會好親民，特別推薦佢哋嘅刨冰，60幾蚊大大碗，仲可以share食😎🍴冰淇淋五式牛奶冰 $69 (7/10)自選雪糕再加五種配料！要咗雲呢拿雪糕，芋泥、芋圓、愛玉、布丁、黑糖凍、嫩仙草！個冰係普通冰底，口感比較粗鞋，真係好古早味！牛奶冰係源自個煉奶加咗落去會有浸奶香味！呢點就真係有少少古早味？小扣分🤣嫩仙草好滑，雲呢拿雪糕係普通再嘈嗰種，甜甜哋，布甸都好滑，芋圓好煙韌，愛玉係比較偏酸，芋泥好香滑好濃芋頭味，真心係抵食嘅，兩個人share啱啱好！推薦指數: 7/10大分抵食！叫味道就冇得同Shari Shari比，不過價錢係佢嘅一半都抵食嘅，平平哋食吓都OK！係台式風味！

同朋友食完飯，時間尚早諗住去食個糖水繼續傾偈，咁啱行到呢度啱啱好又唔使等，入去職員即刻俾位～好鍾意食芋圓同布丁嘅我見到呢個「雙芋布丁」諗都無諗就叫左😜佢呢度嘅運作模式係落單時要俾錢先，然後比號碼牌你放喺枱面就有職員送上嚟🍨🍧份量嚟講佢都大碗同足料，有芋泥、芋圓、布丁、紅豆、珍珠。細食嘅女仔如果食飽飯係可以兩人share一碗。好鍾意佢個芋泥入面帶有少少顆粒感嘅口感，芋圓煙靭帶出微微地瓜味道，布丁夠滑，珍珠煙靭、紅豆不過不失，整體都唔係太甜。❇️會再去指數：4/5

係銅鑼灣行左陣街 實在太熱啦需要去食下凍野降溫🥵🥵所以係附近搵吓甜品舖😂今次我要左冰淇淋五式牛奶冰🥰雪糕提供三種味道選擇 有仙草 椰子 同埋雲呢拿本來我揀咗椰子 但係佢話冇晒🥲所以最後要咗雲呢拿味而且配料方面可以自由選擇五種我就揀咗芋圓 紅豆 珍珠 西米 仲有芋泥添🥰啲配料都幾好味 芋圓食落去唔會死實實而且都煙靭仲有俾咗好多西米 所以食啲牛奶冰嘅時候都唔會太甜不過美中不足嘅係 唔知點解啲冰溶得有啲快一邊食 一邊好似同緊時間競賽😂希望係啲牛奶冰融晒之前食曬😂

今晚早食完晚飯，經過銅鑼灣嚐仙，難得唔洗等位，即刻滿足下甜品胃。叫左個杏仁布甸🍮一號，有芋圓、水蜜桃🍑、椰果。杏仁布甸非常可愛，係兔仔造型，搖下隻碟仲會「鄧鄧」下😂好可愛，未食先加分。布甸食得出隱隱約約既杏仁味，不過淡淡既奶味相較下更為突出。芋圓食落煙韌，有口感。水蜜桃都係水果罐頭既感覺，無咩特別。椰果甜甜地，又係好好咬。嚐仙位置不多，但地方寬敞，坐得都算舒服，甜品款式都較為新穎，感覺唔錯。

這種台式甜品店在康怡係比較少，所以好受大眾歡迎，一到放學假期就排晒隊，見今日未開始有人就試吓。🍮杏仁布甸二號(芋圓、紅豆、水蜜桃)杏仁布甸是兔仔形，好得意，不過杏仁味又唔係好重；紅豆就大大粒，應該係日本紅豆🍮杏仁布甸一號(芋圓、椰果、水蜜桃)椰果咬落煙靭，好有口感🧋芋泥紅豆鮮奶($34)好足料，好多芋泥，吸管一啜就滿口芋泥紅豆，飲完一杯都幾飽😅🧋芋見桂花綠茶椰果($37)呢杯就清爽好多，椰果又有咬口，ok都算多選擇，下次可試其他。

香港人就係鐘意食完飯去甜品店食返個甜品🍮下次就揀咗嚐仙，係食台灣嘅甜品😗價錢基本上都係40-50左右，對於台灣甜品唔算平！叫咗一個黃金地瓜泥豆花🍠完全番薯味都唔知食咗咩，豆腐花都係好一般，完全不好食！