嚐仙

Open Now

Now Closed

黃金地瓜泥仙草奶凍 $45 (地瓜泥、芋圓、珍珠、紅豆)，另加芋泥 $8 平時好鍾意食 ”鮮芋仙”，係因為佢個芋泥太好味，今日去開尖沙咀，見呢度有款 ”鮮芋仙” 無嘅嘢，就係地瓜泥，好奇之下外賣咗一碗返屋企食，其實材料間間都係差唔多，味道同口感都係差唔多，而最令我期待嘅地瓜泥就有些少失望，因為地瓜泥有好多根，而且好易散開溶化，所以唔可以攪咁多同盡快食，幸好味道超正搭夠，真係好有地瓜味，總算失望中帶點驚喜，除此之外，推介有芋泥同紅豆，前者細緻綿滑，而後者腍兼起沙，必食！其餘配料芋圓就好一般，因為粉味太重，而珍珠就煙煙靱靱幾好味，下次行開見到 “嚐仙” 我都會再幫襯。