嚐仙

Open Now

Now Closed

嘗鮮由我最初得佢一間分店，食到去佢而家開得越來越多，不過佢真係開得值得嘅。嗰日仲記得係夏日熱辣辣，好想食一啲冰涼涼嘅嘢，所以就帶咗佢個招牌仙草食啦，入面相當足料，有沙冰、仙草、芋泥、紅豆同埋芋圓，芋圓好明顯食得出係新鮮整出嚟特別煙韌！而且旁邊仲有鮮忌廉俾你加入，去增加成個沙冰嘅香味，食甜品就唔好再理肥唔肥啦！食咗先講，不過認真而家好少舖頭可以比兩個人堂食都可以share一份甜品，依家真係良心舖頭，下次經過再入去食多份先

一直都好鍾意食甜品尤其是台式珍珠同芋圓之前行過見到有好多人排隊所以一直想試吓今日行過剛好有位所以坐低點左兩款經典甜品朋友揀咗芋泥仙草配搭芋圓紅豆珍珠芋泥球又香又滑我麻麻哋燒仙草不過紅豆真係軟糯香甜芋圓煙靭好口感珍珠有焦糖香味 正我點咗地瓜球配布甸奶凍同樣配芋圓紅豆珍珠我覺得地瓜泥好味好多清甜香滑 正奶凍超級滑溜 清甜可口好好味加埋花奶正到一個點不過大家要小心因為好滿 好容易漏分量實在好多$45一份好抵食大家行過真係可以試吓

之前一直沒留意過嚐仙，因為好像另一家甜品店的名聲較大，查看之下才知道嚐仙是台灣過江龍店，手工芋泥與芋圓是其招牌貨！今次都是因為妹妹外賣糖水回來，才認識嚐仙這店。雙芋仙草奶凍，外賣的賣相當然不及堂食，所以只能細嚐其味。打開盒蓋見到有芋泥﹑芋圓及珍珠，珍珠煙韌，三色芋圓的份量足夠，口感煙韌，味道夠香！芋圓有芋頭味，地瓜圓﹑紫薯圓也略帶蕃薯紫薯香。芋泥質感細滑，芋頭味香濃～～～底下還有紅豆及仙草，仙草滑溜而紅豆綿密香甜。奶味不會過重，恰到好處，整碗甜品的甜度適中。果然是手工芋泥與芋圓的專賣店，兩者到達水準，吃罷令人滿足！

燒仙草暖笠笠暖左半溶狀態嘅仙草保留到少少啫喱口感之餘又岩哂唔想食凍野嘅我😂芋泥一小球置中 其餘配料都好足料 放晒喺仙草底下芋圓唔會太食到芋頭/蕃薯🍠味但口感qq 軟硬適中甜味夾埋紅豆就岩岩好🫘

超可愛嘅小杏兔～女人係無法抗拒 每日限量嘅所以見到話 每日限量供應 我就選擇了她！同朋友選擇了 一款1 and 2號味道還不錯 不過不太驚喜～只係 兔仔驚喜左我地！不過 女人係咁架啦！靚就得啦！

👯運動後, 來一點甜,感覺特別滿足😍🥰黃金地瓜泥布丁 $45黃色蕃薯做嘅地瓜泥,番薯味好香甜, 紅豆口感夠綿,珍珠芋圓超彈牙,滿滿的一碗好足料😋雙芋仙草奶凍 $45三色芋圓口感夠煙韌, 加大大嚿嘅芋泥, 芋頭味濃入口軟滑😋紅豆夠軟綿, 仙草滑口得嚟好有口感👍整體唔會太甜🥰雖然是一間小店,座位不多但係有堂食, 能夠閒坐休息一會價錢合理, 再回頭率高😍

想食台式甜品嘅晚上，收工就走去買！近近地尖沙咀嚐仙～仲成功引導同事一齊去🤣係去嘅途中我已經諗好食啲咩LU😌黃金地瓜泥豆花$46本身只係想起芋泥，因為之前食佢個芋泥幾好食所以記住了，不過今晚見到餐牌上面有地瓜泥就試試啦！外賣嘅賣相係咁上下😂加上我走珍珠、走冰又淨啲嘅！首先地瓜泥冇芋泥咁好味😗芋圓就依舊好好食啦，紅豆正常！豆花就比想像中冇乜豆味～下次都係食返芋泥、仙草呢啲穩陣😛同埋始終啲野係堂食好啲嘅，啲食肆快啲正常返就好啦！

我係外賣拎走食既 外賣之後15分鐘內享用所以應該唔關放耐左事👍🏻店內得兩名員工 其中一名收完錢就落手整可能工作壓力大啦 一路整連放低個兜都大大聲態度係西到震 不過員工幾西對我影響不大我在乎既係食物質素 叫左個五式燒仙草留意番呢間野得熱同常溫 鐘意凍食既人唔洗諗一試 簡單就係所有嘢都係熟既 放埋一齊但係全部都冇味 我平日飲嘢係叫微糖而佢嘅正常係冇味 好似用水恰 係加埋個仙草食都冇味 然後唔凍又唔熱怪怪地咁我揀左紅豆 小丸子 芋泥 芋圓 湯圓當中想特別介紹個芋泥 望落係一大舊野 口感係泥膠小丸子同湯圓好似一堆過熟粉其他分店我唔知 但尖沙咀既係唔需要有第一次嘗試😊👍🏻

