天一榮天豬扒、雞煲專門店 (Closed)

今日十一點三左右叫外賣，已經唔係繁忙時間，叫四個豬扒飯，等成粒鐘都未有得拎，嘢食唔係特別好食，都唔知點解要搞咁耐，做唔切就唔好做外賣啦！食個早午飯都嬲到震！下次係咪要預個半鐘前叫外賣呀？已經唔駛㗎啦！唔會有下次！

今日朋友帶左我去觀塘剪頭髮💇‍♀️因為又要電髮又要染髮，所以咪問髮型師呢頭有咩好食幫我哋叫過外賣啦，佢就介紹咗我哋呢間鋪頭叫外賣，佢話佢日日都吃，好有屋企飯feel😂😂咁我就食咗個”避風塘椒鹽豬扒飯”，而我朋友就食”招牌葱油豬扒飯”我哋覺得好味到不得了，嗰塊豬扒超厚，又多葱油👍🏻👍🏻👍🏻超野味😋😋😋😋😋仲有佢個”凍紅豆奶茶”超好飲，從未飲過咁好味🥤還有個小食 ’麻辣木耳‘麻香味撲鼻到不得了。我真冇諗過，食外賣都可以有咁正嘅野食！

麻辣木耳幾香既 辣未都幾重下 麻香味都唔錯 另外 腩汁好香 加埋蘿白好入腩汁味😋😋😋😋 而蕃茄蛋方面都幾多下 蕃茄唔會話好酸🤣 另外加5蚊就可以追加一款小食 另外加凍飲都淨係要兩蚊

新開業的餐廳水準非常穩定，外賣送遞時間理想。價錢合理，自取有9折優惠。食物方面招牌豬扒，厚厚的豬扒醃得夠腍夠鬆軟，配埋葱油簡直天衣無縫。葱粒顏色翠綠而且夠香。會再試其他豬扒飯，例如炸豬扒及咖喱豬扒。另外奶茶夠香濃夠滑，很好味！菠蘿冰的菠蘿經過特別處理，特別甜的，愛甜的人必定喜歡。小食試過芝士餐肉蛋牛四重治，果然夠邪惡，但又很滿足！炸燒賣不嬲係我至愛，點麻辣醬係絕配！驚喜位係個外賣員年輕又有禮貌，今時今日呢種服務態度值得一讚！

叫外賣叫咗一個豬扒麻辣米線同焗爆醬芝士豬扒飯。先係個米線，認真未食過麻辣米線係公仔麵味精湯加七味粉就叫麻辣請問麻係邊？辣係邊？啲味精極其攻鼻難頂再嚟又一個極品，焗爆醬芝士豬扒飯，真係一塊(可能係兩塊有深淺色)芝士撻落塊豬扒，有無焗過有無爆醬已經唔想深究，係一滴汁都無，大家想像下一塊乾爭爭嘅豬扒加一塊芝士再加一盒白飯，打開嗰下已經唔開胃，食一啖更加係不得了，乜味都無又乾啃！真心未食過一間餐廳係咁差如題，十個難食佢最少有十一個