紅豆湯2號（芋泥、珍珠、小丸子）$50加花生 $4今次係嗌美食平台,送到屋企都仲幾夠熱。紅豆湯好水，豆同糖水嘅比例大概係1:5。另外芋泥其實係一舊圓形嘅芋頭，只不過係煮到個外層溶溶地，我覺得佢唔算得上係芋泥。花生綿密，珍珠煙韌，呢兩種配料確實唔錯。都算幾大碗，如果個紅豆沙可以無咁稀就更加好啦。

嚟到尖沙咀想食芋圓，坦白講本身係想食鮮芋仙😂但係實在太多人排隊，冇耐性嘅我定轉場，去咗後一條街嘅嚐仙。.舖頭細細，座位唔多，仲坐得好迫，都幾唔舒服。我哋坐近門口位，啲人出出入入仲成日唔小心撞到，呢個體驗認真麻麻.😋黃金地瓜泥豆花呢碗有地瓜泥、豆花、紅豆、珍珠、芋圓，好足料成碗滿晒！地瓜泥特別出色，真係好香番薯味，番薯係用咗黃色番薯，好香甜，唔錯！其他配料都冇乜特別，都係正常發揮。.留意返，地瓜泥只有凍食冇熱食，如果怕食凍嘢嘅女仔可能要揀返其他甜品～

「雙芋仙草奶凍」$45，賣相好精緻。芋圓有3個顏色，芋味好香，口感好，比鮮芋仙芋圓好食。芋泥大大舊，慢慢刨幾開心 😂 整體甜度適中.食過3次，水準穩定。晚上排隊都唔會太犀利，推薦～

🍽嚐仙🍽holiday mood 附近做完野☺️ 想食d 甜野開心下❤️就搵個位坐低嘆下😎 雖然地方唔算闊落 但都可以接受 店內以深木色調為主有少少懷舊feel🙈睇左餐牌後終於下決定🌟點左...🍡🧋五色燒仙草任選5種配料我就要左紅豆、芋圓、珍珠、小丸子及薏仁🥰🍡芋圓、小圓子同珍珠都好煙韌紅豆同薏仁煮得剛好 🤤熟得黎軟而不散😳燒仙草真係好香甜又好滑🌞好溫暖嘅感覺整體甜度恰到好處☺️ 唔膩好多口感放埋一齊💋好豐富好滿足🤩係收爐前享受下

黃金地瓜泥仙草奶凍 $45 (地瓜泥、芋圓、珍珠、紅豆)，另加芋泥 $8 平時好鍾意食 ”鮮芋仙”，係因為佢個芋泥太好味，今日去開尖沙咀，見呢度有款 ”鮮芋仙” 無嘅嘢，就係地瓜泥，好奇之下外賣咗一碗返屋企食，其實材料間間都係差唔多，味道同口感都係差唔多，而最令我期待嘅地瓜泥就有些少失望，因為地瓜泥有好多根，而且好易散開溶化，所以唔可以攪咁多同盡快食，幸好味道超正搭夠，真係好有地瓜味，總算失望中帶點驚喜，除此之外，推介有芋泥同紅豆，前者細緻綿滑，而後者腍兼起沙，必食！其餘配料芋圓就好一般，因為粉味太重，而珍珠就煙煙靱靱幾好味，下次行開見到 “嚐仙” 我都會再幫襯。

2021年有點難捱，最後一天，來一點甜，希望明天開始會有新希望🌟·講起芋圓，相信大家都成日拎兩間過江龍黎比較，我自己都食過呢兩間，但依然覺得嚐仙好啲😂😂😂雖然我見好多人都鍾意另一間多啲🤣·1️⃣五式牛奶冰($55)可以自選五款配料，煙韌控嘅我必揀芋圓、小丸子、珍珠，仲揀左布丁、仙草/紅豆，一上枱，個份量多到嚇親我😂😂另外仲會跟左一小杯煉奶，倒埋落去更濃味🤤芋圓、小丸子同珍珠都好煙韌，布丁好香滑，仙草都好滑溜😆如果唔加煉奶，牛奶冰底會無乜味，如果牛奶冰碎啲會好啲，雖然食食下都會融晒🤣·2️⃣五式燒仙草($56)呢款都係可以自選五款配料，A先生㨂左芋圓、小丸子、芝麻湯圓、紅豆同珍珠，一樣大大碗，呢款係熱食的，但我地有一次食呢款啲仙草係熱到融晒🥲上枱就已經完全無左影，不過職員落單果陣都有講過會係咁，但第一次食都唔係融晒😮‍💨所以自果次之後A先生就轉左食五式黑糖冰，就唔怕仙草融到唔見晒🤣·整體黎講，性價比高，份量比鮮芋仙多，同埋可以自選真係幾好，鮮芋仙無得自選，好多配料我都唔食，小丸子又要加錢先有🥲🥲不過嚐仙水準參差，有時芋圓好軟糯煙韌，有時又好似未煮夠咁有少少硬🤫但小丸子同珍珠份量真係超多，夠晒煙韌

今日行過尖沙咀，想食糖水又唔想成日食鮮芋仙，見到呢間咪打算試下，點知係惡夢既開始⋯我哋22:10 左右到，排左15分鐘左右坐低，叫左一個熱荳花一個冰，點知22:55先第一個荳花到⋯個荳花係常溫，d配料全部都係凍（但佢個menu 話係暖心系列wor)...如果係凍既，請問你點解要等成半個鐘？係咪洗唔切碗？23:05都未見到個冰🥱 思疑佢完全無人手做堂食，只係出哂d外賣⋯邊個時間太多就記得黎呢度打發下啦🙄🙄🙄我自己就無下次啦